رواية عبرة الفصل الأول 1 بقلم آية عبدالسلام
رواية عبرة الجزء الأول
رواية عبرة البارت الأول
رواية عبرة الحلقة الأولى
يا بنى بلاش قاعدتك الكتير فى الاهاوى دى وتعالى صلى معايا
امجد بتهرب : اه ماشى المرة الجاية انشاء الله بقى عشان عندى مشوار
اشرف الاب بعصبية : وهو مشاويرك اهم من الصلاة
امجد كان لسه هيرد بس لقى راجل شاب باين عليه العجز والجنون وهدومه متقطعه ومتوسخة
الراجل مسك امجد جامد وقعد يهز فيه : قولها انى اسف قولها انى مش قادر اعيش من غيرها واكمل بدموع وجنون قولها تاخدنى بقى كفاية بُعد لحد كدا
امجد فضل يبعد فيه بخوف بس الراجل مش راضى يسبه
اشرف بحزن : لا اله الا الله وبعدين كمل بمهاوده هنقولها حاضر
الراجل بلهفة : بجد
اشرف بحزن وتنهيدة : اه يا بنى بجد
الراجل بإبتسامة ودموع : يعنى هتسامحنى وتيجى تاخدنى
اشرف بحزن : اه يا بنى
الراجل بفرح : قولها تقابلنى فى مكانا المفضل هستنيها وساب امجد وطلع يجرى على مكانهم من غير ما يسمع رده
اشرف بحزن : ربنا يزيل عنك الهم يا بنى
امجد بخوف وإستغراب : هو الراجل دا مجنون وبعدين ايه الكلام اللى انت قولته دا
اشرف بتنهيده : دا قصته طويله يابنى
امجد بقرف : بس ايه اللى عمله فى نفسه دا انتَ مش شايف لابس ايه ولا سنانه صفرا ازاى يعع دا لمسنى لازم اغير بسرعة ولا ريحته دا كنت عايز اجيب كل اللى فى بطنى
اشرف : ميغركش الشكل يابنى انت تعرف ان دا كان زى رشدى اباظه فى زمانه كان كل الشباب نفسها تصاحبه والبنات كانت بتقف طوابير قدامه
امجد بصدمة و ذهول : دا .. ازاى
اشرف : سبحانه مغير الاحوال قادر على كل شئ
امجد بفضول : طب ما تحكيلى حكايته بصراحة عندى فضول رهيب انى اعرف ايه اللى وصله لكدا
اشرف : موافق بس بشرط
امجد بفرح : انتَ تؤمر
اشرف : تصلى معايا فى الجامع
امجد بإبتسامة : موافق يلا بينا
اشرف : دلوقتى وافقت يالا قدامى ربنا يهديك يا بنى
• تسريع الاحداث
بعد ما خلصوا صلاة وخرجوا راحوا قعدوا قدام النيل ومعاهم شاى
امجد بلهفة : يالا احكيلى
اشرف بتنهيدة : القصة دى بقالها خمس سنين
• فى الجامعة كان فى شلة شباب مع بعض ومن ضمنهم واحد اسمه بدر ولَقبه دنجوان الجامعة
احمد صاحبه بملل : ايه الجامعة اللى مفيهاش اى حاجة تسلى دى
بدر : عندك حق والله حتى البنات اللى فيها شكلهم فيك اوى
احمد : هما اللى معانا دول بنات اصلاً وبعدين كمل بإنبهار .. اوبا شوفت يالا المزة اللى دخلت دى
محمود صاحبهم التالت : دى صاروخ يالا
بدر بملل : ولا صاروخ ولا حاجة عادية خالص
احمد : يا سلام طب بقولك ايه بدل ما انتَ نافش ريشك علينا كدا اراهنك انك توقعها
بدر بتسلية : واخيراً لقيت حاجة تسلينى بس نتراهن على ايه
احمد : على العربية الجديدة بتاعتى
بدر بمكر : موافق
محمود : وانا هراهنك على الماكنة الريس بتاعتى
بدر : يبقى جهزوا المفاتيح من دلوقتى
احمد : اما نشوف يا خويا
بعد شهر
بدر بخبث : هات يالا انت وهو الحاجة اللى اتفقنا عليها
احمد بتفاجأ : انت كسبت
بدر : وبالدليل كمان ووراله الصور
احمد : يابن الايه يا بدر عملتها ازاى دى
محمود : طول عمرك لاعيب
• بعد اسبوع
اسماء بدموع : انتَ معنتش بترد عليا ليه من ساعت اللى حصل
بدر ببرود : عشان معنتيش تخصينى
اسماء بدموع وصدمة : ياعنى ايه ماعنتش اخصك انتَ مش بتحبنى
بدر بسخرية : احبك فوقى لنفسك يا حبيتى انتى واحدة رخي*صة سلمت نفسها ليا وانا اخدت غرضك منى ورميتك
اسماء بخوف وصدمة : قصدك ايه انا بابا لو عرف حاجة زى دى مش هيستحمل هيروح فيها وهيموتنى
بدر ببرود : والله دا شئ يخصك مش يخصنى اتصرفى انتى
اسماء بعياط وقهرة : حسبى الله ونعم الوكيل فيك صدقنى هنتقم منك فى اكتر حاجة انتَ بتحبها ومش هرحمك زى ما مرحمتنيش هنتقم منك
بدر ببرود وهو بيقوم : ماشى اما نبقى نشوف
يتبع…
لقراءة الفصل التالي : اضغط هنا
الرواية كاملة اضغط على : (رواية عبرة)
تعليق واحد