رواية حب على حافة جبل الفصل السابع 7 بقلم حنين الماضي
رواية حب على حافة جبل الجزء السابع
رواية حب على حافة جبل البارت السابع
رواية حب على حافة جبل الحلقة السابعة
ادم فسخ خطوبتة مع هاجر وحاسس ان حياتة عمالة تتعقد اكتر واكتر ..
محمود : مالك يا ادم محدش بقى بيشوفك لية
ادم : مهموم نفس استقر ومش عارف،كل حاجة ضدى
محمود:دة نصيب متزعلش
ادم : اشمعنى انا اللى بيحصل معايا كدة
محمود: متفكرش كدة فكر ان ربنا بينقذك فى كل مرة
ادم : يعنى اللى كنت متجوزها دى واللى المفروض قريبتى يعنى لحمى ودمى تطلع كدة بالرغم انى مأثرتش معاها ، انت تعرف انها كانت بتسرقنى !!؟
محمود: انت بتتكلم جد
ادم : اة والله بس دايما كنت بطلع نفسى غلطان واقول اكيد لاة
محمود : واية اللى خلاك تتأكد
ادم : بعد ما طلقتها قولت اعرف هى اطلقت قبل كدة لية؟ عرفت انها دخلت بيت اهلة وسرقتهم وكانت بتشتمهم وتشتمة وتغلط فية
محمود : وهى الحجة عندك متعرفش كدة
ادم : اسكت ونبى يا محمود عشان انا على اخرى من الجوازة دى
محمود : طيب اهدا كده
ادم : ولا العيلة اللى خطبتها ههه عاوزانى احبها عالفيس ،اجيب هدية عشان تنزلها عالفيس او بقى اييية اعملها مفاجأة قدام اصحابها واروحلها قدامهم اقولها وحشتينى ومقدرتش ابعد قولت اجى اشوفك
محمود : هههههه
ادم : ونبى شوفت حظ زى حظى
محمود : بكرة ان شاء الله كل حاجة تتظبط وانت تفتكر كل دة بعدين وتضحك
ادم : هههه اضحك على خيبتى مش كدة
محمود : ههه .. طيب اية رأيك فى اخت حسام
ادم : اخت حسام ؟
محمود : واهو حسام اخونا وحبيبنا
ادم : مش عارف سيبنى افكر
محمود : خد وقتك
—————————–
حنان فالوقت دة كانت اشتغلت فى مدرسة خاصة واثبتت نفسها ومافيش عريس جة الا وطلعت عيوب الدنيا فيه ..
ادم مش عارف يلاقى حد يملا قلبة زى حنان ،لكن كل ما يحاول يقرب يلاقى الظروف ضدهم .
وفعلا ادم لتاااانى مرة خطب شهد اخت حسام صاحبة
ادم : بصى يا بنت الناس انا مبحبش حد يبص على حاجة تخصنى
شهد : هههه يعنى ايه
ادم : يعنى انا وانتى عارفين كويس اوى كل حاجه حصلت قبل الخطوبة بينا
شهد : يعنى بذمتك انا لو مش عجباك كنت خطبتنى
ادم : انا مقولتش انك مش عجبانى بس مكنش ينفع ،كنتى تضمنى منين انى اتقدم
شهد :كنت واثقة
ادم : المهم صورك دى محدش يشوفها تانى ممكن
شهد :دى صور عادية
ادم : يعنى صور الهوت شورت كدة عادية
شهد : دى كانت ليك انت بس
ادم : وباقى الصور اللى جسمك باين فيها !؟
شهد : عشان تشوف خطيبتك عاملة ازاي
ادم : انا يهمنى انك تصونى اسمى فى حضورى وغيابى
شهد قربت من ادم وبأيديها مشيت على رقبتة وادم ضعف واول قبلة حصلت بينةو بينها
شهد بتنهيدة: عجبتك
ادم بنظرات غير ثابتة: محدش ياخد الصور دى ماشى
شهد : هههه ماشى
ادم : حاجة كمان
شهد : ايه
ادم : وانتى فالشارع امشى عدل مش لازم ماشية عارضة الازياء دى
شهد.: ههههه طب ما تحبسنى احسن
ادم : اسمعى الكلام
شهد : دى مشيتى
ادم : لازم الرقص اللى بيحصل دة
شهد : انت بس غيران عليا
ادم : لا انا بتكلم فالصح عشان ميحصلش مشكلة بعد كدة
شهد : 🙄
———————————–
فالوقت دة حنان عمتها توفت ونظرا لارتباطهم بيها اى عريس متقدم لحنان اترفض الفترة دى …
—–
ادم : اية اخر صورك
شهد : لا خلاص بطلت تصوير مش انت قولتلى كدة
ادم : شاطرة كدة
شهد : تشرب اية
ادم : شاى ماشى
شهد : دقيقة طيب هعملة واجى
ادم وهو قاعد لقى موبايل شهد قدامة ونتيجة التجارب اللى مر بيها بقى عندة شك فى اى واحدة ، غصب عنة لقى ايدة راحت على موبايل شهد وفتحة ،خصوصا انة خد بالة اكتر من مرة وهى بتفتح موبايلها قدامة وحفظ الباسورد 🙈
ادم فضل يقلب فالموبايل عادى ودخل على الواتساب لقى رسايل من ابن عم باباها واستغرب وفتحها 😊
لقى كلام بينهم بهزار لحد لما سمع ريكورد منها لية بتقولة ( انا نفسى اشوفك عشان وحشتنى اوى وبحب اسمع صوتك وقلبى بيكون فرحان وهو معاك بحبك )
طبعا ادم سمع الريكورد اتجنن وهى داخلة بالشاى رماه من ايديها وجابها من شعرها بسرعة جدا مامتها جت واخوها حسام
مامتها: اية دة حصل اية
ادم : شوف اختك المتربية
حسام : عيب كدة يا ادم حصل ايه
ادم : اتفضل اسمع 😡 اسمع يا صاحبى واخويا
مامتها : يالهوووى يالهوووى اة يا حيوانة يا سافلة
حسام مقدرتش يمسك اعصابة نزل فيها ضرب ومامتها بقت تبهدلها وفالاخر دخلوها اوضتها
مامتها : انا مكنتش موافقة على الخطوبة من الاول ،قولت عيلة طايشة هتبهدلنا
حسام : مالوش لازمة الكلام دة ، ادم حقك عليا بس اكيد مش هنخسر صداقتنا اللى بقالها سنين وانا بقولك انت خسارة فيها
ادم : انا مش هقدر اكمل الخطوبة
حسام : حقك يا صاحبى وانا مرضاش انك تكمل
مامتها : والله يا ابنى الواحد محرج منك
ادم : حصل خير عن اذنكم وكل شئ قسمة ونصيب
—————-
ادم بقى حاسس ان كل اللى بيحصلة دة بسبب حبة لحنان وان دة ذنبها وقرر يرجع يكلمها ويشوفها لكن المرة دى هو مصمم انة يتجوزها ولو محصلش يبقى مش هيخطب ولا يتجوز تانى ..
دخل ادم على الماسنجر الخاص بحنان
ادم : حنان عاملة ايه طمنينى عليكى
حنان : ……..
ادم : انا لسة بحبك ومش قادر انساكى عشان كدة ولا موضوع ليا بيكمل
حنان : كل شوية تيجى تقولى كدة وبعد ما اسامحك ترجع تصدمنى تانى
ادم : وحياتك عندى ما هيتكرر تانى ،المرة دى راجع وناوى فعلا اتقدم
حنان : عمتى توفت وصعب جدا دلوقتى
ادم : يعنى انتى لسة مش مرتبطة
حنان : معرفتش انساك واى حد بيجى برفضة
ادم : خلاص لازم اشوفك انتى وحشانى اوووى
حنان : وانت كمان
ادم : خلاص ايه رأيك اعزمك عالفطار عند امى زى زمان فاكرة
حنان : دى وحشتنى جدا
ادم : خلاص اية رأيك بعد بكرة
حنان : خلاص ماشى
ادم : بحبك
حنان : وانا كمان
————————-
عدا اليومين وادم جهز الفطار فى بيت مامتة
حنان : صباح الخير انا جيت بدرى ولا ايه
ادم : حبيبى صباح العسل لا مش بدرى تعالى اتفضلى
حنان : اومال طنط فين
ادم : لو كنت قولتلك انها مش موجودة مكنتيش هترضى تيجى
حنان : يعنى هى مش موجودة!!؟
ادم : لا وانتى وحشانى عاوز اقعد اتكلم معاكى ولا انا مش واحشك
حنان : بالعكس وحشتنى بس تقدر تقولى انت كام مرة كسرت قلبى ،تقدر تقولى كام واحدة قربت منها وانا مش قادرة استحمل نظرة اى حد ليا ومقدرتش اتخطب عشان قلبى متعلق بيك
ادم : حقك عليا
حنان : حقك عليا،ههههه يااااااة بالبساطة دى ،تخيل لو الموقف كان معكوس وانا اللى اتجوزت واتطلقت كنت هتتجوزنى وانت عارف ان غيرك شافنى ولمسنى
ادم : بلاش تصعبيها عليا عشان خاطرى
حنان : وانا فييييين انت حاسس بقلبى
ادم: انا قدامك اهو وبقولك حقك عليا
حنان : 😭😭 زى الهبلة كل مرة تكلمنى ارد عليك وقلبى مش مطاوعني حتى اعملك بلوك لا موبايل ولا من حياتى
ادم فاللحظة دى قرب من حنان اوووى وتقريبا كلها فى حضنة ومن اشتياقهم لبعض محسوش هما بيعملوا ايه
لكن حنان كانت عاوزة تعوض قلبها عن كل عذاب السنين اللى قلبها بعد فية عن ادم .
وادم حاسس انة مش عارف يعيش الاحساس دة غير مع حنان وقلبة مبسوط …
ادم : خلاص كدة انا لازم اكلم اخوكى مش هقدر ابعد تانى
حنان : مش هينفع دلوقتى على الاقل يعدى ٤٠ يوم من وفاة عمتى وانا هفتح الموضوع معاهم
ادم : مش عارف اشبع منك عاوزك فى حضنى تانى انا لو بايدى ادخل عليكى دلوقتى انا ماسك نفسى بالعافية
حنان : انا معرفتش احب ولا اقرب من حد غيرك
ادم : خلاص لازم نتجوز احنا اتعذبنا كتير
حنان : انا هكلمهم واقولهم مش عاوزة غيرة
ادم : ربنا يستر واخوكى ميرفضش
حنان : انا معاك متقلقش
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب على حافة جبل)
2 تعليقات