رواية لو كان خيراً لبقى الحلقة الحادية عشر 11 والأخيرة بقلم نورهان صبري

رواية لو كان خيراً لبقى الحلقة الحادية عشر 11 والأخيرة بقلم نورهان صبري 

رواية لو كان خيراً لبقى الحلقة الحادية عشر 11 والأخيرة بقلم نورهان صبري

رواية لو كان خيراً لبقى الحلقة الحادية عشر 11 والأخيرة بقلم نورهان صبري 

يزن رن على زين..

يزن :الو يا باشا.. اخبارك..

زين :الحمد لله بخير و انت.. و تالا عامله اى..

يزن :كويسين الحمد لله.. انا كنت بتضل بيك عشان تيجى انت وروضه عيد ميلاد تالا و ماتجيش ابنك الملزق داا..

زين :ههه ليه بس دا انا ابنى قمر و كيوت خالص..

يزن بحنق :كيوت على نفسه يابا.. ماتتاخروش بقاا..

زين :كل سنه و هى طيبه.. بوسهالى على اما اجى..

يزن :و انت طيب.. ماتتاخروش..

زين :ماشى سلام..

زين قفل الخط و طلع من الاوضه للمطبخ عشان يشوف روضه..

اللى كانت واقفه و مدياه ضهرها و هى بتشتغل..

ولسه رايح يخضهاا..

روضه :ماتحاولش..

زين :اموت و اعرف بتعرفى ازااى انى موجود من غير ما اعمل صوت..

روضه التفتتله :اولا عشان انت جوزى و حبيبي و بعرف انك موجود من ريحتك بس.. ثانيا.. عشان انت مفقوش اووى يا حبيبي و بتعمل نفس الحركه كل مرة.. طب غير حتى..

زين بحنق :فصيله.. فصيله و الله.. المهم اجهزى يلاا و جخزى انس عشان نروح عيد ميلاد تالا..

روضه :انا مجهزة كل حاجه من زمان اصلا.. انت اللى بتنسى.. دا ابنك صحى من بدرى و قعد يزن علياا عشان نروح نجيبلهاا هديه.. ماسكتش الا لما قولتله انك هتجيبله..

زين و قد تذكر كلام يزن :مايعرفش ان عمه يزن مش عايزه يحضر اصلا.. بيقولى ماتجيش ابنك الملزق معاك..

روضه بضحك :ياعم دا آخر مرة خد البت خفاهاا و قعدنا ندور عليهم ساعة لحد ما لقيناهم قاعدين تحت الشجره و بياكلهاا شوكولاته.. و قال اى.. ماتسمعيش كلام حد غيري يا تالا…

زين :ههه الواد نكته و الله..

.. :انا ثمعت  حد بيجيب ثيرتى…

زين :اهو شرف.. تعالى يا آخرة صبرى..

انس :يا اثتاذ (استاذ) بابا مايثحش كداا ..انا لياا برثتيج و لازم احترامى..

زين :و الله و عرفت البرستيج كمان..

انس :ايوا ثمعت روان بتقول لتالا خلى عندك برثتيج و كرامه..

زين :اولا اسمها طنط روان.. ثانياا.. هى قالتلها كداا ايمته و ليه..

انس :ياعم فكك.. طنط روان زى روان.. قالتلها كداا لما انا طلبت ابوثها و هى وافقت عادى..

زين بغباء :و طبعاا انت مؤدب و مابوستهااش..

انس :هو انا بطلب منهاا عثان اثيبهاا.. طبعاا بوثتهاا..

زين :يحقله يزن يقولى ماتجيبش ابنك.. دانت بلوة متحركه..

انس :هتغاضى عن اهانتك لياا يا اثتاذ بابا و يلا عثان نجيب هدية لتالا..

زين :الواد هيتغاضى.. الله يرحم ابوك يابنى.. قوم يابا قوم.. و انتى ياختى اجهزى يلاا..

روضه اللى ماكنتش قادره تبطل ضحك :حاتر..

زين :اتدلعى.. اتدلعى.. هو انا وصلتلك بالساهل..

روضه :انت لسه فاكر..

زين :و هو انا اقدر انسى اللى عملتيه فياا..

روضه :دى حاجات بسيطة يا زينو..

زين :بسيطه اووى.. دانا اشتغلت فى الأرض يا مفتريه..

روضه :مايبقاش قلبك اسود بقاا..

زين :ماقدرش ازعل منك اصلا يا قلبى.. يلا روحى اجهزى..

انس اللى كان واقف تحتهم :لا معلث لازم تكملو.. المشهد للآخر..

زين اللى اتفاجأ بوجوده :انا بتعمل اى هنا ياض..

انس :معلث يا والدى ازعجناكوا.. كمل كمل..

زين مسكه مسكة حرامى الغسيل و راح رماه فى الاوضه و سابه و مشى..

انس اللى قام و طلع راسه من الباب..:براحتك.. كمل براحتك و انا هروح اقول ليزن و روان انكوا اهل مث جدعه..

زين :ابنك داا!

روضه :محصلش..

زين و روضه و انس جهزوا و طلعوا بالعربيه عشان يروحوا ليزن.. اللى بعد ما كل واحد فيهم اتجوز.. قرروا كل واحد يشترى بيت لوحده و يعملوا بيت أهلهم داا للاجازات سواا..

زين كان طول الطريق بيفتكر كل حاجه حصلت زمان و أهم حاجه.. جوازه من روضه.. لسه فاكر بعد فرح يزن و روان لما بهدلته و هو بيمشى وراهاا فى كل حته عشان توافق.. و بعد كل داا خلته يروح وراهاا للبلد بتاعة اهلهاا.. عشان جدهاا يشوفه.. اللى خلاه يشتغل معاه فى كل حاجه حتى الأرض.. لما جابوا أجله يا عينى.. و بعد داا كله كانت لسه عايزه تفكر.. قال تفكر قال.. طبعاا ماسبهااش تفكر و اتجوزها.. هى اللى خلت لحياته معنى و جابتله انس.. احلى حاجه فى حياته..

فى نفس الوقت روضه بتفتكر اللى حصل لماا فكرت كتير بعد الفرح و قررت انهاا هتوافق بس بعد ما تعذبه شويه.. عشان كداا كلمت جدهاا و حكتله.. و طبعاا جدهاا اتوصى بيه بزياده شويه.. و فى الاخر وافقت بعد ما كانت بتقوله انهاا عايزه تفكر.. الواد اتجنن يا عينى.. و دلوقت هى اسعد واحده فى الدنياا.. كانت هتخسر كتير لو ماكنتش وافقت على زين.. هى اه حبت مازن و لسه بتحبه.. لان مهما حبينا و عشنا عمرنا ماننسى الحب الاول.. لكن زين عوضهاا عن حاجات كتيير و دخل على حياتهم انس اللى كان احلى حاجه فيهاا.. و داا برضو بيدل ان لو عرفنا المستقبل مخبيلنا اى هنختار الواقع..

زين :سرحانه فى اى..

روضه :فى ان يا ترى لو ماكنتش اتجوزتك.. كان ممكن تتجوز غيرى..!

زين :احنا مقدرين لبعض.. كان لازم نكون سواا بطريقه او بالتانيه.. انا قدرى يا روضه.. عشان كداا ماتفكريش كتيير.. ربنا يخليكوا لياا انتى و انس..

روضه :و يخليكوا لياا..

انس و هو بيطلعلهم راسو من ورا :ربنا يخليكوا لياا يا ولاد..

علت ضحكتهم على طريقته..

جابوا الهدايا و هم فى الطريق و كملوا طريقهم لبيت يزن..

عند يزن و روان..

روان و هى واقفه على السلم بتحاول تعلق الزينه.. :استنى بس يا يزن.. بص ناولنى اللى هناك دى..

يزن و هو ماسك واحده من الزينه :دى!

روان :ايواا دى يلاا..

يزن :امم لا.. مش عايز..

روان :هو اى اللى مش عايز لامؤاخذه.. اخلص يابا.. الناس جايين..

يزن :مش واخده بالك انك بتهتمى بتالا اكتر منى..

روان :ياعم هو انت بتخلينى اكلمها اصلا دانت بتغير منهاا.. خلصنى بس عشان انزل و بعدين نتناقش فى الموضوع داا..

يزن بضحك  :لا عايز اوقعك..

روان :انت بتقول ا.. ماكنتش كلامها و كان يزن وقعهاا و شالهاا هو..

روان :سيبنى يا عم انت.. عايزه اخلص..

يزن :لا لما تقوليلي انك بتحبينى اكتر من تالا هسيبك..

روان :يا يزن يا حبيبي سيبنى بقاا..

.. :تقريبا كداا احنا جينا فى وقت مش مناسب..

روان بصت لقت زين و روضه و انس على الباب..

روان و هى بتلطم :يلهوتى.. استر علياا يستر عليك ربنا..

يزن :فى اى يا بت انتى هو انا شاقطك.. امال لو ماكنش عندنا بنت كنتى هتعملى اى!

روان بغباء :تصدق نسيت.. بس برضو منظرى مش ولابد.. سيبنى بقاا..

يزن :اهو.. و رماها على الأرض براحه شويه..

روان :اهههه.. انت يابنى امك كانت بترضعك اى.. بتستقوى على واحده نسوان..

روضه :شوفتى يا بنتى ظالمين ازااى و جايين علينا..

زين :هنبدأ الوصله ياعم و مش هنخلص..امال فين تالا..

يزن و هو بيلف عليها فى كل حته :مش عارف.. استنى هدور عليهاا.. يالهوووى..!

زين و روضه و روان جريوا عليه.. :فى اى اى اللى حصل..

يزن :اتفرجوا..

بيبصوا كلهم لقوا انس واحد تالا فى حضنه و بيطبطب عليهاا عشان تنام و بيغنيلهاا (حنين اووى الواد)..

روان :شرفيييي!

روضه :اى داا لامؤاخذه!

زين :لا دا تربية امه.. ماعرفوش..

يزن و هو بيشد انس من على السرير.. :انت بتعمل اى مع بنتى ياض انت!

انس و هو بيعدل هدومه :عايز اى يا يزن على الثبح! كنت بنيملك بنتك.. عثان كانت عايزه تنام..

يزن :لا وانت الحنين اللى بتنام فى حضنك..!

انس :اعمل اى يا بنى فى قلبى الطيب داا.. يلا كله فى ميزان حسناتنا..

يزن :خد يا زين ابنك داا عشان انا مش طايقه..

.. وانتى يا انسه تالا كنتى فى حضنه بتعملى اى!

تالا ببراءه :كنت عايزه انام يا بابا..

يزن :و ماعندكيش سرير ياختى!

تالا :ماهو انا ماكنتث عايفه (عارفه) انام.. فهو جه عثان ينيمنى..

يزن :الصبر من عندك يا رب.. يلاا عشان عيد الميلاد..

بعد شويه كانوا كلهم متجمعين عند التورته بتاعة عيد الميلاد.. و بيغنوا الاغنيه.. و فى النهايه تالا طفت الشمع..

يزن :زعلانه ليه يا حبيبتى..

روان بحزن :كان نفسي ماما تبقى معانا اووى..

يزن :هى اكيد فى مكان احسن يا حبيبتى.. ادعيلهاا ربنا يرحمها..

روان :يا رب يا حبيبي.. يا رب..

روضه :مش يلاا بقاا ناخد صورة جماعيه..

اجتمعوا كلهم عشان الصورة.. يزن اللى حاضن روان و شايل تالا.. و زين اللى حاضن روضه الناحيه التانيه و شايل انس.. و انس اللى بيتلزق فى تالا كالعاده ????و يزن بيبعدهاا عنه..

و خدوا الصورة..

دى مش النهايه.. دى مجرد نبذه عن اللى هيحصل.. الله اعلم الواد انس داا هيفضل ملزق لهاا كداا و الا اى.. و فى نفس الوقت.. ياترى.. هيحصل مشاكل اى مع روان و يزن.. مع روضه و زين.. اكيد مشاكل كتيير.. بس المهم.. انهم فى الخر لازم بظيتغلبوا على مشاكلهم.. لان فى حب و موده بينهم.. و طول ما احنا قريبين من ربنا.. هنبقى واثقين ان كل مشكله لهاا حل.. و كل مشكله هى ابتلاء من ربنا عشان نصبر.. فلازم نصبر..

“مش لازم دايما اختياراتناا الأولى.. تكون هى الصح.. مش لازم ابداا تكون خير.. عشان كداا لازم نكون واثقين فى ربنا.. انه هيختارلنا الخير.. و دى كانت ملخص حياة روان.. اللى ربنا عوضهاا بيزن فى النهايه.. لان احمد ماكنش يستاهلهاا من البدايه..”

“فى نفس الوقت ماينفعش نوقف حياتنا على شخص أو حاجه معينه.. لازم نعيش و نجرب.. و روضه لو ماكنتش وافقت على زين كان اكيد فاتهاا كتيير اووى فى حياتها.. “

تمت

لقراءة باقي حلقات الرواية : اضغط هنا

نرشح لك أيضاً رواية حكايات مريم وزين للكاتبة راندا حسن.