رواية إمتلاك بالإجبار الفصل الثاني عشر 12 بقلم هاجر عبدالحليم

رواية إمتلاك بالإجبار الجزء الثاني عشر

رواية إمتلاك بالإجبار البارت الثاني عشر

رواية إمتلاك بالإجبار الحلقة الثانية عشر

فى فلة الالفى
عيون فتحت عينها فجاه لقت جاسر بيبصلها بحيرة
قامت مفزوعة وقالت:ايدة فى ايه
جاسر:محتار اوى
عيون باستغراب:مش فاهمة…محتار ليه.. قصدك يعنى علشان خاطر جوازنا
جاسر:هو انتى ايه اللى خلاكى تتنازلى عن المحضر اللى تقدم ضد العزبى
عيون بصدمة:انت عرفت ازاى
جاسر:متجاوبيش سوال بسوال
عيون بتوتر:ايوة اتنازلت عن المحضر
جاسر بعصبية:وليه عملتى كدة…عيون المرة اللى فاتت ربنا ستر ولحقتك…بس ممكن المرات الجاية لا….الله اعلم هو ناوى على ايه من ناحيتك
عيون:متتعصبش عليا لو سمحت وبعدين مالك قلقان كدة ايه
جاسر:انا مش قلقان…ولو انا اتعصبت عليكى فدة حقى
عيون:طالما مش قلقان بتتكلم ليه فى الموضوع دة…لو العزبى ناوى على حاجة وحشة انا اللى هروح فى الرجلين مش انت
جاسر اتعصب زيادة وقام من على الكرسى اللى كان قاعد عليه وقعد على السرير جميها ومسك ايدها جامد وقال بنبرة قاسية:الظاهر مش عارفة انتى متجوزة مين…عيون مش معنى انى مش بحبك يبقى مخافش عليكى واحاول احميكى على قد مقدر…انا مش فاهم ليه عقلك صغير كدة.. ليه خرجتيه من السجن انطقى.
عيون:علشان اننقم منه
حاسر بسخرية:لا ياشيخة وهتقدرى تعملى كدة ازاى
عيون:لسة مش عارفة
جاسر باستغراب:مش عارفة…لا انتى مجنونة بجد…بقولك ايه روحى صحى بسملة علشان المدرسة
عيون:انا كمان رايحة معاها
جاسر بحزم:عيون كلمة زيادة واتحول عليكى سامعانى…مفيش شغل خالص ودة اخر كلام
عيون:يعنى ايه مفيش شغل هو انا اتعلمت علشان اقعد فى البيت
حاسر بزعيق:عيون بلاش مناهدة قولتلك روحى صحى بسملة امشى
عيون خافت من نبرة صوته
فنفذت اللى هو قاله
فى حارة العزبى
فى بيت اعتدال
ايات:دة راجل معندوش ريحة الدم تصورى قالى انى حلوة اوى
اعتدال بخوف بس حاولت تخفيه على بنتها:عادى يعنى ياايات اكيد بيجاملك…الموضوع مش مستاهل الخوف دة كله
ايات:انتى اللى بتقولى كدة ياماما..وانا بقول عليكى تفهميها وهى طايرة…ياحبيتى من الاخر كدة العزبى عينه منى
اعتدال:يانصيبتى السودة…يعنى انا اصرف عليكى كل دة وفى الاخر تتجوزى جزار
ايات:والله لو على موتى انا استحالة اتجوز الانسان الهمجى دة…وبعدين متقلقيش ياماما انا قاعدة على قلبك مش ماشية عن اذنك داخلة اوضتى
ودخلت اوضتها
اعندال بخوف:يالهوى يالهوى ونبى يارب احمى بنتى من الشرانى العزبى…دة راجل زبالة ومزواج وانا لا يمكن اديلة ايات.لا انا احسن حاجة ادور على عريس مناسب ل ايات ويكون كويس وسند ليها على الاقل علشان يعرف يحميها منه
فى اوضة ايات
ايات قاعدة على اللاب توب بتاعها
فجاه تليفونها رن
كان مومن هو اللى بيتصل
ايات بعصبية:بتتصل بيا ليه ها…انت مش قولتلى انك مش عايزنى…فلما تتصل بيا تانى دة اسميه ايه
مومن:انتى مشيتى من غير مخلص كلامى وبعدين مين قالك انى هتخلى عنك
ايات:مومن لو سمحت انا عايزة ابعد… سيبنى ف حالى
مومن:صدقينى مش هقدر لانى بحبك…لو بعدتى عنى هكون عايش جسم من غير روح
ايات بقسوة:بقولك ايه يامومن وحيات ابوك بلاش جو المسلسلات الهندى دى علشان الصراحة مش بحبها….حاجة طبيعية انك تختار عيلتك وتفضلهم عنى انا مش مضايقة…وبالنسبة للوعود اللى انت قولتى عليها انا اهو بحررك منها
مومن:بلاش تكونى قاسية كدة…انا محتاجك جمبى ودلوقتى انتى اللى بتتخلى عنى مش انا.هقنع اهلى بس اصبرى عليا دة انا لسة قايل الموضوع دة امبارح
ايات هديت شوية
مومن:رايحة الرحلة
ايات:ملكش دعوة
مومن:يعنى رايحة طب تمام…سلام موقت لحد م شوفك بكرة فى الجامعة
ايات:مومن
مومن:قلبه
ايات:الصور فين
مومن:معايا متخافيش هحيبهالك بكرة ان شاء الله
ايات:ماشى سلام
مومن:سلام ياقلبى
وقفل
فى فلة الالفى
ترن ترن
عيون:الو
المديرة:ازيك ياعيون
عيون:الحمد لله..خير
المديرة:احنا محتاجين ولى امر بسملة ضرورى
عيون بقلق:ليه مالها بسملة
المديرة:الحقيقة اتخانقت مع صاحبتها وفيه حاجة تانية حصلت مش هينفع اقولها فى التليفون
عيون:حاضر انا جاية على طول مسافة السكة سلام
المديرة:سلام
قفلت مع المديرة جت ترن على جاسر بس تليفونه مقفول
فقررت هى اللى تروح
فى الشارع
عيون خدت تاكسى وقالتله على المكان اللى عايزة تروحه
واول موصلها نزلت وهى بتديله الفلوس
الراجل:متجييى رقمك
عيون بعصبية:انت مجنون ووقح بقولك ايه انا شكلى مش هديك الفلوس انا هديك بالروسية فى وشك اللى منتهى الصلاحية دة وتعرف كمان مفيش فلوس وورينى هتعمل ايه بجح
الراجل نزل من العربية وقال:انتى عبيطة تعرفى لولا انك حرمة كنت طلعت المطوة وعلى بطنك عدل وايه بالعة راجل فى بقك اتكلى من هنا اصل بصراحة مليش فى الخشن
وركب العربية ومشى
عيون بارتياح:الحمد لله والله كنت خايفة يتجنن ويطلع المطوة فعلا بس الحمد لله ربنا ستر
فى مكتب المديرة
عيون دخلت لقت بسملة وبنت تانية متزنبين
عيون بخوف جريت على بسملة اللى عمالة بتعيط
عيون:مالك ياحبيتى متعيطى ليه
بسملة بعياط:بسملة عملت حاجة لا
المديرة بزعيق:بسملة بلاش تكدبى وقوليلها انتى عملتى ايه بصراحة وانتى ياعيون كان لازم تجيبى جاسر هو اللى يقدر يتفاهم مع بنته
عيون:بسملة بنتى انا كمان ومتنسيش انا اخصاءية يعنى مهم جدا اعرف هى عملت ايه يمكن فى مشكلة نفسية هى بتعانى منها وان شاء الله انا هقدر احل المشكلة دى
بسملة ياحبيتى ايه اوعى تخافى منى ماشى
بسملة:بسملة تخاف من عيون لا
عيون:ايه اللى انتى عملتيه
بسملة:بسملة ضربت نوران اه
عيون:ليه ضربيتها هى عملتلك حاجة
بسملة:نوران خدت مكان بسملة اه
عيون:دة سبب يخليكى تتضربيها
نوران:ممكن اتكلم
المديرة:اتفضلى يانوران
نوران:سلمى تحب تقعد فى الاول وهى طويلة فمش بشوف حاجة من على السبورة روحت قولت للمدرسة قالتلى اقعدى فى الاول مكان بسملة
فلما بسملة جات قومتنى بالعافية وكمان شتمت المدرسة بتاعتنا علشان رفضت تخلينى اقوم
بسملة بصريخ:نوران كدابة اه بسملة عملت حاجة غلط لا
عيون بحزم:بسملة بطلى صريخ والا هعاقبك اسوا عقاب فاهمة
انا اسفة اوى يانوران
نوران بزعل:انا اتعاقبت ومليش اى ذنب هى اللى غلطت الاول مش انا
عيون:معلق حقك عليا انا اسفة
بعد شوية كلام عيون قدرت تهدى الموضوع بين بسملة ونوران
بسملة وعيون ماشيين ناحية بوابة الخروج
وفجاه لقوا جاسر فى وشهم اللى اتصدم لما شاف عيون هو قالها متروحش معقولة كلامه ليها مكنش فارق معاها
فى حارة العزبى
على القهوة
حديدة:لقيتك الولا سمسم يامعلمى
العزبى:عفارم عليك يلا ياحديدة
حديدة:بس انت مهتم بالموضوع دة ليه يامعلمى
العزبى:وانت مال اهلك…يلة شوف حالك
حديدة:امرك يامعلم
العزبى:خد يلا …فين العنوان
حديدة:اتفضل يامعلم اهو العنوان
العزبى:ماشى ياخويا اتكل يلة
العزبى ف سره:لا انا لازم اشوف الولا سمسم هو الوحيد اللى هقدر اقوله على اللى ناوى اعمله
اى نعم هو خلع لما اتقفشت بس برده هو الوحيد اللى هقدر اخليه دراعى اليمين
فى بيت اعتدال
اعتدال بقلق:اخوكى فين ياايات مش باين خالص ونليفونه مقفول انا قلبى واكلنى عليه
ايات:متقلقيش ياماما اكيد عند صاحبه هو عيل صغير هيتوه
اعتدال:مش باخد منك غير كلام وبس يابنت اعتدال
وفجاه لقوا احمد داخل البيت
اعتدال جريت عليه وقالت:كنت فين يبنى قلقتنى عليك
احمد:ماما انا عايز اقولك حاجة
اعتدال:قول ياحبيبى سامعاك
احمد:انا قررت اتجوز
اعتدال بفرحة:بجد يااحمد يعنى قررت تتجوز
احمد:ايوة ياامى هتجوز لحد امتى هفضل اهرب من الجواز انا خلاص فهمت ان عيون دى مكنتش نصيبى من الاول
اعتدال:عين العقل يااحمد ومين اللى قررت تتجوزها واحدة عرفينها يعنى
احمد بتوتر:لا انتوا مش عارفينها..الحقيقة انا لسة متعرف عليها
ايات:متخلص يااحمد واتكلم بسرعة
احمد:دى واحدة اسمها اثير بتشتغل رقاصة فى كباريه😱
فى فلة الالفى
جاسر دخل الفلة متعصب وكان بيزعق
فاطمة قالتله انها متعرفش حاجة
فاستننج ان عيون خرجت من غير متقول لحد دة عصبه زيادة وطلب من بسملة انها تطلع اوضتها
من خوفها وافقت وطلعت
جاسر استاذن وشد عيون من ايدها وطلع للاوضة بتاعتهم
فى اوضة جاسر وعيون
عيون:سيب ايدى مالك انت بتجر جاموسة ولا ايه
جاسر بعصبية شدها على الحيطة وقال:تعرفى انا دايما بقاوم احساسى انى عايز اقتلك او اضربك بس بطريقتك دى هتخلينى اعمل كدة فعلا
عيون بخوف:استهدا بالله انا معملتش حاجة…انا كلمتك علشان اقولك بس تليفونك كان مقفول فبالتالى معرفتش اوصلك…وبعدين انا مروحتش الصين انا روحت المدرسة علشان خاطر بنتك بدل متشكرنى تعمل كدة
جاسر بتناكة:اشكر مين…انتى جرا لعقلك حاجة وبعدين لما تغلطى اتعلمى تقولى اسفة ولا اهلك علموكى بس قلة الادب والرد على جوزك…انتى بتاوحى فى الغلط وبعدين انا مش قولتلك مفيش خروج الا باذن بس لا انتى واحدة مبستمعش الكلام خالص
عيون بعصبية:انت ازاى تتجرا وتجيب سيرة اهلى على لسانك…على فكرة اهلى علمونى كويس اوى تعرف لو انا قليلة الادب فعلا كنت عملت ايه كنت ضربتك قلم دلوقتى
جاسر اتعصب وضربها قلم
وشدها من شعرها وقال بعصبية:نضربى مين سمعينى كدة تانى لا الظاهر انى كنت غلطان لما افتكرت انك طيبة على عكسها بس لا قسما بالله لهوريكى الحجيم شكله ايه بكرة انا عامل حفلة كبيرة وانتى اللى هتنظميها وكمان هتخدمى على الناس اللى جاية
عيون بتحدى:هو انت كدة بتذلنى يعنى..ماشى ياجاسر ان
جاسر:سورى على قطع كلامك من هنا ورايح اسمى جاسر بيه مش جاسر مفهوم
عيون اتضايقت وقالت:مغهوم ياجاسر بيه