روايات

رواية طفلة هزت كيان فرعون الفصل السابع عشر 17 بقلم مروة موسى

رواية طفلة هزت كيان فرعون الفصل السابع عشر 17 بقلم مروة موسى

رواية طفلة هزت كيان فرعون الجزء السابع عشر

رواية طفلة هزت كيان فرعون البارت السابع عشر

رواية طفلة هزت كيان فرعون
رواية طفلة هزت كيان فرعون

رواية طفلة هزت كيان فرعون الحلقة السابعة عشر

فرعون : أنتي هتفضلي هنا عشان انتي…….

نور بمقاطعه: عشان انا طالق صح

فرعون وهو بيرمي المفاتيح علي الترابيزة: عشان انتي طلبتي دا لو هتفضلي هنا دايما قوليلي لو هترجعي معايا قوليلي كله بمزاجك وبقرارك

نور: يعني انت مش نيتك تاخدني ولا نيتك تطلقني

فرعون وهو خارج: عشان مش فارق معايا وجودك اصلا

نور: والله غبي وهخليك تندم علي كلامك وافعالك ي فرعون وساعتها انت اللي مش هتبقي فارق معايا وهرجع القصر بس هرجع متغيره ١٨٠ درجة مش نور المطيعه لاء نور زوجة فرعون يعني الأمر الناهي بيا انا

استغفر الله العظيم واتوب اليه عدد خلقه ورضا نفسه وزنة عرشه ومداد كلماته

جوري : يعني هو فعلا بيحب مراته وكمان هيكتب ليها كل حاجة باسمها وانا فين من دا كله

 

 

بس انا بالنسبة له متعة وبس بس ليه صفاء تكون عاوزة تخرب بينهم كدا

عادل لفرعون : جماعه المافيا المرة دي مصممين انك تروح عشان ميحصلش مشاكل

فرعون : اللي عاوزينه يعملوا

عادل: بلاش دول ي فرعون دول محدش يقدر يقف قصادهم

فرعون ؛ وانا مبخفش من الموت ولا بخاف منهم

عادل: فكر وسافر ليهم ي فرعون

فرعون : المرة اللي فاتت سافرت ورجعت وكان مشوار ملوش لازمه لذلك قولت ليهم مش هروح واجي غير بمزاجي

عادل : اللي تشوفه ي فرعون

فرعون : وجود صفاء ضرر لينا هي اكيد مش هتسكت

عادل : أمرنني وانا انفذ

فرعون: قلبي مبيتحركش ذرة مشاعر تجاها معقول دي امي اللي خلفتني

 

 

عادل : عاوز يكون ليك ام حقيقية فعلا وتبقي جمبك هي مراتك هتكون ام وأخ وأب وحبيبة وزوجة ليك حالا مبقاش حد باقي ليك فاضلك نور مهما كان مش فارق معاك وجودها بس صدقني هتكون خير الزوجة ليك

رامي: انا لازم اعرف فين امي وأهلي

صفاء: معرفش

رامي بعصبية : يعني بعد السنين دي كلها وجاية تقوليلي معرفش

صفاء: انت فوق لنفسك لحسن ارميك تاني في الشارع

رامي بخبث: مين اللي هيرميني انتي ههههه انتي مبقاش ليكي أي سلطة اصلا وكمان لما اترمي هكون ماسك فيكي سكتنا واحدة

صفاء: انت بقيت بترد عليا مبقاش حد مالي عينك

رامي: مبقاش يفرق معايا حد ولا وجودي من غير أهلي

نور بتكلم فرعون في التليفون : هتيجي تاخدني امتي

فرعون : هاجي حالا

نور: تمام مع السلامه

عادل لفرعون : هتروح تجيبها وخالي بالك النهاردة عيد ميلادها

فرعون : عرفت منين .

عادل: انت نسيت اني عارف تاريخ ميلادها لما كنت بعمل العقد الزواج عند المأذون

فرعون : تمام انا هروح اجيبها

فرعون اتجه للمنزل وجبها وهما في العربية

 

 

 

فرعون : اتبسطتي

نور: جدا جدا كفاية انك وافقت

فرعون : قررتي ترجعي القصر ليه

نور: اممم حد يسيب بيت جوزه اللي مبقاش ليها غيره

فرعون برفع حاجب: دا من فترة كنتي طالبة الطلاق

نور: يقطع لساني يوووووه

فرعون : مالك كدا مش مظبوطة ليه

نور: علي فكرة البيت كان زي ما يكون حد قاعد فيه .

فرعون : دايما حد بيجي ينضفه

نور : يسلمولي عيونك ي فيرو

فرعون بعصبية : متقوليش الاسم دا تاني فاهمه

 

 

نور : انزل ي فيرو وصلنا ونزلت وطلعت جري من قدامه

دخلت البيت لقت صفاء قاعدة

نور وهي طالعه : هاي صفاء

صفاء: صفاء هانم ي بت

نور : تؤ تؤ مبقاش في هانم هنا غيري

فرعون داخل الغرفة : نور

نور: نعم

فرعون بيحاول يقف قدامها ويكلمها: كنت عاوز اقولك

نور بدلع : ها هتقول اي

فرعون: كل سنه وانتي طيبة

نور : حبيبي ربنا يخليك ليا بس فين هديتي

فرعون : نعم مكنتش متوقع رد فعلك

نور بدلع : ليه بس ي فيرو مش انا مراتك

فرعون : هديتك البيت بتاعك اللي كنت فيه بقي بإسم

نور: بجد

فرعون : ايوا دا من بقاله فترة والبيت بإسمك انتي

نور : ميهمنيش دا كله غير ابقي قدام جوزي

فرعون بعصبيه: ماتلمي الدور بقي مرة حبيبي ومرة فيرو

نور : انت اضايق ي فيرو ياحبيبي

فرعون : نوووووور

نور : قلبها

فرعون بزعيق: نووووووور

نور: عقلها

فرعون سابها ومشي لحسن بقي في قمه غضبه ونزل تحت للبسين

 

 

سمية لفرعون : يبني الجو بدأ يبرد بلاش الايام دي

فرعون : برودة الماية لازم تمس جسمي عشان تجيلي رعشة افوق فيها

سمية : صفاء شكلها مش ناوية علي بر

فرعون : عارف ي دادة

سمية : وانت هتعمل اي معاها ي عز

فرعون : فرعون هيتعامل انه فرعون مش انه عز

سمية : حتي هتتعامل مع نور انك فرعون

فرعون : نور متعرفش اي حاجة عن عز هي تعرف اني فرعون بس

سمية : طيب خالي بالك لحسن حد ياخد باله اننا بنتكلم انا ماشية

نور وهي تحت : بقولكوا اي عاوزة المكان دا يبقي كله بلالين فاهمين يلا بسرعه

وانتي ي صفاء اتصلي علي حد يجيب اكبر تورته احسن النهاردة عيد ميلادي

صفاء بغل: مش هتصل علي حد

نور: تؤ تؤ ليه كدا تعاقبي نفسك

ثم كملت بزعيق: ممنوع عنك الاكل طول اليوم وطبعا هتكوني قدام عيوني طول اليوم

صفاء: متنسيش كنتي جاية ازاي وكنتي ناوية علي أي لفرعون

نور : فكريني كنت ناوية علي أي لفرعون وبعدين كنت جاية ازاي فكريني بردوا يلا غوري من وشي

طلعت للبسين ولقت فرعون فيه

نور: حبيبي هتاخد برد يلا اطلع

فرعون : متدخليش في اللي ملكيش فيه

نور: ازاي بقي يعني اشوفك هتتعب واسكت لاء

فرعون : مش هقولك تاني سيبك من الشويتين بتوع الستات دول انا فاهم كل واحدة

نور: وانا غير كل واحدة

فرعون بمضايقه: حصل اسألي اللي مجرب

 

 

نور بتماسك : طبعا مش من حقك

فرعون استغرب ردها وثبوتها وطلع

نور غطته بالمنشفة ودخل القصر ليصعد لحناجه ليغير ملابسه نزل بعد شوية لقي الخدم وعادل ورامي وصفاء ونور تحت واقفين وقدامهم تورته كبيرة وبلالين

فرعون ؛ أي دا

نور: عشان عيد ميلادي .

صفاء: من امتي واحنا بنعمل أعياد ميلاد عشت وشوفت قصر المليجي بيغيره واحدة ست

نور بسرعه: وفيها أي احنا مش بنعمل حاجة غلط وبعدين اعتبري حفلة صغيرة نغير جو بينا كدا ونضحك شوية

فرعون : انجزوا واخلصوا ومحدش يرد علي التاني وانا واقف فاهمين

بدأوا الاحتفال وفجأة في وسط الاحتفال فرعون حس بتعب في جسده لكن وقف زي ما هو مكانه

نور: يلا ي فرعون نقطع التورته

وهما بيقطعوا التورته لقوا حاجة بتخرج من التورته مندفعه علي وشهم شكل العصير الأحمر

فرعون بعصبية: أي الهزار دا

نور: مش عارفه

فرعون: مين اللي جاب التورته دي

نور : صفاء اكيد هي اللي عملت كدا

صفاء ببجاحه: ايوا انا اللي عملت كدا

 

 

عادل : خلاص حصل خير يلا نكمل

فرعون : لاء كفاية انا طالع ارتاح شوية

نور: استني هاجي معاك وطلعوا علي جناحهم

رامي لصفاء: والله انا مش عارف اخرتك أي

صفاء: انت اللي اخرتك قربت وهتكون علي ايدي ي ابن الشارع

رامي: منا ابن ناس مجهوله فعلا طول عمري ابن الشارع أي الجديد

فرعون دخل واترمي بهدومه علي السرير

نور: هتنام كدا

فرعون : ايوا ومتسأليش كتير بقي ممكن وكان بيتكلم بتحذير

في نص الليل نور كانت لسه صاحيه بتفكر في موضوع رامي علي انه خالد اخوها لكن لفت انتباها فرعون

فرعون وهو نايم : بابا بابا

نور ذهبت له لقت وشه احمر وحرارته مرتفعة جدا جدا

جريت تحت جابت ماية وطبق في ماية

سمية: مالك ي بنتي

نور: فرعون تعبان وجريت فوق وسمية طلعت وراها ودخلت وراها

سمية : هاتي وانا هعمل له الكمادات

نور : خليكي انا هعملها وفضلوا جنبوا

 

 

نور: انتي دخلتي الجناح بتاع فرعون لو عرف ….

سمية بمقاطعه: عاوزة اقولك مفيش حد يدخل الجناح دا او يقرب منه من القصر غيري وغيرك انتي

نور باستغراب: اشمعنا

سمية : روحي غيري الماية من الحمام واقولك كلمه فرعون متسأليش كتير

نور بتأفف: حاضر

سمية بصوت واطي : سلامتك ي حبيبي شوفت دي اخر عناد محدش بيدفع التمن غيرك

بعد فترة فرعون فاق من التعب

سمية : حمدالله علي سلامتك ي فرعون

فرعون بتعب: انا كويس محصلش حاجة .

نور: سلامتك ي …

فرعون : دادة سمية لو سمحت شوية أعشاب من االي بتعمليهم ليا يطلعوا البرد من جسمي

سمية وهي بطبطب عليه: حاضر ي ابني

ونزلت تحت لتحضر الأعشاب

 

نور: انت كويس

فرعون بتجاهل : افتحي الباب سمية طالعه

نور: انت بتتجاهل كلامي ليه

فرعون : عشان مكنش ينفع تعملي احتفال حتي لو صغير من غير علمي

نور : انا اللي كنت فكراك هتفرح ليا عشان عيد ميلادي

سمية دخلت وحطت الأعشاب وخرجت

نور: اتفضل اشرب

فرعون : هاتي

نور: اشرب شربت …

فرعون بنظرة رعب: شربت اي انطقي

نور: شربت من ماية زمزم ليه نيتك السودا دي

فرعون : يعني نيتي السودا دي اللي عادي

نور : علي العموم مبقاش ينفع تنزل البسين الايام دي

شوفت جالك برد اهو

فرعون : معلش سهرتك معايا

نور بخجل: ولا يهمك سلامتك

عدي يومين وفرعون دخل علي نور ووقف قصادها كالاسد أمام عدوه……

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية طفلة هزت كيان فرعون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى