رواية تخلت عن كبريائها من أجله الفصل الخامس 5 بقلم رونا

رواية تخلت عن كبريائها من أجله الجزء الخامس

رواية تخلت عن كبريائها من أجله البارت الخامس

رواية تخلت عن كبريائها من أجله الحلقة الخامسة

يوم جديد وبيبدوا ابطالنا اليوم بروتينهم المعتاد شذي بتصحي تجهز وتفطر مع شيري وكل واحده بتروح شغلها
{في الشركه}
شذي بعد تفكير طويل هتتصرف ازاي مع المافيا قررت انها تتصل ب لواء في الداخليه صاحب ابوها من زمان وتحكيله كل حاجه ويقولها تتصرف ازاي لانها تعبت من اللي حصل فكانت المكالمه
شذي: ازيك يا اونكل
اللواء جمال: بخير ازيك يا شذي
شذي: بخير ينفع حضرتك تجيلي الشركه
اللواء جمال: ينفع ياشذي امتا
شذي: ياريت دلوقتي
اللواء جمال: تمام ياشذي مسافه السكه
شذي: تمام يافندم
بعد نص ساعه بيوصل اللواء جمال الشركه
سلمي السكرتيرة: اللواء جمال وصل ياشذي هانم
شذي: دخليه بسرعه
سلمي: حاضر
بيدخل اللواء جمال المكتب
شذي: نورت الشركه يا اونكل تشرب اي
اللواء جمال: الشركه منوره بيكي اشرب قهوه ساده
شذي: 2قهوه ساده ياسلمي ومدخليش علينا حد
سلمي: حاضر يافندم
بعد ما سلمي خرجت
اللواء جمال: يارب يكون الموضوع اللي عايزاني فيه خير يا شذي
شذي: خير ان شاءلله يا اونكل
في اللحظه دي بتدخل سلمي بالقهوه
شذي: روحي انتي يا سلمي وزي ما قلتلك متدخليش حد ولا تحويلي مكالمات
سلمي: تمام يافندم
بعد ما سلمي خرجت بتحكي شذي للواء جمال كل حاجه
اللواء جمال: اتاخرتي اوي يا شذي في انك تحكيلي واتسرعتي في الحكم علي والدك من غير ما تعرفي الحقيقه
شذي: حقيقه اي
اللواء جمال: في يوم بابكي جالي وقالي انه لسه داخل شراكه مع شركه جديده واكتشف انهم بيستغلو الشراكه اللي بينهم ويدخلو مخدارت واثار في شحنات
بضاعه لشركه والدك وانا قالتاله ان يقدم بلاغ رسمي عشا يخلي مسئوليته وعمل كده واتقبض عليهم وبعد كده عرفنا انهم مش مجرد تجار مخدارات واثار دول اعضاء في مافيا دوليه والمافيا عرفت باللي حصل وكلمت والدك عشان يساعدهم في شغلهم بدل رجالتهم اللي اتقبض عليهم وهددوه بيكي وباختك وب نيره وبمامتك فواوفق بس في نفس الوقت حكالي واحنا كنا حاطين خطه عشان نوقع المافيا دي والخطه كانت ناجحه جدا بس حصلت غلطه كده خلتهم يحسوا ان بابكي بيخونهم لكن مش متاكدين ودبروا الحادثه اللي مات فيها بابكي ومامتك هي كانت المفروض قرصه ودن مجرد تهديد لكن اللي بينفذ غلط ومات بابكي ومامتك في ساعتها يعني بابكي كان بطل ومامتك كانت ضحيه وع فكره مامتك مكنتش تعرف حاجه
شذي بتاثر ودموع: يعني انا كنت ظالمه بابي انا كنت حاسه ان بابي مستحيل يعمل كده بس كل حاجه قدامي كانت بتقول العكس طب بعد موت بابا اي اللي حصل
اللواء جمال:وقفنا الخطه وانا كنت مراقبك من بعيد لبعيد عشان احميكي وعرفت اللي حصل معاكي وكنت متوقع انك هتحكيهالي ومستنياكي تتكلمي عشان تساعدينا نرجع حق بابكي ومامتك وتعيشي انتي وشيري ونيره في امان
شذي:وانا تحت امرك بس بالنسبه ل شيري ونيره هيعرفو ولا لا
اللواء جمال: الافضل ليهم ميعرفوش
شذي: تمام
اللواء جمال: همشي انا بقا وهبعتلك التفاصيل في رساله
شذي: تمام يافندم
ـــــــــــــــــــــــــــــــــ|بقلمي رونا|ـــــــــــــــــــــــــــــــ
بعد ما مشي اللواء جمال بتيجي مكالمه ل شذي من المافيا
المتصل:بفكرك بميعادنا الساعة 4 الفجر وعرفت ان كان عندك لواء اوعي تكوني اتهورتي وقلتي حاجه والا انتي عارفه هنعمل اي اصل اختك وبنت عمك جامدين اوي
شذي ببرود اعصاب: فاكره ميعادنا ومش هتاخر ومتخافش محكتش حاجه للواء هو كان عندي بيطلب تصميم ديكور لفيلا ابنه
المتصل: انا مبخافش انتي اللي لازم تخافي لو فكرتي تسليمنا للحكومه وبيقفل المكالمه وميدهاش فرصه ترد
{في شقه لينا}
باتت نيره مع لينا وصحيت نيره لاقت لينا بتحضر فطار
نيره: صباح الخير
لينا: صباح النور علي فكره انا هغني في فرح النهارده متيجي معايا
نيره: لو كان حفله كنت جيت
لينا: طب انا مش عارفه البس اي
نيره: تيجي اوديكي اتيليه شيري بنت عمي تشتري فستان
لينا: فكره حلوه اوك
بيفطروا وينزلو يروحو ل شيري الاتيليه
{في الاتيليه}
نيره: هاي شيري وحشاني
شيري: هاي نيره انتي كمان وحشاني
نيره: اعرفك ب لينا صاحبتي ومغنيه
شيري: اي ده لينا المغنيه صاحبتك انا بحب اسمعك اوي يا لينا
لينا: ميرسي يا شيري المهم انا عندي فرح هغني فيه وعايزه فستان سهره حلو كده
شيري: بس كده تحت امرك تحبيه طويل ولا قصير
لينا: بحب الطويل
شيري: تمام
شيري بتوريها كذا موديل ولينا بتاخد بالها من فستان معروض علي المينكان
لينا: ممكن اقيس الفستان ده
شيري: ممكن جدا وبتجيب الفستان وتديهولها
وتدخل لينا تقيسه وبتخرج
نيره: جامد اوى يا لينا
شيري: فعلا لايق عليكي اوي
لينا: خلاص هاخد ده
الفستان اللي لينا اختارته

ـــــــــــــــــــــــــــــــــ|بقلمي رونا|ـــــــــــــــــــــــــــــــ
لينا ونيره بيمشوا وبتيجي مكالمه ل شيري من دينا
دينا: هاي شيري
شيري: هاي دينا
دينا: بقلك متيجي معايا البيوتي سنتر تختاري معايا اللوك انتي عارفه ماليش فالحاجات دي وحاسه ان لو رحت لوحدي هحتاس
شيري: اوك هقابلك امتا وفين
دينا: دلوقتي وبتوصفلها المكان اللي هيتقابلو فيه
شيري: اشطا وبتقفل معاها وتاخد شنطتها وتنزل
في الشركه تحديدا في مكتب حمزه بيدخل تامر فجاه من غير ما يخبط
تامر: اخبارك ياصحبي
حمزه:كويس بس مش انا قلتلك 100مره بطل تدخل فجاه كده
تامر: ومبطلتش عايزك في حاجه مهمه
حمزه: خير
تامر: اللي اسمها نيره دي طلعت في السليم وملهاش علاقه باللي عايزينه
حمزه: طب وبعدين هنفضل كده مش عارفين نوصل ل حاجه
تامر: اكيد لا هنوصل لحاجه قريب
حمزه: انت في دماغك حاجه معينه
تامر: شويه معلومات متبعتره بحاول اجمعها
حمزه: طب ما تقولي اساعدك
تامر: اكيد هقولك بس مستني اضبط حاجه معينه
بيخلص اليوم عند ابطالنا وبيجي ميعاد شذي مع المافيا وبتفتكر الرساله اللي بعتهالها اللواء جمال
(فلاش باك
بعد ما اللواء جمال مشي جه ل شذي بوكيه ورد قرات الكارت مكتوب فيه لما تروحي من الشركه شوفي الحاجه الموجودة في البوكيه لان احتمال كبير يكون في حد فالشركه بيبلغهم اخبارك فخلي بالك خلصت شغلها و روحت البيت وابتدت تشوف اي اللي في البوكيه لاقت علبه هديه فيها خط تلفون ومايك وسلسله و كارت مكتوب تانى فيه الخط ده مش هيعرفو يراقبو حطيه في فونك عشان ده اللي هنتواصل منه والمايك تلبسيه ومتخافيش مش هيبان والسلسله فيها جهاز gbs تلبسيها واتصرفي طبيعي وتتوافقي علي اي حاجه يطلبوها منك
نهايه الفلاش باك)
شذي: لنفسها ربنا يستر وبتقوم تجهز وتتحرك بالعربيه وبعد وقت بتوصل المكان
ـــــــــــــــــــــــــــــــــ|بقلمي رونا|ـــــــــــــــــــــــــــــــ
الشخص: جبتي الحاجه اللي تخصنا
شذي: جبتها
الشخص: تمام عايزين منك خدمه تاني
شذي: خدمه اي
الشخص: هنهرب بنات في شحنه بضاعه من عندك عشان نتاجر في اعضائهم
شذي: موافقه
الشخص: في حاجه كمان
شذي: اي هي
الشخص: رجالتنا في دبي عايزين يدخلو هيروين بس معصلجه شويه وشركتك ليها فرع هناك فاحنا عايزين ندخل الهيروين عن طريق فرع شركتك
شذي: بس مش انا اللي بدير فرع دبي هدخلهالك ازاي
الشخص: عارف اللي بيدير فرع دبي عمار الجارحي ابن عمك مظنش انه هيمانع يساعدنا قصاد حياه اخته وبنات عمه ولا اي
شذي: تمام
ياتري حمزه وتامر بينهم اي ؟
ياتري شذي هتقول ل عمار ولا هتتصرف لوحدها؟