رواية عشقك لعنتي الفصل التاسع 9 بقلم شروق مجدي

رواية عشقك لعنتي الجزء التاسع

رواية عشقك لعنتي البارت التاسع

رواية عشقك لعنتي الحلقة التاسعة

بمجرد خروجها من شقته اغلق الباب وتنهد بتعب وهو يحاول ان يهدى من نفسه يقول: اهدى زيدان انت اي حصلك ازاي تتهور كده مين دي عشان تضعف معاها كده لاء دي اهم حد في حياتي دي حياتي كلها لو اقدر اهرب بيها بعيد عن كل ده كنت عملتها حالا اااااه نور قولت هبعد عنك ومش عارف ولا قادر حتى اقرب منك مع اني واثق انك بتعشقيني واتذكر وهي تذوب بين ايديه من مجرد قب،له فقط كانت تائهه معه لبعيد
اتجه للفراش ونام عليه ووهو يتذكر أيضا خجلها منه
ولاكن جلس بصدمه وهو يتذكر الظرف و الايميل واتجه سريعا يجهز عمله وهو يضحك على تلك الفتاه التي سلبت عقله بالكامل
…………………………………..
اتجه ليفتح الباب وجدها نيار نظر لها بهدوء شديد واتجه للداخل
نيار : اي يا مارو بحاول اوصلك وانت ولا هنا
جلس ببرود : انتي عايزه اي بالظبط
اقتربت منه بدلال : بحبك وعيزا اكمل معاك
عمران : وانا كده
نيار : اه وانت كده كنت تعبانه نفسيا صدقني سامحني بقه
ظل يفكر بحديثها
دق الجرس مره اخرى
وقفت نيار بدلال : استني افتح انا واتجهت للباب وفتحت
ناهد بصدمه : نيار بتعملى اي هنا
نيار بضيق : اهلا يا طنط اتفضلي
ناهد وهي تنظر لهم وتضع الغداء على السفرة : هي نيار بتعمل اي هنا يا عمران
عمران : ياعني بنفكر نرجع لبعض
نيار بفرح: انا بحبه يا طنط والله قولي له يحن بقه
ناهد بضيق : هو مش صغير وعارف مصلحته فين
عمران بهدوء شديد: ياعني حضرتك معندكيش مانع لو رجعنا
ظلت نيار تنتظر ردها بيضيق فهي مجرد خالته لا دخل لها بهم ولاكن عمران يعتبرها اكثر من ذلك بكثير
عليها ان تتحمل الى زواجهم ذلك المشوه وخالته الغبيه
ناهد : عادي يا حبيبي بدال ده يريح مبروك عن اذنكم
نيار بفرح وهي تقترب منه : انا بحبك بحبك قوي و احتضنته بقوه
تنهد هو بضيق يشعر باختناق من قربها ليس سعيد كما كان من قبل معاها لماذا هو يختنق الان
وقف ببرود وهو يقول: تعالى ناكل جلست معه بفرح: وحشني اكل طنط ناهد اوي وبدأت تأكل
ظل يراقبها ببرود فهي لا تنظر له وتساعده عكس ليان ليان اااااااه ليان
نيار : انت مش بتاكل لي
عمران : اصل طاجن بامية و بيتاكل بالعيش وانا بتعب في تقطيع العيش قاطعته ببرود : عندك حق كانت المفروض تراعي ظروفك وتعمل رز مش فاهمه انا اي ده على العموم هاكل و اطلب لك اكل من برا بقه
نظر لها ببرود وفي نفسه اهل لم يخطر على بالها ان تقطع هي الخبز ام انها لا يهمها الامر بالمره وهل تعايرني الان بظروفي اي ظروف تقصد هي
…………………………………..
ناهد : ليان تعالى كلي بقه يا بنتي انتي قولتي لو عملتي البامية هتاكلي من امبارح مكلتيش
اتجهت لها وهي تنظر للطعام : انتي مش عامله رز عشان عمران
ناهد : لاااااء
ليان بغيظ : هياكل بقه ازاي يقعد يقطع العيش مش بيعرف طب كنتى اطعى له يا ماما
ناهد وهي ترتب الاطباق : عنده الي يقطع له
ليان بعدم فهم: قصدك اي مش فاهمه عنده ضيوف
ناهد: اه يا ليان عنده نيار وكمان رجع لها وقريب تحضري فرحه خلاص كده التحقيق خلص نشوف حياتنا بقه ونركز ولا اي يا بنت بطني
دمعت عيونها بصدمه : هو قال كده انه رجع لها
ناهد بدموع وهي تقترب منها : اه قال كده يا بنتي شوفي حياتك بقه واهدي ابوكي جوا ليسمعك الله يهديكي
مسحت دموعها وجلست ببرود تنتظر والدها لتأكل معهم
بالفعل اقترب الاب واكل كل منهم وبعد انتهاء الطعام استأذنت هي لتصعد لريم
…………………………………..
ريم خلاص يغور بدال هو مش عايز
ليان : بقولك ضعف معايا كنت حاسه بيه كان بيتمنى قربي قلبه كان بيدق بقوه و غيرته عليا بالفستان غيرت واحد على حبيبته مش اخته ابدا
ريم: ممكن يكون عقلك بس الى مصور ليكي كده انا عمري ما شفت عمران بيبص لك غير اخت مش اكتر
ليان بغضب : ياعني انا كدابه
ريم بتعب : لا ياستي انتي صح وهو اختار نيار نعمل اي بقه نقتله
ليان وهي تتجه للخارج : انا الي هعمل صبرك عليا ونظرت لها واكملت : ياسين فوق صح
مريم بأستغراب : اه رجع امبارح من مطروح وكان نازل ليكي انهارده يسلم عليكي بس ليه
ليان ببرود : هطلع له اناااا و اغلقت الباب خلفها
مريم: اه كده خربت انا عارفه
…………………………………..
دق الجرس اغلقت سريعا نورهان اللاب توب وهي تزيل الاشياء وتضعها تحت خداديه الاريكه بخوف وعدلت من مظهرها واتجهت للباب
زيدان: اي برن الجرس بقالي كتير فينك
نورهان بخجل : اااه كنت في الحمام اتفضل
زيدان: تعالى انتي الغداء جاهز يا فندم ولا اقولك اجيبه وناكل هنا اي رايك تغيير
نورهان : لا عادي اغير هدومي واجي ثواني
اتجهت للداخل و اغلقت باب الغرفه
دخل خلفها ينظر للشقه وهو ينتظرها الي ان وقعت عينيه على شئ بالارض اقترب وجذب الشئ كانت ورقه ورقه لاصق اظرف خاصه اكتر بمنظمات او اجهزه دول
زيدان بصدمه : نورهان انتي نظر حوله لعله يكتشف شئ ولاكن لا يوجد شئ وفتح اللاب توب وجده مغلق برمز نظر بترقب وقرر ان يفهم هل هي تبع منظمه ام مخابرات وضع اللاصق في جيبه وعاد سريعا لشقته يرتب بعض الاشياء
خرجت بالفعل وهي ترتدي ترنج ضيق بعض الشئ ولونه سماوي وترفع شعرها للاعلي واتجهت لشقته ودخلت نظر لها و في نفسه: ااااه يا نور قربك منى خطر اوي اوي
نورهان: يلااااا
اتجه للطاولة جلست تاكل باستمتاع رهيب وهي تقول: اكلك اكثر من رائع كل مره بتبهرني
ابتسم بهدوء وقرر يترك لها مساحه بالبيت
زيدان: النسكافيه خلص هنزل سريعا اجيب واجي
نورهان: امممم طب اطلب دليفري
زيدان: مش مستاهل بسرعه وجي
رحل بالفعل
وقفت سريعا وفتحت اللاب توب وبدأت تبحث عن اشياء ولاكن كل شئ بباس ورد
تحدثت سريعا لادهم بالفون : حضرتك انا فتحه اللاب توب حالا فين اللينك عشان كبتن مازن يخترق الجهاز
بالفعل بعت لها مازن رابط وتم الاختراق ولاكن العمليه تفشل كلما يتم الاختراق
مازن : في حاجه غلط يا ادهم هو لسه حاطت فشل الاختراق ده ل اي رابط من دقايق كان باس ورد بس
ادهم : قصدك اي وضح اكتر
مازن : مش عارف
شعرت نورهان بقربه من الباب اغلقت سريعا اللاب توب والموبايل وجلست مكانها
فتح زيدان الباب ووضع الاشياء بالمطبخ وهو يبتسم لها واقترب من اللاب توب ولاكن نظر له ببرود كان يضع عليه بقايا من اظافر يديه وليست بمكانها
ابتسم ببرود لانه تاكد انها فتحته وعاد للمطبخ يجهز الايس كوفي هو يجب عليه معرفه هل هي تبع منظمه ام مخابرات اولا ليحسن التصرف هو متاكد من عشقها له ولاكن هي تلعب نعم تلعب اتلعبين مع ze يا فتاه اذن لنبدأ المرح
وقفت تنظر له وهو يعد الاشياء وقالت : انا ياعني مشفتش انك بتنزل شغل ولا حاجه ولا انت رجل اعمال بالمنزل فقط
اقترب منها بتسليه ليلعب باعصابها قليلا وهو يضع يده على الحائط خلفها ليحاصرها : انا مش رجل اعمال
نورهان: هاااااا
زيدان بتسليه : انتي مش قولتي عليا حرامي او نصاب صح
نورهان بتوتر: ااااااه كنت متوتره من الي حصل
اقترب منها اكثر : ودلوقتي شيفاني اي بقه
نورهان بتوتر : ااااااه الايس كوفي مش هنشرب
زيدان وهو يهمس بجانب اذنها : اي رايك لو انا حرامي فعلا أو نصاب واقترب من عنقها وهو يهمس لها ويضع يده على خصرها بتملك : اوووو جاسوس مثلا
ابعدته بقوه وغضب وهي تصفعه على وجهه : انت مين سمح ليك تقرب كده هاااااا
وضع يده علي وجهه بغضب واقترب منها : انتي اد الضربه دي وجاء يرد لها القلم ولاكن امسكت يده بقوه وهو يعلم انها ستفعل ذلك وقال لنفسه القليل من المرح مع تلك الشرسه
جاء يجذبها بيده الاخري امسكتها هي الاخري و ضربته بقدمها تحت الحزام
شد يده بقوه منها وهو يلف يدها خلف ظهرها ولاكن ضربت مشط قدمه بقوه بقدمها و بي يدها ضربت اسفل ذقنه وقع بالارض وهو ينزف من فمه بصدمه
ونظر لها بغضب: ده انتي بتضربي بجد بقه
ووقف وبحركة سريعه ادها مقص وقعت بالارض كتفها بيده و الاخري كورها ليضربها بوكس ولاكن حركت راسها ضرب الارض بقوه و بحركه سريعه
انقلب الوضع وهي التي فوقه ووقفت سريعا ووقف هو ايضا كورت يدها لتعطي له بوكس امسك يدها ولفها حولها وهو يحكم الاخري و يحتضنها من ظهرها بقوه ويلف قدمه حول قدمها ليتحكم بها وهي تتنفس سريعا و صدرها يعلو ويهبط من المجهود وهو ايضا
عشقك لعنتي بقلم شروق مجدي
همس في اذنها : خلااااص هدنه اهدي فرهضت منك استوب بقه
ظلت تحاول فك نفسها منه ولاكن هو يتحكم بها بقوه : خلاص بقه اهدي عرفت انك جامده جدا خلاص مش هقرب منك تاني انتي الخسرانه
نظرت له بغيظ : نعم
همس امام شفتيها بعشق : امممم بكرا تتحيلي عليا اقرب وانا اقول لااااء
نورهان بغضب : اوعي بقه سيب
وضع ذقنه على كتفها ببرود : تؤ عجبني وانتي في حضني كده
نظرت له بغضب فك يده وهو يضحك بقوه عليها بمجرد أن ازال يده من عليها رحلت للخارج بغضب منه وهي تجذب هاتفها من على الطاوله
…………………………………..
عند ادهم : مش فاهم ياعني اي كشفها ولا اي وضح
مازن : او ممكن شاكك او ممكن هو كان شايله وحطه تاني عادي
حاتم : والحل لازم نتصرف انت ليه رافض انها تلبس مايك وكاميرا
ادهم وهو يربع يده : الى زي زيدان ده غامض مش مفهوم وفي نفس الوقت بيعشق نور بجنون صورها الي رسمها وطريقه تعامله معاها بتقول كده اه نور تقدر تحمى نفسها منه بس كمان اانا متأكد انها بتحبه وممكن في مره تضعف معاه او يقرب منها شويه واي لمسه لمناطق المايك والكاميرا هيعرف بسهوله جدااا انها اي وده خطر فهمت لازم نفضل بعيد حاليا
توقف على صوت رنين هاتفه
ابتعد قليلا يحدث معشوقته فيروز : وحشتيني
فيروز بغضب: بلا وحشتيني بلا زفت انت فين يا ادهم
ادهم وهو ينظر لهاتفه بستغراب ووضعه مره اخرى : فيروز حبيبتي مالك
فيروز بغضب: انت فيييين ها طالع مهمه مع بنت بنت يا ادهم انت مش قولت اني الوحيده الي طلعت معاها مهمه
ادهم بغيظ فهو يعلم ان مازن من اخبرها : فيروز حبيبتي ده شغل مانا طالع مع مازن الزفت وحاتم اهو برضه
فيروز بغضب: اه بس هي معاك واكملت ببكاء شديد ما انتم كنته خمسه وانا حبيتك انت انت تتحب وامور وهي هتحبك انا عارفه
ادهم بتعب وهمس : يخربيت الهرمونات امتى تولد بقى
فيروز: بتقول اااااي ها بدال منت سايب مراتك حامل وتعبانه ومعايا اتنين قرود تيجي تساعدني داير تلف وراء الستات
ادهم بصدمه : ستات انااا واكمل بغضب : فيرووووز اتعدلي بدال ما اجي اولدك اناااا اتجننتي ولا اي
فيروز بدموع : انت بتزعق لي وانا حامل يا ادهم يارب اموت عشان ترتاح مني
شعر بخنجر اخترق قلبه بمنتهى القسوه لا لن يتحمل بعدها عنه ابدا هو يكره تلك الكلمه الموت الذي بعده عنها اربع سنوات لن يتحمل هذا وان كان مكتوب الفراق مره اخرى يرحل هو لاكن هي لا واكمل بوجع : كده يا فيروز قولت بطلي الكلمه دي وانتي برضه زي مانتي
شعرت بحزنه وقالت بأسف : حقك عليا يا ادهم بغير عليك طب طب اجي معاك واكملت ببكاء مازن بيقول البت صاروخ يا ادهم
ادهم بغيظ : انا هقتلك مازن ده قريب ان شاء الله واكمل بعشقك : حبيتي انتي كياني فيروز انا مش بضحك عليكي لما بقول مش شايف ستات غيرك او اني اصلا كلمه ستات تتلخص فيكي انتي وبس حبيتي انتي كياني كله ثقي فيا وفي عشقي ليكي
فيروز بدموع: انا وثقه فيك اكتر من روحي بس ايش ضمني بقه انها متلفش عليك و تاخدك مني هااا
ادهم بغيظ : شوف انا بقول اي وهي بتقول اي وبعدين انتي عارفه كويس اني مش باجي بالكلام ده واعتقد انك مجربه وعارفه ومين المجنونه الى تاخذني منك ده بس تعرف العلقه الي خدتها البت في الحفله منك انتي ومنى المجنونه الى ضربت معاكي عشان بس قالت اني كاريزما وهي اصلا تبعد وتخاف تقرب
فيروز بعشق : بحبك يا دومي اوي
ادهم بمرح: الهرمونات هي تقلبات مزاجيه بقيت اقرا عنها عشان اعرف اتعامل معاكي
اكملت بعشق : وحشتني يا دومي
تنهد بتعب وهو يقول: لا كده دخلنا في مرحله خطر وممكن اسيب كل حاجه واجيلك حالا اقفلي يا بت
ضحكت بقوه ودلع و همست له : تعالى
ادهم برجاء: فيروز اقفلي ها انا على اخري ارحميني سلااااام
عشقك لعنتي بقلم شروق مجدي
ونظر للداخل بغيظ واتجه ل مازن جذبه من ملابسه بغضب : انت ياض انت مش تبطل بقه بقه عندك عيال طولك وانت برضه قارف اهلى هاااا
مازن بخوف : في اي عملت اي انا الحقني يا حاااتم
حاتم بضحك : عمل اي بس يا ادهم
ادهم وهو يهزه بغضب : مالها فيروز احنا معانا بنت ولا لاء ها بتقول لها لييييي
مازن بخوف: اهدي بس هي الى كانت بتسأل اكذب ياعني
حاتم وهو يبعد يد ادهم: مانت عارف يا مازن فيروز اليومين دول مجنونه و قرفت ادهم بحملها
ادهم بغضب: اي مجنونه دي انت التاني
حاتم : الله انا غلطان انت تسيبه تمسك فيا انا وانا مالي
مازن من خلف ادهم بضحك يشاور عليه لحاتم بعلامات الجنون
ضحك حاتم بقوه ولاكن لف ادهم له بغضب رقد مازن للداخل بخوف منه وحاتم يضحك عليهم
فعلاقه مازن وفيروز قويه ولاكن هو كثير الكلام عن عملهم وهي تجن و تغضب على ادهم من اي شئ وادهم يفرغ غضبه ب مازن
…………………………………..
دقت جرس الباب فتحت لها ام ياسين ليلى بفرح : ليان حبيبتى اتفضلي يا بنتي نورتي بيتك
دخلت ليان بحرج: اصل عرفت ان ياسين جيه وجيت اسلم عليه
بمجرد ان سمع اسمها خرج يرقد للباب وهو غير مصدق انها هنا له لتسلم عليه ايعقل هذا
نظرت له بخجل لقد تغير كثيرا فهو شب قمحي البشره متوسط الطول وكان نحيف قليلا ولاكن الان له عضلات قويه و ذقن خفيفه وجسد رياضي اصبح اكثر جاذبية عن قبل
ظل ينظر لها لم تتغير فهى ليان الجميله المرحه زاد طول شعرها قليلا ولاكن ما زالت حبيبته الشقيه
انسحبت ليلى بهدوء
اقترب ياسين بفرح : لسه زي مانتي جميله
ابتسمت بحرج وهي تفرك يدها ونظرت للاسفل
تنهد بتعب وهو يقول: وحشتيني
نظرت له بتوتر اكمل هو : كنت لسه نازل اسلم عليكي
ليان : سبقتك انا ولا ده يزعلك
جذب يدها لتجلس وهو يقول بفرح: بالعكس
ليان بتوتر و حرج : انت لسه لسه ياعنى
ياسين: لسه اي قولي مالك
تحدثت سريعا: لسه عايز تتجوزني ولا لاء
نظر لها بصدمه وعدم تصديق حقا اهي تريد الزواج منه حقا ام هو أخطأ
نظرت له بتوتر : في حد تاني في حياتك
تحدث سريعا انا عمر ما كان ولا هيكون في حياتي غيرك
ابتسمت له بتوتر وهي لا تعلم اهي صح ام خطاء