رواية حطمت قلبي الجزء الثاني الفصل الأول 1 بقلم لولا
رواية حطمت قلبي الجزء الثاني الجزء الأول
رواية حطمت قلبي الجزء الثاني البارت الأول
رواية حطمت قلبي الجزء الثاني الحلقة الأولى
بعد مرور 3 سنين اصبح اسر في التامنه من عمره و زين ابن ادهم. يصغره بشهور وليان بنت حسام واسيل بنت مازن وسليم ابن هشام وعمرو ابن عمر كلهم في السابعه من عمرهم اما عن التؤام المميز مريم ومكه في السادسه من عمرهم
في الصباح في فيلا السيوفي قامت عشق ودخلت تاخد شاور وبعدين طلعت لبست دريس روز وحجاب من نفس اللون وتليفونها رن
عشق الو يا اتش صباح الخير يا حبيبي
هشام صباح النور يا شوش المهم البنات صحيوا انهارده اول يوم مدرسه ليهم
عشق انا هصحي مراد يصحهيم انا مش قادره اناهد بصراحه
هشام بضحك انا كده كده هودي سليم هعدي عليكي واصحيهم انا
عشق تبقي عملت احلي واجب والله يلاا باي
هشام باي
وعشق راحت جمب مراد تصحيه
عشق وهي حاطه ايديها علي خده اكملت مراد حبيبي اصحي يلا يا مراد هتتاخر علي الاجتمااااع
مراد بنوم حاضر يا حبيبي هقوم اهدي خمسه
عشق ولا خمسه ولا سته يلا قوم
مراد وهو بيفتح عينه اكمل بحب صباح النور علي نورعيوني
عشق بحب صباح الخير ياحبيبي
مراد بخبث مش بتتقال كده وقرب باسها واكمل بضحك بتتقاال كده
عشق بكسوف والله انت قليل الادب قوم يلا انا رايحه اعمل فطار للعيال ورايحه تقوم مراد شدها فبقيت هي تحته واكمل بحب سيبك منهم بلا العيال
عشق بضحك مراد اوعي مش وقتك وانت هتتاخر كده والعيال مش هتفطر
مراد بحب وهو بيقرب من وشها اكمل مش مهم الشغل ايه القمر ده مش هتبطلي تحلوي
وفي نفس الوقت الباب خبط
مراد بعيظ مين ابن الجزمه ده وقته واكمل بصوت عالي مين بيخبط
اسر ده انا يابابي
عشق بهمس اوعي علشان اسر بيخبط اشوفه عايز ايه
مراد هو انا جايبهم يقرفوني
عشق بضحك وهي بتقوم عيالك بقي
وظبطت هدومهاا وفتحت الباب واكمل وهي بتوطي لمستواه حبيب مامي ايه ياروحي عايز ايه
اسر مامي انا خلصت لبس بس مريم ومكه مصحيوش وانا عايز امشي
عشق هتمشي مع مين هشام لسه مجاش استناه
اسر لا هركب الباص مش عايز اتاخر
عشق بحب انت شاطر زيي والله يا اسور مش الحيوانات الكسولين اللي جوا دول
مراد بحب مفيش صباح الخير لبابي
اسر حضنه واكمل صباح الخير يابابي
مراد بحب قلب بابي انزل افطر مع تيته ايمان لحد ماخواتك يخلصوا وروح مع خالك هشام متروحش باص لوحدك
اسر ماهما كده هياخروني
مراد بضحك لا مش هتتاخر يا باشا متقلقش
عشق ايه سر حبك للدراسه يا واد يا اسر علم اخواتك شويه
اسر علشان انا عايز ابقي ظابط فا لازم اذاكر
مراد بضحك ظابط مره واحده
عشق بضحك احلي ظابط في الدنيا
اسر اه نفسي اكون ظابط
عشق ربنا يحققلك كل ما تتمني يا نورعيني يلا روح افطر مع تيته تحت وانا هنزلكم
اسر حاضر ونزل
وقامت عشق فتحت الدولاب تجيب لمراد البدله اللي هيروح بيها الاجتماع
مراد جيه حضنها من ضهرها واكمل كنا بنقول ايه
عشق بضحك لا مقولناش يلا اهو لبسك خد شاور والبس وانزل وراحت هي نزلت
مراد بضحك ماشي يا عشق
عشق صباح الخير يا ماما
ايمان صباح النور يا حبيبتي
هشام دخل صباح النور يا جماعه
الجميع صباح الخير
هشام هااا فينهم
عشق فوق اطلع بقي
في اوضه البنات هشام دخل
هشام مكه مريم بت قوموا يلاا
مكه بنوم عايزه انام شويه
مريم بس سبونا
هشام بضحك ده انا اتش حبيبكم
مكه ومريم بفرح اتششش قاموا بسرعه وحضنوه بفرح
هشام بحب ضمهم اكتر اوكمل حباااايب اتش من جوه يلا بقي نلبس وعلي المدرسه
مكه اتش انا مش عايزه اروح خايفه
مريم وانا خايفه
هشام خايفين من ايه ما كل عياال خالكم وعمكم بيروحوا
مكه خايفه يكونوا بيضربوا في المدرسه سليم قالي كده
هشام يا ابن الكلب يا سليم لما انزله يا موكا مفيش الكلام ده هو بيخوفك بس
مريم بحزن يعني مفيش ضرب
هشام بحب لا يا روما هما بيضربوا الفاشلين بس وانتوا شاطرين يلا البسو بقي ولا انادي مامي
مكه ومريم لا هنلبس
تحت في الفيلا
عشق ايوه شاطر يا سولي منتا حليت المسأله صح اهو
سليم عيب عليكي يا عمتي قولتلك
عشق باسته من خده واكملت قلب عمتك انت اعملك سندوتشات مع عيال عمتك
سليم لا ماما عملتلي مش عايز
هشام وهو نازل ده انا هشرب من دمك يا سليم
سليم استخبي ورا عشق واكملب بخوف ايه يا بابا في ايه
عشق ماله يا هشام عملك ايه
هشام بعصبيه الحيوان بيخوف مكه من المدرسه وبيقولها المدرسين بتضرب
سليم اه قولتلها كده بس علشان تذاكر والله
عشق بضحك خلاص يا هشام متخوفش الواد تعالي يا قلبي مش هيكلمك وحضنته
هشام ماشي يا حيوان ماشي
ندي يابني تعبت امي امسك يا زين
زين مش عايز مش بحب اللبن انا
عشق سبيه يا ندي هتغلبي روحك ياما علي ايه
ندي يا شيخه ده دماغه ناشفه زي اللي جابه ايه ده
ادهم بضحك مسكها من قفاها واكمل مالك بللي جابوا انتي متحترمي نفسك شويه
ندي بضحك محدش يقدر يتكلم يا كبير انا كنت بهزر
اسر زين يلا اتاخرنا نروح اانا وانت باص
عشق بحده ماقولنا استني اخواتك بقي
مراد وهو نازل من علي السلم صباح الخير يا جماعه في ايه يا عشق صوتي عالي ليه
عشق ابنك مستفز كانه رايح الجنه مش عايز يستني اخواته ولسه فاضل ساعه بحالها
اسر علشان كنت عايز اسال المستر علي حاجه قبل المدرسه
عشق تساله علي ايه
اسر طلع كتابه واكمل الحته دي مفهمتهاش في القلب
عشق ياااموري يااا موري يعني عمك وخالك وابوك وامك ومرات عمك كلهم دكاتره ومصدعنا من الصبح علشان القلب ده انا اللي قلبي هيقف من الشلل
ايمان بضحك اهدي يا عشق ده عيل صغير
مراد بضحك تعالي يا اسر تعالي يا حبيبي وريني عايز ايه وانا هفهمك واكمل اهدي يا عشق هو عايز يذاكر ويكون فاهم انتي مش بيعجبك حاجه خالص
عشق بغيظ لا ازاي برافو يا خبيب ماما انا داخله احضر الفطاار
ندي استني هاجي اساعدك
في المطبخ
ندي مالك
عشق مفيش يا حبيبتي
ندي كلمتي مراد علي اللي قولتيلي عليه
عشق بتنهيده اه وشكله مش هيرضي
ندي طبطبت عليها ولو مرضيش خلاص متعمليش مشاكل وربنا يهون علي قلبك وصدقيني مهما تلهي نفسك الغاالي هيفضل غاالي وفي الذاكره
عشق نزلت منها دموع ومسحتها واكملت عندك حق يلا بس علشان متاخرش علي العيال
وفعلا ندي وعشق حضروا الفطار
عشق بحب سولي امسك توست الجبنه ده انت بتحبه
سليم لا مش جعان
عشق شالته حطيته علي رجلها واكملت لو بتحب عمتو كل علشان تركز يلا
هشام ده عزه بتغلب معاه وش ليل نهار
ايمان بضحك هي كده تربيه الولاد بلذات صعبه
ونزلوا مكه ومريم
مراد بحب اميراااتي الحلوين
مكه ومريم حضنوه ومراد شالهم واكمل بحب ايه الجمال ده كبرنا وهنروح المدرسه
مريم بابي ممكن تبقي تودينا مره
مراد باس خدها واكمل عيون بابي بس انهارده مشغول فروحوا مع اتش
مكه اه هنروح مع اتش المره دي
وبعد الاكل عشق حطت السندوتشات لعيالها وكذلك ندي لزين وهشام خدهم ومشي
مراد وهو بيبوس راس عشق اكمل انا همشي عايزه حاجه يا حبيبي
عشق اه فكرت في اللي قولتلك عليه
مراد بحده عشق ممكن تقفلي علي. الموضوع ده
عشق ليه يا مراد فيها ايه ما انزل اشتغل معاك في المستشفي انا متعلمتش وبقيت دكتوره علشان اقعد في البيت
مراد بحده وانا قولت لا انتي عارفه ان في حد بيلعب عليا وانا معرفوش مش هسمح بأي خسارات تاني
عشق بعصبيه ودموع مراد اللي حصل من سنتين انت ملكش علاقه بيه ده قضاء وقدر
مراد بعصبيه صوتك ميعلاااش والا هتزعلي مني لما اعرف مين بيأذي الناس في المستشفي بتاعتي وبيلعب عليا ويتحبس ولا يغور انا هخليكي تشتغلي
عشق بدموع بس قاعده البيت بتخليني افكر كتير يا مراد انا تعبانه ارجوك اعذرني وقدر ده
مراد باس راسها بدموع واكمل مش لوحدك يا عشق انا بردو بموت وملزوم اني اجيب حق ناس كتير ماتت وبيتعلمها عمليات مشبوهه في حوار كبير يا عشق وانا دخلت فيه ارجوكي بلاش تكوني طرف انا مش قادر اتحمل
عشق بدموع ماشي يا مراد
مراد حضنها واكمل وهو بيمسح دموعها متزعليش مني بس غصب عني حاولي تلاهي نفسك بأي حاجه في البيت وباس راسها ومشي
ندي بحزن اهدي يا عشق وقولي يارب
ايمان بحزن هو انتي مش هتتطلعي من اللي انتي فيه ده يا عشق
عشق بدموع اطلع من اللي انا فيه ليه هي لعبه ضاعت مني يا ماما وطلعت علي اوضتها وقفلت الباب
في المستشفي
شرين بس كده يا دكتور مراد محصلش حاجه تاني
مراد ماشي فتحي عينك يا شرين لازم نجيب ادله علي الكلاب اللي شغالين هنا دول وبيتسببوا في موت الناس وبوذان سمعه المستشفي
شرين بس دول وراهم حد كبير اوي ومحدش يعرف عنه حاجه وكل خطوه بيعملوها مدروسه
مراد اممم منا عارف وانتي اي حاجه تحصل قوليهاالي وسبيها عليا
شرين تمام يا فندم عم اذنك
هشام اشمعنا شرين اللي اختارتها تراقب الوضع انت واثق فيها
مراد انا مش بثق في شغلي غير فيك وفي ادهم وشرين وطارق ابن عمي الشهاده لله كل سنه لما بيجوا من البلد بيعمل معايا حبه شغل حلوين دماغه حلوه وانا مش هدخل اطراف كتير اللعبه دي يا هشام
هشام بتنهيده ربنا يستر
ادهم والله انا مش مطمن اصلا للموضوع ده. ناس زي دول عايزين تخطيط صح ومفهوش غلطه علشان اي غلطه بفوره
مراد لا وانا اصلا مش طايق نفسي وخايف عليكم كلكم وعشق عايزه تيجي تشتغل هنا اه وتسمع حاجه ولا تعرف حاجه ويضغطوا عليا بيها وتحط نفسها في خطر
هشام اوعي تسمع كلامها وتخليها تشتغل
مراد مستحيل طبعا المستشفي دلوقتي زي الغابه ولازم اللي يدخلها يكون متحصن كويس
ادهم. بحزن بس انت عارف انها غصب عنها يا مراد هي عايزه تشتغل علشان تنسي شويه
مراد بحزن تنهد واكمل موجوع زيي زيها يا ادهم
هشام بدموع ربنا يصبر قلوبنا
في الفيلا كلهم متجمعين
ايمان اومال احنا جبنا الفيلا الكبيره دي ليه يا اسراء ما كل الرجاله اشتركت فيها واتفقنا هتنقلوا كلكم هنا علشان نكون سوا
اسراء علشان منتقلش عليكم يا ماما
ندي انتي هبله يابت. ده مش بيت اخواتك بس جوزك دفع في الفيلا دي وحسام و هشام كمان ايه كلامك ده
اسراء خلاص يا جماعه قومتوا فيا كده ليه هنيجي ننقل بس في الاجازه بتاعت العيال
ندي هنشوف البشوات بتوعنا هيقرروا علي ايه ونرتب
اسراء علي رايك بس فين عشق
ندي بحزن في اوضتها نفس الوضع
اسراء طب هطلعلها
ندي خديني معاكي
في اوضه عشق اسراء خبطت
عشق وهي بتمسح دموعها ادخل
اسراء دخلت واكملت بحزن قاعده علي الارض ليه
عشق وهي ساكته بس دموعها علي خدها اكملت عادي مخنوقه شويه
ندي لحد امتي يا عشق
عشق بعصبيه ليه محسسني اني اوڤر ومش من حقي ازعل علي ادم
ندي بحزن تاااني يا عشق تاني ادم
اسراء بحزن ادعيله بلرحمه احسن
عشق بعياط وعصبيه اااه تاني وتالت ليه محسسني انه كلب او خاتم وضيعته ده ابنييي فاهمين يعني ايه حته مني تموت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حطمت قلبي الجزء الثاني)
للعودة لقراءة الجزء الأول من الرواية اضغط على : (رواية حطمت قلبي)
تعليق واحد