روايات

رواية تحت حماية الفارس الفصل الرابع والعشرون 24 بقلم نوران جمال

رواية تحت حماية الفارس الفصل الرابع والعشرون 24 بقلم نوران جمال

رواية تحت حماية الفارس البارت الرابع والعشرون

رواية تحت حماية الفارس الجزء الرابع والعشرون

رواية تحت حماية الفارس
رواية تحت حماية الفارس

رواية تحت حماية الفارس الحلقة الرابعة والعشرون

استيقظ فارس ونزل الي الجميع فلم يجد نورين فقال انها نائمه وستنزل بعد قليل وبالفعل بعد قليل نزلت نورين وكانت ترسم الإبتسامه علي وجهها ففهم انها تتألم في داخلها وكان غاضب جدا من نفسه ولكنه قال انها ستعاتبه وتعانده او تفعل اي شئ فكم يكره صمتها ولكنها لم تعطيه أي انتباه ومرت من جانبه وخرجت من باب القصر فغضب هو أكثر من نفسه وجلس مكانه وكان يكلم نفسه : هي هتفضل كده كتير مش هتكلمني يعني انا اه غلط امبارح بس مينفعش تتجاهلني هي كلها شويه وتدخل تتكلم او تتخانق معايا اكيد مش هتسكت وفي منتصف حديثه مع نفسه فجأه شعر بألم في قلبه كأن شيئا سيئا حدث او سيحدث واول من جائت في باله نورين فخرج بسرعه شديده وهو يجري مما لفت انتباه الجميع وعندما خرج لم يجد نورين
فارس بتوتر وقلق: هتكون راحت فين وظل يسير ذهابا وايابا وفجأه صرخ بإسم نورين عندما وجد حجابها يطفو علي المياه وشعر بالحركة داخل المياه ودون سابق إنذار قفز في المياه بينما نورين كانت ستغرق وكانت تتحرك بشده تحارب الموت ولكن بالطبع لم تستطع فكانت تحارب حتي لا تغلق عينيها وكان آخر ما رأته هي عيون فارس ويده وهو يقترب منها ثم لم تشعر بشئ آخر اما جميع من في الداخل خرجوا علي صوت فارس وهو يصرخ بإسم نورين خرجوا جميعا بسرعه كبيره وصدموا بشده عندما وجدوا فارس في المياه ولا اثر لنورين علي الإطلاق .
معتز بقلق شديد: نورين نورين فين وفجأه رأي ما جعل قلبه يخفق من الرعب وهو يري حجاب نورين يطفو علي المياه وهنا رأت روان ايضا ذلك فصرخت وكانت الفتيات يبكون بشده أما الشباب كانوا قلقين ومستغربين عدم خروج فارس بنورين اما تحت المياه كانت نورين في عالم آخر اما فارس كان يحاول ان يخرجها بأي طريقه وهنا شاهد الحبل فأخرج من جيبه سكينه صغيره تكون معه دائما وقام بقطع الحبل وأخرج نورين من المياه وهنا شهق الجميع بشده عندما وجدوا فارس يخرج بنورين ونورين كان وجهها يكاد يكون لونه ازرق ولا تتنفس وفارس يقوم بإحتضانها ويحاول ان يفوقها فذهب فارس بها إلي الجميع وقام برفعها فأخذها معتز منه وجعلوها تستلقي علي الأرض .
خرج فارس من المياه بسرعه وابعد معتز عنها وإقترب منها وهو قلبه يكاد يقف من الخوف عليها ..
فارس بخوف وهو يقوم بالخبط علي وجهها عدة مرات متتاليه : نورين ارجوكي فوقي ارجوكي ..، وظل يضغط لها علي رئتيها حتي تتنفس ولكن لا يوجد شئ..
فارس وهو يكاد يبكي وعيونه اصبحت باللون الأحمر فهو ليس مستعد لفقدانها : ارجوكي ارجوكي اصحي..، ثم قام بإحتضانها وهو يأمل أن تستيقظ فهو قد فعل كل شيء ممكن فعله لكنها لا تستجيب كأنها لا تريد ان تستيقظ قام هو بالتشديد من احتضانها ثم تركها وجعلها تستلقي مره اخري
فارس وهو يحاول ان يتمسك ببعض الأمل: أنتي مش هتسيبيني فاهمه ..، وظل يضغط علي رئتيها بقوه وفجأه أخرجت نورين الماء من فمها دليلا علي استيقاظها وعلي تلك المعجزة التي حدثت فهي قلبها كان توقف وعندما رأها فارس هكذا لم ينتظر فقام بإحتضانها بشده وكأنه يريد ان يجعلها بداخله حتي كادت ان تنكسر عظامها أما نورين بحركه لا اراديه قامت برفع يدها وقامت بإحاطة رقبته وبكت بشده فهي ضعيفه علي كل ما يحدث لها فهي رأت الأن الموت بأعينها ورغم انه كان السبب في خوفها في الأمس إلا انها تجد الأمان بين احضانه ..
اما فارس لم يستطع ان يتكلم حتي فهو قام بدفن رأسه في رقبتها وشدد من احتضانها أكثر وكل هذا تحت أنظار الجميع وفجأه فاق فارس علي صوت بكائها وهنا لاحظ انها بدون حجابها والجميع موجود فنظر لهم نظره فهموها جيدا ونظروا جميعا إلي الأرض ثم نظر إلي لارين
فارس بحده وتعب في نفس الوقت : لارين افتحي باب اودة نورين بسرعه …فذهبت لارين بسرعه الي الطابق الأخير وقامت بفتح باب غرفه نورين أما في الأسفل قام فارس بحمل نورين وتقريبها إلي صدره مما يجعل الجميع لا يراها فهي اختفت أمام ضخامه جسده .
دخل فارس بها الي غرفتها ووضعها علي السرير ثم خرج
فارس : ماما غيري ليها هدومها عشان متتعبش وخلي البنات تساعدك ثم تركهم ودخل إلي غرفته ثم غير ملابسه ونام ليستريح فهو مر بموقف صعب جدا في حياته فهو قد رأي من دق قلبه لها تموت امام اعينه فبالفعل قلبها توقف ولكنه حمد الله كثيرا انها عاشت بعد ما حدث ..
وبعد مرور بعض الوقت وكان الوقت ليلا قبل معاد النوم بساعتين استيقظت نورين وهي تشعر بصداع رهيب مما حدث فوقفت وقامت بتجهيز نفسها للنزول وعندما نزلت لم تجد فارس فكانت تريد ان تشكره علي ما حدث رأها الجميع في الأسفل فقامت الفتيات بإحتضانها بحب والشباب ظلوا يسألون عن حالها
كرم بمزاح:كده يا نور تقلقينا عليكي ..
نورين بإبتسامه: اسفه اني قلقتكم ..
حمزه : أهم حاجه تاخدي بالك من نفسك …
ادهم : حمزه عنده حق خدي بالك من نفسك اكتر من كده …
نورين بإبتسامه: حاضر وبجد شكرا ليكم …
زين:مافيش ما بينا شكر يا نور ..
فإبتسمت نورين ثم ذهبت إلي معتز فهو لم يكلمها إلي الأن ..
نورين : معتز ..
معتز : نعم ..
نورين : انت زعلان ولا ايه ده انا اللي كنت هموت يعني..
معتز : بعد الشر عليكي بس بجد مضايق منك مش قولتلك تاخدي بالك من نفسك انتي متخيلتيش انا كنت عامل ازاي …
نورين: هاخد بالي بعد كده المهم متزعلش مني ..
معتز :مقدرش ازعل منك ..
فنظرت نورين حولها وشهقت بقوه عندما رأت مروان ووجهه ممتلئ بالكدمات
نورين بهمس لمعتز وهي تشاور علي مروان : ايه ده مين اللي عمل كده …
معتز بإبتسامه كبيره:فارس علم عليه …
نورين: طيب ليه كده…
معتز : هقولك ..
فلاش باك
استيقظ فارس قبل نورين ونزل الي الأسفل وهو غاضب بشده فهو يريد ان يعلم من الذي وضع الحبل بهذا الشكل فالحبل يكون دائما في الجانب عند المياه ليس علي الأرض في المكان الذي يسيرون به
كان الجميع في الأسفل واستغربوا بشده نزول فارس وهو غاضب إلي هذه الدرجه
جلس فارس علي الكرسي ووجهه لا يبشر بخير ابدا .
فارس بحده : هسأل سؤال ومش هكرره وانتوا عارفين اني بكره الكذب ..
فنظر له الجميع بترقب فقال فارس: مين اللي حط الحبل بالطريقه ديه ..
فصمت الجميع
فارس بغضب وحده وصوت مرتفع: مش هعيدها تاني مين اللي عمل كده …
فتقدم مروان وهو يقدم قدم ويؤخر قدم
مروان بخوف: انا يا فارس …وقبل ان يكمل كلامه كان قد أخذ لكمه قويه في بطنه من فارس ..
مروان بألم: أه مكنش قصدي أنا كنت ..، وقبل ان يكمل أخذ لكمه اخري من فارس في وجهه ..
مروان بتألم أكثر: كنت بس بربط الحبل ونسيت ارجعه مكانه عشان ..فقاطعه فارس بلكمه اخري في وجهه ..
مروان بألم اكبر : مش لحقت ارجعه جوري نادتني…
فقام فارس بالإنقضاض عليه واعطائه عدة لكمات متتاليه
فارس بغضب: وعشان جوري نادتك تسيب الحبل وحد مننا يموت …
مروان بغضب وتألم وحقد: وهي أصلا مش واحده من العيله….
فارس بحده: لأ من العيله يا مروان ولو انت مش شايفها كده فإنت زيها وبالنسبالك اللي مش من العيله يموت عادي يبقي انت كمان تموت عادي..، ثم قام بإخراج مسدسه من جيبه ووجهه علي مروان وقبل ان يطلق الرصاصه..، ذهب له آسر وامسك يده
آسر بحده: هو خلاص اتعلم غلطه لهنا وكفايه..
فنظر له فارس ببعض من الغضب فهو قد هدأ قليلا ..
فارس : انا في الجنينه …ثم خرج أما يوسف قام بمعالجة جروح مروان وكل هذا والشباب خاصة معتز كانوا غير متأثرين بما يحدث اما البنات كانوا خائفين بشده وبعد مرور ربع ساعه كان قد هدأ الأمر و نزلت نورين
باك
نورين : بس مكنش ينفع يعمل ده كله ..
معتز : لأ ينفع عادي ..، فنظرت له نورين ثم ضحكت
نورين : هو فارس لسه في الجنينه ..
معتز : أه روحي ليه…
نورين :واروح ليه ..
معتز : تقريبا هو عايز منك حاجه وكمان عشان تشكريه…
نورين :لازم يعني..
معتز :لو عايزه تعرفي..
نورين : انا هروح ليه ..ثم خرجت من باب القصر
معتز بضحك : هههه مجنونه …
خرجت نورين الي الحديقه وظلت تبحث عن فارس فوجدته يقف بكل شموخ بعيد عند الأزهار وينظر أمامه ببعض من الشرود فذهبت ووقفت بجانبه .
نورين بهدوء: فارس ..
فارس وهو ينظر امامه: نعم ..
نورين بتوتر: أحم شكرا انت انقذتني النهارده…
فارس بإبتسامه : اول مره تشكريني رغم أنها مش أول مره انقذك…
نورين ببعض من الغضب : مغرور ..
فضحك هو علي كلمتها ..
نورين بهدوء: فارس ممكن اسئلك سؤال…
فارس : اسئلي..
نورين : انت ليه بتعمل كده ليه كل ما ابقي في مصيبه الاقيك ليه كل شويه نتخانق مع بعض ليه انت بتعاملني انا بالطريقه ديه وبتعامل الباقي بطريقه مختلفه يمكن عشان أنا مثلا بضايقك بس لو بجد أنا متقله عليك قولي ..
نظر فارس لها وقال : نورين أنا قولتلك أنك غبيه او قرده النهارده ..
نورين : لأ ..
فارس : يبقي انتي بجد قرده وغبيه ..
نورين بضيق: ليه بقي ان شاء الله ..
فارس بضحك : عشان ديه الحقيقه …
نورين : فارس انت مجاوبتش سؤالي..
فارس وهو ينظر في أعينها وبهدوء: يمكن عشان بحبك ..
نورين بتسرع: أه ..، ثم أكملت بتفاجئ:ايه بتقول ايه ..
فارس بضحك علي بلاهتها وقال لها بحب: أنتي الوحيده اللي قلبي دق ليها انتي الوحيده اللي حبتها وعشان كده بعاملك معامله مختلفه عشان افضل اتكلم معاكي انتي الوحيده اللي بتقدر تغير حالتي وتشقلب كياني انتي متعرفيش شكلي كان عامل ازاي النهارده وانا شايفك بتروحي مني أنا خلاص مش هقدر اعاند تاني لإني بجد مش هقدر اعيش من غيرك ..، ثم امسك يدها وقام بوضعها عند قلبه وأكمل: عشان انتي جوه قلبي وقلبي مدقش لغيرك…
ثم قام بتقبيل يدها .
اما نورين كانت مصدومه جدا فهي كانت منتظره خناقه جديده ولكنه صدمها حقا ..
نورين ببلاهه:،انت بتتكلم جد ..
فارس بضيق من نورين: هو ده في هزار يا نورين …
نورين بإبتسامه بلهاء: يعني بتتكلم جد ..
فارس: والله العظيم بحبك..
نورين بإبتسامه ووجهها أصبح باللون الأحمر ونظرت في عيونه: انا بحس معاك بحاجه مختلفه بحس اني في امان بتوتر وانا واقفه قدامك وقلبي بيبقي مش موقف دق وده معناه ان أنا فعلا حبيتك يا فارس ..
فارس بفرح : تتجوزيني..
نورين بتفكير: اديني يومين افكر …
فارس : نعم يا روح امك ..
نورين : ايه يا فارس ..
فقام فارس بشدها إلي داخل القصر ووقف امام الجميع وقال : انا ونورين بنحب بعض وان شاء الله الفرح بكره بليل …
كان الجميع منصدم ولكن ضحكوا عند انتهاء جملته كيف يكون الفرح غدا ..
نورين بخجل: فارس ايه اللي انت بتقوله ده ..
فارس وهو يشدد علي يدها: أنتي تسكتي خالص ..،ثم بسخريه: قال ايه عايزه يومين تفكر انا مش عايز اسمع صوتك ..فضحكت نورين عليه
آسر بضحك: طيب خلاص كمان شهر الفرح ..
فارس : لأ شهر ايه لو علي الفستان نجيبه حالا ..
اسر : طيب وباقي البنات والشباب..
فارس : البدل والفساتين موجوده بقالها سنه في الدولاب ونفسهم يتجوزوا النهارده قبل بكره ..
كرم : يسمع من بقك ربنا ..
حمزه: طول عمره جدع ” فهو كان قد قال لهم بأنه سيتزوج سلمي من قبل ووافقوا جميعا”
زين : البدله بقالها سنه في الدولاب ..
ادهم: انا وروان خللنا من القعاد هههه..
أما مروان لم يكن موجود فهو كان في غرفته
آسر : خلاص بعد بكره الفرح وده كلام نهائي
فضحك الجميع بفرح اما معتز كان ينتظر غدا حتي يعترف لجوري بحبه.
اما عند رئيس العصابه كان يتكلم في الهاتف ويقول بغضب : لازم نخلص منهم بأسرع وقت لازم ..، ثم اغلق الهاتف بغضب وأكمل: فرحتهم ديه مش هتكمل ولازم اتدخل في أسرع وقت ..، ثم بإبتسامه ماكره : والأهم في الوقت المناسب.
واخيرا انتهي اليوم وذهب جميع أبطالنا الي النوم وكانت البتسامه مرسومه علي وجوههم
” فيا تري ستدوم ضحكتهم وفرحتهم تلك ام ستكون للأيام والقدر رأي آخر يغير مجري الأحداث، انتظروا”

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية تحت حماية الفارس)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى