رواية يوميات مجانين الفصل السادس 6 بقلم سارة محمد
رواية يوميات مجانين الجزء الخامس
رواية يوميات مجانين البارت الخامس
رواية يوميات مجانين الحلقة السادسة
حسام بسخريه :ربنا يشفي ثم تركه وخرج
جلس عمر يحدث نفسه :معقول تشوفني بالمنظر دا
ثم نظر حوله وجد البيت في حاله يرثي لها
عمر وهو علي وشك البكاء: انا كان مالي بكل دا بس يا ربي اااه يا اني ثم استقام واخذ يرتب البيت وبعدها اتجه الي المطبخ حتي يقوم بإعداد الغداء
عند سراج وباسم في المكتب
سراج في طريقه الي مكتبه وجد باسم يجلس مع احدي الموظفات ويضحك معها
امسك سراج بيد باسم قائلا :قدامي علي المكتب يا استاذ عندنا شغل
باسم :طيب طيب جاي
استدار باسم ثم غمز للبنت وذهب خلف اخوه
في مكتب سراج
سراج :يا بني انت مش هتهدي بقي كل شويه مع واحده شكل
باسم: اعمل ايه بيحبوني يا جدع
سراج بغضب: طب امسك يا اخويا الملفات دي اشتغل عليها تكون علي مكتبي اخر اليوم مفهوم
باسم :علم يا كبير طيب بالنسبه للاجتماع
سراج :كمان نص ساعه
فجاه يدق الباب
سراج :ادخل
دخلت شذي سكرتيره سراج قائله :دي الملفات اللي حضرتك طلبتها
سراج وهو ياخد منها الملفات :تمام يا شذي شكرا ممكن فنجان قهوه لو سمحتي
ولكن شذي واقفه في مكانها في عالم آخر فهي فقط تنظر لسراج بهيام
لاحظ باسم نظراتها لاخيه
باسم بخبث :احم احم احم طيب استاذن انا يا سراج يا اخويا عندي شغل مش كده ولا ايه يا انسه شذي
شذي :هاااا اه طبعا عن اذنكم ثم خرجت واقفلت الباب خلفها واضعه يدها علي قلبها
في الداخل
ينظر باسم لسراج بخبث
لاحظ سراج نظرات اخوه فقال: مالك ياض
باسم: ايه الحكايه
سراج باستغراب: حكايه ايه
باسم :شذي شكلها واقعه والبعيد طور مبيحسش
سراج بابتسامه :بتهزر صح
باسم بضحك: الله الله الله لا احكيلي بقي
سراج: بصراحه معجب بيها من وقت ما جات هنا بس خايف ليكون الاعجاب دا من طرف واحد
باسم :امممم من طرف واحد ما انت لو بتفهم كنت لاحظت نظراتها ليك كنت عرفت انها كمان معجبه بيك
سراج بصدمه: احلف بالله
باسم بضحك: ااااه والله انا همشي
اشوف شغلي بقي سلام
سراج بابتسامه :سلام
ذهب عمرو الي مكتبه وجدها بانتظاره
عمرو :اووووف يا بنتي انت مش بتتعبي
ايه بتصميم :مش بتعب وهتدرب عندك يعني هتدرب عندك
عمرو :اووووف ماشي يا رب نخلص
ايه بفرحه: ايوا بقي هنبدا امته
عمرو :النهارده في قضيه مهمه شغال عليها هتساعدني اتفقنا
ايه: اتفقنا إن شاء الله اكون عند ظن حسن حضرتك
ضحك عمرو وتركها ودخل مكتبه
في المساء عاد الجميع الي المنزل ماعدا رائد
عمر بقلق: هو رائد اتاخر ليه
عمرو :هتلاقيه مع اصحابه
سراج: صح رائد مش صغير وبعدين بلاش شغل ماما دا قلقان ومعرفش ايه
عمر :في ايه الساعه عشره يا جدعان هو لسه مرجعش ليكون حصله حاجه ولم يكمل جملته ووجد الباب يدق
حسام: اهو الاستاذ وصل
ذهب عمر كي يفتح الباب ظننا منه إنه رائد ولكن وجده حمو
حمو بسرعه :الحق الحق يا عمو عمر
عمر :في ايه يا حمو
حمو :الحق اخوك رائد الواد زكريا وهو واصحابه بيضربوه
السته في صوت واحد :ايييه
ثم خرجوا جميعا من البيت متجهين لمكان زكريا واصحابه
في طريقهم الي هناك
سراج بغضب: انا اخويا بنضرب وانا عايش دا يومهم اسود
وصلوا اخيرا
رائد بمجرد رؤيته لاخوانه صاح قائلا :الحقوني
حسام: مش رجوله دي يا كباتن كلكم علي واحد
زكريا :خد اخوات و امشي من هنا احسنلك
سراج :ولو مامشناش
زكريا :هنزعلكم
عمر :طب ورينا هتزعلنا ازاي ثم اعطي لزكريا لكمه اطاحت به ارضا لحظه واشتبك إخوته مع اصدقاء زكريا
وبدات معركه بينهم انتهت وزكريا واصحابه ممدين علي الارض يصرخون من الالم
خرج عمر هو وإخوته يساندون رائد
حسام: انت كويس يا رائد
رائد: الحمدلله يا حسام
عمر :لينا كلام في البيت يا استاذ رائد
نظر له رائد بتوتر
رائد يهمس لعلي: انا هتنفخ صح
علي بهمس: عشان تبقي تعملي فيها راجل اوي قولتلك متدخلش في الحوار دا
رائد: بس سيبك انت ايه دا يا جدع دا انتو طحنتوا العيال
علي بضحك :عيب عليك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يوميات مجانين)
تعليق واحد