رواية رحمة وسيف الفصل الخامس 5 بقلم مصطفى عادل

رواية رحمة وسيف الجزء الخامس

رواية رحمة وسيف البارت الخامس

رواية رحمة وسيف الحلقة الخامسة

……….عايزين يطلبوا ايدك
= نعم ، انتي بتقولي ايه ، ايد مين ؟
_ ايدك انتي يا رحمه
= ومين قالك يا ماما اني هتجوز بالطريقه دي !!
_ امال هتتجوزي بأنهو طريقه !
= انا انسانه يا ماما وليا مشاعر من حقي احب واتحب ، اختار شريك حياتي بنفسي مش يتفرض عليا !!
_ يا بنتي ده شخص كويس ، وظروفه الماديه كويسه جدا ، ودكتور
= يا رب يكون طيار يا ماما انا مش هتجوز بالشكل ده
_ هتتجوزيه يا رحمه ، مش هتمشي اللي في دماغك
= ده امر بقي ؟؟!
_ احسبيه زي ما تحسبيه
= مش هيحصل يا ماما والله ما هيحصل
_ يووووه يا رحمه تعبتيني معاكي حرام عليكي
= انتي اللي تاعبه نفسك يا ماما
_ طيب قومي اقعدي مع الناس شويه ونتفاهم بعدين
= مش هقعد مع حد يا ماما
_ يا بنتي عيب كده الناس تقول علينا ايه
= ما يقولوا براحتهم يا ماما هما حرين بقي !!
_ عشان خاطري خمس دقايق بس علشان منظرنا قدام الناس
= حاضر يا ماما حاااااضر
* خرجت رحمه مع امها ، اهل العريس بيتبادلوا عليها النظرات
ام العريس :
طيب نسيب العرسان مع بعض شويه يا جماعه
رحمه في سرها : ايه الوليه العبيطه دي !!!
عرسان مين هي صدقت نفسها ولا ايه !!
* خرج الكل وقعد العريس ( علي ) ورحمه
* علي قصير شويه ، ابيض البشره ، عنيه عسلي ، شعره مايل للصفار شويه ، أملس ( معندوش دقن )
علي : اخبار حضرتك ايه يا ست رحمه
= الحمد لله بخير
_ ايه الرد المختصر ده بس ليه كده ؟؟!
= مختصر !!!!!
_ اه مختصر
= طب الحمد لله بخير وكويسه وتمام وزي الفل ومبسوطه وزي القمر ، تمام كده !!!
_ هههههه وكمان دمك خفيف
في سرها = جاتك داهيه في تقل دمك
شكرا ده من ذوق حضرتك
_ لا بقي حضرتك ايه ، قوليلي يا لولي
= نعم !!!
_ يا لولي
= وفرحان !!
_ هو ايه ده اللي فرحان ؟
= لا متاخدش في بالك
_ طيب ايه هي مواصفات فتي احلامك
= ده سؤال حلو ، خد عندك يا سيدي
_ هاتي
= هيهيهي ، يكون طويل
_ احم ، اه وايه تاني
= وشعره اسود غامق ، وعنده دقن كبيره ، تكون عيونه سوده ، ويكون اسمر
_ يااااه كأنك مش بتوصفيني بالظبط هههه
= اه بالظبط
_ هو حضرتك مرتبطه ؟
= حضرتك شايف ايه
_ لا انا مش شايف انا بسألك
= بص كلام في سرك كده ، انا مرتبطه ببلطجي ولو عرف ان حضرتك جيت اتقدمتلي احتمال يزعلك او يقتلك بس اوعي تقول لحد
* بان القلق علي ملامح علي بسبب طريقة كلام رحمه اللي كلها شر بلع ريقه وعدل الكرفته :
طيب يريت حضرتك متقوليلوش وانا هاخد امي وابويا وامشي
= يريييت
_ يا ماما ، يا بابا
– ايوه يا حبيبي
_ يلا بينا بقي اتاخرنا
– اتاخرنا ايه هو احنا لحقنا !!!
_ يلا يا مامااااا
– حاضر يا حبيبي يلا بينا ، خلاص يا ام رحمه هتردوا علينا امتي ؟؟
ام رحمه : بكره ان شاء الله يا ام علي
_ ماشي يا حبيبتي بعد اذنكم
ام رحمه : اتفضلوا ، مع السلامه
* دخلت رحمه اوضتها وهي بتضحك ، دخلت مامتها وراها :
انتي عملتي ايه !!
= طفشته يا ماما
_ طفشته يا ماما !!!!!
ايه السهوله اللي عندك دي ، يعني ايه طفشتيه !
= يعني طفشته عادي
_ يا بنتي انتي بتعملي فيا كده ليه حرام عليكي ، اسمعي كلامي مره وحده ومش هتخسري حاجه
= مش هخسر حاجه ، جيبالي واحد لا اعرفه ولا يعرفني عايزاني اكمل معاه حياتي وتقوليلي مش هخسر حاجه
_ يبنتي ده دكتور
= يا رب يكون طيار يا ماما انا مش هتجوز غير الشخص اللي احبه ويحبني
_ وده هتحبيه ازاي يا روح امك ان شاء الله !!
= ها .. لما يخطبني
_ مهو الاول هيكون ميعرفكيش ، زيه زي علي ، كنتي اتخطبتي لعلي وحبيتيه بعد الخطوبه
= ماما اقفلي الحوار ده وسيبيها علي ربنا ، انا اصلا مش بفكر في ارتباط دلوقتي ، لما اخلص كليه كده ان شاء الله
_ يا رحمه انا عايزه اطمن عليكي ، محدش ضامن عمره يا بنتي ، خايفه اموت زي ابوكي صغيره عايزه افرح بيكي
= بعد الشر عليكي يا حبيبة قلبي ، ربنا يديكي طولة العمر يا رب ، سيبك بقي من حوار علي ده ، ده دمه يلطش
_ هسيبك علي راحتك يا بنتي ، بس انا لو حصلتلي حاجه بسببك مش مسامحاكي
= تاني يا ماما ، ما كنتي ماشيه حلو حصلك ايه !!
_ انا هقوم بدل ما يجيني شلل
= سلامتك يا بطه
* رنت رحمه علي هند :
ايوه يا هنود اخبارك ايه
_ الحمد لله انتي عامله ايه
= شوفتي ياختي اللي حصل ؟!
_ حصل ايه اشجيني يا اختي
= لما سيبتك ورووحت عارفه لقيت ايه في البيت !!
_ ايه يا تراا !!
= لقيت ماما محضرالي عريس
_ ههههه بتهزري !!! ؟
= والله العظيم بجد ، وماما راسها والف سيف يا اتجوز الاوزعه ده يا تضربني بالنار
_ واتجوزتي الاوزعه !!
= لا هضرب بالنار عادي هههه
_ وقالك ايه وقولتيله ايه احكيلي والنبي
= يا بااااااي ده دمه يلطش رخم كده لا يطاق
_ احكيلي بقا يا رحمه قال ايه وقولتيله ايه ، ولا مقعدتوش مع بعض
= لا يا بنتي قعدنا بس خمس دقايق مش طايقاه مش عارفه انا استحملت ازاي !!
_ طب احكيلي بقااااااا
= حاضر :
_____________________
” فلاش باك ”
علي : اخبار حضرتك ايه يا ست رحمه
= الحمد لله بخير
_ ايه الرد المختصر ده بس ليه كده ؟؟!
= مختصر !!!!!
_ اه مختصر
= طب الحمد لله بخير وكويسه وتمام وزي الفل ومبسوطه وزي القمر ، تمام كده !!!
_ هههههه وكمان دمك خفيف
في سرها = جاتك داهيه في تقل دمك
شكرا ده من ذوق حضرتك
_ لا بقي حضرتك ايه ، قوليلي يا لولي
= نعم !!!
_ يا لولي
= وفرحان !!
_ هو ايه ده اللي فرحان ؟
= لا متاخدش في بالك
_ طيب ايه هي مواصفات فتي احلامك
= ده سؤال حلو ، خد عندك يا سيدي
_ هاتي
= هيهيهي ، يكون طويل
_ احم ، اه وايه تاني
= وشعره اسود غامق ، وعنده دقن كبيره ، تكون عيونه سوده ، ويكون اسمر
_ يااااه كأنك مش بتوصفيني بالظبط هههه
= اه بالظبط
_ هو حضرتك مرتبطه ؟
= حضرتك شايف ايه
_ لا انا مش شايف انا بسألك
= بص كلام في سرك كده ، انا مرتبطه ببلطجي ولو عرف ان حضرتك جيت اتقدمتلي احتمال يزعلك بس اوعي تقول لحد
طيب يريت حضرتك متقوليلوش وانا هاخد امي وابويا وامشي
= يريييت
__________________
_ هههههههههههههه يا بنت اللعيبه !
= ايه رأيك بقي ؟
_ ايه الدماغ دي يا عم ، من امتي الذكاء ده !!؟
= من بدري يختي ، بس مش عارفه انا في ناس كتير بتتقدملي الفتره دي يا هند وانا مش عارفه اقول لسيف خصوصا بعد الحادث اللي عمله ، ماما بدأت تشك
_ مش هينفع تكلميه الفتره دي فعلا ، خليه يتحسن شويه وشوفي ظروفه ايه
= مهو انا هعمل كده ، بس مش عارفه
_ مش عارفه ايه !!
= متلخبطه يا هند جامد
_ يا بنتي عادي كلنا حصل معانا كده ، وربنا هيوفقلك كل اللي تحبه ويكونلك الخير فيه بس انتي متشيليش هم وسيبيها علي الله
= خير ان شاء الله ، يلا بقي باي علشان نفسي انام والله نكمل كلام بعدين
_ ومين سمعك انا اكتر منك ، اوك يلا باي
= باي
* قفلت رحمه من هند وغيرت هدومها وافتكرت ترن علي سيف :
ايوه يا حبيبي عامل ايه
_ الحمد لله بخير
= بقيت احسن ؟
_ تعبان والله شويه ، الحمد لله
= الف سلامه عليكي ، ايه صوت العياط اللي جنبك ده
_ دي ماما
= مالها !!
_ لا لا لا علشان متعور وكده بس
* حست رحمه بنبرة كذب في صوت سيف ، وحست ان مش ده السبب
= طيب خد مسكن او اي حاجه
_ اخدت والله و …
* قطع صوت سيف صوت امه بعياط :
يا حبيبي ما انا كنت بشتغل لما باباك كان عايش فيها ايه دي يعني وانا ….
سيف عمل كتم للمكالمه ، رحمه حست قد ايه ظروف سيف علي قدها وان في حاجه غريبه هي مش فهماها كمان بتحصل دقيقه وسيف رجع المكالمه بس رحمه محبتش تبينله انها سمعت حاجه
= ايه يا حبيبي الشبكه وحشه ولا ايه ، دوشه كده وبعدين الصوت فصل !
_ اه الشبكه فيها مشكله فعلا
* رحمه حبت تغير الموضوع اتلخبطت ولقيت نفسها بتقوله ماما عايزه تشتري عربيه بس تكون استعمال ايه رأيك انا بقولها تشتري جديد !
_ انا عارض عربيتي للبيع لو هي لسه بتتعلم يعني تتعلم عليها الاول وبعد كده تجيب اللي نفسها فيه
* حست رحمه بالوجع من كلام سيف وسكتت لحظه
= انت هتجيب عربيه جديده ولا ايه ؟!
_ هه اه ان شاء الله
= خلاص انا هشوفها وهبقي اكلمك ، ارتاح انت دلوقتي وهكلمك شويه
_ تمام ، يلا سلام
= سلام
* قفلت رحمه ، وبدأت في العياط علي حال سيف وبدأت تسأل نفسها ، ايه اللي يخليه يبيع عربيته ، ايه الظروف اللي هتخلي امه تقرر تنزل تشتغل ، انا لازم اعرف في ايه واحاول اساعده باللي اقدر عليه ، احنا كلنا مش لازم نسيبه احنا اللي ليه في الدنيا دي احنا اصحابه وحبايبه انا لازم اكلم هند ونحاول نعرف في ايه ونساعده
انا مش هسيبه لوحده حتي لو الكل اتخلي عنه …