رواية خدعة حب الفصل الثاني 2 بقلم أمنية حاتم
رواية خدعة حب الجزء الثاني
رواية خدعة حب البارت الثاني
رواية خدعة حب الحلقة الثانية
كريم: انا عاوز اتقدم واطلب ايد رضوي
اتصدمت واستغربت وشعور مختلف اول مره احس بيه لكن عرفت اداري كل ده
كارما: إيه ده يعني انت محكتليش عنها قبل كده!!!
كريم: كنت حاسس انه حب من طرف واحد، لكن لما ليقتها معجبه بيا برضو قررت اخد خطوه واتقدملها
كارما بهزار: أخيراً هنفرح فيك، قصدي هنفرح بيك وتبقا عريس يا كيمو
كريم: والله شكلك بتتريقي
يلا هسيبك تكملي شغلك
وهو بيتكلم كان فرحان وعينه بتلمع شكله بيحبها بجد…. طب وانا!!!
استغربت من تفكيري، يعني ازاي امبارح اقول اننا خوات وانهارده زعلانه انه هيخطب؟؟؟!
حاسه انه جه رمي قنبله قدامي وقالي يلا هسيبك تتعملي معاها لوحدك
فوقت نفسي من كل الافكار اللي هجمت عليا فاجاءه وروحت اكمل شغلي
كارما: صباح الخير يا أسيل
أسيل:…………..
كارما: ساكته ليه!!! طب مش عاوزه تقولي حاجه؟؟؟
أسيل:……………
طب انا عاوزه اسألك عن حاجه شغاله بالي
بصتلي بتركيز بس متكلمش
كارما: انتي جيتي هنا لوحدك وبمزاجك ودي نوادر…. مفيش حد بيعترف بأنه مريض نفسي ومكتئب وعاوز حد يساعده
أسيل: علشان عاوزه ارتاح، قلبي اتكسر وانا قررت اساعده علشان يرجع كويس تاني
كارما: طب ما تحكيلي علشان اقدر اساعدك بطريقه احسن…. انا عارفه ان دكتور مازن هو اللي كان ماسك حالتك بس سابك لظروف معينه
أسيل: مش هتفرق بالنسبالي مين اللي ماسك حالتي…. كلكم زي بعض
كارما: يعني ايه كلنا زي بعض؟؟!
أسيل بصوت عالي: يعني كلكم بتقوله نفس الكلام
بتقولولي انسيه خليكي قويه، هو ميستهلش حزنك، انتي كويسه وهتلاقي ناس تانيه تعوضك
كل ده كلام….. كلام وادويه وبس لكن محدش حاسس بيا… انتو بتمشو و بتسبوني ل عقلي وتفكيري
كارما: طب أهدي ونتكلم براحه
أسيل: انا جيت هنا علشان انسي وابدء من جديد لكن……..
سكتت وباصت لبعيد وخدت نفس عميق وقالت:
وانا قاعده غصب عني بفتكر ذكريتنا الحلوه وكلامه اللي كان بيطيرني من الفرحه و وعدوه ليا
ملامحها اتغيرت للغضب ونظره عينها اختلفت وقالت: بس بعد كده بلوم نفسي وافتكر اللي عمله فيا وذكرياته اللي بتطفي روحي…. حتي وانا بحاول انساه بفكر فيه
اسيل عندها شيزوفرينيا و وسواس قهري
علشان كده تعبها مضاعف وجلد الذات عندها في اعلي مراحله فقررت اغير اسلوب العلاج معاها
كارما: انا حاسه بيكي… ومش هقولك خليكي قويه، لأ هقولك خليكي طبيعيه وازعلي وعيطي واضحكي في اي وقت متكتميش مشاعرك
بصتلي وملامحها هاديه وبعد كده بدءت دموعها تنزل بأنسياب كأنها اديت لنفسها الأمر بخلع قناع القوه المزيف………
وبعد كده بدءت تهدا وتمسح دموعها واتكلمت:
تعرفي اني كنت بألف وبكتب حاجات كتيرة زمان!!
كارما: بجد!!!
ده انا مش بعرف اكتب جملتين مع بعض
أسيل بشبه ابتسامه: اصلها موهبه
بس ده كان زمان وانا بطلت اكتب…بطلت حاجات كتير
كارما: طب طالما هي موهبه بقا وريني حاجه دلوقتي من افكارك
أسيل: مش هعرف
كارما: جربي بس
ادي ورقه وقلم اهو واكتبي شعورك او الفكره اللي جتلك دلوقتي
سرحت دقيقه ومسكت القلم وكتبت:
“و مازلتُ لا أدري أيُّهما يُؤلمني أكثر، الأشياءُ التي أفعلها رغمًا عن قلبي، أم الأشياء التي يفعلها قلبي رغمًا عنّي”
اخدت الورقه وعجبتني الجمله جدااا
كارما: اي الكلام المُعبر والجميل ده
ابتسمتلي منغير كلام
كارما بإبتسامة: انا هسيبك دلوقتي وهجيلك بكرا
بس هبقا طماعه وهطلب من الكلام الحلو ده كتير
خرجت من اوضتها وانا تفكيري زاد وبقيت بفكر في كلامها وحالتها وبرضو بفكر في كريم
خلصت شغلي بسرعه وقررت امشي وخصوصا ان كريم مش موجود علشان اريح اعصابي شويه
روحت ملقتش ماما ف عرفت انها فوق عند خالتو
كارما لنفسها: هو انا ممكن اكون زعلت انه هيخطب علشان انا متعوده يكون ليا لوحدي!!! ولا علشان هو مش هيبقا مهتم بيا زي الاول
اصل اكيد انا مش غيرانه يعني ده انا كنت بقوله امبارح علي مواصفات فتي احلامي،
وبعدين بقا في انفصام الشخصيه ده
الباب خبط توقعت انها ماما
كارما: ايوه حاضر
فاطمه: كوووووكي
كارما: يابت خضتيني في إيه
فاطمه: في ضحك وسعادة وحاجه قمر كده
كارما: إيه كميه الفرحه دي
طب فرحيني معاكي وقوليلي
فاطمه بصوت واطي: بصي هما قالو انزلي هاتي كارما منغير ما تقوليليها حاجه
كارما بتقلدها وبتتكلم بصوت واطي: وهما بقا مش عاوزينك تقوليولي إيه؟؟؟؟
فاطمه بهزار: لا لا انتي كده هتجرجريني في الكلام وانا ممكن اقول عادي
بصي خليها مفاجأة احسن
سمعت كلامها وطلعت معاها ودخلنا الشقه وكانت الدنيا ضلمه
كارما: هي الدنيا ضلمه كده ليه؟
فاطمه بهزار: تلاقي كارت النور خلص
كارما بضحك: يا حسن الحظ يا جماله
فجأة فتحو النور والشقه كانت كلها زينها وبلونات والسفره مليانه حلويات
كريم: هو فعلا انهارده من اجمل الايام ومن حسن الحظ لأن احلي كارميلا نورت الدنيا فيه
كارما بفرحه: انا كنت ناسيه أن انهارده عيد ميلادي
كريم: بس انا منستش وقولت ل خالتو متقولكيش
كارما: دي احلي مفاجأة
كريم: لأ لسه فيه مفاجأة تانيه
بس تعالي اطفي الشمع الأول
كنت متلغبطه ومش عارفه اركز بس مبسوطه
كريم بإبتسامة: اتمني أمنيه
غمضت عيني واتمنيت وطفيت الشمع
فاطمه: كل سنه وانتي مجناني ومنوره حياتي يا كوكي
ناديه: كل سنه وانتي طيبه يا حبيبتي واحلي دكتورة في الدنيا
كريم: بصو بقا يا جماعه عاوز استغل المناسبه الحلوه دي واقولكم حاجه هتفرحكم كلكم
وبصلي وابتسم: خصوصا كارما
فاطمه: طب يلا قول بسرعه
كريم بسعاده:………………….
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية خدعة حب)
تعليق واحد