روايات

رواية زواج عنيف الجزء الثاني الفصل الثالث 3 بقلم منار مجدي

رواية زواج عنيف الجزء الثاني الفصل الثالث 3 بقلم منار مجدي

رواية زواج عنيف الجزء الثاني الجزء الثالث

رواية زواج عنيف الجزء الثاني البارت الثالث

رواية زواج عنيف الجزء الثاني
رواية زواج عنيف الجزء الثاني

رواية زواج عنيف الجزء الثاني الحلقة الثالثة

مازن مد ايديه بمسدس لملك:جاهزه

ملك اخدته منه:انا مولوده مستعده

مازن ضحك لما افتكر:معاكى حق انتى صح تعالى ورايا

ملك:هه ظريف اوى انت إلى تيجى ورايا انا القائد هنا

مازن بضحك:اتفضلى يختى

نزلت ملك بكل غرور وكان المسدس يا ساده متعلق فى رجلها تحت الفستان ودخلو الحفله

مازن:ملك دول المشتبه فيهم الى هناك ده اسمه طارق

ملك:اه عارفاه(ده طارق غير بتاع الجزء الاول)

مازن:بجد طيب والباقى

ملك: متقلقش قريت الملف كويس انت بس ادينى الجهاز

مازن حط أيده على ايديها وحطلها جهاز صغير خالص بينور نور خفيف وبيسجل وفجأة حمزه يشد ايديه منها

ملك اتنهدت لان الجهاز كان بيلزق فلزق فى ايديها

ملك بصيت لحمزه بعصبية:انت جاى ليه هنا

حمزه:والله انا معزوم زى زيك هنا

مازن بضيق:ملك لازم نتحرك

حمزه: رايحين فين

ملك بضيق:عندنا شغل خليك انتى فى حفلتك يالا يا مازن

ملك راحت بابتسامه عند المشتبه فيهم وقعدت تتكلم معاهم

طارق:بالمناسبه الحلوه ديه تسمحيلى بالرقصه ديه

ملك ابتسمت وقربت وحطيت إيديها فى ايديه

وراحو يرقصو مكنش حمزه ملاحظها بس لاحظ لما

موظفه:استاذ حمزه مش ديه مدام ملك

عند ملك كانت بتحط ايديها على كتفه وحطيت الجهاز على الجاكت بتاعه بابتسامه

حمزه شدها فى حضنه وسط كل الناس

حمزه بين سنانه:تعالى معايا

ملك ابتسمت لطارق:اشوفك بعدين

جرها حمزه لبره

ملك بعصبية:عاجبك إلى عملته ده الناس كلها اتفرجت علينا

حمزه:والى بتعمليه عادى يعنى انتى مصممه تجننينى

ملك نفخت بضيق:بقولك ايه متدخلش فى حياتى

حمزه مسك.ايديها جامد وشدها لحضنه:انتى مجنونه وله ايه انا جوزك يا ملك والظاهر كده الفتره الاخيره انتى نسيتى ده ونسيتى أن حياتك مش حياتك لوحدك لا هى حياتنا

ملك ابتسمت بسخرية:والله

حمزه قرب وشه لوشها:متنرفزنيش

ملك بتحدى:يا ريت انت إلى متنرفزنيش انا ماسكه نفسى بالعافيه ومحترمه بس انك ابو بنتى غير كده كنت مرمط بيك بلاط الحفله

حمزه ابتسم:يا سلام بس جربى كده

ملك زقيته حمزه مسك أيديها وشدها وحاوط وسطها وقربها ليه

حمزه:ها كنا فين

ملك بعصبية:اوعى بقا سيبنى

حمزه:امممم طيب بصى هسيبك بس انتى هتدينى ايه فى المقابل

ملك بسخرية:عايز ايه (بصوت واطى)قال يعنى انا هعمل إلى انت عايزه

حمزه ابتسم:على فكره سمعتك وهتعملى إلى هقولك عليه عشان لو معملتيش انا عندى استطاعه افضل كده ماسكك للسنه إلى جايه واخد برضو إلى عايزه عادى برضو

ملك بزهق:خلاص خلاص عايز ايه انا مش فاضيه

حمزه:بصراحه كده انا جعان

ملك:البوفيه مفتوح جوه

حمزه:يووووووه يا ملك

ملك ابتسمت بسخرية

حمزه:انتى فاهمه انا عايز ايه

ملك ضحكت:عايز ايه

حمزه ابتسم:اممم دلوقتى عايز بوسه

ملك ابتسمت:بس كده بس سيبنى وقرب وشك ليا كده

حمزه:اممم لا مش مرتاح

ملك:كده مفيش ثقه خالص بينا يبقا مش هديك اى حاجه

حمزه سابها:خلاص خلاص اهو

ملك ابتسمت وقربت لوشه وهو غمض عينيه

ملك فاقت فى الاخر لما افتكرت

ملك بصيت ليه بدموع وقالت لنفسها بسخرية:للدرجه ديه معندكيش كرامه للدرجه ده الحب عميكى للدرجه دى انتى بتحبيه لدرجه ممكن فى لحظه تنسى هو عمل ايه مش هسمحلك تسامحيه مش هسمحلك تنسى.

حمزه فتح عينيه:ايه اتأخرتى كده ليه لا لا متقوليش مكسوفه تبوسى جوزك

ملك ابتسمت بسخرية:عندى شغل عن أذنك.

حمزه شدها تانى:انتى شايفه أن ديه رجوله يعنى بتضحكى عليا يا ملك

ملك ضحكت:محدش قال انى راجل دلوقتى سيبنى عندى شغل ولينا بيت نتكلم فيه.

حمزه سابها بابتسامه:يبقا هستناكى فى بيتنا😉

ملك ابتسمت بكسوف ودخلت تانى

ملك لمازن:ها عملت ايه

مازن:خلاص جبنا الدليل ناقص الجهاز

ملك:مش مهم مش معاك هنا التسجيل

مازن:لا مينفعش نسيب أدله

ملك: امممم طيب سيبنى هتصرف

راحت ملك من ورا طارق واخدت الجهاز وهى بتمثل انها بتخبط على ضهره قال ايه تندهله يعنى

طارق لف بابتسامه:اهلا

ملك بمقاطعة: انا اسفه اوى على إلى عمله جوزى عن أذنك

طارق مسك أيديها:ما لسه بدرى

ملك شديت ايديها:لا معلش انا اتأخرت على بنتى وكمان انا محبتش امشى وفى حد زعلان منى عن أذنك

طارق بعد مشيت:وانا اقدر ازعل من القمر ديه بس

ملك خرجت وركبت العربيه مع مازن

ملك:نطلع على الشركه حالا مش كده

مازن:وديه فيها سؤال

ملك لأقصى سرعه ساقت للشركه ونزلو ركبو الاسنسير

دخلو بسرعه عند زين

مازن: جبنا الدليل يا زين باشا

زين:عفارم عليكم البلد نضيفه بفضلكم

ملك كانت مبتسمه وحاسه بالفخر

زين:انا كنت واثق فيكم

كان بيبص لملك وبيوجهه كلامه ليها

مازن:احنا عمالنا الواجب عن أذنك

طلعو ملك ومازن الشركه

مازن:كده اجازه اسبوعين بقا

ملك ضحكت:معاك حق الواحد محتاج اجازه

مازن:بس مش هنلحق عندنا سفر نسيتى

ملك:اباى عليك قفيل يالا نروح بقا مش قادره خلاص تعبت

وصلت ملك البيت وطلعت ودخلت لإلين بابتسامه باست جبهتها وغطيتها كويس ودخلت اوضتها اخدت دش وبصيت فى المرايا

شافت نفسها زمان كانت بتضحك ومحدش يقدر عليها إنما دلوقتى بقيت ضعيفه الحب خلاها ضعيفه

ملك بسخرية:هو ده الحب إلى هيقوينى هو ده فعلا

ملك نامت على السرير وهى بتدمع وبتبص للسقف لحد ما تليفونها رن ابتسمت

ملك:الناس الاندا’ل

حلا:معلش والله بس الشغل بقا

ملك:مش زعلانه انا بهزر انا اصلا بفكر اجيلكم عندى شغل هجيلك قريب

حلا:اوعى بقا يبقا اعرف زياد ونادر

ملك:لا لا متعرفيش حد خليها مفاجأة

حلا:المهم انتى عامله ايه وإلين

ملك:كويسين

حلا:وحمزه ها اتكلمتى معاه

ملك:لا يا حلا

حلا:مش قولتى هترتبى الكلام وتكلميه مش ضرورى يحصل إلى بتفكرى فيه مش يمكن يكون غصب عنه

ملك ابتسمت بسخرية:فعلا والله بقولك ايه متنرفزنيش

حلا:بقالك سنتين يا ملك بتعذبى فى نفسك

ملك:هتعذب اكتر لو اتكلمت معاه لأن كل الحوارات إلى حصلت فى دماغى كلهم آخرهم طلاق كرامتى مش هتسمحلى يا حلا اقعد معاه اكتر من كده وكمان إلين مش عايزه أبعدها عنه هى بتحبه وبتحبنى مش عايزاها تختار بينا.

سمعت صوت عربيته

ملك:حلا هقفل معاكى شكله وصل

حلا:طيب خدى بالك من نفسك يا ملك وطلعى إلى فى قلبك سلام

قفلت ملك مع حلا وهى بتفكر

ملك لنفسها:حلا معاها حق انا مش بأذى حد غير نفسى لأبقا معاه للا انا هتكلم معاه بس لو لقيت فرصه مناسبه

حمزه دخل الاوضه غمضت ملك عينيها بسرعه حمزه ابتسم لانه عارفها لما بتمثل عمل نفسه اقتنع ودخل الحمام

ملك فتحت عينيها:اتغيرت كنت الاول بتعرف إذا كنت نايمه وله لا دلوقتى تقريبا كده بطلت تحبنى يا حمزه .

حمزه خرج وهى قفلت عينيها تانى حمزه ضحك وراح نام مكانه

ملك فتحت عينيها وبصيت ليه ملك لنفسها:هتوحشنى اوى

حمزه شدها من وسطها وفتح عينيه: فاكره انى مش عارف إذا كنتى نايمه وله لا امتى هتفهمى انى حفظك لانك فى قلبى.

قرب ليها ووووو

ملك صحيت تانى يوم واضايقت من نفسها جدا ازاى تضعف تانى بعد ما صمدت سنتين بحالهم قامت ودخلت الحمام ومن كتر عصبيتها نسيت هدومها خرجت وهى لافه نفسها بالبشكير

فتحت الدولاب وطلعت هدوم حسيت بنفسه بيضرب فى رقبتها لفت تبصله لقيته قريب منها اوى ومغمض عينيه بابتسامه

ملك:مالك ابعد

حمزه فتح عينيه بابتسامه وهو بيشيلها:انا جعان

ووووووو تانى للأسف

بعد فتره كان حمزه نايم وجمبه ملك صاحيه

ملك ابتسمت بعدين قامت بعصبية وهى بتلم شعرها وبتقوم الحمام

خرجت ونزلت كانت إلين بتجرى

ملك ابتسمت

إلين شبه حمزه فى الشكل لكن تصرفاتها شبه تصرفات ملك .

إلين شاورت لها:ماميتو تعالى

ملك راحت عندها وعدلت شعرها:مش بتعرفى ابدا تعملى ضفرتين صغيرين لوحدك

إلين:حاولت بس مش بعرف عشان انا مش ماميتو البطله

ملك ضحكت وهى بتعدلها شعرها:خلصت يالا حضن كبير بقا

إلين حضنتها جامد بس حسيت بحاجه غريبه:انتى كويسه

ملك:اه طبعا بقولك صحيح ايه رأيك نروح البيت عند جدو وولاء ودينا

إلين بضحك:ايوه ايوه هاااااى وكمان ريحانه ورعد

ملك ضحكت:اه وهنتسابق سوا

إلين:انا هطلع احضر نفسى

طلعت إلين كان حمزه نازل بيبتسم:مالها إلين

ملك:مبسوطه عشان رايحين عند جدها

حمزه:ليه

ملك:راس السنه قرب يا حمزه

حمزه:اه صح اسف نسيت

ملك بعدت لما لقيته بيقرب:مش مشكله مش اول مره يعنى

مشيت وسابته

حمزه بضيق:غبى غبى كل مره بتنسى

ملك وهى ماشيه لنفسها:خلاص اتعودت على قله الاهتمام

(صدق الى قال إن الست زى الورده لو اهتميت بيها هتزهر وهيبقا شكلها حلو لكن لما تهملها هتددبل وتموت)

لبست ملك وحضرت شنطتها وجهزت شنطه إلين ونزلو

حمزه: رايحين دلوقتى طيب ليه مقولتليش وفين شنطتى

ملك:مش مهم انت اكيد مش فاضى خلاص خليك شوف شغلك .

حمزه:ملك

ملك ابتسمت وهى بتبص لإلين: يالا يا إلين

حمزه مسك أيديها

إلين:هسبقك

ملك هزيت رأسها بنتها عاقله ومتفهمه شبها بالظبط

حمزه:ملك انا عايز ابقا معاكى

ملك:مش ضرورى خلاص يا حمزه

شديت ايديها بابتسامه ومشيت بس قبل ما تخرج:وبعدين لازم تتعود

مشيت وسابته

ركبت العربيه مع إلين

وراحت بيت جدها الله يرحمه

إلين جريت على هشام والد ملك

إلين:جدو حبيبى

هشام:اهلا اهلا بحبيبت جدو

نادر:والله كويس انى جيت انهارده ده يوم السعد يوم ما اشوفك

ملك ضحكت وراحت حضنته وسلمت عليه

حلا:وانا مليش نصيب وله ايه

ملك راحت عندها وحضنتها:هو انا اقدر برضو يا باشا

نادر الصغير:أهلا إلين

إلين بضيق اطفال: اهلا نادر تعالى يا فريده نلعب بره

نادر:هلعب معاكو

فريده:لا بنات وبس

ملك:إلين

إلين بابتسامه:مفيش فرق بين ولد وبنت تعال مع انى مش طايقاك الصراحه.

ملك ضحكت

نادر الكبير بضحك:نسخه مصغره منك

حلا:هى وملاك نفس النظام متنساش أنهم الاتنين ملك بتدربهم

نادر الكبير:طيب ما تدربى الواد نادر معاهم واكسبى فيه ثواب

ملك:مانا قولتلك قال ايه (قلدته)ابنى قوى لوحده مش محتاج تدريب

حلا ضحكت جامد:حصل يا باشا

هشام بضحك:وانتى يا ملك جيتى عشان راس السنه قرب مش كده

ملك:فعلا بس انتو بتعملوا ايه هنا

حسين:احم جاين عشانى

ملك بإستغراب:عشانك ليه فى حاجه حصلت وله ايه

نادر:لا كل خير ان شاء الله حسين كان جاى يطلب أيد دينا.

ملك بفرحه:بتهزر

انا الكاتبه منار مجدى:بتهزرو😂😂😂

يتبع…

لقراءة الفصل التالي : اضغط هنا

الرواية كاملة اضغط على : (رواية زواج عنيف الجزء الثاني)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى