رواية أحببتها بعد زواجنا الفصل الأول 1 بقلم فاطمة مصطفى

هتتجوزيه يعني هتتجوزيه مش بمزاجك انتي مين اصلا علشان تقولي رأيك هاا 

يا عمي انا عايزه اكمل تعليمي و مش عايزه أتجوز  دلوقتي خليني انزل اشتغل و اصرف على نفسي 

لا مش انتي اللي تمشي كلامك عليا و خلاص الفرح الاسبوع  الجاي و سابني و مشي 

انا هبه عندي 19 سنه في أولى كليه و معنديش اخوات و بابا و ماما مايتين و انا عايشه مع عمي و عمري محسسني انه عمي او عمره ما حس بيا خاالص بيفضل أولاده  عليا و عايز  يجوزني لواحد انا معرفهوش علشان يدمر باقي حياتي و هو يهمه اي هو كل حاجه عنده الفلوس و انا و لا اي حاجه بالنسبة له  

عدا اسبوع عليا لا باكل و لا بشرب و لا عارفه انام لحد ما جه اليوم الموعود كتب الكتاب  

مرات عمي: يلا  يا هبه الميك اب ارتست جت علشان تجهزك 

بس انا مش عايزه ميك اب 

مرات عمي: مينفعش انتي عروسه عايزاهم يقولوا علينا اي 

يقولوا اللي يقولوه ميهمنيش 

مرات عمي:  اندهلك على عمك يعني و لا اي 

و تحت ضغط عليا حطولي ميك اب خفيف و لبست الفستان و لفيت الطرحة و طلعت 

كنت قاعده حاطه وشي في الأرض و بفكر هعمل اي واعيش ازاي مع واحد انا مش بحبه و مش عايزه فضلت شارده و مفوقتش غير على جملة بارك الله لكما وبارك عليكما وجمع بينكما في خير 

حسيت كأن قلبي وقف و خلاص حياتي انتهت على كدا 

عمي: يلا علشان تمشي مع جوزك مستنيكي تحت 

نزلت ركبت العربيه و هو مشي بينا و انا مش عارفه اعمل اي حاجه و لا عارفه اقول اي 

هو : مش حابه تعرفي انا مين 

مش فارقه معايا 

هو: انا مؤمن السيوفي خريج كلية هندسة و ماسك كل شغل بابا الله يرحمه 

كملنا الطريق و وصلنا لحد فيلا كانت جميله جدا كل حاجه فيها منظمه و تحفه فنيه فعلا 

دخلنا الفيلا و انا متوتره جدا و قلقانه و مش عارفه اعمل اي 

مؤمن: أوضتك  هتلقيها على ايدك اليمين و انا هنام في الاوضه اللي جنبك و لو عوزتي اي حاجه اندهي عليا ماشي تصبحي علي خير 

و انت من اهله 

بعد كلامه حسيت  بأمان و دخلت  اوضتي كان فيها لبس خدت بيجامه بينك و غيرت هدومي و فكيت شعري و نمت 

تاني يوم الساعه 8 الصبح رن المنبه صحيت اتوضيت و صليت و جهزت الفطار و روحت اصحي مؤمن 

دخلت عليه كان نايم شعره البني نازل على وشه و ابيض كدا حاجه تهبل 

اي اللي انا بقوله دا استغفر الله العظيم 

مؤمن: اصحى علشان تفطر 

مؤمن: حاضر روحي و انا جاي