روايات

رواية ذات الوجهين الفصل العاشر 10 بقلم منة محمد

رواية ذات الوجهين الفصل العاشر 10 بقلم منة محمد

رواية ذات الوجهين البارت العاشر

رواية ذات الوجهين الجزء العاشر

رواية ذات الوجهين
رواية ذات الوجهين

رواية ذات الوجهين الحلقة العاشرة

رجاء ارفعوا الحلقه الفيس حذفهولي مرتين وكنت هصوت لحد ما قدرت ارجعه تاني بس
واقفه قدام باب المطعم وافتكرت لما كانت بتدخله وعزمت فيه محمد الكاشف وهو كل مره بقي يجبها لانها بتحب اكلهم الذيذ بكل اصنافه
زوج صحبتها: مش دي ذات الي معاكي في الجولف
صاحبتها لفت عليها: ايوه هي
وراحت تسلم عليها: ازيك يا ذات
ذات لفت وبصتلها: ازيك يا جهاد
جهاد: واقفه كدا ليه مستنيه حد!!؟؟
ذات ارتبكت: اه صديقتي
جهاد: سمعت ان محمد قفل الشركه صحيح
ذات بحرج: اه اصله سافر يتشغل في انجلترا سمعت انه اخد مشروع كبير هناك بس انتي بتعملي ايه هنا
جهاد بتبسامه: ابدا انا هنا مع جوزي اصله أصر يعزمني ع الغداء لو كنتي لوحدك كنت قولتلك تعالي انضمي معانا
ذات ندمت بشده انها اتسحبت وقالت لها معايا صاحبتي ردت عليها: لاء والله صحبتي جايه
جهاد: خلينا نشوفك متقطعيش
ذات ابتسمتلها ومشت راحت قدام باب تاني من سلسله المطاعم
العامله لمحتها وبترحاب: اهلا يا ذات هانم احجز لكام فرد
ذات : اتنين
العامله: اوك اتفضلي معايا
ذات: ثواني هعمل مكالمه للشخص الي معايا
العامله بحترام: براحتك يا هانم
ذات بعدت شويه وفتحت الشنطه تفر عن فلوس وبحسره: اه مفيش يكمل ميه جنيه ولازم اركب تاكسي عشان اروح
العامله: اتفضلي يا هانم التربيزه جاهزه
ذات اتوترت: يظهر دخلت المطعم الغلط انا هقابل صديقتي في مطعم تاني
العامله: مفيش مشكله
ذات بعدت عن المكان وفضلت تفتش في محتويات الشنطه سمعت صوته لفت وبصتلهم وجريت لبعيد قبل ما يلمحوها!!!!
نور حاطط ايده ع كتفها ومبتسم: سمسمتي اختاري النهارده نوع الاكل
ياسمين مصطنعه الجديه : اممم يعني انت قررت اختار
نور: طبعا بس اختاري اكل غالي ها يئما هختار انا واجبرك عليه
ياسمين: طبعا انت بتحب تنتصر دايما عليا
نور بابتسامة قربها منه وباس خدها : الله مش مراتي ولازم اغلبك
ياسمين: اوك هندخل هنا
نورهرش في راسه: هنا والله الاكل برضو حلو جدا وسعره مش بطال
ياسمين ضحكت ع اسلوبه وضرب*ته في صدره بخفيف
نور لسه بيلف لمحها واقفه بضهرها وفاتحه الشنطه وبتفر فيها حب ينت*قم منها انها في يوم سابته رغم انه حبها بجنون وبسرعه طلب من ياسمين تسبقه بحجه انه هيعمل مكالمه مهمه وهي نفذت ودخلت تطلب الاوردر
نور جه وقف وراها وقال بصوت كله شماته: مهما هتلاقي فلوس مش هتكفيكي تاكلي هنا
ذات وسعت عيونها ورسمت ابتسامه ولفتله: نور بجد صدفه جميله انت هنا لوحدك
نور عدل ياقه قميصه بغرور وبصلها وقال: لاء معايا حبيبتي وشريكه عمري
ذات بتلف حواليها: وهي فين ياسمين في اي معطم بتاكله اصلي جايه لوحدي ممكن ادخل اشارك معاكم
نور بصلها وكرمش ملامحه جدا
ذات مسكت ايده: عارف اني مفتقداك وافتقدت وجود ياسمين كمان ممكن اقعد معاكم ونتكلم زي زمان
نور سحب ايده منها كأنها عدوه مق*رفه: مظنش لان انا ومراتي بس الي نقدر ناكل هنا لانه غالي اوي وصعب تدفعي تمن اكلك ومتفكريش بأني هدفعلك زي الرجاله التانين لانهم اغبياء بتعلقيهم بيكي وبعدها تستغليهم لحد ما يفلسوا وانا جيت احيكي واشكرك مره تانيه ع اليوم الي سبتيني فيه وبحمد ربنا ان ده حصل وخلاني اعيش حياه جميله مع انسانه بسيطه جميله تستحق تاخد اسمي وتاخد معاه قلبي ولولا التجربه اتعلمت اخرج من النار وادخل الجنه
ذات بصتله تاني وبح*ده : نور احترم نفسك
نور بنظرات ح*اده واحت*قار: تؤ تؤ اهدي الناس كتير شكلك هيبقي وحش ومتنفعليش كدا انا بتكلم بهدوء بس انا عذرك معكيش فلوس ودي حاجه تجننك وهتضطري تمدي ايدك وتتقبلي وضعك وقريب اوي هتتعودي ع التسول والشحاته
نور ضحك بسخريه ولف يمشي كانت هتضربه في ضهره بالشنطه
نور لف وشافها رافعه الشنطه لفوق : استني استني فيه حاجه كمان اياك تقارني نفسك بياسمين لان ياسمين بتملك كل حاجه انت متملكهاش خصا راجل بيعشقها زي ما انا بعشقها
ذات فقدت كل اعصابها خالته لف وح*دفت الشنطه بغيظ علارض
نور لف وابتسم: استمتعي بأكلك باي
ذات راحت وراه ووقفت وري الازاز تبص عليهم وهو بيأكل ياسمين بحب وحنان وهي بتضحك معاه في منتهي السعاده وهو بصلها بضيق ولف وشه وفضل يعاكس ياسمين ويكيد فيها انها في يوم رمته ولم تبالي بوجعه والمه!!!!!
…………قصص منه محمد كاتب………..
ياسمين خلصت شغلها وخارجه لقت موبيلها بيرن ردت بصوت بشوش: ذات كنت لسه بفكر فيكي وهتصل اسأل عليكي عامله ايه
ذات: انا زي الزفت انتي فين دلوقت
ياسمين بقلق: خارجه من الاذاعه ومروحه البيت انتي فين وانا اجيلك
ذات: انا قدام بيتك جايه ع امتي
ياسمين: اممم يعني قدامي عشر دقايق(سكتت بعد ما استوعبت) انتي قولتي انتي فين
ذات: واقفه برا قدام بيتك انتي ونور
ياسمين بتعجب: وصلتي لهناك ازاي
ذات: صدفه كنت قريبه من المكان ولمحت اسم نور ع الفيلا انتي جايه فانا هقف استناكي برا قدام الباب
ياسمين: لاء ادخلي عزه في البيت خدي راحتك وانا جيالك مسافه السكه
ذات: تمام(راحت ضربت الجرس بحقد لدرجه مرفعتش ايدها عنه)
عزه بزعيق: منا جايه اهو هو انا قاعده وري الباب
عزه فتحت وشافتها: اهلا يا مدام ذات بس مفيش حد في البيت
ذات ربعت ايدها بغرور وعنجهيه: ياسمين قالت لي استناها جوه
عزه فتحت الباب ع وسعه: اتفضلي
ذات دخلت ووزعت عيونها في كل حته من البيت وبمكر بصتلها: مفيش عصير خفيف
عزه: ثانيه واحده
ذات لفت بعينها مسحت كل ركن في البيت كله لحد ما طلعت السلم الرخام للدور التاني شافت في الطرقه صور كتير لنور وياسمين والغيره والحسد غذوها
ذات دخلت غرفه النوم الخاصه بيهم فتشت كل حاجه وشافت مجوهراتها وشنطتها الماركه وفتحت الدولاب وشافت الفساتين الغاليه وقمصان النوم ولعت وراحت للسرير وتخيلت نفسها مع نور وهو ضممها وواخدها في حضنه وبيسمعها احلي كلمات الحب والغرام وهنا نارها ولعت
عزه رجعت بالعصير ملقتهاش : راحت فين دي بس
عزه بقت تفتش في كل حته حتي الحمام والجنينه لحد ما ظنت انها فوق وفعلا طلعت وراها لقتها في غرفه النوم قرب السرير
عزه: يا مدام انتي جيتي هنا ازاي
ذات: زي الناس طلعت ع السلم
عزه: وبتعملي ايه هنا ممنوع تدخلي دي اوضه نوم خاصه بالست هانم والباشمهندس وحضرتك ضيفه عيب تدخليها
ذات بنفعال: انا مش غريبه انا ابقي صديقه ياسمين وهي سمحتلي اتحرك براحتي والخدامه المفروض هي الي متدخلش
عزه ضربت ع صدرها لما خرجت: يا نصبتي لتكون سرقت حاجه
ذات نزلت تحت ومضايقه من الي شافته وقعدت بزهق التلفون الارضي رن راحت رفعت السماعه
نور: الو عزه
ذات: ازيك يانور
نور اتاخد وبستفسار: انتي مين؟؟!!
ذات بصوت كله دلع : معقول مش فاكر صوتي يا نور
نور بعصبيه وحده: بتعملي ايه في بيتي
ذات: اظن انا مش غريبه انا صاحبه مراتك المقربه وزياره بعضينا امر طبيعي بس قولي اتصلت ليه
نوربحده: ملوش داعي لاني مبتكلمش عن امور بخصوص بيتي مع ناس غريبه بس كويس انك موجوده عشان تشوفي البيت الي اسسته عشان ياسمين بيت اتبني بالحب البيت الي متقدريش تعيش فيه بصيله كويسه واحفظيه ده بس الي تقدري عليه
ذات صرخ*ت بعصبيه من اسلوبه الي بيتعمد يهينها بيه: انت ح*قير _ورزعت السماعه في خلقته)
عزه بخوف: قالك ايه البشمهندس
ذات صرخت فيها: وانتي مالك انتي
عزه: ماهو انتي كمان مالك البشمهندس اتصل ببيته وانا المسؤاله فأكيد عاوز حاجه
ذات قعدت وحطت رجل فوق التانيه بعجرفه : كنت من شويه طلبت منك عصير فينه
عزه: هناك اهوه
ذات: مبشربش المانجا عايزه برتقال (قامت) وهاتهولي قدام البسين بسرعه
عزه ع مضض: حاضر
……………
بعد وقت قليل وصلت ياسمين وسلمت عليها بحراره وشويه ووذات طلبت منها اكل لانها جعانه في بيت حكمت وهي مش متعوده ع اكلهم البسيط وبالفعل ياسمين دخلت بنفسها المطبخ وجابتلها كل الاصناف الي بتحبها
ياسمين: براحه كلي بشويش هتتخنقي كدا
ذات بتاكل بكل جورحها: جعانه اوي وهي بتاكل زورت
ياسمين ضحكت وقدمتلها عصير: شوفتي
ذات: جعانه بقالي يما مكلتش اكل زي ده وانتي حطيتي قدامي كل الاصناف المحرومه منها والي بحبها
ياسمين: طمنيني حياتك ماشيه ازاي في بيت ابله حكمت ولا بقت اسوء اصلك بتقولي بقالك يما مكلتيش
ذات بصت لقدام: بصراحه يا ياسمين مش عارفه ازاي حياتي وصلت لكدا مبقاش حلتي حاجه لا بيت ولا فلوس ولا عربيه ولا حتي عيله وبقيت عايشه كما الميته مالهاش مستقبل ومش عارفه ازاي هستمر او همشي في اي طريق حاسه بضياع ويمكن الموت اهون وارحم يخلصني من حياه الجحيم
ياسمين : متقوليش كدا يا ذات متستسلميش لازم تلاقي حل فكري براحه
ذات غطت وشها بأيدها وبكت بحرقه علي حالها وياسمين خطفتها في حضنها ومسحت ع شعرها
ذات: حياتي دلوقت واضح مالهاش طريق للخروج الكل بيمشي فوقي حتي حكمت وبنتها
ياسمين: بس طول عمرها ابله حكمت كويسه حتي الفت
ذات بتهكم: طيبه ده لما كان عندي فلوس الكل كان بيدادي ويراضي بس دلوقت محلتيش حاجه عشان كدا الكل بيدوس ع رقبتي (اتنهدت بصوت عالي) عمري ما تخيلت ان حياتي هتتدهور كدا ليه يا ياسمين انا عملت ايه ليه الحياه بتعاقبني كدا انا مش فاهمه
ياسمين ضمتها اوي: انتي لسه عندك انا متنسيش
ذات بكت وفي نفس الوقت مقرره تخطف نور لحد ما توقعه في شباكها!!!!!
……..قصص منه محمد كاتب………
بالليل نور رجع البيت متأخر ومضايق من الي حصل القي السلام ع عزه الي سألته تاكل فرفض وقالها انه اكل مع معتز وسأل ع سمسمته وقالت له انها في غرفه الليفنج مستنياه نور طلع وفتح الباب لقاها قاعده فاتحه TVلكن سرحانه وسانده راسها ع ضهر الكنبه وكأنها نسيته تماما لدرجه متصلتش بيه كالعاده تطمن عليه لما أتاخر وده ضيقه وزعله اكتر وقال اكيد صحبتها لهتها عنه وحس بالحقد والغيره !!
نور : احممممم مساء الخير
ياسمين انتبهت وبصتله: مساء النور حبيبي
نور: كنتي سرحانه في مين؟؟!!
ياسمين اتنهدت: ابدا بفكر في وضع ذات الصعب
نوركشر جدا من ذكر اسمها والي زعله اكتر ان ياسمين مستقبلتهوش في حضنها ,, حضنها الدافي الحنون الي بيهون عليه تعب اليوم كله وقال بحده: اظن هي الي عملته في نفسها
ياسمين: لا مظنش هي بتمر بمشاكل في بيت ابله حكمت وانا مش عارفه ايه هي؟؟!
نور اتنهد بضيق: ياسمين انا جاي تعبان ومحتاج انام
ياسمين بتمسح خده : طيب مش هتاكل
نور: لاء اكلت في الشركه انا ومعتز لو عايزه تكملي تفكير في مشاكل صحبتك اتفضلي عن اذنك
ياسمين : لاء هقفل التلفزيون وجايه معاك
ياسمين دخلت وراه سمعت صوته في الحمام دخلت ع طول لقته بيحلق دقنه في مرايا الحمام ومكشر ومبوز ع اخره
ياسمين جات من وراه وحضنت وسطه: احلقهالك انا
نور من غير ما يبصلها: متشكر
ياسمين استغربته بس فكرته مجهد من الشغل وحبت تضحكه فـقلدته: متشكر ع فكره ذات جات البيت النهارده
نور نفخ وبحده خفيفه: عارف
ياسمين بتعجب: عارف وازاي عرفت ومين قالك عزه بلغتك
نور شطف وشه بسرعه وجففه وبصلها: لاء اتصلت عالبيت بسال العشي ايه الليله بس صحبتك الي مش محترمه هي الي ردت عليا ولا كأن البيت بيتها ومن هنا عرفت انها جات ودخلت
ياسمين خافت من غضبه لانه حذرها تدخل بيته: يمكن عزه غابت وهي ردت وده مش معناه انها مش محترمه
نور طوح الفوطه ع الرخامه وهبد بأيده: تمام يا مدام ياسمين تمام هي دايما مبتغلطش ابدا
ياسمين :نور ليه متعصب حبيبي
نور بعصبيه اكبر: لانك دايما بتبررلها ومش بتشوفي اخطائها ابدا ووجودها وسطينا زعجني وبجد مش قادر اتحمله
ياسمين خافت من غضبه الي اول مره تشوفه عليه وده اربكها : نور ذات حاليا ظروفها صعبه اوي وحياتها كلها مشاكل وانا مش عايزه ازعلها واي حاجه اقدر اساعدها بيها هعملها
نور بصلها و ضغط ع شفايفه واتنهد : خلاص يا ياسمين اعملي الي يريحك انتي
ياسمين قربت منه اوي :نور انت مش ممكن تزعل مني لان نوري مستحيل يزعل من سمسمته
نور ضمها من وسطها : وسمسمته طيبه زياده عن اللزوم وبكررهالك انا سعيد بيكي وطاير انك مراتي وشريكه عمري وحياتي لكن حقي اخاف عليكي
ياسمين لفت ايدها حوالين رقبته وباسته من شفايفه وهو اتجنن وفضل يبوس كل حته فيها بشغف
ياسمين بتبعده: يا مجنون احنا في الحمام
نورمسك وشها وثبتها وباسها من شفايفها : سمستي بكره مسافر اطمن ع الشغل في مرسي علم وهتسافري معايا ليلتين
ياسمين شدت انفه بهزار: مينفعش هبه مشغوله وصعب اسيبها
نور كتف ايده: وتسبيني انا انام لوحدي ليلتين وري بعض وانتي عارفه اني مش بعرف انام برا حضنك
ياسمين :هما للتيين بس فتحمل
نور لف ايده الاتنين حوالين وسطها وشدها عليه: مقدرش الاول كنت عازب وكنت ممشي حالي وبحضن المخده لكن بقي عندي سمسمتي وبحضنها وانام واتعودت خلاص عشان كدا هتسافري
ياسمين حركت انفها ع انفه: مقدرش
نور: امري لله طالما مش هينفع يبقي اخد حقي الليله دوبل وعوضيني عن الليلتين
ياسمين شدت شعره بشقاوه: انتهازي
نورشدها في حضنه بتملك : لاء مهوس بيكي __ ورفعها بين ايده والضحكه مرسومه ع ملامحه وهي كلبشت فيه
……قصص منه محمد كاتب…….
ذات قاعده وبصه للاكل بشمئزاز شدت باسكت الزباله وكانت هتكبه
الفت: بتعملي ايه يا ملعونه
ذات: هرميه
الفت: هترميه وهو لسه بحاله
ذات: انا حره معدتي متقدرش تهمضمه لكن لو هتاكلي مطرحي اسبهولك
الفت: انا مش هاكله بس انتي غصب عن عين اهلك هتاكليه وهتاكليه كله ولا عشان مش تعبانه فيه
ذات: زعلانه اوي ده كشري عدس ع مكرونه
الفت شدت الطبق منها: عدس ومكرونه عارفه ده تمنه كام 20 جنيه بس انا مش هاخدهم منك لاني هدلقه كله ع راسك
ذات: وانا مستعده ادفعلك اكتر من حقه (شدته منها) وادلقه انا ع دماغك
الفت :سافله_ولطشتها بالقلم جامد_ ناكره للجميل
ذات حطت ايدها ع خدها: انتي ضربيتني
الفت بشراسه:وهعمل الي اكتر من الضرب
وزقتها بسرعه البرق وطلعت فوقيها ومسكت طبق المكرونه ودعكته كله في وشها
ذات:ابعدي يامجنونه
الفت فضلت تضربها بالبوكس:انتي مفكره نفسك مين ميييين
ذات بصريخ هستيري:ازاي تعملي فيا كدا يا كلبه
حكمت راجعه بتعب من السوق سمعت الصوات رمت الشنطه ع السلم ودخلت بتشد بنتها:قومي يا الفت
الفت دفعت امها ع وري وبتكمل ضرب:سبيني يما هقطعها الرمه دي (مسكتها من شعرها وبتسحب فيها بكل قوتها عشان تخرجها برا
حكمت شدت الفت بعصوبه وذات سحفت بخوف ع وري ومسكت في رجول التربيزه
حكمت مسكتها من وسطها : خلاص يا الفت عيب كدا
الفت بزعيق : يما بتتبطر ع النعمه مفكره نفسها ليها فضل علينا ولازم نتحملها بعنجهيتها
وطوحت عليها جردل الزباله بغل وغيظ وذات اتفزعت وجسمها كله اتلبش من الخوف
حكمت صرخت: الفت كفاااايه
الفت بتضرب فيها برجولها بغضب اسود وشر: اخرجي من بيتنا اخرجي
حكمت بتعب: يابت فرهدتيني
الفت بعصبية وصرخه : دي تخرج والا ورحمه ابويا لقتلها يما
حكمت بتنهج وبتاخد نفسَها:تروح فين بس !!!!
الفت قدرت تتخلص من امها بأعجوبه ومسكت ذات من شع*رها ووفضلت تجر فيها ع السَلم ومسحته بيها لحد ما نزلتها في الشارع وقفلت باب الحاره وطلعت من فوق رمتلها كل متعلقاتها
…………………..
محمد واقف بقلق لان ماهي خرجت واتأخرت جدا وفضل ساند دماغه ع الشباك وعيونه بتحدف في دموع ع حاله سمع صوت عربيه هدت ووقفت قدام البيت يبيص لمحها نازله ووراها واحد كان عميل عند والده
العميل: ده بيتك
ماهي ببتسامه: ايوه هو
العميل: يظهر حد مستنيكي ومنمش غير لما توصلي ولا يكون جوزك وغار عليكي
ماهي رفعت عيونها وشافته بيبص عليهم ارتبكت وابتسمت بتوتر وردت: لاء ده اخويا الكبير انا لسه انسه ازاي هبقي متجوزه
العميل ابتسم: بجد ولا بتضحكي عليا
ماهي: اضحك عليك ليه المهم نتقابل بكره ونتكلم بخصوص تفاصيل الشغل
العميل: تمام اتصلي بيا نتفق ع الميعاد
ماهي: اه طبعا اكيد تصبح ع خير
ماهي ودعت العميل ورفعت عيونها ومحمد بصلها بنظره حزينه وهي بصتله بقلق وراحت فتحت الباب لقته مجهز شنطه
ماهي : محمد انت بتعمل ايه؟؟!!
محمد: اولا بشكرك عن كل حاجه عملتيها ومتشكر الف مره ع اهتمامك بيا ودلوقت لازم اوجهه الحقيقه الي بهرب منها طول الوقت
ماهي: محمد بس انت معندكش حاجه هتروح فين وهتعيش ازاي
محمد اتكلم بصوت بيطلع في الروح : ربك يحلها لاني مش هفضل عاله عليكي
ماهي: انا مش زهقانه من وجودك معايا ومستعده اتحملك العمر كله
محمد بصلها بوجع : بخروجك مع خطاب العميل
ماهي عيونها لئلئت بالدموع وصوتها اتخنق : لو بتفكر اني ع علاقه معاه تبقي غلطان هو بيدورلي عن شغل في شركه صديقه وهيوصيه عليا عشان المرتب ولما اشتغل مش هقبله تاني
محمد مسكها من كتافها: وكل ما هتتقيدي اكتر كل ما هحس بالذنب ناحيتك اكتر
ماهي عيطت: بس انا بحبك ومستعده اكمل معاك ع اي وضع انت فيه
محمد اتكلم من غير امل : للاسف انا معنديش الي يقدر يسعدك
ماهي اتكلمت بسرعه: انا هشتغل وانت كمان تقدر تقف ع رجلك من تاني بس وانت معايا محمد حياتي من غيرك متهمنيش لان حبك عندي كفايه
محمد: انا بجد اسف لاني عارف انك بتحبيني بس انا مقدرش اديكي لا اسمي ولا حتي قلبي وانا في وضعي ده وبجد اسف ع كل حاجه انتظرتيها مني وانا خذلتك

محمد سحب الشنط وخرج بكل ضياعه وماهي ركعت علارض وفضلت تصرخ وتبكي وتنادي باسمه

ياسمين راحت تفتح الباب لقتها واقفه سانده بكتفها ع الجدار ولفه ضهرها ووشها في الحيط
ياسمين: ذات
ذات جسمها اتهز وعملت صوت شهنفه
ياسمين لفتها وشافت الكدمات وشهقت بفزع: ذات مين الي عمل فيكي كدا
ذات اتحدفت في حضنها وبكت: انا عايزه ام*وت يا ياسمين ام*وت
ياسمين ضمتها اكتر لحضنها وبكت عشانها واخدتها جوه البيت وجابت لها كوبايه عصير وقعدتها وعالجت جروحها بلطف
ذات اتألمت بسيط ياسمين بحنان: انا اسفه بوجعك
ذات: الوجع لو اتقارن بأهانتي ومسح كرامتي ده بيوجع اكتر (بكت بصوت عالي_ اتبهدلت يا ياسمين اضربت عشان طبق كشري ومعرفتش اروح فين لا عندي بيت ولا فلوس ومفلسه وكرامتي اتمسح بيها السلم
ياسمين طبطبت عليها: مش قادره استوعب ان الفت تعمل فيكي كدا
ذات: لو مجتش حكمت وبعدتها عني كنت موت في ايديها (مسكت ايد ياسمين ) مش هقدر ارجع هناك تاني مقدرش ارجع ده يبقي الموت ارحم وهنتحر لانها كدا كدا هتموتني
ياسمين: بلاش تشائم ويائس كدا وتتكلمي عن الانتحار ده كفر والعياذ بالله اكيد ليها حل
ذات: الحل ارجع وانضرب بالشكل ده
ياسمين: مقولتش كدا ايه رايك تروحي تقعدي في بيت ابويا مع ماما وضحي
ذات: امك واختك بيكرهوني وخصوصا ضحي دي مش بطقني
ياسمين بحيره وتفكير: طيب ايه رايك نلاقي مكان نأجره
ذات مثلت الصعبنيات: منين ده انا بالعافيه بلاقي حق اللقمه ازاي هدفع الايجار مبقاش حيلتي حاجه
ياسمين سرحت وبتفكر تلاقي حل وبسرعه غير وجودها في بيتها
ذات فهمت دماغها وبسرعه نزلت و أأعدت تحت رجولها بذل وياسمين فاقت وشدتها بلوم: انتي بتعملي ايه؟؟!!
ذات برجاء وتوسل: ممكن افضل معاكي هنا واول ما القي فلوس وشغل همشي ع طول ارجوكي يا ياسمين
ياسمين: ذات ممكن تقومي من علارض ميصحش كدا
ذات بكت من قلبها: ابوس ايدك ارجوكي متتخليش عني
ياسمين قومتها وقعدتها: طيب طيب تعالي اقعدي عندي ونفكر هنعمل ايه
ذات: يعني موافقه ابقي معاكي
ياسمين بأحراج : ايوه موافقه
ذات: ربنا يخليكي ليا انت اجمل حد ليا في الدنيا وعمري ما هنسي جميلك عليا ابدا_ضمتها وفضلت تهزها شمال ويمين بفرحه هتطول السحاب وياسمين شدت علي حضنها
ياسمين خايفه ومرعوبه من رده فعل نور لما يوصل والي ممكن يعمله لكن هي في موقف لاتحسد عليه اي نعم رفضاه لكن طمنت نفسها انه حل مؤقت اسبوعه بالكتير اما ذات فرحتها ان المغفله قدمتلها نور ع طبق من فضه زي ما خططت ورسمت
……….قصص منه محمد كاتب………….
الفت جايه من السوق هي وامها في توكتوك شافوا تاكسي واقف قدام البيت
الفت: اقف ع جنب يسطا
حكمت نزلت : ليه التاكسي ده واقف قدام بيتنا
الفت سحبت شنطه الخضار وحاسبت التوكتوك وراحت لسواق التاكسي وسألته: بتعمل ايه هنا يا عم الحاج
السواق: بعمل ايه مستني الست الي دخلت جوه
الفت وامها بصوا لبعض بستغراب ودخلوا المدخل لقوها قاعده بتمسح ايدها بمناديل كتير
حكمت: ذات جايه تاني ليه
ذات: متخافيش ماشيه تاني لاني مش عايزه ازعجك ولا اضيقكم
حكمت: و هتروحي فين
ذات: هقعد في بيت واحده صحبتي _وبدئت الاستفزاز_ بيتها كبير اكبر من القلعه وفيه حمام للسباحه
الفت حطت ايدها في وسطها: كويس اتفضلي امشي ع الاقل هتوفري تمن اكلك وشربك
ذات وقفت: الفت انا بجد اسفه ع كل الي حصل مني بس مكنش عندي مكان ارحوله فياريت تسامحيني انا مكنتش كويسه معاكي
الفت من فوق مناخيرها:طالما عارفه نفسك فمعنديش اي مانع اسامحك
ذات بسعاده: متشكره انا لميت باقي هدومي وخدي مفتاح الشقه يله انا ماشيه عشان التاكسي واقف مستنيني
حكمت اخدت المفتاح: مع السلامه يابنتي وربنا معاكي
ذات طلعت ركبت التاكسي ويادوب اتحرك خطوتين لقدام وطلبت منه يقف ثانيه كمان
حكمت بصت لبنتها: لما اخدت الدرس عرفت ان الله حق
الفت: ميهمنيش الي يهمني اني هرقص واغني واحتفل
حكمت ابتسمت: نحتفل لـ ايه
الفت بترقص: انها غرت يما في داهيه من هنا واخدت النحس معاها
حكمت زغتتها في جنبها: انتي متعرفيش تسامحي اتحركي يابت ورنا غداء
الفت باستها بسعاده: حاضر يا ياواد ياقمر انت شوفي يأم الفت انا هطلع امسح الشقه بالجاز عشان النحس يروح في الوبا
حكمت: يابت بطلي تكرري كلمه نحس لنتنحسن بجد ومنلحقش نتغدا
الفت باست ايدها: ولا تشيلي الهم قبل ما نخرج للسوق عملتلك شويه شوربه عدس يستهلوا خشمك انتي اول ما تفتحي باب الشقه هتشمي الريحه جيالك
حكمت طلعت قبلها وفتحت باب الشقه وضربت صدرها
الفت برقت بعيونها: نهار اسود يمه
حكمت بصتلها شويه: ايه ده مين الي بهدل البيت كدا
الفت بغل: مين غيرها بنت الافاعي
حكمت بقهره : اه دمرت الشقه وكبت الاكل ع كل حاجه حتي العفش
الفت طلعت تصوت وتلطم: وقطعت هدومي كلها يمه
حكمت مسكت دماغها وقعدت علارض: اه هيغما عليه
الفت جريت ومسكت امها وببكاء: اماه امسكي نفسك يمه وحياه امي ماهسيبها
الفت اتعص*بت وبقيت زي الاسد ونزلت السلم كله جري وطلعت ع نصيه الحاره ولمحت التاكسي: انزلي يا بنت الكلاب
ذات كتمت الضحكه: اطلع بسرعه
الفت جريت وري التاكسي وهبدت ع الشباك: اه يا س*افله ياكل*به
ذات شافتها وقعت لما حاولت تمسك في الباب و فضلت تضحك وتغيظها من وري الازاز الي في ضهر التاكسي
الفت مقهورة وقلبها بيتحرق من جوه: مش هنسهالك ابدا ومسيري هردهالك الله يلعنك
الناس في الشارع اتلمت ع صويت الفت واخدوها هدوها وستات جيرانهم دخلوا لحكمت يواسوها
…….قصص منه محمد كاتب……….
ذات نزلت من التاكسي قدام فيلا نور والسواق نزل ثلاث شنط
عزه راجعه من برا شافتها وكشرت: دي رجعت تاني اخيه
ذات لفت وشافتها و بنظره مستفزه: انتي واقفه كدا ليه
عزه: امال اعمل ايه
ذات بأسلوب امر: قربي يله ساعديني ندخل الشنط لانها كتيره
عزه عقدت حواجبها : ولمين الشنط دي
ذات بشخط: وانتي مالك يا حشريه يله
عزه دخلت الشنط ووقفت مضايقه من اسلوبها الفظ والجريئ جدا
ياسمين نزلت وشافتهم واقفين وقربت وبصتلها وقالت: عزه ذات هتبقي معانا هنا شويه
عزه شهقت بصدمه: ايه وليه
ذات بصتلها اوي بغل ومكمله أكل في التفاح!!!!
عزه قلقت وقالت: قصدي ليه ووقت اد ايه
ذات: مش كتير صحبتي لسه عروسه وانا بفهم في الذوق والاتيكيت ومش هتقل عليها واول ما القي فلوس حمشي ع طول
عزه بهمس: كدا وفاهمه في الذوق يا عديمه الفهم والذوق
ياسمين الي سمعت وابتسمت في الخفا وبصتلها: ذات جهزتلك اوضه فوق عشانك
ذات ابتسمت ومسكت ايدها: انتي منقذي الجميل وصدقيني مش هتحسي بوجودي خالص عزه
عزه بدون نفس: خير
ذات: اي حاجه كمساعده في المطبخ محتجالها تقوليلي طوالي عشان اساعد لو قدرت اساعد مش هتأخر بس ممكن تطلعليلي الشنط لفوق درعاتي وجعاني ومقدرش اشيلهم
عزه بصت للشنط وعوجت بؤها
ذات شدت شنطه صغيره جدا: ودي هاخدها بنفسي لانها غاليه جدا ياسمين فين اوضتي
ياسمين: هطلع معاكي اورهالك
ذات: هتورهالي يبقي هاتي الشنطه دي في ايدك بالمره لانها غاليه جدا
ياسمين سحبتها: حاضر
ذات ببتسامه سمجه: وهاتي بالمره الكبيره الي جنبها ويبقي ثانكيو كتير
عزه خلتهم مشيوا وفضلت تبرطم بغيظ: انا ايه الي جبني هنا للمزيفه دي (وقلدتها) مش هفضل هنا كتير ولما مش هتبقي هنا كتير جايبه كل الشنط ليه صبرني يارب
عزه مسكت الشنطه: فعلا غاليه_شاطتها برجولها زي الكوره) غاليه اوي وهوصلهالها
ياسمين فتحتلها الباب وذات دخلت توزع عيونها ع كل ركن في الغرفه
ياسمين: ها عجبتك بس لو عايزه تغيري النظام بلغي عزه
ذات: ماشي بجد الف شكر
ياسمين: خدي راحتك انا هنزل اشوف الاكل
عزه كشرت بملامحها: ذات هانم محتاجه مني حاجه تانيه عشان اتابع الاكل
ذات لعبت في خصل شعرها بغرور: لا تقدري تنزلي
……………قصص منه محمد كاتب ………
نور كان وصل من السفر ومعندوش علم بالي احتلت بيته نزل من العربيه مشتاق يشوف ياسمنته وجايبلها معاه باقه ورد صغيره رقيقه واخدها وشم ريحتها كأنه يبثلها فيها ريحه انفاسه ودخل لمحها واقفه بضهرها لابسه شورت وقميص ابيض كات وفارده شعرها البني السايح وبتقطع طمام وخيار ابتسم وحط الباقه ع الكرسي ومشي بشويش ع طراطيف صوابعه وضمها ودفن انفه في شعرها وباس خدها وقال بعشق: اوه ريحه مراتي ولا الجنه الي وحشني دخولها
ذات حركت ايدها ع جزء حس*اس منه نور جسمه اتجمد وقشعر لانه عارف دي مش حركات ياسمنته وافتكر ان دي حركات ذات الي كانت دايما بتحاول تثيره بيها وهما مع بعض
ذات بخبث ومكر ووقاحه : انت جيت للشخص الغلط
نور برق وفك ايده من عليها وبعد عنها بسرعه كأن كهربا سحبته لوري وبنفعال: انتي
ذات: متخافش مش هقول لياسمين بانك بوستني من خدي ولا قلت عليا جنتك(غمزته ومسحت ع شفايفها بقفل السوسته وباستها)
نور مسح شفايفه بكم قميصه بقرف: انتي دخلتي هنا ازاي وبتعملي ايه
ذات ابتسمتله ببرود وحودت عيونها الناحيه التانيه
نور بيضغط علي اسنانه: انا بسالك بتعملي ايه في بيتي
ياسمين جات جري هي وعزه ع سؤاله الي منتظر اجابته وردت هي برتباك: ذات هتعيش معانا لفتره
نوربنرفزه: تعيش معانا
ياسمين بخوف ورهبه من منظره: أأيوه
نور بصلها بنظره مرعبه وذات حركت له ايدها ع خدها بحركات تهديد نور كتم غيظه ومشي من قدامهم بسرعه ودخل خلع قميصه وحدفه بكل قوته علي الكرسي

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ذات الوجهين)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى