رواية زواج عنيف الفصل الثالث 3 بقلم منار مجدي
رواية زواج عنيف الجزء الثالث
رواية زواج عنيف البارت الثالث
رواية زواج عنيف الحلقة الثالثة
ملك بصوت عالى:غووور من وشى.
حمزه:اولا متعليش صوتك انا لسه بستوعب انى عايش اساسا وبعدين انتى متنرفزه كده ليه عشان حبيبك شافك مع جوزك.
ضحك بسخرية
ملك:متعصبنيش انا متعصبه لوحدى.
حمزه ابتسم بسخريه:تاكلى.
ملك:مش عايزه طفح.
دخلت وقعدت قدام المقبره وقالت كلام بصوت واطى وقامت.
حمزه:رايحه فين.
ملك:مروحه غايره فى داهيه.
حمزه:تمام مفيش هنا مواصلات لعلمك بس
ملك نفخت بضيق:وانت جيت ازاى طاير.
حمزه:جيت بعربيتى
ملك:اه إلى هناك ديه
حمزه:اه
ملك:ومفتاحها ده.
حمزه:اه لحظه جبتيه منين
ملك:سلام يا سكر.
حمزه:استنى استنى طب خودينى معاكى.
ملك:يا حرام صعبت عليا.
حمزه:بجد.
ملك:اه بس انا شريره.
ضحكت وهى بتركب العربيه وتمشى جرى وراها حمزه بس ملحقهاش.
حمزه:يا بنت الغدارين.
ملك كانت بتبصله من المرايا صعب عليها ووقفت
حمزه ابتسم وجرى بس ملك افتكرت أنها لازم تنتقم منه شغلت العربيه وانطلقت بأقصى سرعه
حمزه:غداره بنت غدارين
بليل
حمزه دخل البيت ومتبهدل على الاخر.
الجد بضحك:ايه حصلك وايه الريحه المقرفه ديه
حمزه:اصلى رجعت فى عربيه نقل بقر.
الجد:وايه إلى قطع هدومك كده.
حمزه:اصلى حصل خناقات بسيطه بينى انا والبقر إلى فى العربيه بعدين يا جدو الاسئله ديه انا تعبان.
الجد:تمام اطلع ارتاح.
حمزه طلع وهو على آخره.
فتح الاوضه
كانت ملك بتعمل تمرينات ضغط وهى بتغنى (اندال اندال اندال)
حمزه:زيك.
ملك رفعت وشها وقامت اتعدلت وهى بتبصله بصدمه
حمزه:عجبك كده
ملك ضحكت جامد:اوى شكلك تحفه.
حمزه اتعصب:بطلى ضحك.
ملك:فى حاجه يا زميلى
حمزه:وله حاجه مش هتخانق معاكى.
دخل ولسه هيدخل الحمام.
ملك:وهو انت تعرف تتخانق معايا اصلا.
حمزه:انتى بتدورى على الخناق .
ملك:وانا ادور ليه وانت موجود اصلا انت بتيجى بخناقك طازه (ضحكت عليه)بس شكلك عفنت شويه ادخل ادخل.
حمزه:خارجلك خارجلك .
ملك:هخاف يعنى ما تخرج
حمزه دخل الحمام وبقا متغاظ منها.
ملك قعدت ومسكت اللاب
اتصلت فيديو بطارق
طارق يزهق:نعم عايزه ايه.
ملك بربشت بعنيها:زعلان
طارق:جدا.
ملك ضحكت برقه:اتفلق .
طارق:انتى هتجننينى يا ملك.
ملك:الله جرا ايه يا طارق متعصبنيش عليك.
طارق:انتى متخيله الوضع إلى شوفتك فيه
ملك:وضع ايه وهباب ايه ده انا ضهرى واجعنى.
طارق:مانا قولتلك خلينى معاكى وانتى رفضتى ليه هو .
ملك:هو إلى غتت قعد وانا مكنتش موافقه .
طارق:يا سلام خلينا متفقين انك لما بتبقى عايزه تمشى حد بتمشيه يا ملك.
ملك:خلاص بقا يا طارق متزعلش
طارق:خلاص يا ملك
ملك:زعلان.
طارق:مش كتير.
ملك:طروقه.
طارق ضحك
ملك:ايه يجدع الحلاوه ديه ضحكه ايه وغمزات ايه يا راجل حرام.
حمزه:مش بتعرفى تتكلمى صح البنات بتتدلع مش بتعاكس.
ملك من غير ما تحس:مانا مش بعرف اعمل كده.
طارق:ملك.
ملك:ايه
طارق:بحبك.
ملك:وان…
حمزه بمقاطعه:ملك
ملك بصيتله بضيق وبعدين فتحت عينيها على اخرها.
طارق:ملك ملك
ملك:ها يا طارق.
طارق:فى ايه.
ملك:وهى بتبص فى للأب لطارق:مفيش يا حبيبى عادى
طارق:خلى بالك من نفسك.
ملك:متخافش عليا.
طارق:مش بعرف مخافش.
ملك ابتسمت:انا يتخاف منى يا طارق مش يتخاف عليا عيب انت عارف.
طارق:تمام انا هقفل بقا عشان ورايا شغل.
ملك:تمام سلام.
قفلت ملك معاه
حمزه:ايه
ملك:وانا كلمتك.
حمزه:يعنى مفيش اى تأثير.
ملك:اوعى تكون فاكر انك عشان طلعت بالشورت بس انا هعمل زى البنات واصوت واقولك ايه ده عيب والكلام الاهبل ده عشان انا مش كده انا مدربه جودو يا استاذ ولعبت تقريبا كل الالعاب القتاليه انا كنت بنافس رجاله وغير كده انت مش بتصيف وله ايه فوق يا بابا انا ملك وانا غير اى بنت عرفتها
حمزه:ده لو كنتى بنت اصلا.
ملك بغضب:قصدك ايه.
حمزه:قصدى لو مطلعتيش ولد وعامل بنت وله حاجه.
ملك:انا بنت بس بميت راجل
حمزه:اه ماهو باين.
ملك قامت وخرجت خالص من الاوضه.
حمزه:وبعدين انا مش هعرف اكمل كتير مع البت ديه.
ملك خرجت وبقيت تبربش كتير وقالت لنفسها:فى ايه قلبى بيدق جامد ليه فيها ايه يا ملك ياما شوفتى رجاله كده اشمعنا هو اتكسفت اول مره اتكسف فى حياتى الواد ده خطر لازم اقول لجدو.
نزلت لجدها إلى دايما فى المكتب بتاعه بيقرأ كتب.
ملك:جدو عايزاك فى كلمتين.
الجد ابتسم:تعالى يا ملك.
ملك:جدو انا
الجد:حلو إلى عملتيه فيه انهارده
ملك:ايه.
الجد:انك سبتيه ومشيتى يعنى عارفه بيقولى راجع فى عربيه نقل بقر ويعينى تقريبا البقر هجم عليه.
ملك:بجد.
الجد:تقريبا مش شوفتى هدومه متقطعه
ملك:مأخدتش بالى.
الجد:مش مهم المهم انك ماشيه صح
ملك:بس يا جدو انا كنت جايه عشان اقولك مش عايزه اكمل معاه.
الجد:هو أذاكى أو ضايقك قوليلى.
ملك:لا يا جدو بس انا حاسه بحاجه غريبه جوايا .
الجد ابتسم:حاسه بإيه.
ملك:مش عارفه اوصف بس زى ما يكون هبوط مش عارفه اوصف يا جدو الواد ده خطر عليا
الجد ضحك:خطر عليكى ازاى يعنى انتى أكبر خطر فى حياته وبعدين خلاص قربنا نخلص جايه دلوقتى تتراجعى ايه مش همك عمتك وتعبها بسببه.
ملك أضايقت من نفسها عشان مفكرتش فى عمتها
ملك:خلاص يا جدو انا متأسفه انا هكمل.
الجد:مش عايزك تعتزرى انا عايزك تجيبى حق عمتك
ملك:هجيبه هجيبه يا جدو تصبح على خير.
الجد:وانتى من أهله.
ملك طلعت لقيته نايم على السرير بالعرض واخر انتخه.
ملك:جرا ايه يا بابا هو انا عشان سكتلك هتفكر انى هناك على الكنبه كتير وله ايه قوم يالا هتنام على الكنبه انهارده.
حمزه:يووووه انتى مش بتزهقى بقا
ملك:هتقوم وله لا.
حمزه:لا.
ملك:طيب.
دخلت الحمام وجابت طبق كبير فيه مايه كتير وراحت دالقاه على السرير اتبهدل أما حمزه فنط قبل ما بتبل وقف بعيد
ملك رما الطبق فى الارض:نام بقا ورينى هتنام ازاى
راحت على الكنبه ونامت
حمزه:انتى شايفه ده صح
ملك: بالظبط كده.
حمزه:تمام.
دخل وجاب مايه هو كمان ودلقها على الكنبه وعلى ملك إلى نايمه عليها.
ملك بشهقه:ده انت يومك مش فايت.
حمزه شمر أيديها:ورينى بقا هتعملى ايه.
ملك وحمزه مسكو فى شعور بعض
ملك: سيب ياله شعرى ياله.
حمزه:سيبى انتى الاول وانا اسيب.
ملك اديته شلوط فى رجله:سيب ياله بقولك.
حمزه بقا بيرجها:بت بنتى بقا بطلى غباء.
ملك:وله سيب ياله.
حمزه:سيبى الاول
ملك:طيب وله لأضيعلك مستقبلك.
لسه هترفع رجلها حمزه زقها.
ملك مسكت شعرها بوجع:كسر ايديك يا بعيد
حمزه:يا رب انتى.
ملك سالته ودخلت تغير وخرجت لقيته بيفرش فى الارض.
ملك عطست.
حمزه:يرحمكم الله وله اقولك بلاش انتى تستاهلى.
ملك:وله ابعد عنى الساعه دى.
حمزه:يا شيخه روحى كده.
ملك فرشت لنفسها جمبه لأن الاثاث كتير والاوضه صغيره حبتين
نامو وتانى يوم صحى حمزه وهو حاسس بحاجه فى بقه.
حمزه بقرف:ايه الشعر ده.
فتح عينيه واستوعب أنه عايش وبعدين بص لقا ملك نايمه على صدره عاملاه مخده وزر ما تكون بتحلم بكابوس وبتقول
ملك:متسبنيش لا لا عشان خاطرى متسبنيش(صرخت وهى بتقوم)لاااااا.
ملك حطيت إيديها على قلبها وهى بتتنفس بسرعه
حمزه بخضه:انتى كويسه.
ملك حضنته بسرعه
حمزه طبطب عليها:ده مجرد كابوس متخافيش.
ملك ابتدت تستوعب بعدت عنه وقامت من غير اى كلام من غير حتى ما تبص فى وشه قامت بهدوء مريب ودخلت الحمام
حمزه:البت ديه مجنونه رسمى والله قلبى بيدق جامد خضتنى بنت الغدارين.
حمزه قام ودخل البلكونه يشيم هوا
ملك خرجت لقيته في البلكونه خرجت من الاوضه كلها وراحت لريحانه وركبتها وخرجت بيها
ملك دموعها نزلت اخيرا لقيت ريحانه تجرى بيها وملك ماسكه فيها وبتعيط جامد وبعد فتره كانت بتهدى وريحانه خففت سرعتها ووقفت نزلت ملك وبقيت تبص لريحانه بدموع.
ملك: ريحانه متسبنيش انتى كمان ماشى .
قربت لريحانه وحضنته وريحانه سندت راسها على ضهرها كأنها بتطبطب عليها.
ملك بدموع:كل سنه فى نفس اليوم لازم افتكر نفس اليوم نفس اليوم إلى سابتنى فيه ريحانه هو انا يعنى عملت حاجه غلط عشان كده ربنا عاقبنى وهى سابتنى ليه سابتنى انا كنت محتاجها جمبى انا عارفه انى بغلط كتير بس هى مكنش لازم تمشى وتسبينى كده صح أنا وهى كنا متخانقين بسبب لبسى روحت المدرسة ورجعت ملقتهاش يعنى كانت زعلانه من. يا ريحانه انا بنت وحشه اوى عمرى ما هنسى اليوم ده عمرى أبدآ.
فلاش باك
علا:مش هتخرجى بلبس الولاد ده ابدا
ملك:يا ماما انا بلبس إلى برتاح فيه الفساتين ديه مش مريحه وله حتى الصنادل انا بحب الكوتشات يا ستى سيبينى فى حالى انتى ايه مش بتحبى تشوفينى مرتاحه ابدا.
سالتها ومشيت وبعد يوم دراسة طويل فى ٢ ثانوى رجعت بس شافت عربيه إسعاف بتركن على الباب بتاع الفيلا وبيدخلو بسرير ناقل جريت لقيت مامتها فى الارض وأبوها قاعد بيعيط بحرقه فضلت واقفه بصالهم بصدمه لحد ما اخدت ملكتها على السرير وأبوها حضنها.
ملك:هما واخدين ماما فين يا بابا.
بس ابوها مرضش كان بيبكى على حبه الوحيد كان محتاج يوسيه زيها بالظبط.
ملك اول ما شافتهم بيخرجو من الفيلا زقيت ابوها وجريت وراهم:لا لا ابعدو عنها.
بس ملحقتهمش والعربيه اتحركت فضلت تجرى وراهم وهى بتصرخ
ملك:لاااااا ماما لاااااا متسبنيش انا اسفه هلبس إلى انتى عايزاه بس متسبنيش عشان خاطرى متسبنيش يا مامااااااا.
بااااك.
فضلت تعيط فى حضن ريحانه لحد ما دموعها نشفت ورجعت وهى ماسكه ريحانه وماشيه طول الطريق مشى مأكلتش وله شربت حاجه من الصبح ودلوقتى الساعه بقيت ١٠ بليل.
الجد شافها واتنهد عارف حفيدته اليومين دول دائما مش بتبقا متظبطه لا بتكلم حد وله بترد على حد.
دخلت اوضتها وقفلت الباب وراها.
حمزه بغضب:كنتى فين معاه مش كده.
ملك بصيتليه وسابته ودخلت الحمام
خرجت بعد ساعه
حمزه بإستغراب لانها مش بتتأخر فى الحمام :انتى كويسه.
ملك قعدت على الكنبه ومسكت دماغها وهى بتهزها انها كويسه
حمزه قرب ليها:مالك يا ملك ايه حصل ضايقك.
ملك داخت جامد واغمى عليها
حمزه بسرعه جرى عليها وعدلها وهو بيفوقها بس هى كانت دائمه جامد:انتى سخنه اوى.
بسرعه جاب كمدات وبقا يعملها كمدات حس انها مش مرتاحه على الكنبه شالها وحطها على السرير وفضل يعملها كمدات لحد ما حرارتها نزلت كان قاعد على الأرض جمب السرير ولما حرارتها نزلت سند أيديه على السرير وحط رأسه على ايديه ونام.
تانى يوم صحيت ملك لقيت على وشدها فوطه مبلولة سالتها وقامت لقيت حمزه نايم فى الارض ابتسمت بإستغراب وحطيت إيديها على شعره كان فى نيتها تصحيه بس مش عارفه ليه بقيت بتلعب فى شعره بدل ما تصحيه بس هو صحى عموما
حمزه بصيلها كذا مره:ملك.
ملك ضحكت: اه انا هى
حمزه قام وحط أيده على وشها: الحمدلله حرارتك نزلت يا شيخه خضتينى افتكرتك هتموتنى تانى مره ابقى حذرينى قبلها عشان استعد ااااه يا ضهرى.
ملك بصوت واطى ونبره اول مره تكلم حمزه بيها: شكرا.
حمزه بصدمه:ها.
ملك:بقولك شكرا عشان فضلت جمبى يعنى لحد ما فوقت
حمزه بإستغراب:اها العفو
ملك ابتسمت وقامت دخلت الحمام اخدت دش وخرجت من الاوضه خالص ونزلت الجنينه وقعدت تبص للسما فى اللحظه ديه تليفونها رن ردت عليه
ملك:بابايا ازيك يا بابايا اخبارك ايه.
الاب:عامله ايه يا ملك انهارده اكيد قضيتى يومك كله امبارح عياط كالعاده مش كده.
ملك بضحك:مين ديه إلى تعيط انا لااا احنا كبرنا خلاص
الاب:متضحكيش عليا يا ملك انتى بنتى وعارفك كويس
ملك:قولى انت عامل ايه مبسوط عندك اكيد المزز كتير عندك.
الاب:بصراحه اه بس عيب عليكى ابوكى محترم.
ملك:يا راجل يا خطيرررر.
الاب بضحك:صح أنا وجدك قررنا امبارح قرار
ملك:قرار قرار ايه
الاب:هتنزل تستلمى الشركه بتاعتى إلى عندكم انتى وحمزه سوا ده فرصتك عشان تنتقمى منه كويس
ملك بصدمه:ايه
الاب:متخافيش لسه قدامك كام يوم كمان هتبدأى اول الاسبوع.
ملك:بس يا بابا
الاب:مبسش وله حاجه انا نضطر اقفل دلوقتى عندى اجتماع مهم حبيت بس اعرفك انى واثق فيكى وانك هتخلى الشركه من أنجح شركات مصر سلام يا حبيبتى.
ملك:سلام
قامت ملك بسرعه خلت لجدها المكتب وهى بتجرى
ملك:جدو ايه بيحصل أنا مش فاهمه حاجه
لقيت حمزه قاعد مع جدها .
الجد:تعالى يا ملك يا حبيبتى انا هشرحلك كل حاجه.
ملك قعدت قدام حمزه والاتنين بيبصو لبعض بإستغراب
الجد: دلوقتى انتو الاتنين هتروح شركه ابوكى يا ملك عشان تشغلوها كويس والسبب أن الشركه بتخسر وعايز اعرف هتعرفو تشغلوها وله لا وده اختبار ليك يا حمزه هتعرف تتصرف فى أملاك عمك أو ولو قدرتو تحولوها من شركه خسرانه لشركه ناجحه حمزه هدفعلك كل ديون شركتك.
ملك:وانا ليه اوافق اشتغل خصوصا معاه.
الجد:عشان بالأمر واثق فيكى يا ملك وهو مستأمنك على أملاكه.
ملك:بس يا و انا عمرى ما اشتغلت في المجال ده انا مدربه.
الجد:ما هو حمزه معاكى عشان يعلمك كل حاجه ويديكى خبره عشان تعرفى تشغلى شركه بابكى بعد كده كويس
ملك بصيت لحمزه:ده شكلها سنه باينه من اولها.
حمزه:لاول مره يكون معاكى حق.
الجد:لسه معاكم وقت تتفقو سوا ونشوف هتعملو ايه.
ملك:طب التدريب .
الجد:تقدرى تكملى بعد الشغل لو قدرتى.
ملك:جدو متستخفيش بقدراتى.
الجد ضحك:طيب طيب خلاص.
ملك اخدت تفاحه من طبق الفاكهه إلى قدامها وقامت خرجت.
حمزه: الموضوع صعب بس انا هعمله.
خرج حمزه هو كمان
الجد:ها تفتكر ايه هيحصل.
الاب على اللاب كان بيسمعهم:مش عارف تفتكر هيحبو بعض.
الجد:مش عارف يابنى بس اتمنى مش عايز حفيدى يبعد عنى تانى وكمان مش عايز حفيدتى تتجوز بره العيله بالذات الدكتور الكفته ده.
الاب:هنعرف كل حاجه مع الوقت يا بابا متقلقش مصير ملك تعرف حقيقته.
الجد:اه لو تصدق أنه مش كويس لكن هى عنيده زيك بالظبط لازم تعرف كل حاجه بنفسها.
الاب:يعنى يا بابا انا طالع لمين للجيران ما ليك برضو.
الجد:اقفل يابن الكل**ب.
الاب:طيب طيب خلاص يا كبير متتعصبش سلام.
قفل الاب والجد سند ايديه على اللاب وهو بيفرك فى دقنه:حتى لو محبوش بعض من نفسهم انا هخليهم يحبو بعض بالعافيه
حمزه دخل الاوضه وفجأة
ملك مسكته من ليقته ووقته للحيطه وحطيت كوعها عند رقبته عشان تثبته.
ملك:اسمع يا حيلتها لو عملت عليا مدير هقل منك فى الشركه كلها والى أقوله يتسمع انا مبحبش اكرر كلامى كذا مره هتلاقى تصرفات مش هتعجبك ابدا فاهم طبعا.
حمزه بصيلها بضيق:اوعى يا بت انتى عشان متعصبش عليكى وانتى اصلا مستفزه انا اصلا مش عارف هشتغل معاكى ازاى
اوعى بقولك مش هتبعدى يعنى
ملك بصيتله برفع حاجب وتحدى.
حمزه زقها جامد وهو بيقرب اتزحلق وقعو الاتنين على السرير ملك وفوقيها حمزه .
اتفتح الباب على آخره.
ولاء:ملك بسرعه الحقى ايه ده .
يتبع…
لقراءة الفصل التالي : اضغط هنا
الرواية كاملة اضغط على : (رواية زواج عنيف)
2 تعليقات