رواية احببته صدفه الفصل الثالث 3 بقلم جنى جميل

رواية احببته صدفه الفصل الثالث 3 بقلم جنى جميل

رواية احببته صدفه الجزء الثالث

رواية احببته صدفه البارت الثالث

رواية احببته صدفه الحلقة الثالثة

،فات شهر علي اليوم ده ،شهر علي اخر مره شافته فيه سيلين ،كان رده في اليوم ده غير متوقع بالمره ،لسه فاكره كل اللي حصل في اليوم ده بالتفصيل
فلاش باااك
فتيان وهو بيبصلها وبلامبالاه : تاكلي ترمس؟
سيلين بتوتر : ف فتيان انت سمعتني ؟
فتيان :تحبي نقوم نمشي
سيلين بعصب*يه : فتيان انا بكلمك !!
فتيان ببرود : تمام يبقي نقوم نمشي
سيلين بعص*بيه اكبر : ما تجنن**يش انت ليه مش بترد عليا
فتيان قام وقف قدام البحر وربع أيده الاتنين واتنهد وقالها بحزن …
لا يا سيلين مش هقدر
سيلين قامت وقفت جنبه وسألته باستغراب : ليه ؟ مش فاهمه

فتيان اتنهد تنهيده تحمل الف معني ومعني وهو باصص في عينيها وبيتكلم بنبره حزينه ومكسوره : عايزه تعرفي ليه ؟
سيلين وهي بتهز رأسها بدموع : اه
فتيان وهو بيبصلها بحب وعشق : عشان بحبك يا سيلين ..
سيلين وهي بترمش عينيها اكتر من مره بتوتر واستغراب : ب بتحبني !
فتيان وهو بيبص تاني علي البحر وبسخريه : شوفتي خي*بتي حبيت واحده بتحب اخويا …
سيلين بتوتر : ب بتحبني ازاي ،ازاي وانا عمري ماشوفتها في عينيك !
فتيان وهو بيبتسم بحزن وسخريه مريره : يمكن عشان شايف حبك وتعلقك ب بلال اخويا ،يمكن عشان شايف انك مش بتطي*قي تشوفيني وكل مره تخلقي اي خناقه معايا عشان تلفتي انتباه بلال ويفضل يواسيكي ،يمكن عشان شايف أني بحبك من طرف واحد ،يمكن عشان حاجات كتيره اوي انتي مش عارفاها يا سيلين …
سيلين كانت بتسمعه ودموعها بتنزل علي خدها زي الشلال ،مكانتش تتوقع ابدا انها تبقي في الموقف الصعب ده ،مكانتش تتوقع أن فتيان اكتر بني آدم اتخ*انقت معاه ومش بتتفق معاه يطلع بيحبها !
ليه الدنيا مش عادله ،ليه نحب ناس مش قادره تحس بينا ولا بوجودنا ،مش قادره تحس باشتياقنا اننا نكون معاهم لحظه واحده ،مش قادره تحس بقلوبنا اللي بتروحلهم ،ليه الخلق بتحب ناس بتحب ناس غيرهم !!
” طبقا لقوانين الحياه ،بنحب ناس بيحبوا ناس غيرنا ”
اتنهدت سيلين وبصتله وقالت بكل أسف : انا اسفه يا فتيان ،اسفه اني اذيت*ك ،اسفه
فتيان بسخريه : متتأسفيش ،نمشي !
سيلين وهي بتبتسم باهتزاز ومدت ايديها : نبقي صحاب ؟!
فتيان بص لايديها وقال بسخريه : عمرنا ما هنبقي صحاب يا سيلين ،يالا نمشي
سيلين هزت راسها وروحوا ومن اليوم ده فتيان اختفي من حياتها …
باااك
كانت قاعده في اوضتها بتتنهد ودموعها نازله علي خدها ..

اتأكدت انها محب*تش بلال ولا عمرها هتحبه هو عمره ما يكون اكتر من اخ وصاحب وبس انما كحبيب استحاله ..
اشتاقت لوجود فتيان ،ايوه هي كمان مستغربه نفسها زيكوا كده ،ازاي تشتاقله ،فتيان اللي دايما كانت تتخ*انق معاه ،اللي دايما شايفه أنه بني آدم سم*ج وبيحب يعصبها ..
بس حياتها كانت ليها معني تاني بوجوده ،اشتاقت لخناقتهم اليوميه ،اشتاقت لضحكته اللي كانت بتستفزها ،حتي الغمازه اللي كانت مزينه خده الشمال اشتاقتلها ،لون عيونه الرمادي اللي كانت تبصلها بعصبيه وغيره مكتومه لما كان يشوفها واقفه مع بلال اخوه ..
معقوله هي كانت غبيه للدرجادي ومحستش أنه بيحبها !
………………………………………..
أما عن فتيان فكان قاعد في أوضته في الشقه بتاعته في اسكندريه ،هو سافر لانه مكانش قادر يشوف سيلين حبيبته جواها حنين وحب لحد غيره والإصعب أنه اخوه …
سافر عشان ميعلقش نفسه بحبال دايبه ..سافر عشان هو مش حمل يتعلق بيها اكتر من كده !
ميقدرش ينكر أنه مشتاقلها ،ميقدرش ينكر أنه نفسه يشوفها حتي ولو دقيقه يشبع عينه من طلتها ،بس كرامته منعاه يرجع ،مش قادر يشوف نظره الشفقه اللي في عينيها في الوقت ده افتكر جمله قالها عمرو حسن في قصيده ” خلينا صحاب ”
“كانت عارفه أن الموقف صعب ،والصعب ان حبيبتك تتعاطف علشان تواسيك ”
وهو كذلك سيلين اتعاطفت مع فتيان وقالتله نبقي صحاب ،ا*لغبيه مش قادره تفهم أنه مش قادر يشوفها غير حبيبته وبسسس ،ليه تضغط عليه ،ليه تعيد الجمله تاني وتقوله خلينا صحاب ،حتي بعد ما عرفت أنه بيحبها !!
معقوله هي قلبها قاس*ي للدرجادي ،معقوله مفيش في قلبها مشاعر عشان تقول للشخص اللي حبها خلينا صحاب ،كان طول عمره يسمع عن الو*جع بس عمره ما جربه غير اليوم ده وخاصه في الدقيقه اللي قالتله فيها خلينا صحاب ….
…………………………………………..
فاتت سنه كامله ،والقلبين مفترق*ين ..
النهارده فرح بلال و سيليا ..
سيلين كانت اسعد واحده في الدنيا ،كانت مبسوطه اوي أن النهارده فرح اكتر اتنين بتحبهم ..
اكتشفت انها فعلا مح*بتش بلال وأنها بتحب فتيان الغايب من سنه …
سيليا بتوتر : س سيلين ا انا خايفه اوي
سيلين وهي بتحاوط وشها بحب : انتي مش بتحبي بلال
سيليا بحب: اوي اوي يا سيلين
سيلين بضحك : لا واقعه واقعه يعني
سيليا بضحك وإحراج : بنت
سيلين : هههههه خلاص متحمريش اوي كده ،ا انا نازله ل بلال هشوفهم لو محتاجين حاجه ،بما أنه اخويا بقي
سيليا بسخريه : يعني انتي مش نازله عشان تشوفي فتيان اللي بقاله سنه مجاش ؟ توء توء نازله اشوفهم لو محتاجين حاجه
سيلين بتوتر : بنت عيب
سيليا وهي داخله الحمام وبسخريه : ياستي اتنيلي ياكش نفرح بيكوا بقي ونخلص من الهيصه ديه
سيلين بتوتر وخفوت : هو باين عليا اوي كده اني بحبه !
نزلت تحت خبطت الباب وهي حاطه ايديها علي قلبها بتوتر وخوف ..
فتحلها فتيان اللي رجع ليله امبارح عشان فرح اخوه ،كان شكله متغير اوي الحزن باين علي ملامحه ،ج*سمه خاسس النص ،بس بالرغم من كل ده لسه وسيم زي ماهو ..
سيلين وهي بتبلع ريقها بتوتر : ا ازيك يا فتيان
فتيان ببرود : الحمد لله يا سيلين اتفضلي ..
سيلين هزت راسها ودخلت وحاولت تضيف نوع من المرح في البيت
ولا ابلالللللل امحرررووووس ولا ابلاللل امحرووووس الاااا
بلال خرج من الأوضه وهو بيضحك علي سيلين صاحبته المجنونه …

بلال بضحك : اي ياما اي بتنادي سواق ميكروباص
سيلين بمرح : وافرحي ياعروووسه
بلال وهو بي*رقص وبيكمل بمرح : انا العررريس
سيلين وهي بتبص ل فتيان : طااال الغياب وهواك غلاااب مشتاق لضي عينيك
بلال باستغراب : لا مؤاخذه الاغنيه ديه حزينه متلقش علي فرح بتغنيها ليه يا سيلو !
سيلين وهي بتحط ايديها تحت دقنها وبتفكير وهي لسه بتبص علي فتيان : صح استني ،ايوووه لقيتها …
سيلين وهي بتغني بصوت جميل في الحقيقه هي صوتها حلو جدا : طول عمرررري بخااااف من الحب وسيره الحب ،وظل*م الحب لكل أحبابه ،وقابلتك انت لقيييتك بتغير كل حياااتي ،معرفش ازاي انا حبيتك ،معرفش ازاي ياحياتي
سيلين وهي بتبص ل بلال اللي واقف وفاهم كل حاجه : انت تعرف ازاي بلولي !
بلال وهو بيهز رأسه : والله ما اعرف
سيلين بمزاح : طب ما تسأل كده ياجدع الناس اللي واقفين مش يمكن يكونوا عارفين !
بلال بتساؤل: انت تعرف يا فتيان ..
فتيان ببرود : انا نازل اجيب فطار من تحت سلام ..
سيلين بصتله بزعل ودموع ..
بلال بحزن : بتحبيه !
سيلين وهي بتلف بتوتر : هه ه هو مين
بلال بمرح : يابنتي باين اوي عليكي انك بتحبيه ده الناس كلها عرفت ..
سيلين بحزن : بس هو مش بيحبني
بلال بغمزه : بي*موت فيكي
سيلين بلهفه وفرحه: بجد ،بجد عرفت منين هو اللي قالك !
بلال بغموض : لا
سيلين باستغراب : اومال مين ؟!
بلال : هتعرفي بليل في الفرح ..
سيلين بفضول : لا ارجوووك دلوقتي
بلال : توء اسف مش هقدر ويالا اتكلي وخليكي مع سيليا واهتمي بيها وفطريها عايزها بصحتها …
سيلين بقرف : ياخي اتنيل هي بتعتق ديه اكلت من الصبح لحد دلوقتي عشرين رغيف ..
بلال بهيام : بالهنا والشفا علي قلبها
سيلين بسخريه : نينينيى يخربيت التلز*يق انا ماشيه قبل ما مرارتي تتفقع ..
…………………………………………..

جه الليل والكل كان بيجهز عشان الفرح ، سيليا لبست فستان ابيض جميل جدا كان شكلها زي الاميرات ،اما عن سيلين كانت لابسه فستان احمر وشكله جميل عليها وحاطه ميك اب رقيق زي رقتها ..
بلال و فتيان كل واحد فيهم لبس بدله كان بلال لابس واحده سوده و فتيان رمادي زي لون عينيه ..
الكل جهز ونزلوا لتحت عشان يروحوا علي القاعه …
سيلين شافته قلبها دق بطريقه رهيبه لاول مره تحس انها نفسها تقوله كده ..
سيلين بخفوت : شكلك حلو اوي
فتيان ببرود : شكرا
سيلين بغيظ: ياجدع انت لاغيني اقولك شكلك حلو تقولي وانتي كمان قمر
فتيان وهو بيبصلها من فوق لتحت ببرود اكبر : مش بطال
سيلين بعصبيه وهي بتجز علي أسنانها : فتيااااان
فتيان وهو بيفتلحها باب العربيه وبيقول بسخريه : اتفضلي يا سيلو
سيلين وهي بتهز رأسها بتهديد : ماااشي
كانوا مشغلين اغنيه في العربيه وبير*قصوا كلهم حتي فتيان اللي كان شكله مش طايق نفسه كان بير*قص ..
سيلين قررت تنكد عليه وقفلت الاغنيه وشغلت اغنيه تانيه وكانت حزينه …
سيلين بصوت عالي وهي بتغني وبتعبر عن مشاعرها : حبيته بيني وبين نفسسييي ومقولتلووش علي اللي في نفسي ..
سيليا و بلال في نفس واحد : اومااااال
سيلين وهي بتبص علي فتيان وبهيام : معرفش ايه بيحصلي لما بشووووف عينيه !
فتيان قفل الاغنيه وشغل اغنيه تانيه لتامر عاشور : تيجي نترررراهن انك راجعه وان ساعتها مش هتلاقي حجج تقوليها واني هدير وشي يوميها عشان ازود علي اوجاعك مليون وووواجعه
بلال بخفوت ل سيليا : ك*ذاب ك*ذاب الابله
سيليا بضحك : حصل
سيلين وهي بتقفل الاغنيه وبتقوله بعصبيه : بقولك ايه
فتيان ببرود : بتكلميني انا ؟
سيلين : اه بكلمك انت
فتيان : خير ؟
سيلين : بص بقي ياريس المأذون اللي هيكتب كتاب بلال و سيليا هيكتب كتابنا احنا الاتنين اميييين !!!
بلال بمرح : الف الف مبروك زغرطي يا سيليا
سيليا وهي بتزغرط : لولولولولولولي ..
فتيان وهو بيبصلها وبمكر: ان شاء الله ياحبيبتي روحي كلي جاتوه

سيلين اتنهدت بعصبيه وبصتله بغ*يظ و فتيان كمل سواقه لحد القاعه ..
بدء الفرح والكل بدء يرقص و سيلين كانت بترقص بفرحه مع اختها ..
أما عن فتيان كان واقف هيتجن حاسس ب*غيره من عيون الناس الشباب اللي بتبصلها …
راح وقف جنبها وقالها بخفوت : خفي شويه
سيلين وهي بتبصله ببرود : بتكلمني ايه
فتيان وهو بيجز علي أسنانه : سيلين متعصب*نيش وخفي رقص شويه بدل ما اكس*رلك رجلك ..
سيلين بفرحه : انت بتغير عليا ؟
فتيان بغيظ : مش خطيبتي وشويه وهنكتب الكتاب ..
سيلين بتوتر : ا انت موافق
فتيان وهو بيبصلها بغيظ: انتي غ*بيه !
سيلين بغيظ : والله ماحد غب*ي غيرك ،مش عارفه انا بحب فيك ايه
فتيان بصدمه : انتي قولتي ايه
سيلين بتوتر : م مقولتش حاجه
فتيان وهو بيبص في عينيها وبهمس: سيلين
سيلين بتوتر وهي بتبص في كل الاتجاهات غير عينيه : ن نعم
فتيان : بتحبيني ؟
سيلين هزت راسها بحب : بحبك يا فتيان ،اكتشفت اني بحبك اوي ..
فتيان بصوت عالي وبفرحه : المأذون ياااااااا جمااااعه
بعد مرور سنه
انتي بتبصي علي ايه تحبي الفهولك في ساندوتش ؟
ديه كانت جمله سيلين لبنت قاعده في نفس الكافيه اللي هما قاعدين فيه ..
البنت بقر*ف: وانا هبصله ليه يعني
سيلين وهي بت*شهق بطريقه شعبيه : نعم ياختي تبصيله علي ايه انا جوزي قمر ياعنيا ده حتي شبه عمر اللي في مسلسل حب للايجار …
فتيان بإحراج وهو بيبص علي الناس اللي بدئت تتفرج عليهم : سيلين خلاص اهدي
سيلين بع*صبيه : ولو ولوووو لازم اربيها
فتيان بح*ده : سيلين خلاص
سيلين وهي بتقعد بخوف : لو مكنتش حلفت بس
فتيان بغيظ : عجبك كده الناس كلها بتتفرج علينا ..
سيلين بغيظ: ماهي اللي بتبصلك
فتيان وهو بيضحك علي تعبيرات وشها وبيقول بتريقه : ماهي اللي بتبصلك
سيلين : انت بتتريق عليا لتكون عجبتك يا فتيان
فتيان : وهو في حد بيعجبني غيرك ياجميل

سيلين بضحكه هادئه : بتثبتني وانا بضعف قصاد عينيك القمر ديه ..
فتيان وهو بيمسك ايديها بحب : سيلين
سيلين بحب : عيونها
فتيان : انا بحبك اوي
سيلين وهي بتبص في عينيه اللي بقت تعشقها : وانا كمان بحبك اوي
فتيان : سيلين
سيلين بهيام : امممم
فتيان بضحك : هرمو*نات الحمل طافحه عليكي ياحبيبتي مش كده
سيلين وهي بتكشر وبتبصله بغيظ : فتيان طلقني ،طلقني يا فتيان بدل ما اقوم ار*قع بالصوت وافرج عليك الكافيه كله
فتيان : تاكلي مولتن ؟
سيلين : احم احنا ممكن ناجل قرار الطلاق لحد ما تطلبلي المولتن
فتيان : هنروح اسبوع شرم
سيلين : احم ناجل الطلاق لاسبوع كمان
فتيان : وبعدها هنطلع اسبوعين لندن عشان عندي شغل هناك
سيلين : انا بقول كار الطلاق ده مش كارنا احنا اتنين بنحب بعض ولازم نستحمل بعض ..
فتيان وهو بيضحك عليها : مجن*ونه والله
سيلين : قلب المج*نونه
فتيان برفعه حاجب : وه*بله
سيلين : روح قلب اله*بله
فتيان باستغراب : وده من ايه بقي ؟
سيلين : ليه وانت عايزني ارد عشان تضيع عليا السفريه بتاعه لندن !!
فتيان بقرف : بتاعه مصلحتك
سيلين : بقولك ايه ياحبيبي

فتيان بابتسامه صفراء : عيوني ياحبيبتي
سيلين : انت بتحبني
فتيان وهو بيهز رأسه بيأس: انتي لسه بتسألي يا سيلين ؟
سيلين : كل دقيقه وكل ثانيه عايزه أتأكد انك بتحبني
فتيان : طب ياستي أنا مش بحبك
سيلين بصدمه : ايه
فتيان : انا بعشقك
سيلين وهي بتبص في عينيه : انا كمان بحبك اوي
تمت

لقراءة الرواية كاملة اضغط على : ( رواية احببته صدفه )