روايات

رواية عندما التقينا الفصل الرابع 4 بقلم أميرة محمد

رواية عندما التقينا الفصل الرابع 4 بقلم أميرة محمد

رواية عندما التقينا البارت الرابع

رواية عندما التقينا الجزء الرابع

رواية عندما التقينا
رواية عندما التقينا

رواية عندما التقينا الحلقة الرابعة

_ انا موافق ي بابا اتجوزها
_ عفارم عليك يبني هوة دا الكلام
_ ابتسم : شوف ي بابا حضرتك هتعمل ايه وانا تحت امرك
_ بهدؤء : المأذون هيكتب كتابكم بالليل
_ تمام عن اذنك
_ احمد خرج وكمال نده علي نوح وبلغه باللي حصل
_ بدموع : انت لسه زعلان مني ي بابا
_ مردش عليها
_ قربت منه وقعدت تحت رجليه وسندت راسها عليها : عارفه إني غلطت وغلط كبير كمان ومستعده اعمل اي حاجه عشان تسامحني
_ رفع راسها بإيده لقاها بتعيط :ليه عملتي كدا ي فريده انا اشتكتلك يبني ؟
_ بسرعه : لا ي بابا انا عملت كده عشان اساعد نوح وهوة كمان وعدني إنو يساعدني
_ اتنهد : وسايبه بيت جوزك وجايه ليه ؟
_ عشانك ي بابا
_ فتح دراعاته : طب تعالي
_ من غير تفكير اترمت ف حضنه وعيطت وهوة عيط كمان وبعد فتره سابته ومشيت لما اطمنت عليه
بقلمي اميرة محمد محمود
_____________________
_ بالليل الكل كان مجتمع فريده ونوح وابتسام وأحمد وكمال والمأذون

 

 

_ نوح بيبص لفريده بنظرات غريبه وهيه بتتجنبه
_ بارك الله لكما وبارك عليكما وجمع بينكما في خير
_ كتب الكتاب خلص والمأذون مشي
_ انا اشتريت لكل واحد فيكم شقه جنبي هنا ودي اعتبروها هديه جوازكم كل واحد ياخد مراته ويروح شقته
_ انت بتقول ايه ي بابا عايزنا نسيبك لوحدك
_ انا مش لوحدي انتوا معايا بس علي الاقل بالليل كل واحد يروح شقته دا مفيش بيني وبينكم خطوتين
_ بس يا بابا …..!!
_ بحده : خلاص انت وهوة انا قولت اللي عندي
_ نوح خد فريده ومشيوا وأحمد قرب علي إبتسام وسندها لحد الشقه ودخلوا
_ اول م دخلوا راح سابها وقفل الباب ودخل اتفرج على الشقه شويه وغير هدومه ونام
_ إبتسام فضلت تتحرك لحد م وصلت لكرسي وقعدت عليه وفضلت تعيط
_ رجليها وايديها مجبسين وجسمها واجعها هتمشي ازاي ولا هتاكل ازاي وتغير للبسها حست بالعجز اكتر ف نامت مكانها
بقلمي اميره محمد محمود
_________________
_ انتي مين وفين بابا
_ بإستغراب : حضرتك عايز حاجه؟
_ ابتسم : بوكيه ورد من إيدك
_ بحده : نعم
_ احم ….قصدي بابا فين الحج صابر
_ بهدوء:عمي صابر جوا
_ بصلها بإبتسامه ودخل وهيه واسنغربته متنكرش انو جميل وإبتسامته جذابه
_ بعد شويه طلع مع ابوه
_ بحب : اعرفك ي عز علي روفيده لسه جديده هنا ف القريه بس بنت مية راجل
_ ابتسم : اهلا ي انسه روفيده

 

 

_ من غير م تبصله : اهلا بيك يا استاذ عز
_ طيب هسيبكم تتكلمو مع بعض وانا هعمل القهوة
_ بإرتباك : لا خليك انت ي عمو وانا هعملها
_ وهوة داخل : مش هتعمليها زيي ابدا
_ ضحك : بقي كده ماشي يا حاج
_ كل ده وهوة سرحان فيها ، حمحمت لما لقته باصصلها انتبه ليها : انتي ساكنه هنا جديد
_ بتوتر : لا انا جايه عند عمي هقعد شويه وامشي
_ بقلق : هتمشي ليه
_ بحزن : مضطره مينفعش افضل هنا كتير
_ طب ليه ؟
_ سكتت ومردتش عليه وابوه جاب القهوة قعدوا يشربوها وهما بيدردشوا
بقلمي اميرة محمد محمود
____________________
_ كانت بتتمطع لما ابتدت تصحي بس فجاءة وقعت من علي الكرسي ، صرخت بصوت عالي وعيطت، احمد صحي وجري علي بره لقاها واقعه ف الأرض وبتعيط
_ شالها ودخلها الاوضه اللي كان نايم فيها وقعدها علي السرير ، بس مسكتتش بتعيط بصوت عالي كله قهره زي م يكون بقالها كتير معيطتش
_ صعبت عليه: إبتسام اهدي هتموتي نفسك

 

 

_ بعياط: يارب اموت انا تعبت ومحدش راحمني ، ليه اهلي عملوا فيا كدا ورموني ف الملجأ لييييييه؟
تخيل تبقي عايش ف الدنيا ملكش سند ملكش حد يسأل فيك ، كل حاجه حصلت ف حياتي مكنتش بإختياري حتي انت اتجوزتك عشان …. عشان اكون واحده منكم ويكون ليا عيله تحبني واحبهم بس الظاهر اني مستهلش افرح
_ احمد قرب منها وحضنها وهيه تبتت فيه جامد : ارجوكي اهدي
_ شويه وسكتت جوه حضنه ف عرف انها نامت اتنهد براحه وغطاها وخرج يعمل ليها حاجه تاكلها وبيأنب نفسه إزاي سابها امبارح وهيه بالحاله دي
بقلمي اميره محمد محمود
____________________
_ فريده انا اسف حقيقي مكنتش…!
_ قاطعته : ايه ؟مكنتش تقصد ،انت كداب وقصدت كل حرف قولته ، بس انا مش زيك عشان كده مردتش عليك بس دا ميعنيش إني سكت عشان حاجه انت فاهم
_ بضيق : فريده انتي اللي استفزتيني
_ بقولك ايه ابعد عني بقي عشان مش طيقاك
_ سابته ومشيت وهوة واقف متضايق ، راح وراها ودخل الاوضه من غير م يخبط
_ بغضب : نوح انت زوتها اوي ازاي تدخل اوضتي من غير م تخبط
_ ببرود : اوضتنا ي هانم
_ جات تتحرك وقف قصادها ، اتحركت مره تانيه عشان تمشي برضو منعها
_ وقفت تاخد شهيق وزفير عشان متتعصبش اول م شاف شكلها قعد يضحك عليها
_ بضحك : انتي بتعملي ايه ؟
_ بغيظ : ملكش فيه اتفضل اطلع برا بقي
_ امممم هطلع بس بشرط
_ بضيق: انجز قول
_ بهدوء: جعان وعايز اكل
_ بتفكير : ماشي هعمل اكل ليا وليك ولناهد وكلنا حاضر

 

 

_ فريده انتي بتهزري
_ ضحكت : اومال اسيبك تهزر لوحدك
_ غمز : م احنا بنعرف نضحك اهوة اومال في ايه بقي
_ اتكسفت وسابتله الاوضه وخرجت وهوة ضحك علي شكلها بعدين ابتسم
بقلمي اميرة محمد محمود
_ احمد معرفش يعمل اكل فطلب دليڤري وبعد م جه الاكل ظبته ودخل عند روفيده صحاها وقامت قعدت بصتله باحراج من اللي حصل وهوة كانت نظراته خاليه من اي مشاعر
_ بهدوء : يلا عشان تاكلي
_ بكذب : مش جعانه
_ بصلها : وبتكذبي ليه ؟
_ بتوتر : ل….لا
_ قاطعها بحده : يلا ي فريده عشان تاكلي مش هقول تاني
_ هوة انت بتكرهني؟
قالتها بسرعه بعد م غمضت عيونها

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عندما التقينا)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى