رواية شهد مع الأيام الفصل الحادي عشر 11 بقلم منصور سيد
رواية شهد مع الأيام البارت الحادي عشر
رواية شهد مع الأيام الجزء الحادي عشر
رواية شهد مع الأيام الحلقة الحادية عشر
بس شهد بتكلم نفسها اصل والدت حازم سألتها وتاهت فى ابنها تانى ومركزتش معاها
وشويه خرجت ممرضه من غرفة العمليات جريوا عليها وسالوها عن حالة حازم
فقالت:شويه والدكتور يطلع يطمنكم معلشي اصل الدكتور طالب منى حقنه هجبها من الصيدليه بسرعه
والدت حازم:يابنتى ارجوكى طمنيني دا انا امه
شهد:احنا مش هناخرك عرفينه عامل ايه وروحى
والدت حازم:قولى لى يابنتى ابنى حازم هيعيش
الممرضه :الحادثه مافيش خطر منها على حياته بس..
شهد:بس ايه ما تتكلمى وهو الكلام بالقطارة
خرجت ممرضه اخرى تستعجل الممرضه وبتقول ليها جبتى الحقنه للدكتور
الممرضه :حاضر حاضر هجبها اهو اديكوا اخرتونى كويس كده وسابتهم ومشيت
والدت حازم فضلت تبكي ربنا يطمنى عليك يا حازم يا ابنى اخدتها شهد فى حضنها وفضلت تصبر فيها هى الحمدلله طمنتنا مافيش خطر على حياته هى كلمة بس دى اللى مش عارفه تقصد بيها ايه بس هيكون بخير ان شاء الله
والدت حازم:يارب يكون بخير ..يارب
وفضلوا منتظرين اكتر من ساعه لحد ما خرج الدكتور اتجهوا نحوه اول ما خرج طمنا يادكتور
الدكتور:كل اللى ربنا ريده خير الحمدلله هو فاق وبقى كويس بس كنت عاوز والده او اخوه الكبير
والدت حازم:انا والدته فى ايه يادكتور
هو والده مش موجود
والدت حازم :والده زمانه على وصول
الدكتور ؛طب بعد اذنك يا حاجه اول ما ويصول خليه يدخل غرفة الكشف
وهما بيتكلموا كان والد حازم وصل ومعاه اخوه وبنت اخوه
والد حازم:ايه اللى حصل حازم عامل ايه
سلمى :ببكاء ولهفه حازم ماله ياماما هو فين عاوزه اتطمن عليه
شهد :لما اتلموا حوالين والدت حازم رجعت للخلف وجلست بعيد حست ان وجدها اصبح مالوش لازمه ولا معنى بس طبعا عاوزه تطمن على حازم ففضلت منتظره بعيد
والدت حازم؛الدكتور عاوزك جوه اخل شوف حازم ماله
دخل بسرعه هو وأخوه
وسلمى اخدت والدت حازم فى حضنها وفضلوا منتظرين
وشهد تنظر من بعيد وهى غيرانه من اللى اول ماحضرت اخذت مكانها
دقايق وخرج والد حازم واخوه من غرفة الدكتور وهما فى حالة زهول ويرددون لا حول ولا قوه الا بالله
والدت حازم وسلمى ومن خلفهم على مسافه قريبه شهد
فى ايه ماله حازم الدكتور قال ليكم ايه
والد حازم :لا حول ولا قوه الا بالله
الدكتور بيقول انهم احتمال كبير يتضطروا يبتروا رجل حازم عشان يقدروا يحافظوا على حياته
والدت حازم سقطت مغمى عليها اول ما سمعت الخبر
وسلمى لطمت وجهها
وشهد الدموع نزلت من عينيها وتقول يا حبيبى ياحازم ومش مصدقه اللى سمعته وكانت عاوزه تروح على غرفة حازم وتدخل له بقت واقفه هتتجنن عليه
والد حازم اتلهى فى زوجته اللى اغمى عليها وفضل يفوق فيها لحد ما فاقت
وبعدها سلمى اخدت والدها على جنب وقالت له هو الدكتور أكد ليكم انهم هيقطعوا رجل حازم
والدها:ايوه ياسلمى والدكتور مضى والده على اقرار واحنا عنده بكده
سلمى يعنى انا هنجوزه وهو رجله مقطوعه لا طبعا دا مستحيل انت لازم تشوف لك حل وتطلعنى من الورطه دى انا جوزى يبقى برجل مقطوعه يالهوى دا مجرد انى اتصورت بس ماقدرتش اتحمل ماليش دعوه انا مش هتجوزه
والدها:اهدى ياسلمى هو ده وقت الكلام ده اهدى خلينا نشوف الخبر المنيل ده
سلمى :وقته مش وقته انا ماليش دعوه وسابته واخدت جنب بعيد شويه واتصلت على والدتها
ردت عليها والدتها
سلمى؛الحقينى ياماما حازم هيقطعوا رجله
والدتها :ايه انتى بتقولى ايه يابنتى انتى اتجننتى
سلمى:اه والله يا ماما زى مابقولك
اسمعى ياماما انا مش هتجوز واحد رجله مقطوعه انتى سامعه وتعالى خدينى من هنا انا مش قادره قعد
والدتها :كده كده اخوكى لما رجع من بره وعرف ان حازم عمل حادث خرج وجى ليكم
اخوكى يقف معاكم شويه وياخدك وتيجوا
وفعلا شويه واخوها وصل ودخل عليهم وسلم وقال حازم عامل ايه دلوقتى الف سلامه عليه
والدت حازم :حازم ابن عمك هيقطعوا رجله يا ابنى
اخو سلمى :ايه لا حول ولا قوه الا بالله
والدت حازم: انا اللى كنت ناويه بعد يومين اعمل ليكم اكبر فرح ياسلمى انتى وحازم ما كنتش اعرف اللى مستخبي لينا
بس بردو اول ما يقوم بالسلامه هعمل ليكم اكبر فرح علطول
سلمى اتلخبطت وما ردتش وشويه وقالت احنا هنمشي يابابا انت واخويا لحسن ماما كلمتنى من شويه وقالت لى أنها تعبانه شويه
والدها:تعبانه مالها ما احنا سيبنها كويسه
سلمى:مش عارفه يابابا ادينى رجعه ليها بعد اذنكم ربنا يطمنكم على حازم
والدت حازم :ايه يابنتى رايحه فين مش المفروض تستنى لحد ما نطمن كلنا على حازم
اكيد حازم اما يفوق ويلاقى عروسته وقفه أمامه فى الظروف دى هترفع من معنوياته
سلمى:عروسته اه اه ما بابا هيبقى يفهم حضرتك موضوع عروسته ده سلام يالا يا اخويا انت كمان
والدت حازم:تقصد ايه سلمى بنتك بالكلام ده يا ابو سلمى
والد سلمى :مش وقته الكلام ده يا حاجه احنا فى ايه ولا ايه كش نطمن الاول على حازم
والدت حازم:لا وقته ياابو سلمى
والد حازم:فى ايه يا اخويا ما تتكلم
والد :سلمى ابدا اصل .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رواية شهد مع الأيام)
تعليق واحد