رواية من أجلك الفصل الأول 1 بقلم حبيبة

رواية من أجلك البارت الأول

رواية من أجلك الجزء الأول

رواية من أجلك الحلقة الأولى

استيقظت البطلة علي رائحة طعام شهي تعجبت لأنها في المنزل بمفردها منذ ان سافرت والدتها للعمل و لن تعود قبل 4 أشهر و هي وحيدة امها لان والدها توفي و هي في مرحلة الطفولة ، تسألت البطلة من امها إن كانت عادت من السفر نهضت من سريرها متوجهة إلي المطبخ
حبيبه: ماما انتي جيتي؟!
طه : صباح الخير يا روحي
حبيبه “بصدمة”: حرامييييي !!
طه : ششش بس بس
حبيبه : يلهويييي
طه : والله ما حرامي
حبيبه : اومال انت ايه ؟
طه : انا جوزك
حبيبه : يعني حرامي و كذاب
و اتجهت نحو البلكونة و هي تصرخ ” حرامييي” . وضع طه يده علي فمها ليكتم صوتها
طه : هتوديني في داهيةيا مفترية
حبيبه : اوعي يلا يا حرامي
أخدها و ربطها في الكرسي ثم وقف ينظر إليها
حبيبه : يا حرامي يا مفتري اطلع برا بيتي يلا
طه : انتي تؤمري امر
اتجه طه نحو الباب خرج ثم اغلقه
حبيبه : خلصنا منييه
ثم أدركت انها لا تستطيع النهوض
: يا حرامي ارجع فكني و امشي انت حرامي مش جدع علي فكرة . ايه الجيران دول معقول محدش سامعني خالص
ظلت حبيبه تنادي علي طه حتي فتح الباب و دخل الي المنزل ثم اتجه الي المطبخ و خرج بعد فترة
طه : اعتقد انك جعانة تعالي افكك بس متفضحنياش
حبيبه: فكني بس و هوريك
طه : خلاص مش هفكك
حبيبه: بس انا جعانة
نظرت له ببرائه مما اثرا عطفته و حمل الكرسي الذي تجلس عليه و وضعه امام طاولة الطعام
حبيبه : ده انت حرامي سوبر ، و انا هاكل ازاي
طه : هئكلك بالشوكة
حبيبه : انت عامل اكل أي… يخرب بيتك
طه بصدمة : ايه
حبيبه : يعني حرامي و كذاب و مفتري و قولنا ماشي لكن مبذر كل ديه بسطرما انت عارف ديه بكام ديه ب 150 جنيه
طه : لا حول ولا قوة الا بالله
حبيبه : و انت هتأكلني بيض بالبسطرما بالشوكة ؟!
طه : اومال
حبيبه : قوم امر لنا رغفين عيش من الفريزر
نظر لها طه بتعجب ثم ذهب و فعل ما تريده
طه : اتفضلي يا ستي
حبيبه : خليك جدع و فكني علشان اعرف اكل
فك طه الرباط و امر حبيبه ان لا تهرب و لا تصرخ
حبيبه: اهرب و اصرخ ايه ده انت عاملي بسطرما انت بتهزر
ابتسم طه و جلس ينظر لها بحب
حبيبه بجدية : بس بجد انت دخلت هنا ازاي انا متممة علي قفل كل حاجة قبل ما انام
طه : مش هقدر اقولك
حبيبه : صح الحرامي المحترف مش بيكشف عن سره
طه و هو يضحك علي كلامها : بس انا مش حرامي
حبيبه : صح انت قولت انك جوزي ؛ جوزي ازاي اتجوزتك في الأحلام و بعدين انا عندي 18 سنة
طه : انا جوزك في المستقبل اتجوزنا عن قصة حب و عيشنا احلي سنين ثم نظر لها بحزن و صمت
حبيبه : و بعدين جيت ليه
طه : ملكيش دعوة
حبيبه : ايه لعب العيال ده بقي
نظر لها طه بضيق و قال…
طه: خلصتي اكل؟
حبيبه : هتعمل ايه في باقي الاكل؟
طه: هرميه
حبيبه (بدهشة ): ايه ترمي مين لا ده انا هتغدي و اتعشي بيه، واضح انك حرامي غني
طه : و حياة امي انا مش حرامي
حبيبه : حماتي !! الا هي طيبة بقي ؟
طه : ايوة و بتحبك اوي
حبيبه : الله طب احنا هنجوز امتي؟
طه : مينفعش اقولك خلينا في الحاضر
حبيبه(بعصبية بسيطة ): اخس عليك يا ظالم
طه : و ايه كمان ده احنا مكملناش ساعتين و وصفتيني بكمية صفات مش فيا
نظرت له حبيبه ثم أخرجت لسانها له أندهش طه من فعلها و أخذ يجري ورائها
حبيبه : يلهووووووي حرامييي
طه : يا نهار مش فايت انا مش حراااامي
مر اليوم حتي جاء وقت النوم
حبيبه : انت هتنام هنا ؟
طه : المفروض بيقولوا كدة يعني
حبيبه : هما مين البيقولوا؟
طه : ششش حبيبه خشي نامي في اوضتك و انا هتعامل و انام علي الكنبة
في الصباح استيقظ طه ليجد..