رواية حبيب أيامي الفصل الثاني 2 بقلم هاجر نور الدين

رواية حبيب أيامي الفصل الثاني 2 بقلم هاجر نور الدين

رواية حبيب أيامي الجزء الثاني

رواية حبيب أيامي البارت الثاني

رواية حبيب أيامي الحلقة الثانية

قلبي دق جامد لدرجة إني سمعته رديت عليه وقولت:

_وإنت بتسأل عن صاحبتي ليه

إتكلم بخباثة وقال:

=عادي يعني أصل شايفها محترمة وحلوة وكويسة ومش عايزها تخرج برا العيلة

_قصدك إي يعني مش فاهمة برضوا

قال بمعني مش مفهوم:

=مقصديش حاجة

سكتت عشان ميفكرش إني متدايقة أو حاجة وكملنا الطريق من غير كلام، وصلنا البيت وإحنا كنا بيت عيلة أنا ساكنة في الدور اللي فوقيه، سلمت علي جدي وعمامي اللي كانوا قاعدين وطلعت فوق لـ شقتنا أنا وماما وبابا، غيرت هدومي وحضرتلي سندوتشات ولسة هقعد أكل بس سمعته بيناديني من الشباك، طلعت وبصيتله وأنا ماسكة سندوتش وبقول:

_نعم

=مفجوعة مفجوعة يعني، طب مش تعزمي

_علي أساس إنك قاعد معايا عشان أعزم يعني، وبعدين مفجوعة إي أنا مكالتش من الصبح غير 6،7 سندوتشات كدا بس

إتكلم محمد وهو بيمثل الصد*مة

=يالهوي!

بس!! ناقص تيجي تاكليني

_المهم عايز إي

=عايز كوباية شاي

_طب ماتعملها لنفسك

=هتقلي أدبك ولا إي

_قصدي يعني إعملها لنفس حضرتك

=مش بعرف أعمل وأنتي عارفة

_يعني أنزل عشان أعملك شاي?

=أيوا

_إي اللي في المقابل هو أنا هنزل علي الفاضي كدا

=شيكولاتاية بابلي أم 5 جنيه

_5 جنيه!!

لأ خليهالك

=خلاص بقي أنتي حرة هقولك لـ مروة هي اللي تعميلهالي ومش هنغرم 5 جنيه دي تتمني أقولها بس

بصيتله بغيظ وقولت بسرعة:

_لأ ياعم مروة مين اللي تعملك هي عارفة السكر من الملح، إستني أنا نازلة

ضحك عليها جامد بعد مادخلت، هو مش عارف ليه بيعمل كدا بس كل اللي عارفه إنها مسئولة منه وإنه مش عايز حد يقرب منها، خلص تفكيره مع نفسه ونزل لشقة جده عشان نِرمين نازلة، نزلت في شقة جدي ولاقيته قاعد علي الكنبة واللي إسمها مروة دي قاعدة علي الكنبة اللي جنبه وبتتكلم وبتضحك وهو بيرد عليها وهو ماسك الموبايل ودي حاجة فرحتني مش عارفة ليه بس فرحني إنه مش مهتم بيها روحت قعدت علي الكنبة اللي جنبه من الناحية التانيه وبصيتلها وأنا بتكلم عشان تلاحظ إنه مهتم بكلامي عنها وفعلًا أول ماأتكلمت:

_بقولك اي يامحمد

ساب الموبايل من إيده وبصلي وإبتسم وقال:

=إنتي نزلتي إمتي

_لسة نازلة أهو، بقولك اي

=قولي

_إي رأيك بدل ما أعملك شاي عادي أعمل أنا وإنت شاي بالنعناع?

إبتسم وقال:

=موافق جدًا، بس هي الهانم بتذاكر ولا لأ

_أيوا طبعًا بذاكر بس في أسئلة في الرياضة مش فاهماها

=خلاص إعملي الشاي وهاتي الكتب وتعالي قوليلي عليها واشرحهالك وإحنا بنشرب الشاي

قومت بسرعة وقولت:

_فوريره

إتكلمت مروة قبل ما أمشي وقالت:

=طب بقولك إي يامحمد أنا كمان ناقصني شوية حاجات كدا في المذاكرة بتاعتي ممكن تشرحهالي

_أشرحلك حاجات في حقوق وأنا مهندس إزاي يعني?

ضحكت علي كلامه وهو بصلي بمعني أسكت وسكتت وأنا ببتسم وببُصلها بنصر وسيبتهم وروحت أعمل الشاي وأنا متطمنة، حتي لو قعدت معاه العمر كله محدش هيملي عينه غيري، يمكن مقالش إنه بيحبني قبل كدا بس كل تصرفاته بتثبت دا، خلصت الشاي وطلعته علي التربيزة برا قدامهم وطلعت أجيب الكتاب، نزلت بعد شوية لاقيت مروة مرمية بين إيدين محمد والشاي اللي عملته مدلوق علي التربيزة والأرض أول ماشافني رماها علي الأرض من إيده وهي إتوجعت وقولت:

_إي دا!!

يتبع…

لقراءة الفصل التالي : اضغط هنا

الرواية كاملة اضغط على : (رواية حبيب أيامي)