رواية عندما التقينا الفصل الاول 1 بقلم أميرة محمد

رواية عندما التقينا البارت الاول

رواية عندما التقينا الجزء الاول

رواية عندما التقينا الحلقة الاولى

_ بابا انا …انا اتجوزت
_ قفل المصحف بعد م كان بيقرء وبصلها : يعني اي اتجوزتي ؟
_ دموعها نزلت ف صمت من غير م ترد
_ اتحرك ناحيتها بالكرسي اللي قاعد عليه وهزها جامد لما لاقاها ساكته : ردي عليا وقوليلي انك بتكدبي
_لا هيه مبتكدبش
_ بصو ناحية الصوت وكان شاب باين عليه لغرور
_ انت مين ؟؟
_ جوزها
_ بص لبنته :الكلام اللي بيقوله دا صحيح يا فريده
_ هزت راسها بدموع ، وأبوها سكت من ذهوله ، نزلت علي ركبتها لمستواه ومسكت ايديه
_ بابا ارجوك اسمعني ، انا اتجوزته عشان …عشان
_قاطعها لما سحب ايده منها ونزل علي وشها بالقلم : عشان اي انطقي…..!!
_ حط ايده علي وشه وعيط: ليه يبنتي انا قصرت معاكي في اي ، ليه تكسريني بالشكل ده ، ارحميني وارحمي عجزي واطلعي براا بيتي
_ الحقيقه ي عمي انا وبنتك اتجوزنا عشان بنحب بعض وهيه خافت تقول لحضرتك
_ امشو اطلعوا برااا
_ بعياط: بابا اسمعني ارجوك
_ دخل أوضته وقفل علي نفسه والشاب قرب منها وحط ايده علي كتفها اتنفضت وبعدت عنه
_ بحده: اياك تلمسني انت فاهم
_ ببرود : ممكن تهدي عشان نشوف هنعمل اي؟
_ بتعيط وبتمسح ف دموعها : منك لله انت السبب
_ بقولك ايه متلمونيش علي حاجه مش دا كان اختيارك برضو
_ بصتله بقرف : لولا ظروفي مكنتش وافقت علي عرضك دا اصلا
_ ببرود : ووافقتي
مش يلا بقي ولا اي؟؟
_ يلا فين؟
_ علي بيتي
_ بس انا مش هقدر اسيب بابا لوحده
_ ومين قال اننا هنسيبه لوحده
_ بإستغراب: قصدك ايه ؟؟
_ بإبتسامه : هييجي معانا ويعيش ف بيتي
_ اتعصبت: انا مش محتاجه منك شفقه انت فاهم ولا لا ؟
_ مسك ايديها جامد : اول واخر مرة تعلي صوتك وتتكلمي بالطريقه دي
_ سيب ايدي يا حيوان انت
_ عروقه برزت وعيونه احمرت من الغضب ساب ايديها وحاول يتحكم بأعصابه واتكلم من بين سنانه: انا عارف الحاله اللي انتي فيها ومقدر بس ياريت تلمي لسانك ده بدل م اقصهولك يبنت الحلال
_ مردتش عليه وقامت مسحت دموعها ودخلت علي ابوها اوضته ، ف الوقت اللى كان ابوها ماسك صورة مراته وبيبكي علي فراقها ف صمت
_ حضنته من ضهرة وعيطت : ارجوك يا بابا م تحرمني منك انا مليش غيرك انا عارفه اني غلطت بس والله عملت كده عشانك ، عشان تقف علي رجلك من جديد
_ حرك الكرسي بعيد عنها : وانا مطلبتش منك تعملي اي حاجه عشاني لانك بنتي وانا ابوكي مش العكس وانا مش مسامحك لحد م ربنا يفتكرني
_ عيطت : بعد الشر عليك ي بابا متقولش كدا
_ سابته وخرجت عند جوزها ووقت قدامه : نوح انا مش هينفع آجي معاك واسيب بابا لوحده
_ فريده احنا بينا اتفاق انتي ناسيه اني هعرفك علي بابا النهارده
_ زعقت : بقولك مش هسيب بابا
_ اتعصب : تمام اوي انتي اللي جبتيه لنفسك
_ بصتله بستغراب مدمش كتير فاقت منه لما مسك ايديها وسحبها
_ عماله تشد ف ايديها وتكلمه برضو مفيش فايده نزلوا تحت ركبها العربيه غصب عنها ومشيو
بقلمي اميرة محمد محمود
_____________________
_ انتي ليه بتقارني بيني وبين اخواتي ليه مبتحبنيش زي ما بتحبيهم
_ امها اتعصبت : عشان صوتك عالي وغبيه ومبتحبيش غير نفسك وفيكي كل العبر
: عيطت : بس دا مش مبرر انك تعامليني كدا ي ماما
مستنتش ردها وراحت طلعت فوق السطوح لانها عارفه ان باباها بيكون هناك ف الوقت ده
_ اتخض: مالك ي حبيبة ابوكي بتعيطي ليه ؟
حضنته : ارجوك ي بابا لو بتحبني خليني اروح اغير جو عند عمو ف القريه
_ اهدي بس وقوليلي حصل اي لكل ده ؟
_ محصلش حاجه ي بابا بس ارجوك وافق
_ اتنهد : حاضر يا روفيده
_ سكت شوي بعدين اتتفس بصوت مسموع : انا عارف إن علاقتك بأمك مش تمام الفترة دي بس ي حبيبتي هيه بتحبك واي حاجه بتقولها مش من قلبها و ..
_ قاطعته وهيه مركزه عيونها علي اللاشيء : لا ي بابا من زمان اوي وماما مبتحبنيش ، وانا صغيره كانت بتقولي ي ام شكل وحش ي تخينه حتي اخواتي الاصغر مني مبقوش يحترموني بسببها وبسبب طريقتها معايا وعدم احترامها ليا علي الاقل لاني كبيره بما فيه الكفايه وكل دا ليه لاني مش شبهكم انت ي بابا جميل وكمان ماما شكلها حلو كلكم حلوين مفيش غيري اللي مختلفه ، تعرف ي بابا انا مبقاش عندي ثقه ف نفسي ، بخاف ابص ف المرايه ، بقيت كارها كل حاجه انا تعبانه اوي ي بابا
_ حضنها من غير ولا كلمه ووقتها بس عرف إن بنته مكسورة والبعد هوة اللي هيداويها وقرر إنها هتروح عند اخوة عشان تريح نفسيتها وتستعيد ثقتها بنفسها
_ مسح دموعها وحضن وشها بين كفوف ايديه وابتسملها : انا بنتي اجمل بنوته ف الدنيا ، عايزك تعرفي ي حبيبة اوكي الكلام ده كويس فاهمه
_ هزت راسها وابتسمت
_ الانسان يبنتي مش بشكله الإنسان بقلبه لازمتها اي الملامح الجميله بس القلب خالي ي روفيده ، بصي لنفسك ف المرايه ، ركزي كده علي ملامحك هتلاقي عندك عيون زي القمر وابتسامه مريحه تخطف القلب وفوق دا كله ححابك ي ست البنات
_ حضنته : انا بحبك اوي ي بابا ياريت كل الناس تشوفني بعيونك
_ طبطب عليها: المهم انتي بتشوفي نفسك ازاي
_ هزت راسها وابتسامة امل اترسمت علي وشها وكأنها عرفت طريقها خلاص بس طبعا مش كل حاجه بتتغير بين يوم وليلة للاسف
بقلمي اميرة محمد محمود
____________________
_ في مكان تاني ، مكان محدش فينا يتمني يتساب فيه ولو بالغلط ، مكان للاطفال الايتام واللي بلا مأوى واللي اهلهم سابوهم عادي من غير م يبصو وراهم
_ف الملجأ في اوضه صغيره في ركن من غير ضوء بنت تمت العشرين من عمرها وهيه ف المكان ده ، مخرجتش ولا شافت الشارع ولا اتعاملت مع بشر كل دايرتها بتدور علي صحابها ف الملجأ وبس
_ حبيبتي انتي تميتي العشرين سنه وكمان متعلمه يعني جه الوقت اللي تسيبي الملجأ وتخرجي تشوفي حياتك
_ بصتلها بصدمه : واروح فين انا معنديش حد
_ بأسف : انا اسفه بس دي قوانين ااملجأ
_ سابتها ف حيرتها ، ف حزنها ، طب ازاي هتواجهه العالم من غير حد تتسند عليه ، العالم براا وحش اوي لو ملكش حد بتحبه ويحبك ويبقي ف ضهرك
_ قامت من مكانها وراحت جابت اسكتش الرسم وابتدت ترسم ، كل حد فينا لما بيكون تعبان بيواجهه تعبه وحزنه بالحاجة اللي بيحب يعملها
بقلمي اميرة محمد محمود
_ بعد شويه قامت لمت حاجتها وودعت صحابها ومشيت كتير ف الشوراع خايفه ، مرعوبه وعندها رهبه من كل حاجه
_ علي الجنب التاني فريده ونوح بيتخانقوا
_ انت عبيط يلا اي اللي بتعمله دا ؟
_ فكريني اول حاجه اعملها اقص لسانك ده واربيكي من اول وجديد
_ رفعت صباعها ف وشه : لو فاكرني هخاف منك واكش تبقي غلطان ي عسل
_ بقرف : اكش !!! ؟
وعسل !؟
_ اتفزعت : بص قدامك ي نوح …نوووح
_ خبطوا بنت وووقعت علي الارض ، نزلو من العربيه والناس اتلمت حواليهم بصو عليها لقوها بتنزف دم كتير
_ واحد من اللي واقفين : لا حول ولا قوه الا بالله البنت شكلها ماتت