رواية جحيم الرجال الفصل الرابع 4 بقلم جمانة وائل
رواية جحيم الرجال الجزء الرابع
رواية جحيم الرجال البارت الرابع
رواية جحيم الرجال الحلقة الرابعة
ابتسم جاسر وحضن سيلين وقال: هكون اب؟
سيلين بعدت وقالت: آه
دخلت أوضتها قفلت الباب عليها وكان سامع صوت عياطها
– هي حامل في الشهر الكام؟
جاسر: مش عارف المهم هخليكِ تعملي الأكل أنتِ عشان متعبهاش بسبب الحمل واكيد مش هتقل عليكِ وهساعدك المهم هي متعملش أي مجهود
– حاضر
تاني يوم على الغدا:
سيلين: جاسر الأكل طعمه غريب أوي!
– آه ده اللي ناقص تقولي على أكلي أنه مش حلو
سيلين تجاهلت كلامها وقالت: أنت حاسس بحاجه؟
جاسر: لأ تلاقيه من الحمل بس مش اكتر
دخلت سيلين الحمام خرجت كل الاكل اللي دخلته
جاسر: أنتِ كويسه؟
سيلين: أنا بموت
جاسر: معلش تلاقيه من البيبي بس هعملك ينسون
سيلين: ياريت يا جاسر ياريت
جاسر: أنتِ حامل في الشهر الكام؟
سيلين: مش عارفه بس يمكن شهرين ولا تلاتة
جاسر: ومكنش عندك اي أعراض؟
سيلين: عادي يعني قولت يمكن الأدوية اللي باخدها دي بتتعبني وكده
جاسر: هروح اعملك الينسون لحد ما نروح لدكتور
شربت سيلين الينسون وأخدت المنوم ونامت
مرت أيام والموضوع كان بيزيد لحد ما راح جاسر مع سيلين للدكتور
– أنتِ بتاخدي حاجه تخليكِ تقتلي الجنين؟!
بص جاسر بصدمة لسيلين، وسيلين مسكت بطنها وقالت: لأ مستحيل!
جاسر: شكرًا يا دكتور، يلا نروح يا سيلين
راحت سيلين البيت
– ها الدكتور قالكم إيه؟
جاسر شد شعر سيلين وقال: بتحاولي تنزلي البيبي؟ كل ده عشان ايه بقى يا سيلين؟ عايزه تقتلي ابنك وابني عشان نفسك وتكسري فرحتي مش اكتر؟
سيلين: والله ما اخدت حاجه ابعد عني سيبني
ضرب جاسر بطن سيلين برجليه وده خلاها ترجع وفقدت البيبي
سيلين: حرام عليك والله
دخل جاسر اوضته وشرب سيجاره وقال: كنت بحاول ابطلها واعاملك بطريقة كويسه بس واضح انك عايزه حد يربيكِ فعلًا.
نزل جاسر بسرعه من بيته ومامته مشيت وراه عشان خافت عليه وبعدين فضلت سيلين تزحف على الأرض وخرجت من البيت خبطت على جارهم
فرحات: مين حضرتك؟
ساعدها تقوم وقعدها على الكنبه
سيلين: عايزه اعمل تيلفون ارجوك
فرحات: طيب خدي الموبايل
كانت سيلين بتعيط وقالت: مات يا كاميليا قتل أبني ارجوكِ تعالي خديني أنا تعبانه
كاميليا: جايالك جايالك أنتِ فين؟
سيلين: الشقة اللي قدام شقتي تعالي قبل ما ييجي عشان خاطري
راحت كاميليا بعد ربع ساعة لسيلين وحطتها في العربية وراحت المستشفى وبعدين راحت بيتها
سيلين: أول مكان هيشك فيه هو هنا ف مينفعش ابات هنا انهاردة لازم توديني مكان تاني
كاميليا: بس انا معرفش حد غير عمرو
سيلين: كلميه كلميه خليه يجي حالًا أنا معايا فلوس ممكن اسافر بقطر أي مكان اروح القاهرة أو اسوان اي مكان بعيد عن هنا
كاميليا: طيب اهدي وأنا هكلمه
كلمت كاميليا سيلين وبعد شوية أخدها عمرو وراحت بيته
دلال: ياااه يا سيلين بقالنا زمن موشفناكيش
سيلين: أنا اسفه اني جيت فجأة
دلال: لأ طبعًا البيت بيتك، كلتي؟
سيلين: لا مش قادره عايزه أنام بس
دلال: مفيش حد هنا غيري وعمرو ف تعالي نامي عندي في الأوضة مفيش مشكلة
سيلين: شكرًا
دخلت سيلين الأوضة لبست بيجاما من بتوع أخت عمرو ونامت
عند كاميليا:
جاسر: فين مراتي؟
كاميليا: مراتك؟ لسه فاكر أنها مراتك؟
جاسر حط مسدس على راسها وقال: هي فين؟
كاميليا: أكيد هربت منك
دور جاسر في البيت عليها لكن مكنش في حد
جاسر: لو عرفت إنك ساعدتيها في الهروب هيكون آخر يوم في عمرك صدقيني
عند سيلين
عمرو: كانت وحشاني سيلين، طول عمرها طيبة وهادية مكنتش تشتكي خالص تيجي وشها وايديها وارمين بسبب باباها وتقول الحمد لله مفيش حاجه في على وشها هدوء وسكينه لسه زي ما هي وحبي ليها زي ما هو
دلال: اهيه جت يا نور عيني
عمرو: مش هخليه ياخدها من هنا غير على جثتي
دلال: متدخلش نفسك في مشاكل يا أبني واضح إن حياتها متدهورة خالص
عمرو: متقلقيش
تاني يوم صحيت سيلين دخلت المطبخ عملتلهم الفطار وقعدوا ياكلوا
عمرو: قاعده ساكته ليه يا بنتي؟ ما تحكي في أي حاجه! اشتغلتي بعد ما اتخرجتي؟
سيلين: لا والله أهلي رفضوا يشغلوني عشان متبهدلش ضحكت وقالت: متبهدلش من الشغل!
عمرو: وجوزك رفض؟
سيلين: متقولش جوزي بس وبعدين أنا متكلمتش معاه مكنش بيخرجني أصلًا، دمروا حياتي والله ومسألوش عليا من بعد ما اتجوزت غير الصبح تاني يوم جواز بس
عمرو: المهم أنك رجعتي وبقيتي كويسه
سيلين: والله هنا البيت يفتح النفس أنا مكنتش باكل خالص
عمرو: واضح على وشك
سيلين: تعرف إيه هربني؟
عمرو: ايه؟
سيلين: كنت حامل وقولتله ف قال لمامته متتعبيش سيلين عشان الحمل واعملي الأكل عملت الأكل وحطت حبوب كده عشان الحمل ميكملش ومات
عمرو: هو عارف؟
سيلين: أول ما الدكتور قال بتاخد حاجه عشان البيبي ميكملش ضربني لحد ما فقدت البيبي هو كان لسه موجود لأن التسمم لسه كان في البداية لو اخدت حقن وكده هتلحق بس الدكتور قال إنه هيأثر يعني المهم بعد ما ضربني روحت عن جاري وكلمت كاميليا وجيت اصدعكم.
عمرو: منورة والله
ابتسمت سيلين ولمت الأكل بعد ما خلصوا وطلبت أنها تقعد مع عمرو
سيلين: كنت عايزه اشتغل
عمرو: كده جاسر هيعرف يوصلك
سيلين: لأ متقلقش هتصرف
عمرو: طب اشتغلي معايا أنتِ معاكِ كورس انجلش ف ترجمي فوري في المؤتمرات اللي بروحها وهقبضك
ابتسمت سيلين بحماس وقالت: تمام من امتى نبدأ؟
عمرو: بكرا لو تحبي يا سيلي
سيلين: سيلي؟
عمرو: أنتِ لسه مش بتحبيه؟
سيلين: لأ خالص
عمرو وكأن جه في باله سؤال مفاجئ: ليه مرفعتيش قضية خلع؟
سيلين: هيكسبها أنا معرفش هو شغال إيه بس لو دفع رشاوي أو كده هيكسبها
عمرو: لأ جربي بس قبل ما هو يطلبك في بيت طاعه
سيلين: وبعد ما اتطلق؟
عمرو: هجيب لك بيت وتأجريه مني وهشغلك معايا بس كده
سيلين: هشوف طيب واقولك المهم تساعدني
عمرو بنبره حنينه: متقلقيش أنا جنبك على طول.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جحيم الرجال)
