رواية يوسف وأماني الفصل الخامس 5 بقلم أمل صالح
رواية يوسف وأماني الجزء الخامس
رواية يوسف وأماني البارت الخامس
رواية يوسف وأماني الحلقة الخامسة
بص يوسف لأماني بتأثر – اخص عليكي، اخص عليكي 1000 اخص ياريتني اتجوزت برميل على الاقل مكنش هيشك فيا.
تلفونه رن في اللحظة دي، بص للحظات على الإسم اللي كان ظاهر على الشاشة بإسم [شريف] .
بصت على الإسم ورجعت بصتله، كان بيحاول يلغي المكالمة ولكن بيتصل الشخص تاني، بصتله فجأة وقالت بغموض.
– رُد يا يوسف!
– لا شريف تلاقيه بيرخم.
سألته – أنت فاكر شريف.!
من غير ما ياخد باله رد وهو ناسي إن شريف دا متعرف عليه لسة قُريب.
– آه يابنتي طبعًا فاكره د…
قطع كلامه وعينه بتوسع بصدمة بعد ما عرف إنه اعترف إنه فاكره، وبشكل غير مباشر قدرت هي تعرف إنه فعلًا بيكذب عليها.
قامت وقفت وزعقت – يعني بتكذب .. كنت عارفة .. أنت إزاي إنسان واطي بالشكل دا.!
قام وقف قُصادها وهو بيضرب بإيده.
– لأ يا ماما .. لأ يا حبيبتي أنا مِش واطي أنا بسم الله ماشاء الله زي ما شايفة طويل زي العمود..
بص لسامية اللي متابعة الحوار وهي مِش فاهمة حاجة وقال.
– بزمتك يا سوما .. مين أوطى أنا ولا هي.!
– لأ هي طبعًا.
بصت لمامتها – ماما.!
– ايوة أنتِ قصيرة عنه.
زعقت تاني – بس بقى، وأنت..
رفعت صباعها في وشه – هتطلقني يعني هتطلقني .. عايزني أعرف إنك طالع من كباريه الساعة 12 وقال إي في شغل واسكت.! لي معنديش كرامة.!
– بقولك إيييييه متعصبنيش يابت! بعدين ورحمة أمي لو ما قولتي مين اللي قالك إني كنت في كباريه لهـ…
سكت وهو بيدور في عقله عن تهديد مناسب، طبعًا مِش هيعمل ليها حاجة بس لازم يكمل كلامه..
بتريقة قالت – هَـ تإيه.
– ولا هَـ أي حاجة وهتقولي.
زعقت – دا اللي شاغل بالك.! الجن الأزرق اللي قالي.
رد باستفزاز وملامح جدية لدرجة إنها تصدقه – الجن الأزرق دا اخويا، عيب عليكي أنا اخويا مِش فتان.
شاورت عليه وهي بتبص لمامتها – شايفة يا ماما شايفة!
– يا بنتي ما تقوليله مين.
– يووووه…
سكتت ورجعت كملت – واحدة اسمها تُقى.
ضيق يوسف عينه وهو بيقول بتوعد – آه يابنت اللي مِش حلوة.
حطت إيدها في وسطها – الله الله، دانت عارفها.!!
يتبع…
لقراءة الفصل التالي : اضغط هنا
الرواية كاملة اضغط على : (رواية يوسف وأماني)
تعليق واحد