روايات

رواية سلفتي الجميلة الفصل الأول 1 بقلم أماني عنان

رواية سلفتي الجميلة الفصل الأول 1 بقلم أماني عنان

رواية سلفتي الجميلة الجزء الأول

رواية سلفتي الجميلة البارت الأول

رواية سلفتي الجميلة
رواية سلفتي الجميلة

رواية سلفتي الجميلة الحلقة الأولى

انا مش وحشة عشان جوزي ينكد عليا كل يوم كدا ويقولي نجوي عملت ونجوي سوت زهقت منه ومن اهله كلهم حماتي اللي ماشيه ورا مصلحتها وحمايا الطيشه اللي مالوش في أي حاجة خالص غير يأكل ويقرا الجرنال وينام قال مثقف اوووي الراجل وفي حاله ..

لازم احكي حكايتي واسمع راي غيري في مشكلتي عشان اعرف اتعامل معاهم ازاي نبدا من الاول 👇

اسمي عزة وجوزي اسمه رمضان له أخ اصغر منه لسه متجوز قريب اسمه ربيع ومتجوز الحربايه نجوي حتة عيله بالنسبة لي بس مسيطرة علي العيلة كلها وعرفت تكسبهم من اول اسبوع جواز وطلعت انا الوحشه اللي خدت ابنهم منهم وطلعت بيه برا العيلة وهي سكنت في شقة فوق شقة حماتي وبتنزل لهم كل شويه تاكل وتهزر وتعمل نفسها بتخاف عليهم ..

رمضان بينادي عليا ومصمم نروح نودي عيد الام النهاردة اشتريت لها شاب حلو ب250جنية اللي عرفت احوشهم والله ويارب يعجبها ..

رمضان : يالا يا غزة لسه هتلبسي ساعة وتلبسي الولاد

عزة : لا مش هاخد الولاد تعالي نروح انا وانت بس عشان بيتشاقوا ويزعجواهم

ماينفعش ماما هتسأل عليهم ..

طيب اتفضل روح لبس اشرف علي ما اخلص وابقي البس امال ..

بالمناسبة امال بنتي علي اسم الست الهانم ام جوزي المصون وياريت عاجل اتطردنا في الاخر طردة الكلاب وبرضو جوزي زي السمكة مالوش ذاكرة اصلا بيسامح وينسي ولا كأنهم عملوا حاجة ،علي طول قال الله وقال الرسول حقاني ع الكل الا عليا 😔

رمضان : سرحانه ف ايه ؟

عزة :مش سرحانه انا هقوم اجهز اهو

دخلت ليست الازدال الأزرق وطرحة سمرا وبعد كدا لبست الولاد لأن رمضان كان معاه مكالمة لحد ماخلصت هي كدا الرجالة عديمي النفع اصلا آخرهم يجيبوا فلوس من شغلة واحده وبس إنما يغسل ،يلبس عيل ، ينضف حتي مكانه مايعرفش ..

عزة : يالا يا رمضان شيل البت عشان مش هتعرف تنزل السلم

هاتيها ..

اشرف في خامسة ابتدائي وامل سنتين ونص قال الولد : ماما أنا عايز ايس كريم

عزة :حاضر لما نرجع هنشتري شوية حاجات واحطهملكوا في التلاجة المهم تكونوا مأدبين مش عايزا اسمع كلام مالوش لزمه الله يكرمك ..

اشرف :حاضر يا ماما مش هعمل شقاوة

بوسة علي خدك ياقلب ماما

رمضان : انجزي مش وقته انتي وابنك اتاخرنا واليوم خلص هنروح لها بالليل ..

عزة :وايه يعني هي الدنيا هتطير مابحبش الاستعجال دا بيحصل حاجات وحشه في الطريق

____________________ #أماني_عنان

بتلبس نجوي عباية استقبال غالية من الجهاز الجديد بتاعها وتحط برفان وتحرك أيدها شمال ويمين بالغوايش بتاعتها وتكلم جوزها اللي لسه في السرير

_ اصحي ياربيع اخوك زمانه جاي يجيب عيد الام لازم ننزل قبلهم

يصحي بكسل ويرد

ليه لازم مابراحتنا

_افهم امك هتقول البعيد جه واللي نايم في البيت اتاخر ومش فاكرني ،قوم اغسل وشك والبس وانا وانا هنزل الطقم اللي جبته لحماتي واستناك تحت

طقم ايه ؟؟

هديها طقم سرير غالي من بتاعي …

استغرب من كرم مراته الغريب وقال

براحتك هي امي وانتي مراته يعني كله في بيتي .

قام دخل الحمام وقامت نجوي تبرفن المفرش البيج وهي بتدعي عليها في سرها وتقول :

حار ونار في جتتها الا ماشوفت منها خلقة بس ماعلش بكره اسيطر علي البيت كله والفلوس وكله يبقي في أيدي أنا وساعتها اعوضه باغلي منه ..

شالته ونزلت علي السلم تتمخطر ..خبطت عليها بصوت حنين :

عزة : ماما افتحي انا عزة

الحما : مساء الخير ايه نزلك دلوقتي يابنتي وسايبه جوزك

عزة : ماقدرش مانزلش ياماما دا عيدك ولازم اديكي هديتك اتفضلي

مسكت المفرش وقالت :

الله حلو اووي يانجوي تسلم ايدك يابنت الأصول

شكرا ياماما انتي في مقام امي الله يرحمها وقامت معيطه عشان حماتها تحتضنها وتكسب تعاطفها اكتر جرس الب البوابة الأرضية بيرن سابتها وراحت علي البكونة كانت عزة بتفتح بمفتاح رمضان اللي استعجل ورز الجرس والاولاد جانب أبوهم ردت امه :ازيك يا رمضان

رمضان : بخير ياحجة ازيك انتي !

الحما : بخير بابني امال مقصوفة الرقبة ماجتش معاك ولا ايه 😁🤔 احسن خليها البومه دي

عزة سمعت كل حاجة وقفت زي التمثال وهي شايلة الشال في الشنطة وسكتت ضحك رمضان بقهقها وهو بيشاور ويقول :

-هههههه البومة اا

شدته من غير مامه تاخد بالها وقالته

شششش ماتقولش اني سمعت

امال هتعملي ايه مانتي لازم تطلعي

قالت بزعل علي حظها هنشوف هعمل ايه ؟؟

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية سلفتي الجميلة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى