رواية من نظرة حب الفصل الحادي عشر 11 بقلم الكاتبة الصغيرة

رواية من نظرة حب الجزء الحادي عشر

رواية من نظرة حب البارت الحادي عشر

رواية من نظرة حب الحلقة الحادية عشر

مر الوقت ونسمة كانت خلصت شغلها وطلعت من القصر عشان تدور علي تاكسي لكن قاطعها صوت من وراها
مالك : يلا عشان اوصلك
نسمة : انت تاني
مالك : ايوة ويلا عشان متتاخريش اكتر من كدة
نسمة : انت عاوز اي بالظبط
مالك : انا عاوزك تتعودي علي كدة لاني هوصلك كل يوم ومتتوقعيش اني اسيبك
نسمة : انا مش هجادلك اعمل اللي انت عاوزه
مالك : ايوة كدة شطورة
نسمة في سرها : شطورة انت فاكرني طفلة ياتري عاوز مني ايه
وقف مالك بالعربية قدامها وهي ركبت من غير كلام وهو كان فرحان بكدة
مالك : قوليلي ي نسمة هو انتي اشتغلتي عندنا ليه
نسمة : تقصد اي يعني
مالك : يعني ايه الاسباب لكدة
نسمة : عشان اكل العيش
مالك : هو انتي مخطوبة
نسمة : لا
مالك : ولا مقري فاتحتك
نسمة : لا بس انت عاوز اي
مالك : لا ابدا مفيش بسال عادي
نسمة : اه بتسال عادي
مالك : مالك فيكي حاجة
نسمة : لا ابدا مفيش
فضلوا ساكتين لحد ما وصلت نسمة ونزلت في المكان اللي بتنزل في دايما مشي مالك وهي دخلت العمارة وحمدت ربها ان مفيش حد شافها دخلت الشقة وكانت ملك مستنياها كالعادة
ملك : اتاخرتي النهاردة ليه
نسمة : علي ما خلصت شغلي
ملك : طب تعالي يلا كلي لقمة
نسمة : لا انا كلت هناك
ملك : نسمة انا كنت عاوزة اقولك علي حاجة
نسمة : في اي ي ملك
ملك : في واحد عاوز يطلب ايدي
نسمة : مين دا وعرفتيه ازاي
ملك : طيب اقعدي وانا هحكيلك علي كل حاجة
نسمة : اهو يستي قعدت قولي يلا
ملك : هو شاب بييجي يوصل ابن اخوه وشافني وبقي كل يوم ييجي يوصله لحد ما النهاردة وقفني وطلب اننا تخرج لانه عاوز يتكلم معايا
نسمة : وخرجتي معاه
ملك : اه فضل يتحايل عليا وقال انه عاوزني في موضوع مهم واننا هنقعد في مكان عام ولقيته بيقولي انه بيحبني وعاوز ييجي يطلب ايدي
نسمة : وانتي قولتيله اي
ملك : قولتله يسيبني افكر
نسمة : وهو عارف ظروفنا الاول واللا كلام هو
ملك : مش هتصدقي لو قولتلك انه عارف عني كل حاجة حتي اكتر مني يعني عارف ايه الكل اللي بحبه وايه اللي مبحبهوش وايه العصاير اللي بحبها وايه اللي مبحبهاش وعارف اني يتيمة وعايشة معاكي وعارف انا متخرجة من جامعة ايه وحتي عارف عنوان البيت
نسمة : كل دا ي عيني دا الواد وقع ولا حدش سمي عليه
ملك : بس انا خايفة
نسمة : من اي ي حبيبتي
ملك : خايفة لو وافقت يندم في يوم انه اتجوز واحدة زيي
نسمة : وانتي فيكي ايه دا انتي الكل يتمناكي
ملك : انا بتكلم علي الظروف
نسمة : انتي حبتيه ي ملك
ملك : مش عارفة ي نسمة مش عارفة
نسمة : حبتيه لو مكنتيش حبتيه مكنتيش هتخافي انه يندم بعدين
ملك : اعمل اي دلوقتي دا هو قال انه هييجي يسالني بكرة اذا كنت موافقة واللا لا
نسمة : هو اسمه ايه
ملك : زين
نسمة : بصي انتي شكلك حبتيه وانا اكيد مش هرفض وافقي ي ملك وبردوا مفيش حاجة هتحصل الا لما نعرف عنه كل حاجة
ملك : يعني دا رايك
نسمة : اه ويلا ادخلي نامي عشان نعرف نصحي بدري
🥀🥀🥀🥀🥀🥀🥀🥀🥀🥀🥀🥀🥀🥀🥀
في بداية يوم جديد صحيت نسمة هي وملك عشان الشغل راحت ملك الحضانة وانصدمت لما لقت زين مستنيها برة اول ما شافها راحلها بسرعة
ملك : انت ايه اللي جابك هنا
زين : جيت اوصل انس واعرف جوابك
ملك : جواب ايه
زين : لا والنبي صحصحي معايا انتي فاكرة كلامنا امبارح
ملك : اه
زين : وايه هو جوابك لو موافقة انا وعيلتي من النهاردة هنكون عندكم
ملك : النهاردة ايه بس مش بالسرعة دي
زين : يعني انتي موافقة
ملك بكسوف : ايوة
زين بفرحة : يبقي خلاص هنيجي لكم بكرة
ملك : اللي انت تشوفه
زين : دا اسعد يوم في حياتي
ملك دخلت بسرعة وهي وشها احمر من الكسوف وزين واقف برة بيضحك بفرحة
🥀🥀🥀🥀🥀🥀🥀🥀🥀🥀🥀🥀🥀🥀🥀
اما في القصر كانت مكة قاعدة مع نسمة وهي متوترة اوي
نسمة : اهدي ي مكة
مكة : مش قادرة ي نسمة دا هو تحت وقال انه هيكلم مالك انا خايفة اوي
نسمة : ي حبيبتي اكيد هيوافق انتي قلقانة ليه بس
مكة : معرفش بس حاسة انه مش هيوافق
نسمة : ي مكة اهدي بيقولوا تفاءلوا بالخير تجدوه باذن الله خير
مكة : يارب ي نسمة يارب
تحت كان مالك قاعد مع امير في المكتب
مالك : يابني ارحمني وانطق عاوز ايه انتي مقعدني من الصبح نفس القاعدة
امير : يعني مش هترفض
مالك : من الصبح بتقولي نفس الجملة مش اعرف الاول اي هي الحاجة دي الاول
امير : يعني هو يعني
مالك : انت شكلك حابب المكتب اقعد انت فيه اقولك بات فيه انا ماشي
امير : ي عم بقي هقول هو يعني زي ما انت شايف يعني
مالك : بقولك اي انا مش فاضي انا ورايا شغل كتير واتاخرت علي الشركة انا ماشي
امير : لا استني
مالك : يعني هتنطق
امير : اه هقول هقول
مالك : قول انا سامع
امير : انا كنت جاي اطلب ايد اختك مكة
مالك : ي جدع ما كنت تقول من الاول وبعدين انت مستني دا كله
امير : نعم قصدك ايه
مالك : هو انت مفكر اني مش عارف لا ي كلو دا انا عارف الكبيرة والصغيرة عن كل العيلة هنا بس مش الاولي بردوا كنت تقولي قبل ما تكلمها
امير : انت عرفت الحاجات دي ازاي
مالك : انا ساكت دا كله لاني متاكد انك بتحبها لتكون مفكر اني مش عارف انك بتحبها ومن زمان كمان كان باين علي فكرة بس جات حلوة منك انك تحببها فيك وبعدها تقولها انت مين
امير بصدمة : يلهوي انت عارف الحاجات دي ازاي
مالك : ي ابني هرجع واقولك انا مالك يعني عارف كل حاجة وسايبكم بمزاجي
امير : وانت رايك اي
مالك : لا انت غبي انا مش هجوز اختي لواحد غبي
امير : ليه كدة بس
مالك : يعني بذمتك لو مش موافق كنت هسمحلك انك تكلمها ولا حتي كنت هخليك تشوفها او تلمحها
امير : اه تصدق عندك حق
مالك : عشان تصدقني لما اقولك ي غبي
امير : طب مش متعمل الجو اللي هسالها الاول ولازم اخد رايها والكلام دا
مالك : رايها وصلي
امير : ازاي
مالك : روح افتح الباب كدة وانت هتعرف
راح امير يفتح الباب فتحه ولقي مكة ونسمة واقفين بيسمعوا كلامهم
مالك : تعالوا ادخلوا
دخلوا هما الاتنين ومالك كان بيبص علي نسمة اللي منزله وشها للارض
مالك : اهلا هو انتي انضميتي لها
مكة : انا اللي قولتلها تيجي معايا
مالك : بصي انا عاوز اقولك في عريس متقدملك دا علي اعتبار انك متعرفيش يعني
مكة : وانا اعرف منين
امير : لا متقلقيش ي حبيبتي هو عارف كل حاجة وبالتفصيل
مكة بصت لمالك اللي بيبصلها وبيبتسم
مالك : ها اي رايك
مكة : رايي هو رايك
مالك : وانا مش موافق
مكة : ليه ايه السبب
مالك : هو كدة
مكة : بس انا موافقة
امير : ايوة كدة سمعت ي بارد
مالك : وهو دا اللي انا كنت عاوز اوصله انا موافق وعارف اني مش هلاقي احسن من الجزمة دا عشان يصونك ويسعدك
امير : وهو دا مدح والا ذم
مالك : بس بشرط