رواية علمني الحب الفصل الثالث 3 بقلم نجلاء اسماعيل
رواية علمني الحب الجزء الثالث
رواية علمني الحب البارت الثالث
رواية علمني الحب الحلقة الثالثة
روح بصدمه: انت؟؟؟؟
رياض: بتعملي اي هنا ي بت ومين نزلك ف وقت زي دا
روح: انا انا كنت طالعه ل بابا دلوقتي انا
رياض: انتي اي ي بت انطقي ف الشارع بتهببي اي بقولك
ورفع يده ليصفعها
اقترب زايد بغضب: انت مين؟؟؟ وبترفع ايدك عليها بتاع اي
رياض: انا جوز امها ي اخويا وف حكم ابوها انت ال مين
روح بخوف: ياللا ي زايد نمشي ياللا
رياض بصوت عال: الله الله هو دا بقا حبيب القلب ال كنتي بترفضيني علشانه ي بطه وي ترى اداكي كام بقا على كدا حكم انتي زي امك تموتي ف القرش
زايد بغضب ولم يتحمل الصمت هذه المره وانقض عليه مثل الأسد وظل يضربه حتى فقد وعيه
روح ببكاء: ابوس ايدك ي زايد كفايه وصلني ل القطر كفايه الفضيحه ال حصلت دي بالله عليك
زايد والغضب يملأ عينه: امشي قدامي
سارت روح بخوف من نبرته الغاضبه وتتمنى ان يمر هذا اليوم بسلام دون مشاكل اخرى
بعد ساعه
زايد: دي شقتي اتفضلي المفتاح ادخلي نامي لحد الصبح
روح: وانت هتنام فين
زايد: هنام ف العربيه تحت لحد الصبح كدا كدا النهار قرب يطلع
روح بخوف: وافرض افرض رياض رجع وعمل فيك حاجه
زايد: لا متقلقيش ادخلي نامي
غادر زايد إلى سيارته وترك روح بمفردها ف المنزل
روح ببكاء: لي ي رب لي رب ال بيحصل ف حياتي دا انا عملت اي علشان اشوف كل القرف دا بس لي مكتوب عليا مشوفش ولا اعرف معنى الحب انا ذنبي اي ان اهلي طلعوا كدا ذنبي اي
حاولت أن تصمد لا تريد الوقوع الان أمامها عمر ستراه بعد
سارت تتأمل الشقه وترى تناسق ألوانها وترتيب الأثاث بها للحظه تخيلت نفسها سيدة هذه الشقه وتعيش بسعاده مع زوجها لا يوجد حزن وبكاء تناست كل شئ وتناست حزنها ونامت من التعب
كان زايد يجلس في سيارته يفكر ماذا سيفعل بهذه الفتاه هل سيتركها في محطة القطار بمفردها؟ ام يأخدها لتعيش مع والدته بسلام شعر بالاحباط لعدم وجود حل وسط لماذا لا يستطيع طلب منها الزواج لكي لا يؤذيها احد هل الأمر بهذه الصعوبه؟ ليراها صباحا ويخبرها بفكرته ويحدث ما يحدث
في منزل امل (والدة روح)
رياض بتمثيل: اااه زي م بقولك كدا ي امل اول م شوفتها مع الواد ف وضع مخل قولت الحق شرفي وقولتلها بتعملي اي هنا ف وقت زي دا ومين ال معاكي دا راحت قالتله معرفوش والواد نزل فيا ضرب
امل بحزن: متزعلش ي حبيبي الحمدلله انها جت على قد كدا
رياض: علشان تعرفي بس انها لما قالتلك اني بتحرش بيها كانت بتكدب وبتوقع بينا علشان شايفه اني بحبك ومش مديها وش ياما قالتلي انا بحبك ي رياض وسيبك من ماما بس انا علشان شايفها بنتي مقدرتش اه م هو حرام برضو هنشيل ذنوب على اخر الزمن ولا اي
امل: معرفش البت دي طالعه كدا لمين حسبي الله ونعم الوكيل فيها وف ابوها كانت عايزه تخرب بيتي الحمدلله اني مصدقتهاش وجيت سألتك قبل م اتهور
رياض بزعل مصطنع: بس اتهمتيني وصدقتيها ي امولتي
امل: هصالحك ب طريقتي
في منزل محمد ( والد روح )
اماني: اي ي راجل هتفضل قالب بوزك كدا كتير ولا اي
محمد: مديت ايدي عليها وسبتها تمشي مشيت وسبت بنتي ف الشارع ي اماني
اماني: يخويا بكرا تكبر والشارع يعلمها وساعتها هتعرف انك معملتش حاجه غلط ف حقها امها هي ال رمتها مش هي ال خلفت يبقا تربي يعنيا
محمد: م هي بنتي برضو ي اماني انتي بتقولي اي بس
اماني: بنتك يخويا وخايف عليها مكنتش طلقت مراتك وجتلي كنت خليك جمبها هي وامها اي الغم داااا قرفتني ي راجل انا داخله اتخمد
صباح جديد على الجميع
استيقظ زايد بتكاسل ليجد الساعه تخطت الواحده ظهرا ليخرج مسرعا من سيارته ليصعد إلى الشقه لايقاظ روح
بدأ ف طرق الباب ولا يجد رد شعر بالخوف للحظه ولكنه ظل يطرق الباب حتى انصدم مما رآه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية علمني الحب)
