رواية طموح امرأة الفصل الثالث 3 بقلم حنين الماضي

رواية طموح امرأة الفصل الثالث 3 بقلم حنين الماضي

رواية طموح امرأة الجزء الثالث

رواية طموح امرأة البارت الثالث

رواية طموح امرأة الحلقة الثالثة

_________________________
زين طلب من حازم أنة يرد على صاحبهم العريس اشرف اللى طلب زلابيا للزواج ، وطبعا حازم استقبل الموضوع بهدوء تااام وقال لزين أنة هيتصرف 🤔
حازم بعد ما وصل اختة رنا فالمكان اللى متفقة مع زلابيا فية ، مشى فى طريقة لاشرف صاحبهم عشان يبلغة برأى زين وزلابيا فالموضوع ..
🤔🤔🤔🤔🤔🤔🤔🤔
حازم رن على اشرف
📲📲📲📲📲📲📲📲
اشرف : الو
حازم : أية يا كبير عامل أية؟
اشرف : الحمدلله اية اراضيك فين كدة ؟
حازم : انا تحت البيت عندك انزل شوية
اشرف : فى أية خير
حازم : يا عم انزل خير
اشرف : ماشى
🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️

اشرف : ما تيجى تطلع بدل وقفة الشارع دى
حازم : عندى دروس كمان ساعة فقولت اعدى عليك
اشرف : مالك شكلك عاوز تقول حاجة
حازم : بص انت صاحبى وحبيبى وزين عشان بيعزك اتحرج يكلمك لان الموقف بالنسبالة حساس
اشرف : اة فهمت خلاص
حازم : فهمت أية متستعجلش
اشرف : موضوعى مع اختة
حازم : مافيش مشكلة بس هى البنت مش عرفاك وهو كلمها قالتلة أنها متعرفكش خالص وزيها زى اى بنت تخاف يتحسب عليها خطوبة
أشرف : وهى خافت من قبل ما تشوفنى!!
حازم : انت عارف بقى تفكير البنات
أشرف : والمطلوب
حازم : بص هى بتيجى عندنا كتير تشوف اختى ، وبتقعد شوية ،لو حابب تيجى وهى موجودة وتقابلها وتتكلم مافيش مشكلة
اشرف : وأفرض انا عملت كدة واحرجتنى
حازم : هتحرجك لية هو انت داخل تتخانق
أشرف : طيب هعرف ازاى أنها عندك
حازم : هعرف انا واقولك بس انت خليك جاهز
اشرف : وزين عندة علم
حازم : زين كان حابب يقفل الموضوع خالص بس انا فكرت وقولت نوفق فرصة للكلام ومناخدش من برة الموضوع
أشرف : عندك حق ودة الصح لكن تصرف زين غلط
حازم : هى اختى وتعز عليا وانت اخويا واتمنى اناسبك طبعا وربنا يكرم ان شاء الله
أشرف : شكرا يا رجولة عقبالك كدة
حازم : هههه لا انا اشجعك انت بس ،لكن انا لا هههههههه
أشرف : ماشى يا عم بكرة تقع زيى هههه
حازم : للدرجادى واقع هههه
أشرف : يعنى جمال واخلاق واخت وقريبة اعز الناس ليا يبقى لية لأ
حازم : معاك حق يا صاحبى ربنا يوفقك وكل حاجة تمشى ان شاء الله
أشرف : ان شاء الله
حازم : هسيبك بقى الحق مشاويرى
أشرف : ماشى مع السلامة
حازم : الله يسلمك سلام
🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️

رنا : الرخم دة مش كان وصلنا
زلابيا : يا بنتى كدة احسن عشان نتحرك براحتنا
رنا : انا معرفش مش كنا بدلنا اخواتنا وانتى تاخدى حازم وانا اخد زين هههه عالاقل زين فرفوش كدة
زلابيا : ههههه الحمدلله أن اخويا زين
رنا : هههه معاكى حق
🥰🥰🥰🥰🥰🥰🥰🥰
زين : نور هو انتى زعلانة بجد ؟
نور : ايوة طبعا زعلانة من اسلوبك وقولتلك مبحبش طريقة الكلام دى
زين : يا بنتى بهزر معاكى بطلى كل حاجة تاخديها جد كدة
نور : متصل لية دلوقتى عاوز اية؟
زين : أية عاوز اية دى 🙄
نور : ايوة عاوز اية
زين : طالب القرب
نور : هههه ماشى
زين : أية دة موافقة كدة من غير طلبات ،عروسة لقطة هههه
نور : نعم نعم من غير طلبات لية ان شاء الله محروقة ولا مشلولة
زين : اعوذ بالله أية ماسورة الطوارئ اللى فتحت فى وشى دى
نور : ههههه بفهمك بس
زين : فهمت وحرمت هههه
نور : هتخطبنى امتى
زين : يا بنتى اتقلى شوية خلينى اقول الكلمتين ،انتى كدة هتشكيكينى
نور : ههههه طيب قول خلاص ،كنت بشجعك بس
زين : لا متشكر انا متشجع لوحدى 😂😂😂
نور : اخلص بقى وانطق
زين : انا شكلى دبست نفسى 😂
نور : طب اقفل يا زين
زين : 😂 خلاص خلاص هتكلم
نور : انطق
زين : بصى يا بنت الناس، عندنا شاب ولا عنتر فى زمانة ، سمعتة زى الشعراوى ورجولتة عمر الشريف واهلة ولا عيلة محمد على فى زمانة وطالب القرب من سيادتكم ها قولتى أية ؟
نور : 😂 لا متجوزش رجولة عمر الشريف
زين : نعمم لية ان شاء الله
نور : بتاع ستات
زين : ستات أية 😂 انا اقصد رجولتة فى شكلة وتصرفاتة مش نزواتة
نور : اة كدة موافقة 😂

زين : موافقة على طول كدة مش هتفكرى ساعة طيب 😂
نور : زين اقفل معندناش بنات للجواز
زين : 😂 هتعنسى يعنى
نور : لا هتجوز من عيلة عثمان باشا إذا كان عجبك
زين : دة انا اااقتلك
نور برقة : بجد
زين : ماشاءالله فرحانة انى هقتتلك
نور : امم
زين : هقتتتتلك كل يوم ولا تزعلى نفسك
نور : كل يوم ازاى
زين : بعدين اقولك ،بس علشان هدخل فى مود تانى وهتسيطرى عليا وبعدها هتقفلى وانا هفضل أكل فى نفسى .
نور : 😂 ماشى
زين : الجماعة عندى يرجعوا من برة واتكلم معاهم ونتفق على ميعاد واتصل أبلغك الاول وبعدين اكلم عمى
نور : ياااااة يا زين اخيرا
زين : تخيلى جة الوقت اللى نتكلم جد فية
نور : فرحانة اوى
زين : لسة ما اجيلك وأحط دبلتى فى ايدك
نور : نفسى اليوم دة يجى بسرعة
زين : خلاص قرب وهاجيلك
نور : احلى يوم
زين : وبعدين وبعدين اصحى كدة هنضيع 😂
نور : 😂 صحتنى فعلا
زين : 😂 طيب هسيبك دلوقتى ولما اوصل لحاجة هكلمك
نور : ماشى
زين : خلى بالك من نفسك سلام
نور : مع السلامة
😍😍😍😍😍😍😍😍
زلابيا : بصى الطقم بقى شكلة حلو ازاى
رنا : دة حلوو اوى
زلابيا : بصى لما نروح اتعاملى من باب أن احنا بقالنا سنة فالسوق وقولى على أسماء اتيليهات بس من بعيد شوية
رنا : افرض راحوا سألوا
زلابيا : مش هيسألوا لانة عرض وطلب
رنا : طيب خلينى اشوفك انتى هتتكلمى ازاى اول مرة وانا هتكلم بس بعدك
زلابيا : ماشى
رنا : الحقى فى ناس جوة الاتيلية هنتكلم ازاى
زلابيا : دى احسن حاجة
رنا : ازاى يعنى
زلابيا : بتعرفى تزغرطى
رنا : نعم 🙄

زلابيا : انتى زغروطك حلوة زغرطى للى لابسة الفستان دى وبتقيس وابتسمى حلو وانا هكمل
رنا : ماشى لولولى لولولى لولولى
زلابيا : الف الف مبروك الفستان حلو اوى عليكى ومنورك ماشاء الله
ام العروسة : شوفتى مش بقولك حلو عليكى وانتى مش مصدقة
العروسة : انتوا شايفين كدة
رنا : قمر يا حبيبتى
زلابيا : سبحان الله كنا معديين وعجبنا الفستان وهرشح خطيبة اخويا تيجى تاخد من هنا لان موديلاتهم جميلة وشيك
صاحبة الاتيلية بفرحة : اهلا وسهلا بأى عروسة وتحت امركوا
زلابيا : اصل هى ملهاش خالص فى انها تلف وتدور واحنا قولنا نشوفلها حاجة على ذوقنا وبعدين نقولها ،دة حتى طقم الاكسيسريز انا عملتة مخصوص علشانها احب اخد رأيكوا قبل ما اديهولها ؟
العروسة : 😳 حلو اوي ماشاء الله معقولة انتى اللى عملاة
عروسة ٢: ممكن اشوفة لو سمحتى
زلابيا : اة طبعا اتفضلى حبيبتى
صاحبة الاتيلية : تعالى طيب اوريكى فستان ممكن يعجبك على ما يشوفوا الطقم
زلابيا : ياريت ، رنا خلى العرايس يشوفوة براحتهم
رنا : ماشى
صاحبة الاتيلية ( أمل ) : انتى دخلتك الاتيلية حلوة اوى وانا نفسى فرحت وافتكرتك تبع العروسة 😂
زلابيا : انا بفرح لأى عروسة وبحب ابارك حتى لو حد معرفهوش
أمل : طيب قوليلى انتى فعلا اللى عملتى الطقم دة ؟
زلابيا : اة انا هو وحش ولا أية😳
أمل : بالعكس حلو اوى وانا اصلا معنديش الشكل دة
زلابيا : دة انا بقى بجيب رسمة من كل مجلة واصمم لاصحابى فى أفراحهم
أمل : طيب عندك مشكلة تيجى نشتغل مع بعض؟
زلابيا : ازاى

أمل : يعنى مثلا فرح اخوكى امتى ؟
زلابيا : لسة مش اقل من شهر
أمل : طيب الطقم بياخد معاكى وقت أد أية ؟
زلابيا : ٣ ايام كاملين
أمل : طيب كويس اوى ،، عندك مانع اخد منك الطقم دة دلوقتى ؟
زلابيا : تاخدية ؟؟
أمل : هشترية منك أية رأيك ؟
زلابيا : انا بخاف من حتت الشراء دى عشان محدش هيقدر تعبى فية وعشان كدة بعمل لاصحابى بس
أمل : طيب بتبعية لاصحابك بكام ؟
زلابيا : مش اقل من ١٠٠ ومش كلة سعر واحد
أمل : طيب اخد منك دة ب ١٢٠ مبدأيا
زلابيا : ١٢٠ ؟
أمل : بصى هشترية منك لكن هأجرة للعرايس
زلابيا : طيب يعنى هتأجرية مش اقل من ٥٠ صح
أمل : هههههه لا اكتر عشان مكدبش عليكى
زلابيا : يعنى هتجيبى تمنة على مرتين مثلا ؟
أمل : ههههه عاوزة اية طيب
زلابيا : انتى قولى بقى 😂
أمل : ٢٠٠ ماشى كدة بس مش هينفع اخد بالسعر دة على طول يعنى اعمليلى مثلا فالشهر خمس اطقم مختلفين واخدهم منك بس تعملى معايا واجب بقى
زلابيا : طيب عشان خاطر انا بحب الاتيلية بتاعك وواخدة عهد على نفسى لما اتخطب اجى اخد فستانى من عندك
أمل : ساعتها بقى هعمل معاكى واجب محترم
زلابيا : هههه خلاص اتفقنا
أمل : اتفضلى الفلوس
زلابيا : مبروك عليكى
أمل : تعالى بقى نشوف العرايس،والمرة الجاية اخد رقمك عشان نعرف نتواصل
زلابيا : ماشى
رنا : الطقم حلو عليهم كلهم هههه
العروسة : انا ينفع اشترية منك دلوقتى
أمل : هو بقى تبع الاتيلية لو تحبى تأجرية
العروسة : ياريت وابقى متشكرة جدا

زلابيا بصوت واطى: زغرطى يا رنا
رنا : لولى لولى
أم العروسة : زغروطك حلوة يا حبيبتى عقبالكوا كدة تفرحوا زى ما فرحتونا
زلابيا : الف مبروك وربنا يتمم على خير ..
رنا : سلام عليكوا
😍😍😍😍😍😍😍😍
رنا : عملتى أية
زلابيا : خودى
رنا : 😳😳😳
زلابيا : 😂😂😂 أية رأيك بقى
رنا : يا قردة ازاى كدة
زلابيا حكت كل اللى حصل بينها وبين أمل
رنا : انتى عارفة المكسب كام
زلابيا : ٣ أضعاف الحمدلله ولسة فى شغل تانى
رنا : طيب هنعمل ايه دلوقتى
زلابيا : متجيبيش سيرة لحد خالص خلينا كدة مع نفسنا وكل اسبوع نشوف مكان تانى وبفكر فى حاجة كمان
رنا : هى أية
زلابيا : لية نكتفى بالاتيلية بس ،ممكن نروح الكوافيرات كمان وشوية شوية نعمل بورموشن أية رأيك
رنا : لالا براحة كدة احنا لسة فالاول
زلابيا : شهر وهتلاقينا بقينا حاجة تانية😂
رنا : تعالى بقى نشهيص على نفسنا
زلابيا : انتى ٥٠ وانا ٥٠ وال ١٠٠ الباقية مع باقى الحاجات اللى عندنا نعمل بيها كام طقم ماشى ؟
رنا : هاخد ٥٠ لولولى 😂

زلابيا : 😂 لا الزغروطة بتاعت هناك احلى
رنا : 😂 قوليلى هتيجى امتى عشان نعمل بقى الشغل الجد
زلابيا : هقول لبابا لما ارجع البيت انى هقضى الخميس والجمعة معاكى
رنا : يعنى بكرة صح
زلابيا : اة
رنا : فرحانة ومش مصدقة
زلابيا : 😂😂 وانا كمان ،يالا نجيب ايس كريم وشيكولاتة
رنا : وشاورما بقى 😂
زلابيا : يالا احنا معانا فلوس 😂

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية طموح امرأة)