رواية جواز صالونات الفصل الأول 1 بقلم رحمة محمد
رواية جواز صالونات الجزء الأول
رواية جواز صالونات البارت الأول
رواية جواز صالونات الحلقة الأولى
_يابنتي شوفيه… ولو مفيش نصيب بينكم يبقي خلاص
– من غير ماشوفه ياماما… انا متأكد انه هيترفض زي الي قبله فا ريحي نفسك بقي وسيبيني
_ طب معلش ياملك.. شوفي علشان خاطري…
-ياماما قولت لا
_ يابنتي بقي تعبتيني.. يعني هتفضلي لحد امتي من غير جواز كده… شوفيه ياحبيبتي ولو مش عجبك ومش مناسب خلاص
-بضيق :حاضر ياماما هشوفه مامتها مشت وهي قالت : وماله هشوفه وانشاءالله هيترفض زي الي قبله
_ طب تعالي ياام ادهم نخش جوه ونسيب العرايس يتكلموا براحتهم ومشوا دخلوا جوه وفضل ملك وادهم مع بعض
ملك وادهم الاتنين بيفركوا في اديهم وبيبصوا لبعض
ملك بتساؤل : انت عارف امي خادت امك وقاعدوا بره ليه؟
ادهم باءبتسامه وادب: يعني.. علشان يسيبونا نكلم مع بعض
ملك : باين عليك شاب محترم وابن ناس… انت اول مره تخطب صح
ادهم : اول مره وبعدين انتي هتبقي اول واخر حب في حياتي فايعني
ملك بعصبيه : ارجع كده بس… ارجع كده.. واتكلم
ادهم اتحرج وسكت
ملك :انت شكلك ابيض يابني خالص لا عرفت واحده قبل كده ولا نيله
ادهم : ايوه فعلا
ملك اتنهدت : طب بص.. مبدئيا كده انا موافقه عليك.. بس لازم تبقي عارف نتيجه الي انت هتعمله ده
ادهم : انا كمان موافق وحاسس بحاجه نحيتك، يعني انا حاسس ان احنا هنبقي اسره سعيده حاسس يعني انا في دماغي دلوقتي وانا قاعد علي الكنبه وانتي بتروقي البيت ودخلتي تعمليلنا الغدا
ملك : اااه.. انت عايش بقي في أيام سي سيد والكلام ده… لاااا ياحبيبي مفيش الكلام ده فكك منه.. وتعالالي بقي علشان اقولك الي هيحصل
أدهم ساكت ملك : انت شايفني جميله مش كده
أدهم :بصي هو في الأول وفي الاخر الجمال جمال الروح وانتي مشاءالله عليكي جميله جمال روح وجمال شكل
ملك بصوت عالي نسبيا: لا جمال الروح ده في الأفلام.. إنما مادفعش كل ده في وشي وتقولي جمال الروح… امال ايه يابابا فين الرجاجوه والمسكره والتفتيح وايه.. ده انا دافعه كتير اوي
أدهم بهدوء : بس حضرتك متعصبه ليه ما براحه يعني.. اتعصبتي ليه كده مفيهاش اي حاجه
ملك : اتعصبت؟! ده مش وش عصبيه ياحبيبي.. علشان انا لو وريتك وش العصبيه هبقي اسوء منك
أدهم بخوف : ولا يهمك انا اساسا مش بهتم بشكل خالص انا ببص علي الانسانه الي من جوه
ملك :وانا انسانه سطحيه خالص وبحب ابص علي الإنسان من بره وهدايا ها واخد بالك
أدهم : لا جيتي في ملعبي… يوم عيد ميلادك احلي هدايا تجيلك
ملك :عيد ميلادي بس! … لا يابابا انا عايزه في عيد ميلادي وعيد شمس النسيم وعيد العمال وعيد تحرير سينا في كل الأعياد ومخدرات علشان الوقفه
أدهم : انا سالت عليكي ماقلوليش اي حاجه من الحاجات دي.. قالولي انك شابه كويسه طالبه جامعيه
ملك :لا ياادهم واضح انك مسالتيش كويس.. انا بشرب مخدرات وبتاجر فيها كمان وبشرب مهدءات كله كله مش بحرم نفسي من حاجه (هي قالت كده علشان تطفشه😂)
أدهم : مش مهم ياملك اهم حاجه اننا بنحب بعض وانا اكيد هتحمل كل ده
ملك : والله ياادهم انا كلي عيوب.. ولا أصلح خالص للارتباط وبسبب علاقاتي الغراميه وكمان انا توكسيك
أدهم : بجد انتي توكسيك… اصل انا كمان توكسيك.. يالهوي علينا ده احنا هنعمل موقف تاكاسيك
ملك بقرف :تاكاسيك؟! انت حتي في الكوميديا رخم… طب انا بقي علي فكره كائن اجتماعي جدا وعندي أصحاب ولاد ايه مقولكش كل واحد فيهم واخد بوسيشن معين في حياتي واحد قلبي وواحد كتفي وواحد ضهري
أدهم بعصبيه : لا انا رجل شرقي ومش متحمل الكلام ده
ملك فرحه : حلو اوي انت كده مش هتنفع معايا
أدهم : انا راجل شرقي اه.. بس اوبن مايند جدا والكلام ده عادي
ملك اتعصبت وبعدين بقي في الازقه ده :ده يالا معنتكش دم خالص.. مفيش احساس كده.. ماتاخد موقف
أدهم : يابنتي وفيها ايه بس مدام في إطار الصداقه مفيهاش حاجه… طب تصدقي وتامني بايه والله العظيم ان اتخنقتي مع واحد فيهم في يوم انا هكون اول واحد بيصلحك عليه
ملك بقرف : تعرف يالا انا عندي كام سنه
أدهم :هو انا لما سألت قالولي 25
ملك :حلو اوي واكيد ال25 دول ماعدوش كده… اكيد ارتباط وصحبت وسهره وخرجت ا.. اييه منا مش مكنه برده
أدهم : الصراحه وغمزلها :انتي مكنه فعلا
ملك بقرف : انت بلدي وعشواءي.. اقصد ياغبي مش مكنه مش آلاه عندي مشاعر واحساسيس ومرتبطه… انا الي جبرني اقعد معاك القاعده السوده دي.. علشان اخلص من كلمه هنفرح بيكي امتي
أدهم : كل الكلام الي انتي قولتيه ده فوق دماغي.. بس حتي لو كنتي مرتبطه وحتي لو انتي قاعده معايا بالغصب .. مدام احنا هنجوز كل الكلام ده ميفرقش معايا خالص..مايهمتيش التاريخ بتاعك خالص اهم حاجه عندي الحاضر والمستقبل… وسرح : وانا شايفك في المستقبل وانتي بتطبخي و
ملك اتنرفزت ومسكته من قميصه بعصبيه : ياخربيتك.. ده انا شغاله قاعده اجبلك عيوب الأرض والسما.. ايه مابتحسش اخلص منك ازاي
أدهم : انا بس قصدي اني هتقبلك بكل عيوبك واني هستحملك بكل حاجه مش قصدي اي حاجه والله
ملك وهي لسه مساكاه :ولاه انت عارف.. هتخرج برا تقولهم ايه
أدهم :ايه
ملك : محصلش نصيب وتخلع وتسيب الجاتوه وماشوفش وش اهلك تاني
أدهم :ينفع اقعد معاكي ربع ساعه زياده
ملك بعصبيه: ولاه ماتعصبنيش.. تخرج وتقولهم محصلش نصيب ايه السبب يابني.. العروسه تاجره مخدرات ومرتبطه وعليها عفاريت يلا
أدهم وقف : طب والجاتوه.. ملك بصتله.. كمل… احم سلامو عليكو
ملك بعد مامشي : دمك سم جتك القرف
يتبع…
لقراءة الفصل التالي : اضغط هنا
الرواية كاملة اضغط على : (رواية جواز صالونات)
تعليق واحد