روايات

رواية عذاب الحب الفصل الثاني 2 بقلم ياسمين مصطفى

رواية عذاب الحب الفصل الثاني 2 بقلم ياسمين مصطفى

رواية عذاب الحب الجزء الثاني

رواية عذاب الحب البارت الثاني

رواية عذاب الحب
رواية عذاب الحب

رواية عذاب الحب الحلقة الثانية

_ لقيت شهد قاعده ، شهد ، طب هي شهد لحقت تيجي أمتي دا أنا لسه سايباكي من ساعات…

كنت منتظره أجابه من شهد لكن فارس هو اللي أتكلم وقال

= أكيد أبوكي مكنش هيسيب أختي في حالها وأنا بصراحه معنديش غيرها ، فكلمت محمود صاحبي وخليته يقابلها في المطار ..

حضنتها وقولتها ” كويس إنك هنا علي الأقل مش هحس بالغربه وأنا لوحدي لما فارس يكون برا ..

كان فارس مشغول بالموبايل ، بيعمل اتصالات كتير جدا ، يقفل مع دا ويكلم دا ، وصاحبه الغبي اللي كان واقف جانبه كان بيبصلي بطريقه غريبه جدا أنا خوفت منها .

باسم :” أستأذن أنا بقا يا فارس ..

فارس :” ماشي يا باسم ، مش هنسالك وقوفك جنبي أبدا ..

خرج باسم دا من البيت وهو لسه بيبصلي بصات مش لطيفه خالص أنا ذات نفسي استغربت منها أما فارس فجه ووقف قدامي وقالي وهو مبتسم

_ حبيبتي تعالي أوريكي الشقه ..

واتمشيت معاه وكانت الشقه جميله جدا بالرغم من انها صغيره لحد ما دخلنا أكبر أوضه في البيت

_ دي اوضتنا ، هي آه صغيره بس هنمشي حالنا ..

= كل حاجه معاك حلوه يا فارس ..

_ خلي بالك الكلام الحلو دا بيدفعني أعمل حاجات مش صح أبدا ..

ضحكت جدا من طريقه كلامه وشكل وشه ، هو أنا قولتلكم قبل كدا إني بحبه ..

مرت الأيام والاسابيع ، لحد ما مر شهرين كاملين ، في الشهرين دول اتغيرت حاجات كتير أوي ، شوفت علي الفيسبوك جنازتي ..أيوا متستغربوش جنازتي اللي أبويا عملهالي وأنا عايشه عشان شكله قدام الناس ، يعني شكله قدام الناس بيهمه أكتر من بنته ؟ بيهمه أكتر من سعادتي ؟ ، شوفت اخويا محمد وهو خاطب واخيرا هيتجوز قريب ، شوفت رفعت اخويا الكبير وهو شايل بنته ، الله بنته اللي كان نفسي أشوفها اوي ، شهرين بس حددولي أنا بالنسبه ليهم ايه ؟ ، قفلت الفيس وقعدت اتكلم مع شهد في موضوع لحد ما قالتلي وهي مكسوفه …

_ ياسمين ، كنت عايزه أحكيلك علي حاجه ..

سيبت الموبايل وبصيتلها باهتمام ما انا حبيتها زي اختي

_ خير يا شهد ؟ احكيلي أنا زي أختك الكبيره ..

_ ياسمين ، بصراحه كدا انا بحب باسم ..

_ باسم مين ؟ صاحب فارس ؟ بس هو ميستهلكيش يا شهد ، شكله مش مظبوط ..أنتي بتكلميه ..؟

_ أه بكلمه وهو قالي شويه وهيظبط أموره ويجي يطلب ايدي

_ والله اللي أنا عارفاه إن الواحد لما بيحب واحده بيتقدملها مش بيكلمها من ورا أهلها .

_ والله ؟ طب ما انتي وفارس كنتم بتكلموا بعض من ورا أهلك !! ولا هو حلال ليكم وحرام ليا ، بتيجي عندي وبتقولي حاجات غلط بالنسبالك صح ..

_ اوعي تقارني فارس بالبيه بتاعك دا أنا وانتي أكتر اتنين عارفين فارس ان هو واحد محترم وانا مكلمتش فارس غير بعد ما اتقدملي ، فارس غير الزفت بتاعك دا فارس واحد محترم لكن البيه بتاعك قليل الادب وبتاع ستات وعينه زايغه يا هانم

فجأه لقيتها اتعصبت طب اتعصبت ليه هو انا عملت فيها حاجه؟ معملتش فيها اي حاجه تعصب والله …

_ لا مظبوط يا ياسمين وانا بحبه وهو كمان بيحبني وهيجي يخطبني من فارس ..

_ شهد ، انا زي اختك الكبيره وبنصحك بس مش اكتر ، وفي الاخر انتي حره تعملي بالنصيحه او متعمليش بيها انتي بردو حره بس اوعي يا شهد ، اوعي تعملي حاجه تخلي راس فارس في التراب ..

_ والله ياياسمين يبقي اخويا واللي انا شيفاه صح هبقي أعمله وبعدين دخلت اوضتها ورزعت الباب وراها ، الحق عليا إني بنصحها ، شهد مش شايفه هو ايه ؟ عينيها متغيمه بالحب بس انا مش عايزاها تبعد عني عشانه ، لازم اقرب منها عشان لو عمل فيها حاجه … قومت من مكاني ودخلت الاوضه بتاعتها وحضنتها وقولتها :” شهد انتي زي أختي ويمكن أكتر كمان بخاف عليكي اوي ، انتي حاجه كبيره ليا فأنا بنصحك بس ، خلاص متزعليش مني ، ربنا ييسيرلك امورك …

لقيتها لفتلي وابتسمتلي وحضنتي وقالتلي :” أنا زعلت منك بس عشان قولتلي عليه كلام وحش ، لكن هو والله طيب انتي مش عارفاه …

قولتلها وانا بشدد علي حضنها :” اللي انتي شيفاه يا حبيبتي وخليه يجيي يكلم فارس اهو رجاله ويعرفوا يتكلموا مع بعض ..

ثالتلي بتوتر :” تفتكري فارس ممكن يرفض ؟

قولتلها وأنا مبتسمه :” فارس مستحيل يشوفلك الخير ويقولك لأ ، فارس بيعتبرك بنته يا حبيبتي ..مش أخته والسلام.

وبعد ايام اتكلمت مع فارس في موضوع شهد وقالي ان باسم كلمه فعلا في الموضوع دا وهو لسه بيفكر وهياخد رأي شهد ، وفعلا بعد مرور شهر تقريبا وافق فارس علي جواز اخته من باسم ، وجه وقت الفرح ، كنت في القاعه ،كنت قاعده في مكان لوحدي ، وبفكر ازاي كل دا مخطوبه وفارس مأخدش خطوه حتي إنه يكلمني في موضوع الجواز تاني بعد اخر مره لما أنا قولتله لما كنا في المطار؟ ازاي مأخدتش خطوه إن أنا أواجهه واقوله إن هو بقاله شهرين خاطبني وان احنا قاعدين في نفس البيت ، بس طبعا كل واحد ملتزم حدوده .. لحد ما لقيت حد بيحط ايده علي كتفي وبيقولي

_ انتي قاعده بعيد عن العيون ليه يا جميل .؟

اتخضيت جدا وقولتله بصوت عالي :” انت بتعمل ايه هنا !!!

يتبع…

لقراءة الفصل التالي : اضغط هنا

الرواية  كاملة اضغط على : (رواية عذاب الحب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى