رواية نبضات قلب الفصل الثالث 3 بقلم منة محرم
رواية نبضات قلب الجزء الثالث
رواية نبضات قلب البارت الثالث
رواية نبضات قلب الحلقة الثالثة
محمد: تصبحي علي خير ولسه هيمشي بس وقف
ملاك: شكرا
محمد وقف ولف ليها: علي ايه
ملاك: انا عمري ما خرجت قبل كده وعمري ما روحت مطعم ولا اتبسطت كده غير معاكو تصبح علي خير
محمد ابتسم وطلع وادهم رن عليه
ملاك دخلت اوضتها وغيرت هدومها وكانت مبسوطه اوي
يااااا فرحانه اوي انا عمري ما خرجت خروجه زي كده ومحمد كان لطيف برضوه
عند محمد•••••••••
ادهم: ماشي يا محمد يعني ايه يعني تخرجها وانا ايه مش اولي اني اخرج معاك ومع حياه
محمد: اه شغل بقه الغيره ده هطلقك
ادهم: انا ليا خروجه ماليش فيه
محمد: اقفل ياض
ادهم: اوكيه يقلبي هنتقابل امتي يعني
محمد: قفل في وشه السكه
ادهم بص لموبايله وابتسم: هيرن دلوقتي علشان يصالحني
وفعلا محمد رن عليه
محمد: متزعلش
ادهم: والله كنت عارف انك هترن
محمد: هي اول مره ماانا كل يوم بقفل في وشك وبعديها ارن
ادهم: حبيبي حبيبي
محمد: يلا تصبح علي خير
ادهم: وانت من اهل الخير
داليا: ادهم
ادهم: عارف جايه تقولي احم احم ادهم حبيبي جبتلك حته عروسه اي جمال وحلاوه ومحترمه وشافتك وانت يتوصلني في مره واعجبت بيك
داليا: لا الصراحه هي مشفتكش انا ورتها صورتك وخدت الاكونت بتاعك
ادهم: اده اده البنت دي الي اسمها انا حبيبه الي في بالي يدون ذكر اسماء
داليا: ايوه ماانت الي في بالها اده هي بعتتلك
ادهم: دي بعتالي لو مجتش اتقدمتلي هقول لبابا اني حامل منك
داليا: ههههههه وانت قولتلها ايه
ادهم: قولتلها نزليه
داليا: ههههههه انا نسيت اقولك ان عقلها طاير
ادهم: امشي يا داليا اطلعي برا
داليا: تصبح علي خير
في ڤيلا محمد •••••••••••
كانت واقفه ملاك ومها بيتكلمو سوا في المطبخ
ملاك: هي حياه مش بتجيب سيره اهلها خالص ليه يعني فين خلاتها عمتها اي حد، حته مش بيجلهم حد الي دايما حياه بتتكلم عنهم صاحب باباها ومامته بس
مها: مدام دعاء الله يرحمها عندها اخ واحد بس مسافر برا كان بيكلمها كل فتره وفتره ولما اتوفت مبقاش نعرف عنه حاجه ومامتها وباباها متوفين برضوه دكتور محمد اهله متوفين بس ليه اخت من الاب بتدرس في امريكا هو كده علطول عايش لوحده هو وبنته وساعات بيروح عند دكتور ادهم اغلبيه وقته هو وحياه هناك اصلا بيعتبرهم اهله
ملاك: ممم يعني يعتبر مقطوع من شجره
مها: هو عنده خاله واحده وبنت خالتو بس يابنتي الله اعلم بظروفهم كل واحد بيتجوز وينشغل في حياته حته حياه متعرفش ان عندها جده وهو مش بيسال عليها وميعرفش عنها حاجه
ملاك: هههههه ليه واكله ورثه
محمد: وانتي طالعه حشريه كده لمين
ملاك برقت عنيها بصدمه وطلعت تجري: تصبحي علي خير يا مهاميهو
تاني يوم••••••••
ملاك: حياه فوقي اصحي يلا اصحي
حياه: ممم
ملاك: انتي نايمه ليه
حياه: عايزه انام
ملاك: اصحي يلا علشان الحضانه
حياه: لا هنخرج
ملاك: خروج تاني
حياه: ايونننن
ملاك: ممممم والحضانه
حياه: مش مهم
ملاك: لا هتروحي الحضانه انا عارفه ابوكي ده هيبوظك الخروج هيبقا يوم الجمعه بس
حياه: يووه
ملاك: مش يوووه هو هيبقا يوم جمعه بس اتفقنا
محمد: وايه كمان
ملاك اتخضت: انت انت هنا من امتي
محمد: من ساعت ما ابوكي هيبوظك وايه كمان يا ست ملاك
ملاك: مش قصدي حاجه
محمد: انسه ملاك انتي هنا بس علشان خاطر تاخدي بالك من حياه بس الكلمه الي انا اقولها تتنفز انتي هنا مربيه مش اكتر يعني تاخدي بالك من اكلها شربها لبسها لاكن ملكيش دعوه انا بقول ايه ولا بعمل ايه اظن كلامي واضح يا انسه ملاك
ملاك: انا اسفه حضرتك اعمل الي تشوفه بس فكرك لما تقعدها من الحضانه ده صح لا طبعا المفروض تخلي يوم للخروج مش اسبوع كامل متروحش الحضانه فيه واظن برضوه لو مدام دعاء موجوده مكنتش هتوافق بحاجه زي كده الدروس الي هتتعلمها افيد من الخروج
محمد: انا كنت بعيد عن حياه فتره كبيره مش صغيره مبخرجهاش مبتكلمش معاها مش بشوف هي عايزه ايه طول الوقت في الشغل او في اوضتي حبيت اخرجها حبيت اعوضها عن كل حاجه وحشه شافتها
ملاك: وهو ب الخروج كده هتتكلم معاها بلعكس انت وانت خارج معاها مبتتكلمش معاها انت ممكن تاخدها اوضتك وتفضلو تتكلمو بعد ما تيجي من الحضانه ده هيبقا احسن من الخروج انا بتمني بابا يرجع وافضل اتكلم معاه افضل باصه عليه وعلي ملامحه افضل اتكلم لحد مااتعب وانام في حضنه مش هيهمني وقتها يخرجني مش هبقا عايزه اخرج هبقا عايزه هو بس
محمد: ده تفكيرك انتي لانك كبيره مش هيهمك خروج لاكن هي هتفرح اوي لانها طفله
ملاك: صح الي يريحك اعمله بس هتفرح برضوه لو كل جمعه مش كل يوم علشان متنساش الي اتعلمته هو انت يا تفضل تخرجها يا لا
حياه: تعرف ان ملاك عندها حق يابابي انا نفسي تتكلم معايا كتير ومتسبنيش وتذاكر معايا بس مافيش مانع اني اخرج بس كل جمعه مش اسبوع كامل علشان الحضانه
محمد: طيب يا حياتي الي يريحك انا رايح المستشفي لو اتاخرت نامي انتي لو متاخرتش وجيت لقيتك صاحيه هلعب معاكي ونفضل نحكي كتير مع بعض اتفقنا
حياه بحزن: بس انت هتبقا ساعتها تعبان
محمد: تعبي فداكي طلاما هشوفك مبسوطه
حياه حضنته بحب وباسته من خده
محمد: الله
حياه: خلي بالك من نفسك
محمد: سلام
حياه: مش هتفطر يا بابي خد الساندوتش ده وانت ماشي
محمد خده وباس اديها وخرج
في المستشفي••••••••
ادهم: ياصباح العسل علي احلي دكتور، يلا عندك عمليه خد دي تحاليل المريض والاشاعات ربنا معاك
محمد: طب اريح شويه طب ده انا لسه جاي
ادهم: عندي عمليه اشوفك كمان شويه اه فطرت ولا لا
محمد: الحمدلله بقولك
ادهم: قول
محمد: اجهز بليل علشان هعشيك برا بس علي حسابك
ادهم: كتر خيرك يابني
جه الليل وادهم ومحمد خرجو وراحو جابو اكله سمك وراحو قدام البحر
بعد مرور شهرين
محمد: مساء الخير
ملاك: حياه لسه نايمه حالا لو كنت جيت من نص ساعه كده كنت هتلاقيها صاحيه
بقلمي/menna moharam
محمد: حصل خير هبقا اشوفها الصبح ان شاء الله، انا كنت عايزك في موضوع
ملاك ببتسامه: تمام اعملك كوبايه قهوه
محمد: لو مش هتعبك
ملاك: تعبك راحه، ملاك وخدت بالها من الي قالته واتكسفت، احم ثواني هتكون عندك
محمد: هستناكي في البلكونه
ملاك: ماشي
بعد شويه••••••••
محمد: انا كنت بعيد عن حياه ومهمل فيها علشان كده جبتك ودلوقتي انا قربت منها اوي شكرا علي كل حاجه انتي عملتيها بس خلاص ا
ملاك بدموع: مش عايزني
محمد: احم يمكن اتعودتي عليها وصعب تسبيها وتمشي انا بجد اسف مافيش مانع تيجي كل يوم تبصي عليها انتي يمكن اهلك محتاجينك برضوه انا مش بشوفك بتجيبي سيرتهم خالص
ملاك: تصبح علي خير ان شاء الله بكره همشي لان الوقت اتاخر دلوقتي
محمد: اكيد طبعا انا مش هسيبك تمشي في الوقت ده
ملاك دخلت اوضتها حضرت شنطتها وقعدت تعيط
ليه ليه مكنش ينفع اجي من الاول مكنش ينفع انا ازاي حبيته بشكل ده ازاي نسيت انا جايه هنا ليه هههه وانا الي فاكره انه حبني كنتي مستنيه ايه يا ملاك مستنياه يجي يقولك تقبلي تكوني زوجه ليا وام لبنتي غبيه
في اوضه محمد••••••
محمد: لازم ابعدها عني انا اسف يا ملاك بس انا منفعش اكون زوج ليكي لاني هظلمك انا لسه بحب دعاء ومش متخيل ان ممكن حد يجي ياخد مكانها
في ڤيلا ادهم••••••
ادهم: يبني وانت عرفت ازاي انها بتحبك
محمد: حاسس انها بتحبني نظراتها بتقول كده وحته لو انا فاهم غلط ياعم انا مش هستني لحد ما يحصل حاجه زي كده
ادهم: مش عارف بقه ربنا يقدم الي فيه الخير يعني خلاص هي هتمشي
محمد: ايوه انا قولتلها تمشي علشان انا خلاص بقيت مهتم بحياه يلا انا هقوم امشي
ادهم: ما تخليك
محمد: انا جيت بس علشان اكون اول واحد تشوف وشه في عيد ميلادك
ادهم: هههههههه طيب جاي ومن غير الهديه ماشي ياعم
محمد: بكره بقه
تاني يوم••••••••
حياه: ملاك اصحي
ملاك: ممم
حياه: انتي نايمه ليه ده انا استنيتك انتي الي تيجي تصحيني
ملاك: حاضر انا صاحيه اهو
حياه: ملاك اجهزي علشان بابي رايح حفله عيد ميلاد اونكل ادهم وهياخدني معاه
ملاك: هياخدك انتي طيب انا ليه
حياه: انا مش هروح في حته من غيرك
ملاك: حياه انا ماشيه خلاص
حياه: ايه هتمشي وتسبيني
ملاك: متزعليش يا حبيبتي غصب عني
حياه: لا خليكي معانا انا اتعودت عليكي اوي ومش هسيبك تمشي وكمان هتيجي معايا الحفله هااا
ملاك: طيب هاجي معاكي يا حبيبتي بس مش هقعد هنا تاني اتفقنا واوعدك هبقا اجيلك من وقت للتاني
حياه بدموع وحضنتها جامد: لااااا مش هسيبك
ملاك: علشان خاطري متعيطييش
حياه: انا مصدقت ترجعيلي يا مامي متسبنيش علشان خاطري متسبنيش تاني انا مستحيل اطلع من حضنك ومش هسيبك لحظه واحده
ملاك: حياه اهدي انا ملاك يا حياه اهدي
حياه: انتي مامتي انا ليه ليه بتروحو كلكو وتسبوني لوحدي ليه لما اتعلق بحد يمشي ويسبني انا وحشه
محمد كان واقف وملاك بصتله بحزن
ملاك: طيب ممكن تهدي شويه ونتكلم
محمد راح عند حياه وبص لملاك بحزن : حياه حبيبتي مامي ماتت ودي ملاك المربيه بتاعتك هي دلوقتي اهلها اكيد مستنينها صح ولا لا يبقا نسبها تمشي وانا خلاص بقيت معاكي اهو يا حبيبتي ومش هسيبك لحظه
حياه: انت الي قولتلها تمشي يا بابي
محمد: اه يا حياه انا
حياه بدموع: ليه ليييه كده
محمد: علشان انا خلاص ههتم بيكي مش محتاج حد غريب يهتم بيكي وانا موجود
حياه: ملاك لو مشيت انا هروح معاها
محمد: حياه
حياه جريت دخلت اوضتها
محمد: حياااه حياه
ملاك: انا هروحلها
محمد: ملاك ياريت تتكلمي معاها
ملاك: تمام
في اوضه حياه ••••••••
ملاك: احم احمم ممكن ادخل ولا الاميره مش هتسمح ليا بدخول
حياه: اتفضلي
ملاك: حياه حبيبتي صدقيني مش هسيبك انا هاجي كل يوم ليكي ايه رايك
حياه: بابي معاه حق اكيد اهلك محتاجينك امشي بس اوعديني تيجي كل يوم
ملاك: حاضر يعيوني يعني انتي مش زعلانه
حياه: لا مقدرش ازعل منك بس هتيجي كل يوم
ملاك بدموع: ايوه طبعا
محمد: حياه اجهزي يلا علشان نروح عيد ميلاد ادهم احم وانتي كمان يا ملاك انا جبتلك فستان تحضري بيه حطيته في اوضتك يارب يعجبك عن اذنك
حياه: واووووو يلا قومي شوفيه
ملاك ببتسامه: انا معرفش ابوكي ده بيكرهني ولالا ساعات بحسه لطيف وساعات بحسه سمج ورخم ودمه تقيل وبارد
حياه بتوتر: احم احم
ملاك: انا اسفه حقك عليا نسيت انه ابوكي اصل انتي غيرو نهائي بجد بجد رخم
حياه: احم احمممم
ملاك وفهمت: هو ورايا بجد بجد
حياه حركت راسها بنعم
ملاك: احم احم
محمد كان واقف ومربع ايده: ممم وايه كمان
بقلمي/menna moharam
ملاك قامت وقفت: هتصدقني لو قولتلك اني اسفه بجد بجد
محمد لتاني مره يضحك علي خوفها: قبلت اعتزارك علشان تعرفي اني طيب بجد بجد
ملاك ابتسمت بتوتر: طيب انا هروح انا بقه اشوف هلبس ايه
محمد: يابنتي انا جايبلك دريس
ملاك: اه صحيح معلش متوتره شويه
محمد قرب عليها: من ايه
ملاك بتوتر: ها انا ان ماشيه سلام
محمد في باله: ايه يا محمد اهدا كده اهدااا الحمدلله هتمشي انهارده
قلبه: وهل هتعرف تعيش من غيرها
محمد: ايوه طبعا انا اصلا مبحبهاش هو مجرد اعجاب مش اكتر وهيروح لحاله ايوه هيروح لحاله مش في قلبي غير دعاء
بس دعاء خلاص راحت لمكان احسن من هنا بكتير انت من حقك تحب وتتجوز فكر في بنتك حياه
محمد: بس هي ممكن مترضاش بيا ليه اكسر قلبي بس انا لازم انساها لازم مفكرش فيها
حياه: بابي
محمد: ايوه يا ملاك
حياه: انا حياه يا بابي ملاك راحت تلبس
في اوضه ملاك كانت بتبص لنفسها
ملاك بدموع: كان نفسي اكون عايشه وسط اهل بيحبوني اخت تكون سندي وتمسحلي دموعي مش تطردني وتكون قاسيه عليا وغمضت عيونها وافتكرت الي حصل قبل ما تيجي علي الڤيلا
فلاش باااك
هبه اخت ملاك
هبه بتكبر: ها خلصتي الاكل
ملاك: صدقيني هو الي دخل اوضتي انا مقولتلهوش يجي حته انتي دخلتي لقتيني نايمه انا صحيت علي صوتك انتي يا هبه
هبه: اسمي مدام هبه يا حيوانه انتي هنا خدامه اوعي تنسي نفسك
ملاك: ومش هنسي انك اختي برضوه
هبه: اختي ايه انتي مصدقه نفسك انا ماليش اخوات يا حيوانه انتي فاهمه وبعدين احنا اخوات اه بس من الاب بس والصراحه بقه انا عمري ما شوفتك غير خدامه عندي مش كفايه مقعداكي هنا وانتي كنتي عايزه تسرقي مني جوزي قولت اتغيرتي بس شكلك لسه بتجري وراه
ملاك: هههههه اسرقه انتي بتقولي ايه
جلال جوز هبه: صدقيني هي الي قالتلي اجي كانت عايزه تقولي حاجه لا وانا غلبان صدقتها
ملاك: كداب كداب والله متصدقهوش
هبه: امشي اطلعي برا
ملاك: انا اسفه علشان خاطري بلاش تمشيني انا ماليش حد غيركو ومش عارفه لو مشيت هروح فين
هبه: وانا قولت الي عندي من بكره هعين خدامه جديده احسن منك ومترفعش عينها لجوزي
ملاك: يا هبه علشان خاطري
هبه: امشي اطلعي برا
بعد شويه كانت ملاك ماشيه ودموعها نازله علي خدها ومكنتش مركزه في الطريق
بقلمي/menna moharam
-حااااااااسبييييي
ملاك قامت من علي الارض: ااه
نزل ادهم من العربيه ونزل لمستواها: حقك عليا انا اسف والله بجد اسف
ملاك: حصل خير
ادهم: هو انتي معيطه
ملاك: ملكش دعوه
ادهم: ماشاء الله طب تصدقي اني غلطان اني بسالك اصلا
ملاك بدموع: سبني في حالي
ادهم: طب قومي اوصلك طيب يستي وان شاء الله منشوفش وش بعض تاني
ملاك: ماليش مكان اروحه سبني وامشي انت شوف رايح فين
ادهم قعد جمبها وبص للسما: حلوه شكل النجوم دي
ملاك: انت هتقعد جمبي
ادهم: مش همشي غير لما اطمن عليكي انا عندي اخت بنت
ملاك: قوم ياعم من هنا بص انا دماغي مصدعه ومش نقصاك
ادهم: يبنتي هو انا هموت يعني عليكي انا عايز بس اوصلك علشان لو موصلتكيش هيفضل بالي مشغول
ملاك: وانا قولتلك ماليش مكان اروحه
ادهم: يعني ايه
ملاك حكتله الي حصل
ادهم: لا حول ولا قوة الا بالله طب تعالي انا واحد صحبي محتاج مربيه ل
ملاك بصتله: انت ايه معندكش دم انت انسان قليل الادب
ادهم: ايه حيلك حيلك هو انا قولتلك ايه انا لسه مكملتش اسمعيني الاول
ملاك قامت وقفت: اتفضل
ادهم: محتاج مربيه لبنته اكيد انتي اولي تروحي انا حاسس انك محترمه وبنت ناس تعالي وكمان هيكون ليكي اوضه لوحدك هناك
ملاك بصتله بقلق وبعدين طلعت سكي*نه من جيبها
ادهم بخوف: خلاص هتقت*ليني
ملاك: ده زعتر
ادهم: لا دي سكي*نه
ملاك: عارفه بس طلعتها علشان لو فكرت تعمل حاجه
ادهم: متخافيش انا مش هعملك حاجه انا واحد عارف ربنا وعمري مااعمل الي بتفكري فيه ده انا دكتور ادهم اوريكي بطاقتي طيب
ملاك بصت للعربيه بتاعته وراحت ركبت:يارب استرها معايا انا ماليش حد دلوقتي يارب ريح قلبي ووفقني في حياتي وفي الايام الي جايه ومسحت دموعها
باااااك••••••••••
ملاك فتحت عيونها: اخر يوم ليا هنا يعالم هروح فين قطع سرحانها صوت موبايلها
-الو يا حبيبتي
ملاك: عامل ايه
-الحمدلله بخير انتي فين سالت عليكي اختك قالتلي متعرفش عنك حاجه
ملاك: بشتغل مربيه في ڤيلا الدكتور محمد
-انتي كويسه
ملاك: اه كويسه عايز حاجه
-اه انا حددت خطوبتنا الجمعه الجايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نبضات قلب)
