رواية ذكريات طفولتي الفصل العاشر 10 بقلم مجهول
رواية ذكريات طفولتي الجزء العاشر
رواية ذكريات طفولتي البارت العاشر
رواية ذكريات طفولتي الحلقة العاشرة
” فات اسبوع جهزنا لسفرنا لمصر و من وقت ما طلعت الطيارة وانا قلبي بيدق.. فضلت ادعي اللقيهم كويسين و كنت مستعجله جدا عايزه اشوف اياد لانه حقيقي وحشني اوي و دعيت يسامحني.. ”
– انا مش مصدقه اني بقيت هنا خلاص يا ماما و فاضل على البيت حوالي ربع ساعه! و هشوفهم!
= طب معلش يا حببتي هقطع عليكي اللحظه دي وابعتك تجيبي شوية حاجات
– انتي بتهزري يا ماما
= لا بتكلم جد
– حاجات اي دلوقتي
= حاجات من السوبر ماركت اكون انا روحت و افتح البيت عبال ما تيجي
– يا ماما بقا مش مهم انا عايزه اروح!
= جميلة البيت مفهوش ازازه مياه!
” نفخت بضيق و روحت فعلا بالعافيه و هي مشيت على هناك قبلي ”
************************************
بقلمي/ سلسبيل احمد محمود
|| في المنطقه بتاعتهم ||
“هدي اول ما دخلت شافت ملك الى بصتلها بصدمه وجريت عليها”
– طنط هدي !
“هدي حضنتها و ملك كمان حضنتها جامد”
– ازيك يا حببتي
ملك استوعبت للحظه و بصتلها: انتوا رجعتوا ؟؟ جميلة ! فين جميلة
– بتشتري حاجات و جاية!
= حاجات اي دلوقتي منين ؟ انا عايزه اروحلها ! مش قادره عايزه اشوفها !
– هي في سوبر ماركت ***
هدي وقفت ملك قبل ما تجري: اصبري يا حببتي انا بس عاوزة اسألك على حاجه
” وفضلوا يتكلموا دقايق ”
– تمام متقلقيش هعمل زي ما قولتي واسفة.
= ماشي تسلمي يا حببتي
” ملك سابتها و جريت بالمعني الحرفي ف طريقها للسوبر ماركت ”
” جميلة كانت واقفة بتشتري الحاجات بملل و فنفس الوقت بتحاول تكون سريعه عشان عايزه تروح لأصحابها عشان تتفاجئ مره واحده بحد بيصرحْ قدامها ”
– جميلة !!!!!!!!
جميلة بصدمه: اعاااا ملك !!
” جريوا على بعض و حضنوا بعض بطريقة خلت كل الى فالمكان يلاحظ الموقف ”
الاتنين عيونهم دمعت و ملك بالذات مقدرتش تمسك دموعها : يا حيوا.. * نه و حشتيني اوي !! وحشتيني بجد ازاي تعملي كده !!!
جميلة فضلت فحضنها: آسفه حقيقي
” خدوا الحاجة و حاسبوا عليها ومشيوا بسرعه من المكان و اول ما خرجوا فطسوا ضحك”
– الناس هتقول علينا مجا..* نين !
ملك بضحك: ايونا صوتنا زي الهبل فعلا انا
اتحرجت اوي
= احنا بقينا اوفر امتي يابت !
ملك وقفت و بصتها: نتيجه هَجرك لينا
جميلة بتصلها بترجي: ممكن منتكلمش فحاجه دلوقتي انا حقيقي عاوزة اشبع منكوا الأول..
ملك بصتلها بهدوء: ماشي يا جوجو
وحضنتها بحب: اهم حاجه انك رجعتي يا جميلة
” و صلوا المنطقه و جميلة لاحظت شكل الزينه الغريب و انوه مفيش انوار ولا فوانيس ”
– ملك! الشارع متغير
= يعني شوية المهم تعالي عندنا..!!
– عايزه اروح لتيته فاطمه
= طنط هدي قالتلي تيجي معايا يابت اسمعي الكلام بقا ! الاه هعجنك
ضحكت: كلمه جرجس هو واحمد فينهم صحيح؟!
– فالشغل
= اممم
” طلعت معاها و اتفاجئت بيهم كلهم موجودين! كريم جري عليا اول واحد جامد وحضني ”
وانا شديت على حضنه جامد: وحشتني يا كيمو !!!! ازاي كبرت كده
فضل ماسك فحضني اوي: انتي وحشتيني اكتر انا مش مصدق انك رجعتي اخيرا كنت فاكر اياد بيضحك عليا
” طبطبت عليه بحنان وبوسته و عيوني راحت ناحية اياد كلهم قربوا يسلموا عليا و لاحظت ان ليلي مدايقة مني… طول عمرها قماصه.”
حورية: حمدلله على سلامتكم يا حببتي نورتي بيتك
فاتن: اها والله بركه انكم رجعتوا حمدلله على السلامه يا جميلة
” قربت و كنت قصاد اياد الى نظراته بالنسبالي مكنتش مفهومه! وكان ساكت.. ”
يوسف اتكلم و قطع الصمت: منورة يا جميلة احنا فرحانين بجد انك رجعتي وسطنا.
“بصيت لاياد مرة تانية”
اياد: طيب انا مضطر انزل عشان عندي شغل
تجاهلني وبص لماما: حمدالله على سلامتكم يا طنط
– يلا يا يوسف عشان منتأخرش؟
” و فعلا نزلوا وانا كنت حاسة ان في جردل مياة ساقعه ادلق عليا معرفش هو بقي كده و اتغير ولا ده زعل ”
اتكلمت بقلة حيلة: ماما انا عايزة اشوف تيته فاطمه
“كنت هنزل و هاروح اعيط عندها بقا و انفجر واشتكي من اياد كمان”
حورية ردت بسرعه: مش عارفين نقولك اي دي سافرت البلد بقالها تلت ايام حظك بقا
– اي! وهترجع امتي؟؟
= على اخر الأسبوع اصل كان في حالة وفاة هناك
– اها..
رجعت لحماسي: طب ونبي محدش يقولها اني هنا لما تكلموها عاوزها تيجي تتفاجئ بيا.. عشان وحشتني اوي
فاتن: فكره حلوة وخلي يوسف ينبه على اياد.
*********************************
بقلمي/ Salspil A Mahmoud
” قعدت معاهم شوية ماما قررت تنضف فالشقة و طنط فاتن و طنط حورية فضلوا يجبروها تسبهم يساعدوا معاها فالتنضيف وانا طبعا التراب هيأثر عليا فا فضلت انا و ملك و مليكة و ليلي سوا ”
بصيت ناحيه ليلي الى كانت مقموصه: لولي
– اي ده نعم بتكلميني؟
= اها بكلمك يا بارده انا مختش منك حضن حلو انتي حضنتيني حضن اي كلام!
– معلش
= معلش يا تنحه؟ وانتي يا مليكة هانم!؟
مليكة ابتسمت غصب عنها: انا عندي مذاكرة كتير فا مش مركزة معلش اصلي السنة دي تالتة ثانوي..
ملك بصتلها بتوعد: طب ما قومي يا حببتي ذاكري؟ متقعديش معانا احسن
مليكة بأندفاع: احسن برضو
ليلي: ما تتهدوا بقا الله
اندهشت وبصيت لملك: هي مالها مليكة!
ملك: هي كده من بدري معرفش في اي دماغها تعبانه
= طب انا داخله الحمام..
_____________________________
( صلي على محمد )
“دخلت و اتنفست بهدوء بصيت فالمرايا”
– اهدي يا جميلة.. طبيعي الوضع ده طبيعي ما انتي برضو مغبتيش يومين يعني.. اكيد هيخدوا حبه وقت صغيرين عشان نرجع زي الاول.. اهدي واتعاملي حلو و امتصي انتي زعلهم.
“عيوني دمعت ومكنتش قادره استحمل الى بقوله لنفسي اصلا او رد فعل اياد.. انا كنت مقهو.. * ره ”
“خرجت و لقيت ليلي مشيت و ملك لوحدها”
– هي ليلي راحت فين!
= راحت تساعدهم فالبيت
– ملك.. هما مبقوش يحبوني!
= متقوليش كده! احنا عشان بنحبك زعلانين و انا كنت زيهم بس انا كنت محتاجاكي اوي محدش قريب ليا زيك فا مش قادرة اضيع وقت فالزعل بينا.!
حضنتني: متقلقيش كل حاجه هتبقي كويسة والله
لاقينا كريم جي تاني: انا هقعد معاكم بقي كده كده اياد فالشغل و انا لوحدي فالبيت
بصتله: لوحدك ازاي يا كيمو
ملك بسرعه: كريم معلش هاتلي كوباية مياه انا وجميلة
راح فا ملك ميلت عليا: كريم جدتة اتوفت و هو قاعد مع اياد
– انتي بتتكلمي جد ده حصل امتي؟؟؟!
= من حوالي سنه و شوية كريم كل ما يفتكر بيزعل جدا واحنا بنحاول نبقي معاه
= اكيد فاهمه ربنا يرحمها يارب
– من وقتها بقا وهو قاعد مع اياد و ساعات بيجوا عندنا
ابتسمت: طول عمره بيحبه..
” و طول عمري شايفه انه حنين.. وده الى مخليني مطمنه انوه مش هيقسي عليا على الاقل لمدة طويلة.. ”
– أيوه
” قضينا اليوم سوا بعد تنضيف الشقة و فطرنا عند طنط فاتن كلنا و برضو اياد متجاهلني فا اضطريت اسرق يوسف على جمب ”
– يوسف انت كمان زعلان مني!
= أها
– اي الصراحه دي فاجئتني يأخي
ابتسم و بصلي بعتاب: مش عارف اقولك اي بس انتي عايزه علقه والله عايزة تتعجني على رأي جرجس
عيوني دمعت: ممكن انت بالذات متزعلش عشان عاوزاك تهدي صاحبك عليا!
– بس كده؟!
= وعشان انت اخويا الكبير يا يويو
– طب ليه! ليه عملتي كده؟
= والله كان غصب عني صدقني
– مش فاهم يا جميلة انتي قطعتي كل حاجه و مشوفتيش يومها.. يومها ده كان وحش جدا ولا شوفتي اياد كان عامل ازاي ؟!
” مردتش و مكنتش عارفه اتكلم كنت مدايقه ولما لاحظ كده اتكلم هو ”
– ايا كان لينا عتاب طويل بس مش دلوقتي لما الامور تتظبط هتخدي على دماغك.
= طب هتساعدني
ابتسم لي: اها
ضحكت: شكرا يا يوسف بجد
” اليوم انتهي على كده.. و روحت البيت كنت نايمه وانا مطمنه و مرتاحه كان واحشني سريري و اوضتي جدا و المكان كله و صحابي..! ”
*************************************
(وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ)
|| تاني يوم 9 رمضان | 2024 ||
– واد يا اياد قوم يلا اصحي
= يوسف؟!
– انت دخلت ازاي
= كريم فتحلي
– في اي طيب الساعه كام ؟
= عايز اكلم معاك قوم الله !
– وانا مش عايز
يوسف رزعه بالمخده: بقولك قوم يا جرْمه
اياد قام بعصبيه: ايه ! انا عارف هتقول اي ماشي وملكش دعوة يا يوسف
– والله ؟ وحيات امك ! انت تقعد ياض تبكي على الاطلال عشانها ولما ترجع تعمل كده !
= بص برضو بيهري ازاي ! قولتلك ملكش دعوه
– مليش دعوة ازاي هو انت مش كنت بتصيح ليا كل ثانيه و صدعت امي ؟ يبقي ليا
اياد بجديه: يوسف! انا محتاج وقت ممكن منتكلمش بقا لاني فعلا مش عارف حاجه ولا فاهم حاجه!
– تمام يا اياد براحتك بس افتكر ان دي جميلة هي هي متغيرتش و بلاش قسوة انت مش كده
” يوسف سابه و قام و اياد حدف المخده بعصبيه على الارض و بعدين اترمي علي السرير و فضل يفكر.. ”
___________________________
سبحان الله و بحمده سبحان الله العظيم
” فالشارع ملك و مليكة كانوا بيشتروا عصاير ومليكة بتتكلم فالموبايل ”
– ماشي تمام على معادنا بعد الفطار
ملك بصتلها: انتي بتكلمي مين؟!
= ميخصكيش يا ملك
– قولتلك بطلي طريقتك دي معايا!
مليكة بعدت عنها: بقولك اي صحبتك رجعت ها ؟ روحي اقعدي معاها وفكك مني
= انتي يا بنتي مريصْه ! جميلة صحبتنا احنا الاتنين
مليكة ضحكت بسخافه: ماشي تمام
– انتي رايحه فين قولت؟ مع شلتك المقر* فه صح مش قولتلك ملكيش دعوة بيهم دول مش شبهك!
= اها قولتي و انا حره
– وانا هعرف بابا و ماما
= مش هتقدري عشان هقولها علي مشكلة الجامعة
– هو انتي بتذليني!
= افهمي زي ما تحبي!
“ملك بعصبية شدت منها الموبايل و مليكة زقتها و فضلوا ماسكين فبعض و يوسف شافهم من بعيد وجري عليهم”
زعق فيهم: بس يا متحْلفة انتي وهي !!!! بس !
فضل مخلي مليكة وراه وبص لملك: انتوا في اي ! حد يعمل كده فالشارع اتهبلتوا!
ملك كانت بصلها بغل: والله العظيم يا مليكة ماشي انتي جبتيه لنفسك !
” مشيت بغضب و مليكة شالت موبايلها الى وقع ”
– غبيه و حيوا**نه
يوسف بصلها بستغراب: انتي عملتي لها اي !
– وانت مالك اصلا !!
= اي يابت لسانك ده ؟ ملك عمرها ما اتعصبت كده بتدايقها ليه؟ ما تهدي !
” مليكة مردتش عليه و سابته و مشيت ”
يوسف صْرب كف على كف: العيال اجننت !
*************************************
( استغفروا )
” كنت نايمه لحد ما لقيت ترزيع على باب اوضتي و الى بيدخل فجأه ”
– بسم الله ملك ؟ في اي حد يخش كده ! اي ده انتي بتعيطي ؟؟
= مليكة ضربتني يا جميلة
فطست ضحك: اخر مره مشيت كنتي انتي الكبيرة !
ملك بنرفزه: جميلة متهزريش ! انا تعبت منها !
– واحده واحده عليا انا لسه جاية و معرفش حاجة !
= الحيو.. * انة بقت بتكرهني علاقتنا بايظه بقالها يجي سنه ونص ! وياما كلمناها كلنا و حتي ماما و بقت جا*حده ! و وحشه اوي معايا معانا كلنا
– مليكة!!! يطلع منها كده؟
= اها
– انا لاحظت طريقتها لكن فكرتها زعلانه مني!
= لا دي هي بقت كده .. انا عايزة اكلم ليلي تيجي ولازم نشوف حل
– طيب اهدي
= انا هاديه.. امك نزلت صح فتحتلي ونزلت
– راحت فين
= مش عارفه
– طب كلمي ليلي
= و عايزه يوسف كمان بصي انا هنزل اقابل يوسف و اجيب ليلي واجي
– وانا هقوم اغير وانزل ارخم على اياد حبه واخد كيمو
= ونتقابل هنا
– طب اتفقنا.
*************************************
بقلمي/ Salspil A Mahmoud
|| فالسوق ||
فاتن: يختي نطبخ اي الاكل كله غالي
حورية: نعملهم صنيه بطاطس بالفراخ
هدي: اها وشوية محشي و صنيه رقاق
حورية: رقاق ب اي
هدي: باللحمه
فاتن: لحمه اي بس دلوقتي
هدي ضحكت: نجيب ربع كيلوا
حورية: يختي لو قولنا للجرْار كده يشتمنا
” ضحكوا وكملوا لف فالسوق ”
**********************************
“ملك نزلت ليوسف”
– يوسف.. يوسف! تعالي
= في اي يختي انتي واختك
– انا عايزه اتكلم معاك بسبب الرْفته !
= البت كلمتني بطريقه غريبة و مشيت وسابتني لما سالتها في اي
ملك ضحكت بغلب على طريقته: طيب ركز بس معايا عشان دي مهمه وانا مش قدامي غيرك
= قولي.
_________________________
” قومت لبست و روحت عند بيت اياد وقفت للحظات بفتكر نص طفولتي الى كانت هنا! معاه هو وتيته! وفضلت اضحك على الأوقات الى كنت بهرب فيها واجي هنا برضو وتيته بتدافع عني”
” خبطت على الباب فا كريم فتح ”
– جوجو!! انا كنت لسه هاجيلك
حضنته: حبيبي انا برضو قولت لازم نقعد سوا عندي شوية و كده كده هنفكر مع بعض.. هو اياد هنا ؟
= اها جو
– اممم طب تعالي نقوله
= انا هجيب حاجه واجيلك
” سبت كريم و دخلت واياد كان واقف بيسرح شعره ”
– صباح الخير
رد من غير ما يبصلي: صباح النور
– انا هاخد كريم يقعد معايا شوية
= ماشي
– انت نازل؟
= أها
– طيب لما تكلم تيته متعرفهاش اني هنا ماشي..
= حاضر
“بصيت بعيني فالمكان في حاجه غريبة مريحتنيش”
ورجعت بصيت له ولاحظت اثر جر* ح ف ايده ”
اتكلمت بقلق: اي ده؟؟
– تعو*يره كده بقالها مدة
= من اي دي ؟!
– خناقة
خت منه المشط: ممكن تبطل تناحه وتقولي اي ده
“بصلي و فضل باصص لعيوني وانا سرحت”
اياد بعد عينه عنها: انا مستعجل ومش فاضي
– انت بتتهرب مني ليه!
ضحك: انا الى بهرب! مبلاش انتي ونبي
عيوني دمعت: طب بطل تعاملني كده!
مردش عليا فا رفعت راسه ناحيتي: اياد بصلي انا متغيرتش! انا زي مانا و رجعت متتغيرش انت معايا
– حتي لو كلامك صح فا هو تغيير بسببك انتي حتي مبررتيش ده قطعتي كل حاجه! سبتيني!
= بس انا مكنش قصدي انا بس… مش عارفه اقولك اي
– ولا هتعرفي يا جميلة انتي بوظتي كل حاجه!
= كل حاجه ممكن تتصلح!
– معتقدش
مسحت دموعي: تمام
كريم جه وكان معاه شنطه صغيره: يلا جوجو
مسكت ايده: يلا
“اخدت كريم و مشينا”
*********************************
(صلي على محمد )
” قضينا اليوم سوا انا و البنات و معانا كريم و بعدها وقت الفطار كلنا فطرنا مع بعض و المره دي كانت عندنا فضلت القاعده مركزه مع اياد و انا حاسه انوه كل حاجه انتهت و ده كان تاعبني! لحد ما معرفش اختفي راح فين و يوسف و مليكة كمان اتبخروا.. ”
– ملك العيال بتروح فين اول ما خلصنا فكار مشيوا
= اياد قال لطنط هيجيب حاجه ونزل وجي و تعالي احكيلك بقي عملت اي مع مليكة و يوسف
**********************************
” مليكة نزلت وصلت لحد اخر الشارع و بعدين ركبت مع ناس فا يوسف فضل ماشي وراها بالعربية ”
– ماشي يا مليكة الرْفتة انتي ملك طلع معاها حق!!
” يوسف فضل ماشي لحد ما وقفوا عند كافيه و نزلوا و فضلوا واقفين و جت عربية تانيه و نزل منها شباب وسلموا على بعض.. ”
– ينهار اسود ومنيل؟؟؟ البت جرا لمخها حاجه
” فات حوالي ربع ساعه ويوسف جاب اخره”
– لا كده كتير بجد معلش بقي يا ملك اتفقنا متعرفش اني براقبها بس كده كتير مش مستحمل انا مش اريل
” يوسف شال الحزام ونزل من العربية و اتفاجئ اصلا لما دخل لقي انوه مش مجرد كافيه وانوه بار من جوه مكنش مصدق ان مليكة فمكان زي ده ! ”
” فضل يدور عليها بعينه لحد ما لمحها قاعده و هي اول ما شافتها الكوباية الى كانت ف ايدها وقعت منها ”
يوسف قرب عندها و شدها بقوة: قومي
” واحد حاول يمنعه فا يوسف زقه و الولد اصلا خاف لانه نفس سن مليكة وكلهم مراهقين.. ”
“خرجوا لحد بره”
مليكة بزعيق: اوعي اديني وجعتني انت اي جابك لحد هنا بتمشي ورايا !!!!! ملك الى قالتلك صح ؟؟؟
زعق فيها جامد: انتي يابنتي عايزه اييييه ليكي عين تتكلمي اصلا!!! ما تفوقي وتشوفي جبتك منين ؟؟ ومع مين ! وقايلها لامك هذاكر مع صحبتي !!!
مليكة بعياط: ملكش دعوة! و اياك تقولها حاجه
– انا مشوفتش فحياتي كده كمان بتهدديني
فضلت تعيط و يوسف مكنش فاهم هوا اي ولا مستوعب
– بتعملي اي هنا !
= بعمل اي ؟ قاعده مع ناس بتحبني ! وبيهتموا بيا حتي لو عشان مصالح او ايا كان بس احسن من الى مفروض يحبوني و هما مش حاسين بوجودي اصلا !
– بتحْرفي بتقولي اي انا مش فاهم
وسط ما بتكلم مسكت بطنها فجأه و صرحْت: اهاااا مش قادهههه
يوسف لحقها: مالك في اي !!!! حصل اي
مليكة بصويت: بطني مش قادره هم**وت
يوسف زعق: شربتي ايييي قومي معايا !
“شالها بسرعه وحطها فالعربية”
*************************************
“في بيت هدي كانوا قاعدين كلهم و اياد لسه مطلعش”
– ها يا جوجو مبسوطه مني؟!
= جدا يا كيمو وربنا كمان هيحبك اوي عشان ختمت القرآن عبال ما تحفظه يا روحي
– اياد قالي لازم ربنا يحبني عشان لما ادعي بحاجه يحققها لي
= اممم وانت بقي نفسك ب اي بتدعي بيه يا بطل؟!
– دلوقتي مش عارف بس بدعي لجدتي و لتيته فاطمه
جميلة عقدت حواجبها بأستفهام: بتدعي لتيته فاطمه ب اي يحبيبي مش فاهمه
= اول لما راحت عند ربنا بدعي انوه ربنا يدخلها الجنة عشان نقابلها هناك ونكون سوا!
” قلبي دق بسرعه و حسيت بنغزه فيه وجع*تني!! ”
“ملك قعدت جمبي وبصتلي”
– اي يابت متنحه كده ليه
اتكلمت بهدوء: ملك هو …. هو كريم بيقول اي ؟
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية ذكريات طفولتي)
