رواية عشق لم يكن في الحسبان الفصل الثالث 3 بقلم إسراء ابراهيم

رواية عشق لم يكن في الحسبان الفصل الثالث 3 بقلم إسراء ابراهيم

رواية عشق لم يكن في الحسبان الجزء الثالث

رواية عشق لم يكن في الحسبان البارت الثالث

رواية عشق لم يكن في الحسبان الحلقة الثالثة

صابرين بفرحة : ده يوم المني يا حبيبي ،، قولي مين ياقلب امك
حازم بتفكير: فريدة صاحبة مني
صابرين بفرحة اكبر :
زين ما اختارت والله يابني لو لفيت الدنيا كلها مش هتلاقي زيها
حازم وهو بيبص الناحيه التانيه: عارف والله ياماما عشان كده عايز اتقدملها
صابرين بابتسامة:
خلاص نستنا لما يرجعو باذن الله ونطب عليهم في البيت ونتقدم علطول وانا بردو كنت حاسه انها مياله ليك يابني ربنا يجمعكم علي خير يااارب
……………..
مهاب دخل الاوضه بتاعت مني وفريدة،، لقي مني قاعدة وسرحانه وفريدة مش موجوده
مهاب بتوتر : احم احم
مني اتعدلت في قعدتها وقالت:
اتفضل يادكتور

مهاب باستغراب: اومال فين ام لسان طويل
مني بابتسامه: نزلت تجيب اكل حضرتها واقعه من الجوع
مهاب بابتسامه : احسن انها مش موجوده ،،كنت عايز اتكلم معاكي شويه
مني باستغراب: اه طبعا اتفضل
مهاب باندفاع : تتجوزيني يا مني
مني بصدمه وقلبها بيدق جامد : هي فريدة اتاخرت ليه كده
مهاب باستغراب: انتي مسمعتنيش ولا بتتهربي
مني بخجل : ها لا ابدا بس فريدة اتأخرت
مهاب بابتسامة: زي مانا صريح معاكي عايزك تكوني صريحه معايا
مني بتوتر: انا بس متفاجأة
مهاب بتوهان وهو بيمسك ايديها : بحبك
مني كانت مصدومه ومش قادرة ترد ومهاب بصلها بحب وقال:
مني انا حبيتك من اول يوم شوفتك فيه واعجابي بيكي بيزيد يوم عن يوم ،، تتجوزيني
مني بتوتر من مسكته لايديها وسحبت ايدها منه وقالت:
دكتور حضرتك دكتوري وانا مريضه عندك وعارفه اني صعبانه عليك وبتشفق عليا بس مش لدرجة تتجوزني
مهاب حط ايده علي شفاي*فها : هشش بطلي جنان ،،انا بجد بحبك
مني حاولت تبعد عن أيده ورجعت براسها لورا وقالت:
متأسفه يادكتور بس انا مبفكرش في الجواز حقيقي متأسفه.
ق*طع كلامهم دخول فريدة:
موني جبتلك حبة اكل يستاهلو بوقك
اتفجأت فريدة بمهاب وقالت :
انت هنا يا شق طيب كنت قولي كنت عملت حسابك
مهاب بصلها و بص لمني وسابها وخرج.
فريدة باستغراب:
هو ماله ده في ايه
مني بحزن وهيا بتقوم:
تصوري يافريدة دكتور مهاب من كتر مانا صعبانه عليه عايز يتجوزني
فريدة بصدمه: انتي بتقولي ايه
مني بترفع كتفاها وقالت:

زي ما سمعتي عايز يتجوزني
فريدة بعصبية: لا مقصدش دي اقصد من كتر مانا صعبانه عليه عايز يتجوزني
مني بابتسامه : ااااه ماهو فعلا كده يابنتي
فريدة بقلة صبر وهي بتزعق: انتي يابنتي عب*يطه ولا ايه ظروفك انتي دايما حاسه بالنقص ليه كده ما تخليكي قويه بقي شويه وخلي في ثقه شويه في نفسك وخليكي عارفه كويس مفيش راجل بيتجوز شفقه ولا الكلام العب*يط ده ما تدي لنفسك فرصه مش جايز ربنا بعته ليكي في الوقت المناسب ويكون عوض ربنا ليكي
مني بدموع وابتسامة مزيفة: مش عايزة متشكره ومش هادي لنفسي ولا ربع فرصه
فريدة بقلة حيلة: اللي انتي شيفاه صح اعملي بس صدقيني يا مني هتندمي وسابتها وخرجت من الاوضه وراحت علي اوضه مهاب
خبطت علي الباب
مهاب بضيق: ادخل
فريدةوهيا بتقعد قدامه : مالك قالب وشك ليه
مهاب بضيق: مفيش سلامتك
فريدة بخبث: هتخبي عليا مش جايز اقولك علي اللي خلي مني ترفض
مهاب بحزن: مش فارقه
فريدة باصرار : لا فارقه ولو مكنتش فارقه مكنتش قاعد بتسمعي لحد دلوقتي
مهاب بصلها وقال:
اقعدي يافريدة وقولي اللي عندك
قعدت فريدة وبدأت تحكي عن حياة مني و كل حاجه قبل ما يعرفهاا وبعد ما خلصت بصت لمهاب وقالتله :
صدقني مني بس محتاجة تحس انها عندها ثقة في نفسها بانها دايما كانت بتتعرض للتنمر حتي من اقرب الناس ليها ،، يعني لو بتحبها بجد يا مهاب حار*ب عشان تكون ليك
مهاب كان بيفكر في كلام فريدة وحس قد ايه مني عانت كتير وكان مستغرب ازاي فعلا حد كان بيضايقها بسبب نظرها وهيا اصلا جميلة جدا من برة وجوة فاتنهد بحيرة وبص لفريدة وقالها :
انا حبيت مني بجد يا فريدة ومش محتاج وقت عشان اتأكد من حبي ليها انا بس عاوز اعرف حقيقة مشاعرها من ناحيتي ايه عشان وقتها بس هقرر انا هعمل ايه
اابتسمت فريدة وقامت بسرعة ومسكته من ايديه وسحبته وراها وهيا بتقؤل بمرح:
يا سلام لو علي دي بسيطة جدا انا هسمعك بودانك كل حاجة بس خليك معايا
……………………..

دخلت فريدة علي مني القوضة ولقتها بتمسح دموعها لما حست بيها فقربت منها وقالت بصوت عالي شوية :
مالك يا مني
مني اتكلمت وهيا بتمسح دموعها :
دكتور مهاب عامل ايه يا فريدة
فريدة ابتسمت بخبث وقالت بضيق مصطنع :
وانتي يهمك في ايه ،،هو عامل ايه ،،انتي مش كسر*تي قلبه ورفضي تتجوزيه عشان اوهام في دماغك ،،انا عندي كنتي قولتيله الحقيقة وهيا انك محبتهوش وانك لسة بتحبي سيف خطيبك اللي سابك
مني باندفاع وغضب ودموعها بتنزل بحرقة:
اانتي حكمتي عليا ازاي يا فريدة ،،ده انتي اكتر حد عارفني وانتي عارفة ومتأكدة اني عمري ما حبيت سيف وكنت بحكيلك واقؤلك ان عمري ما حسيت معاه اللي حسيته مع مهاب ،، صوته بس بيطمن قلبي بيخليني ابتسم من غير سبب صدقيني قلبي مدقش قبل كدة لحد زي ما دق ليه ،،بس انا مش هقدر استحمل لو مهاب عمل معايا زي ما سيف عمل ،، لاني حبيت مهاب بجد ولو اديته قلبي ورجع سابني ساعتها هيبقي الموت عندي اهون يا فريدة
كان سامعها مهاب وهو واقف عالباب وقلبه بيدق بطريقة غريبة كان نفسه يجري ياخدها في حضنه ويقولها انه عمره ما هيسيبها لانه حبها بجد كان نفسه ياخدها في حضنه ويمسح دموعها بايديه ويداوي بقلبه جر*حها بس اتحكم في نفسه واقسم انها مش هتكون لحد غيره
……………………….
عدي شهر علي اللي حصل كانت فيهم مني بتاخد علاجها بانتظام ومهاب مسبهاش لحظة هيا وفريدة وعملت العملية وانهاردة المفروض هتشيل الرباط وكانت قاعدة متوتر لوحدها في الاوضة وخايفة لحد ما دخل عليها مهاب وقرب منها وقعد قدامها وهو بيقؤل بابتسامة:
جاهزة يا مني
مني اتوترت وحركت دماغها وقالتله بخوف :
انا خايفة اوي يا مهاب
مهاب مسك ايديها وقالها بحب :
متخافيش طول ما انا جمبك ابدا
مني كانت بتسمعه بقلبها وقبل ما ترد قا*طعهم دخول فريدة وهيا بتقؤل بحماس :
في مفاجئة ليكي يا موني ،،تخيلي مين اللي هنا
قالت مني باستغراب :
مين يا فريدة ؟
دخل حازم و صابرين اللي قربت بدموع وهيا بتقؤل بخوف وقلق:
انا يا حبيبة قلبي
ابتسمت مني وفرحت ان امها هنا وقالت بفرحة :

ماما دي احلي مفاجئة في حياتي ،،كنت محتجاكم جمبي
اتكلم حازم وقال بابتسامة:
كلنا معاكي يا حبيبة قلبي ،،ان شاء الله ترجعي احسن من الاول
قام مهاب وسلم علي حازم وقال بابتسامة:
اهلا يا استاذ حازم انا ابقي دكتور مهاب والمتابع لحاله مني وان شاء الله زوجها المستقبلي
اتصدم حازم وبص لمني اللي ابتسمت بتلقائية وقا*طعهم صابرين وهيا بتقؤل بفرحة :
ده يوم المني يابني هو احنا هنلاقي نسب زيك فين
ااتنهد مهاب وقرب من مني وهو بيقؤلها بجدية :
يلا يا مني ،، انا هشيل الشاش
وفعلا بدأ مهاب يشيل اللزق وبعد شوية بدأت مني الرؤية توضح معاها فابتسمت وهيا بتبص لمهاب وبتقؤله بفرحة:
ااانا شايفاك يا مهاب
ابتسم مهاب براحة والكل بقي يقرب من مني ويحضنها ويباركلها وخاصا فريدة اللي حضنتها مني وقالتلها بحب:
متشكرة اوي يا فريدة علي كل حاجة عملتيها ليا انتي بجد صاحبة عمري
ابتسمت فريدة بدموع وقالتلها بهزار :
بس يا بت انتي بقي بطلي دراما انا هروح اغسل وشي احسن مش بحب النكد ده وخرجت فريدة وصابرين طلعت وراها وهيا بتنده بابتسامة :
بت يا فريدة اسمعي
لفت فريدة وقالت بابتسامة:
نعم يا طنط
ضحكت فريدة وقالتلها بحب :
لا طنط ايه بقي بعد كدة تقوليلي يا ماما ،، ابقي خديلي معاد مع ابوكي عشان هاجي اقابله انا وحازم عشان نتقدملك
اتصدمت فريدة وبصت لحازم بصدمة وقالت بغباء :
انت هتتقدملي ازاي مش فاهمة
ضحكت صابرين وقالت وهيا بتسيبهم وتمشي :
يخرب عقلك يا فريدة الفرحة لحست مخك
ضحك حازم واول ما امه مشيت قرب من فريدة وقبل ما تتكلم حط ايده علي شفا*يفها وقالها بعشق:
بحبك والله العظيم بحبك وكنت غ*بي عشان اترددت لحظة وخليتك تبعدي عني بس انا فعلا معرفتش قيمتك الا لما غبتي عني ،،اكتشفت اني بعشقك يا فريدة ونفسي تديني فرصة وانا اعوضك
كانت باصة فريدة في عيون حازم بتكشيرة وفجأة ابتسمت وقالتله :

موافقة يا حازم اديك فرصة لاني لسة بحبك
مسك حازم ايدها وباسها وهو بيقؤل بعشق:
صدقيني مش هتندمي ابدا
………..
كانت واقفة مني بتبص لنفسها في المراية بفرحة ومهاب كان واقف وراها وهو بيقؤل بحب :
اعتقد اني وفيت بوعدي وخليتك تشوفي عيونك الحلوين
لفت مني وهيا بتضحك برقة وبعدين بصت لمهاب بتوتر وخوف وقالتله :
هو انا كدة همشي ومش هشوفك تاني
ابتسم مهاب وقرب منها ومسك ايديها وقربها من شفايفه وبا*سها بعمق فاتوترت مني وهيا متابعاه بعنيها وبعدين قرب مهاب منها اكتر وهمس قدام وشها بعشق وهو باصص في عيونها :
لو متخيلة اني ممكن اسيبك تمشي وتبعدي بعيد عني تبقي بتحلمي لاني قولتلك اني بحبك وبعد اللي سمعتك قولتيه لفريدة عني بقيت بعشقك اكتر يا منايا ،، انا بس حبيت اعرفك ان سواء العملية كانت نجحت او فشلت فانا مش هسيبك ابدا ،،انتي حقي يا مني وانا مش هتنازل عنه مهما حصل
ابتسمت مني وعنيها دمعت وقالتله وهيا متبتة في ايديه جامد :
اانا بحبك اووي يا مهاب والله
همس مهاب بعشق :
وانا بموت فيكي يا منايا
تمت

لقراءة الرواية كاملة اضغط على : (رواية عشق لم يكن في الحسبان)