رواية عشقت زير نساء الفصل الرابع 4 بقلم منة محمد

رواية عشقت زير نساء الجزء الرابع

رواية عشقت زير نساء البارت الرابع

رواية عشقت زير نساء الحلقة الرابعة

احمد بصلها نظره غيظ : لاء ها اتس اوكيه انا هوريكي
وبحركه سريعه مسكها من ايدها وجرها وقعدها بحضنه حاولت تقوم ماقدرتش وهو مطوقها بايده
منه : احمد سبني
احمد بأصرار : نو نو عشان تتادبي مرة تانيه لما تكوني جنبي ماتخليش حد يئعد بيني وبينك.!!!
اسماء : احمد سيب البنت شوف لون وشها بقي احمر من الكسوف ياراجل راعيها شوي بعدين ابقي لاحق علي الاستبداد
احمد بوقاحه: انتي مالك عاوزني اسيبها قومي اطلعي بره يلا
اسماء رئفت بحال منه وطلعت وسابتهم
منه : طيب اهي اسماء طلعت سبني بقي ممكن
احمد بمكر : ليه انا مرتاح كدا
منه وفكها يرتجف : احمد سبني ارجوك
احمد سابها وقامت منه على طول من على الكنبه بعيده عنه اخدت نفاسها حاسه انها مش قادره تتنفس
احمد بندهاش :ليه قعدتي هناك تعالي هنا
منه : لا خليني هنا اريح لي
احمد قام وقعد جنبها : انتي ليه انانيه ليه مش بتحبي الا نفسك ولا بتدوري الا الي يريحك وبس
منه بستغراب :انا
احمد : ايوه انتي مش انتي دلوقت متجوزه لازم تدوري علي راحه جوزك مش راحتك انتي
منه بتحاول تستوعب كلامه عشان تعرف ترد عليه
احمد قام ووقفها معاه : يالا انا طالع كل خميس هزورك
منه : لا الخميس لا
احمد باستغراب : ليه
منه : لاننا بنروح بيت جدي نتجمع فيه كلنا
احمد: اهل امك ولا ابوكي
منه : اهل امي
احمد بعد تفكير : لا جاي يوم الخميس و اعملي حسابك ان يوم الخميس يوم زيارتي ،، سامعه وبيت جدتك ابقي روحيلو يوم تاني
منه : بس خالاتي مش بيتجمعوا غير اليوم ده
احمد: براحتك المهم الخميس اجي اشوفك موجوده وبعدين اهلك شبعتي منهم من كتر مابتشوفيهم
منه في نفسها “بدئنا بالتحكم .
احمد بهدوء : اتفقنا
منه هزت راسها بايوه وفي بالها تخلي ابوها يتفاهم معاه دلوقت كل همها يمشي وبس
احمد : يالا تامرني باي حاجه
منه : هزت راسها بلأ
احمد : مع السلامه
وسحبها لحضنه وكمل الي قطعوته عليهم اسماء وبعدها طلع وعلى طول ئعدت على الكنبه تلقط انفاسها
¤¤¤¤¤¤
في نفس البيت لكن في الصالون
اسماء بنغزه : شبعت من قعدتك
احمد : ههههههههه وانتي وراي وراي خلي الواحد ينبسط
اسماء : ههههههه الله يهنيك ويوفقك يارب بس خف على البنت
احمد ابتسم : خليها تتعود يلا انا مروح
اسماء مسكته من ايده: تعال
احمد: نعم
اسماء : امسح شفايفك من معالم جريمتك لا تفضح نفسك عند الرجاله
احمد طلع منديل ومسح شفايفه :المكياج ده فضيحه
دخلت اسماء لمنه : منون حبيبتي عودي نفسك على جرائته معاكي
منه شويه وتعيط : اسماء قوليله ميعملش كدا تاني والله حسيت قلبي هيقف بجد
اسماء : اطمني يا حبيبتي قلت له بس مش راضي بيقول خليها تتعود
منه : ياربي اخوكي ده ناوي يموتني والله بتكسف
اسماء بضحكه : معليش ياقلبي بتتعودي
منه : طيب انا رايحه اوضتي مش قادرة اقعد معاكم ا عذريني
اسماء : طبعا ياقلبي وبعدين لو دخلتي تظبيط اخويا يبان عليكي هههههههه
منه اخدت المخده ورميتها عليها : بتضحكي علي ايه،طبعا انتي خاسس عليك حاجه
اسماء : والله ماتوقعتها من اخويا الي رافض الجواز يعمل كدا اخدتي عقله وجننتيه بيكي
منه : انا لو بئعد معاكي بتجنن فعلا يله باي
اسماء : هههههههههه باي
طلعت بسرعه اوضتها وقفلت على نفسها ومددت على سريرها بتحاول تستوعب الي حصلها “على جرئته معايا بس حسيت بانه بدء يجذبني له صوته ضحكته معقوله بدئت احبه ،بس لا انا بحب عادل بس دلوقت مايجوزش اني افكر فيه لاني علي ذمة راجل غيره خلاص انا لازم اعود نفسي اني احبه بعيوبه هو جوزي دلوقت ” قامت دخلت الحمام واخدت دش ولبست بيجامه وعلى طول مددت على السرير ونامت على طول
……………………………
اليوم التاني
منى : على انه كبير شويه عنك بس وسيم
هنادي : يابت انت حالا فريتي فيه
منى :الله مش اطمن على اختي انها اخدت واحد بمستوى جمالها مش تاخد واحد مشلفط وبكرش ودمه يلطش
هنادي :اهم شئ انه يسعدها ويريحها
منى : ان شاءالله ،يارب كله الا منونه عارفين انا لحد دلوقت مش متصورة انها بتفارقنا
هنادي بسخريه: طبعا انتي كل تفكيرك ازاي لما تتجوز تتكلمي من تلفونها
منى : عيبي عليك ، اعمل ايه طيب منا مقدرش اتكلم فيه غير كل ما تيجي عندنا انتي وغلاستك
هنادي : اه غيري الموضوع ده الي انتي فالحه فيه
منى : اروح اكل لي لقمه واختفي من وشك خالص
هنادي : طبعا كرشك كل الي هامك روحي عبي كرشك روحي
منى : انتي مقهوره لاني باكل ومش بيبان عليا مش انتي بكرش
هنادي : غوووري ياحماره
منى : ههههههههههههههههههههههههه
……………………..
في بيت الصياد
خالد: الا يااحمد مانتبهت لواحد من اهلها ازاي كان بيبصلك والود وده يقوم يخنقك
احمد: ههههههههه اه ده بسلمته الي كان حاطط العين على مدامتي
خالد بستفسار: وانت ايه الي عرفك
احمد: لانها قالتلي انها مخطوبه له واحنا لما سالنا ابوها قال لا هما متكلمين عليها بس محصلش شئ رسمي
خالد : اها تعتقد بيحبها
احمد: الا متاكد انت مشفتهوش امبارح كان متنح لي ازاي
خالد: والمدام بتحبه
احمد كشر : ده انا كنت ادبحها واشرب من دمها
خالد: هي الدنيا فوضى يمكن عايشين قصة حب وانت خربتها عليهم
احمد: والله لا اخليها تحبني وتتعلق بيا وبعدها …
خالد: ايوه ،وبعدها ايه بقي
احمد يلعب بحواجبه : كل شئ بوقته حلو
خالد : ياخوفي منك يابدران
………………………..
منه بزعيق : يعني ازاي يعني ماروحش بيت اهلي
ام منه : خلاص يابنتي ابقي روحلهم في اي وقت تاني لان خطيبك قال مش فاضي غير يوم الخميس
منه مبرطمه : وانتوا مش رايحين
ام منه : طبعا رايحين بعد المغرب
منه برقت : وانا هتسبوني لوحدي هنا معاه
امها ببتسامه: لا اخواتك هيفضلوا معاكم فالبيت
منه : طيب وانا عاوزه اشوف خوالي وخالاتي
ام منه : نخليهم يجوا عندنا وكلها تلات شهور اتحمليهم
منه باستغراب: تلات شهور لايه
ام منه : على جوازك
منه : نعععععععم وانا اخر من يعلم
ام منه : والله مفكراكي عارفه وقالك
منه : وانا هنا حد سال فيا ،مين ده الي بيقولي
ام منه : جوزك
منه : بس يا ماما مفيش وقت اجهز وبعدين امتحاناتي هتكون بالوقت ده
ام منه : خلاص اجلي السنه دي
منه : افففففففف والله حرام كدا بقي اوف
ام منه بزهق: متنفخيش عندك جوزك اتفاهمي معاه
منه قامت بسرعه لغرفتها بتكلمه والي يحصل يحصل ـ اهم حاجه يأجله اخدت تلفونها وبتردد اتصلت بيه
بعد الرنه التالته :اهلا بحبيبه قلبي منونه
منه بخجل : اهلا بيك عامل ايه
احمد: بخير ربنا يسلمك وانتي
منه : الحمدالله
احمد: بالسرعة دي وحشتك
منه “ياربي مع احراجاته : لا بس اتصلت عشان اطلب منك طلب
احمد: طيب اضحكي عليا جامليني وقوليلي اه وحشتني وانا اعمل نفسي مصدق
منه : احمد
احمد: عيونه امري
منه :احم كنت عاوزاك تأجل الجواز
احمد ضم حواجبه: ليه أأجله
منه : اولا مش هقدر الحق اجهز ،،ثانيا بيصادف مع امتحاناتي
احمد: اولا لو ماخلصتش تجهيز كملي تجهيز وانتي عندي، ثانيا نوقف القيد السنه دي لانك مش هتكوني متفرغه للمذاكره والدراسه
منه : حرام اضيع السنه على مافيش فاضل الترم ده واخلص خالص
احمد: معليش يعني انا مش استاهلش
منه سكتت كالعاده
احمد: يووه لسه برضه بتتكسفي منه قلت لك ممكن اتهور
منه اتكسفت من وقاحته: طيب يلا اسيبك دلوقت
احمد: ليه عاوزه تطرقيني
منه : لا بس امي بتناديني
احمد: اوكي اشوفك الليله الساعة تسعه اوكي
منه : اوكي باي
بعد ماقفلت منه دخلت الحمام اخدت دش ينعشها واستشورت شعرها وبدئت تجهز نفسها لمجيه خطيبها لبست جيبه جينز وبدي احمر كات مع
مع جاكيت جينز قصير ربطت جزء من شعرها وحطيت لها
روج وكحل بس وبرفن …على الساعة تسعه الاربع جهزت ونزلت كان البيت فاضي مافهوش
الا اخوها عماد ..قاعد يتابع الماتش دخلت المطبخ تجهز صينيه الحلويات والعصير ووديتهم الصالون بعدها دق الجرس يعلن وصوله… راح اخوها عماد ودخله الصالون… بعد ربع ساعه راحلها وقالها تروح له اخدت نفس طويل وسمت بالله ودخلت : سلام
احمد وقف لها : وعليكم السلام
مد ايده ليها ومنه مدت ايدها بس جرها له وسلم عليها وباس خدها وقعدت بعيد عنه
احمد بضيقه: يعني لازم نعيد نفس الموال
منه : مالك
احمد: اخلصي تعالي جنبي
منه : لا انا مرتاحه هنا
احمد بحده: تعالي
منه خافت منه وقامت وئعدت جنبه بس بعيد شوي
احمد بكل جراه حاوطها من وسطها وسحبها لعنده : كدا احسن اخبارك
منه وشها احمر : بخير
احمد بخبث: مالك وشك بقي احمر حرانه
منه برعشه: لاء
احمد بلؤم: لا شكلك حرانه “وبحركه سريعه منه فتح جكيتها ”
منه بتوتر : لا احمد خَاليه
احمد: كدا احسن “بصلها من فوق لتحت وغمز” واحلى
منه “ايه اخرتها معاك يا نسوانجي “: تحب اجبلك فنجان قهوة
احمد : لا خلي القهوة بعدين _وقرب منها اكتر
منه : تحب بسبوسه
احمد: لا بعدين
منه ياربي عاوزه الهيه ازاي :احمد
احمد وهو شوي بيدخل فيها : عيونه
منه : احمد خايفه اخويا يدخل ويشوفنا كدا
احمد مد شفايفه بدون اكترث: عادي راجل ومراته ودي فيها ايه واذا خايفه ولا يهمك
قام بسرعه وقفل الباب ورجع لها : والباب وقفلته ارتحتي دلوقت
منه بتشتم نفسها الف مره “انا الغبيه ايه الي خلاني اتكلم استاهل الي يجيني “: اممم خايفه يقول حاجه
احمد يقرب منها : امممم وبعدين
منه : احمد ممكن اسالك سؤال
احمد: أأجليه
منه : طيب ممكن اطلب منك طلب
احمد: امري ياعمري
منه : عاوزاك تخف شوي علىا ،احمد انا مش هستحمل كدا انا بنت اول مرة اكون بالموقف ده ،وانت سبق لك انك جربتهم
احمد بحنان دوب قلبها : ولايهمك امرك يا ابله منه بس مقدرش اوعدك لانك بصراحه بتجذبيني كتير تعرفي
منه : ايه
احمد: انك حلوة وشكلك وحجمك طفولي يعني كل شئ فيك تحفه يخبل
منه اتجراءت شوي : احسن علشان القى مقاساتي بسهوله
احمد مسك ايدها : شوفي ايديك ازاي ضايعه في ايدي
منه : يعني مش حلو
احمد: الا حلو واحلى منها ماشفتش تصدقي
منه : ايه
احمد بضحكه : لو اشيلك وادخلك في قميص واخدك محدش يحس ايه رايك نعملها
منه بكسوف : احمممد
احمد: هههه عيونه وتقوليلي خف عليا ازاي اخف وانتي بتجذبيني بخجلك وده انا بموت فيه
منه نزلت راسها لتحت
احمد : ماتنزليش راسك
ومر اليوم بسلام وطبعا ماخلاش من جرائته المعتاده
………..
يوم جديد في الجامعه
ريهام : انتي متاكده من الكلام ده
:……………………………….
ريهام : خايفه يكون تشابه اسماء
:…………………………………..
ريهام : طيب طبعا هقولها مشكورة حبيبتي انك بلغتيني
:………………………………..
ريهام : مع السلامة
وقفلت معاها
منه : بتكلمي مين
ريهام : واحده من معارفي بتسلم عليكم
البنات : الله يسلمك ويسلمها
ريهام : منون ممكن تقومي معايا نروح الحمام
منه : روحي حد ماسكك والله مافيا حيل اقوم
ريهام سحبتها : قومي بس ياعجوزه ،ده وانتي لسه شباب اوُّمال هتعملي ايه بعدين يلا قومي
قامت معها ولما وصلنا للحمامات غيرت الاتجاه منه سألتها: ريهام مش انتي رايحه للحمام
ريهام : اصبري بس وتعالي هنا
منه : في ايه
ريهام : عاوزاك تسمعيني للنهايه
منه :ريهام خوفتيني اتكلمي
ريهام : الي كنت بكلمها من شوي قريبه لي تعرف طليقة احمد
منه : طيب وفيها ايه
ريهام : تعرفي ليه طلقها
منه : الي فهمته من اهله انه مارتحش معاها
ريهام : لا ياماما مش ده السبب
منه والخوف بدء يقلقها : امال ايه
ريهام: الي فهمته انه واحد بيحب يلعب مع مرتاته الاتنين طلقهم بعد مادخل عليهم في فترة الخطوبه
منه اتصدمت من كلامها : ها
ريهام : الي سمعتيه فعوزاكي ياحبيبتي تحاولي قد ماتقدري انك ماتخليهوش يلمسك لحد ماتروحيلو بيته
منه تحت الصدمه : ازاي
ريهام : تجنبي قد ماتقدري انك تطلعي معاه او تكونوا في مكان لوحدكم
منه : لا انا اقول لاهلي اني مش عاوزاه و خلاص
ريهام : وتفتكري هيوافقوا
منه : اه هقولهم الي قلتهولي حالا
ريهام : صدقيني مش هيصدقوكي وووقتها هيقوله دول ناس حاسدينك او يبلعبوا عليكي على الي فهمته منك ان ابوك بيصدق كل كلامه صح
منه : طيب حتى بعد الجواز ممكن اذا خد الي عاوزه يطلقني
ريهام : ممكن بس على الاقل تسدي كلام الناس لانك هتكوني عنده بس لو طلقك قبل ما تروحيلو بتفضلي مشكوك في امرك وهيجيلك الكلام الي يسم البدن
منه بدئت تعيط : انا ليه حظي كدا ليه يحصل فيا كدا ليه
ريهام : حبيبتي استغفري ربك واستهدي بالله
منه : ريهام انا خايفه منه
ريهام : اتكلي على الله ونفذي الي قلت لك عليه
بعد فترة دخلت الحمام وغسلت وشها ورجعو للبنات حاولت قد ماتقدر تكون طبيعيه بس رجعلها ارتباكها
لما رن تلفونها وهو المتصل رفعته بتردد: الو
احمد: احلي الو سمعتها قلبي اخبارك
منه : تمام وانت
احمد: تمام وحشتيني
منه :…………………….
احمد: منون قلت لك ايه على الكسوف والخجل ياقلب حماده
منه ارتبكت: احمد اكلمك بعدين
احمد: انتي فالجامعه
منه : اه
احمد: امتى ينتهي يومك
منه : بعد ساعة تقريبا
احمد: منه اسمعيني
منه : ايه
احمد: عاوزك تمليني جدولك وامتى بتروحي وامتي بترجعي من الجامعه
منه بستغراب : ليه
احمد: انتي جهزيه وبس تمام
منه بضيق:طيب
احمد: تحبي اعدي واخدك من الجامعه
منه في نفسها “لا مستحيل بعد الي سمعته عنك اكون معاك بمكان لوحدنا “:لا بابا جاي ياخدني
احمد: عادي ارن عليه حالا واقوله ميجيش
منه :لا لان بنت عمتي هتكون معانا وهترفض تركب معاك
احمد: اها
منه : طيب يلا اكلمك بعدين
احمد:طيب باي
وقفلت معاه وهي مخاوفها منه بتزيد بكل دقيقه
النهارده جاي بيتهم والي ريحها شوي انه بيجيب ابنه عبدالرحمن عشان يتعود عليها لبست بنطلون جينز ازرق مع بلوزة طويله ماسكه بالجسم ورديه بكم حيران رفعت شعرها وخليته كرلي ونزلت لما قال لها اخوها انه جه
منه : سلام
احمد بسلامه المعتاد: وعليكم السلام
منه نزلت لمستوى عبدالرحمن : اهلا حبيبي عامل ايه كويس
عبدالرحمن ضحك بطفوليه بريئه
احمد: عبودي حبيب بابا دي ماما منه
منه اندهشت من كلمة ماما انا ابقي ام صلاه النبي احسن واكتفت ببتسامه رقيقه
ضيفته بالحلويات والقهوة وانشغلو شوي باللعب مع عبدالرحمن بعدها نام بحضنها واخدتها فرصه انها تكون بعيده عنه
احمد: منه جهزتي الي طلبته منك
منه : ايوه بس هو فوق
احمد قام وقرب منها وهي خافت منه لما قرب اكتر انحنى واخد الطفل ومدده على الكنبه : قومي جيبيه
منه :حاضر!!!!
احمد: وجيبي معاك تلفونك
منه استغربت من طلبه لكن ردت بهدوء:طيب
وراحت وجابتهم من غرفتها ودخلت ومديتهم له :اتفضل
اخد الجدول وبعد فترة :يعني اذا اتصلت عليكي بعد المواعيد الي قدامي بنص ساعة اشوفك فالبيت سامعه
منه استغربت :اكيد
بعدها اخد موبيلها وفضل يفتش فيه ويسالها عن كل اسم مين يكون وايه علاقتها بيهم وعلاقتهم ازاي معاهم!!!
لما وصل لرقم بنت خالتها اخت عادل على طول مسح الرقم
منه بندهاش :ليه
احمد من غير مايبصلها :لما تحبي تكلميها كلميها بالتلفون الثابت (الارضي)وقدامي سامعه
منه :ليه طيب
احمد: كلمتي مش بكررها مرتين
منه كشرت جداا :طيب
احمد :خلي موبيلك معايا لان بكرة هجبلك رقم تاني وموبيل تاني و اخزنهملك عليه
منه ماحبيتش تناقشه لانها خايفه من ردت فعله :طيب
احمد بعد مادخل الفون بجيبه شاورلها تقرب منه قامت وقعدت جنبه وبدء كلامه يدوبها ويأسرها وفعلا بدئت تتعلق بيه وبدء قلبها يدق له
احمد بصوت دافي : منه
منه : ايوه
احمد: بتحبيني
منه :عاوز الصراحه
احمد وهو يلعب بصوابع ايدها:اكيد
منه:لاء
################