روايات

رواية طموح امرأة الفصل التاسع عشر 19 بقلم حنين الماضي

رواية طموح امرأة الفصل التاسع عشر 19 بقلم حنين الماضي

رواية طموح امرأة الجزء التاسع عشر

رواية طموح امرأة البارت التاسع عشر

رواية طموح امرأة
رواية طموح امرأة

رواية طموح امرأة الحلقة التاسعة عشر

زلابيا: عاوزة اقولك حاجة انت مفكرتش فيها
حازم : قولى كل حاجه انا مش هقفل النهاردة
زلابيا: بسببك انا جالى اكتئاب وكرهت حاجة اسمها قلب 😭
حازم : طيب اهدى وانا هعملك اللى يريحك انا اهو بقولك انا غلطان وبعترف ، صدقينى الغربة غيرت فيا حاجات كتير انتى مش متخيلة صعوبة الغربة ،يمكن لو كنتى معايا كنتى خففتيها شوية لكن انتى بردوا كابرتى وعاندتى وكنت عارف انك بتعاندى
زلابيا: انت اللى خلتنى اعاندك كدة ، عمرك ما حسستنى انك بتفكر فيا ،كنت دايما تتجاهلنى فى اى مكان اكون موجودة فية
حازم : عارف بس كنت بتعذب الف مرة وانتى معايا فى نفس المكان ومش عارف اكلمك ولا اعبرلك عن اللى جوايا
زلابيا : طيب لية كل دة ! انت ابن خالى يعنى مش غريب ،كان سهل تيجى تكلمنى من غير كل المواقف اللى حصلت وخلتنا كلنا فى موقف مش حلو ولا ناسى عمو الشاذلي واللى حصل يومها
حازم : كل ما افتكر اليوم دة اضايق من نفسى ومش راضى يروح من دماغى ،خصوصا لما شوفت حنين وهى قاعدة خايفة وانتى عمالة تدافعى وانا ساكت مقدرتش اعمل حاجة

 

 

زلابيا: انت عارف انها اتحرمت من نزول الجامعة ومن مكالمات التليفونات حتى الموبايل اتسحب منها
حازم : عرفت وعمال افكر اعملها ايه
زلابيا : انا اتصلت بالصدفة من شوية لقيت اختها ردت عليا وهى مش طايقة حد مننا وليهم حق بعد الموقف دة ميكونوش عاوزين يعرفونا خالص
حازم : انا هتصرف فالموضوع دة ، المهم طمنينى عنك انتى ،قوليلى اخر مشاريعك هههه يا طموحة
زلابيا: ههه كنت هعمل بيوتى سنتر وبعد ما رتبت كل حاجه وبابا كان هيساعدنى لقيت اعلان بيتوزع عن افتتاح بيوتى سنتر اكبر ههه مكدبش عليك جالى احباط بس قولت الحمد لله انى عرفت قبل ما كنت اصرف فلوس واخسر
حازم : طيب اية رأيك فى مطعم
زلابيا : مطعم !!؟
حازم : يعنى هى فكرة لو عجبتك انا ادخل معاكى فيها
زلابيا : عمرى ما فكرت فى حاجة كدة ،كل تفكيرى فى حاجات تجميلية
حازم : طيب فكرى وشوفى وانا من العين دى قبل دى
زلابيا:
حازم : ساكتة ليه حد جة جنبك
زلابيا: لا .. بس مش مصدقة انى بكلمك وبقولك جوايا اية
حازم : ولا انا بس جوايا راحة وحاسس انى مبسوط ،حاسس بحاجة حلوة متغيرة جوايا
زلابيا: هتنزل امتى
حازم : عدى ٣ شهور و٢٠ يوم هتلاقينى قدامك
زلابيا: يعنى كدة ممكن تحضر فرح زين
حازم : حتى لو هنزل على حسابى هحضرة ان شاء الله
زلابيا: ان شاء الله
حازم : أمى جنبك
زلابيا: لا دخلت جوة هى ورنا
حازم : طيب معلش ناديها عاوزها
زلابيا:
حازم : الو الو
زلابيا: حاضر هندهالك
حازم : استنى متزعليش انى بقولك ناديها بس هتعرفى لية لما اكلمها
زلابيا : 😊 لا مش زعلانة حاضر هندهلها ثوانى
الام : ايوة يا حازم
حازم : انا موافق يا امى

 

 

الام : موافق على اية
حازم : خليها تسمع طيب ههه انا عاوز اخطب زلابيا وعاوزك انتى والحاج تروحوا النهاردة او بكرة بالكتير تتقدموا رسمى وشوفوا هما محتاجين ايه وانا معنديش مشكلة
الام : ههههه يا سلام على الروقان والضحك هههه وهو احنا هنلاقى ادب وجمال وتربية زى زلابيا والله كنت هتقهر لو كانت راحت لحد غيرك
حازم : خلاص شوفوا طلباتهم وطلباتها ايه عشان لو فى حاجه اجيبها من عندى هنا احسن وقوليلى
الام : ماشى يا حبيبى هقول لابوك وان شاء الله تكون من نصيبك
حازم : سلمى عليها بقى ههه وعلى رنا طبعا
الام : هههه وابوك لاة يعنى
حازم : ههه لا طبعا دة الخير والبركة ههه
—————
ام رنا : اقعدى يا زلابيا ناكل واعملى حسابك انتى بايتة معانا النهاردة
زلابيا : حاضر يا طنط انا قولت لماما كمان
ام رنا : لما نخلص غدا نتكلم
……..
رنا : انا ملاحظة كدة ان فى حد يا ماما فرحان واحلو اكتر ماهو حلو ههههه
الام : ههههههههه سيبيها تفرح ، المهم نشوف حل مع الناس اللي عملتوا مشكلة عندهم وخدوا فكرة عننا وحشة ونشوف كريم دة كمان
رنا : هو حازم كدة ميعرفش ان فى حد متقدم لزلابيا ؟
الام : لالا مرضتش اقولة لحد ما نشوف هنعمل ايه ، انا لما ابوكى يجى هكلمة وافهمة واخلية يكلم باباها وانا هكلم عمتك
زلابيا: انا مش قلقانة من ماما وبابا هما قالولى براحتك وفكرى ،بس كنت مش عارفة هفضل ارفض لحد امتى
الام : اهى جت من عند ربنا ،لو كان حازم قالى من الاول ،كنتوا زمانكوا متجوزين وحامل كمان ههههه
رنا : يااااة يا ماما اخيرا ،دة انا حاولت كتييير معاهم بس هما الاتنين اصعب من بعض
الام : هو انا صغيرة ولا اية هههه انا قولت حازم لزلابيا خلاص ههههه
زلابيا: انا بحبك اوى يا طنط ههه
رنا : عقبالى يارب تكون حماتى عسل كدة وتبقى فى صفى واحبها
الام : زلابيا بنتى التانية عمرى ما هفرق فالمعاملة بينكم
زلابيا : ربنا يخليكي ليا يارب
——————-
سما : انتى عارفة ان رنا دى اتصلت تسأل عليكى

 

 

حنين : مش طايقة اسمع اسم حد فيهم
امال : بتعملوا ايه خلصتوا مذاكرة
حنين : بحاول اهو
امال : زلابيا اتصلت من شوية تسأل عليكى وشكلها مكنتش تعرف اللى حصل وقعدت تعتذر كتير وقفلت فالاخر
حنين : هى اية الحكاية كلهم بيتصلوا دلوقتى لسة فاكرين
امال : محدش عارف اية اللى حصل عندهم هما كمان من يومها
سما : انا بعد الموقف دة هفضل اقول ان اهل بابا يفضلوا بعيد عننا احسن ،عشان كل ما بيحاولوا يقربوا يعملونا مشكلة
امال : حنين اللى غلطانة ومش عاوزين نفتح الموضوع ده تانى ذاكروا
سما : حاضر
حنين : معاكى حق يا ماما حاضر
———————–
حازم قضى ليلة مريحة بعد مكالمتة مع زلابيا وقعد يفكر ازاى يصلح الموقف اللى عدا وقت مع الشاذلي …
فى نفس الوقت اللى بتفكر والدتة ازاى تحسن صورتهم هناك وفالاخر حازم اتصل بعد ساعتين تفكير بمامتة
حازم : اية يا أمى نمتو ولا ايه
الام : لا البنات فى الاوضة عند رنا وابوك لسة مجاش وانا قاعدة
حازم : طيب انا مش عارف انام وفى حاجة عاوز اكلمك فيها
الام : خير
حازم : فاكرة يوم ما رنا وزلابيا نزلوا القاهرة
الام : امم ، انا عرفت يا حازم كل حاجة خلاص من اختك ولما زلابيا جت اتكلمنا فالموضوع
حازم : عرفتى !!
الام : اة وبفكر اقول لابوك عشان يلاقى حل كويس ونروح زيارة للناس دى ونعتذرلهم بدل ما انتوا خلتونا ملناش لازمة كدة ، وميصحش تروح تقولة بنتك قابلتنى واتصلت بيا ، محدش طبعا يقبلها وانت غلطان
حازم : انا عارف انى غلطان ومضايق اكتر لانى عملت مشكلة فى بيتهم وللبنت وهى اصلا مكنش ليها علاقة بالموضوع وبنتك السبب لعلمك هى اللى عكتنا كلنا وانا بغبائي كملت
الام :الصبح يحلها الحلال وفى حاجة كمان مكنتش ناوية اقولك عليها بس لما عقلتها كدة لقيت لازم تعرف
حازم : اية الحاجة دى
الام : زلابيا متقدملها دكتور كريم الصيدلى ،انت عارفة
حازم : نعمم اة عارفة بس ازاى يعنى
الام : يعنى ايه ازاى
حازم : لا انا كدة مش هعمل حاجة طول ما انا هنا ولازم انزل مصر

 

 

الام : اصبر اصبر لحد ما اتكلم مع ابوك واذا كان على كريم فهى اصلا مش موافقة وانت عارف عمتك وجوز عمتك مش هيجبروها علية
حازم : خلاص بكرة تردى عليا ضرورى وتقوليلى عملتى ايه
الام : الصباح رباح نام بقى وبكرة يحلها الف حلال
——————
رنا : اخيرا هنبقى عرايس مع بعض هههههه
زلابيا: انا مش مصدقة ان اخوكى نطق اصلا ههههه
رنا : يعنى انتى اللى كنتى سهلة اوى ما انتى عذبتينى
زلابيا: كنتى عاوزانى اقولك ايه وبعدين كنت هزعل من نفسى لو حسيت انى صعبانة عليكى وخصوصا لما جابلى شريف قبل كدة وحسيت انة هو اللى حدد ميعاد لعريسى وواقف يتفرج
رنا : مش هو اخويا اهو بس استغربتة
زلابيا: اليوم دة فضلت فالممشى وكنت حابسة دموعى ومخنوووقة بس لما جة ورايا افتكرت انة هيقولى حقك عليا لكن للأسف لقيتة عادى جدا ويومها خدت عهد على نفسى انى اخرجة من حياتى
رنا : ههههه اهو طلع واقع لشوشتة
زلابيا: بس انا بينى وبين نفسى مضايقة من الموقف بتاع حنين جدا ، اتصلت بيها النهاردة لقيت سما بترد وحكتلى اللى حصل كله يومها بس كأنها بتقولى مش حابين تقربوا مننا تانى ،معرفتش ارد عليها وقفلت .
رنا : انا كمان الصبح كلمتها بس مامتها اللى ردت حتى محاولتش تقولى استنى اخليكى تكلميها ،فواضح انهم خدوا فكرة اننا السبب فالنكد اللى حصلهم واكيد فى حاجات حصلت محدش هيقولنا عليها .
زلابيا : بس حتى لو حنين مش عاوزة هى واختها يعرفونا تانى بس لازم نصلح الموقف الاول
رنا : ماما قالت هتتصرف وتكلم مامتها بكرة
زلابيا : الموضوع مع عمو الشاذلى مش حد تانى
رنا : 😴 ممم يالا ننام بقى وبكرة نكمل

 

 

زلابيا : طيب نامى انتى ،انا لسة مش جايلى نوم
رنا : ههههه هتفكرى طبعا فى اخويا العريس
زلابيا : هههه تصبحى على خير
————–
لااااااايك وكومنت عشان نعرف ابو حازم لما عرف اللى حصل من ابنة مع الشاذلى عمل ايه ؟؟
ونشوف خطوبة زين ونور واخر مفاجأة معانا فالرواية يا ترى هتكون ايييية ؟؟؟

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية طموح امرأة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى