روايات

رواية غرور وكبرياء عاشق الفصل الرابع والعشرون 24 بقلم دعاء حجاج

رواية غرور وكبرياء عاشق الفصل الرابع والعشرون 24 بقلم دعاء حجاج

رواية غرور وكبرياء عاشق الجزء الرابع والعشرون

رواية غرور وكبرياء عاشق البارت الرابع والعشرون

رواية غرور وكبرياء عاشق
رواية غرور وكبرياء عاشق

رواية غرور وكبرياء عاشق الحلقة الرابعة والعشرون

غسان شد حور من أيدها وقال بنبره صوت حاده: وهتعمل اي يا روح امك لما تعرف
حور بصدمه:غ غسان
سامر ابتسم وقال: يبقا معايا حق
غسان وقف بكل غرور وقال بابتسامه:ويا تري معاك حق في اي
سامر بص لحور وقال: انك طردت الحوريه
غسان قبض ايدو وقال بابتسامه عكس إللى بداخله: قولت أي
_انك طردتها
غسان مسك سامر من لياجته وقال بعصبية: مش ده يا روح امك
حور بخوف: غ غسان انت بتعمل اي
غسان قعد يضر”ب سامر بكل جبروت ومكنش مستوعب ازاى يقول تلك الشاب لمراته حوريه
حور شدت غسان وقالت بعصبية: كفايه الشاب هيمو”ت في ايدك
غسان بعصبية: وانتى خايفه عليا
حور هزت رأسها وسامر قام من على الأرض وحط ايدو على فمه لقي دم
_كده يا ابن السيوفي
نظرات غسان ليا كانت تكفي لقتلوا
سامر راح عند غسان وقال: ومالك زعلت كده ليه لما قولت على حور حوريه
غسان مسكوا من لياجته وقال بصوت يشبه صوت فحيح الافاعى: مش عايز اسمع منك الكلمه ده تانى
سامر بغيظ: حوريه حوريه
غسان زق سامر على العربيه وبدأ يقرب منه وحور مكنتش عارفه تعمل اي
غسان حط ايدو على العربيه وقال: حابب تعيش ولا حابب تمو”ت
سامر:________
_من غير تفكير عايز تمو”ت ولا عايز تعيش
سامر قام وعدل الجاكيت وركب عربيته ومشي ربما خاف من تلك المغرور
حور بصت لغسان بنظرات غير مفهومه
غسان مسك حور من دراعها وقال بعصبية: وانتى ازاى تسمحيلوا يمسك ايداكى
حور زقت غسان وقالت بعصبية: انت لا يمكن تكون بنى ادم لا يمكن تكون بنى ادم
ثم كملت: قلبك مصنوع من الحجر
تلك الكلمه عصبت غسان اوى ليقول بصوت جهوري: ازاى تطلعى من غير ما تقوليلى
_قولت خالتى لعفاف وقالتلى انها هتقولك مكنتش اعرف انها هتعمل كده
غسان بدأ يمشي اتجاهها وقال: مش مكسوفه من نفسك وانتي بتقولى كده
_وهي مش مكسوفه من نفسها لما تكون في العمر ده وبتكدب
نزل قلم على خدها عالطول

 

 

 

 

 

حور حطت أيدها على خدها اللى احمر اوى
_لو سمعتك بتقولى على ماما كدابه مش هرحمك
الدموع نزلت من عين حور وقالت: بكرهك وهفضل اكرهك
(تلك الكلمه التى قالتها ليست من قلبها)
غسان مسكها من أيدها وشدها ليا وقال: مش عايز اسمع الكلمه ده منك تانى
_مش عايز تسمعها ليه مش حضرتك بتكرهنى
غسان بصوت جهوري: مين قال انى بكرهك
_ايوه بتكرهنى واكبر دليل اللى بتعملوا معايا
غسان ضغط على أيدها وقال: عايزه تعرفي انا بعمل معاكى كده ليه
حور هزت رأسها وغسان قال: عشان انتى ملك غسان السيوفي واللى بيكون ملك غسان السيوفي مينفعش يكون ملك حد تانى
تلك الكلمات جعلت عقل حور يتوقف عن التفكير وجعلت نبضات قلبها عاليه اوى
عم السكوت أرجاء المكان ولم يصدر صوت حتى الآن
اخيرا صدر صوت
_تقصد اي بكلامك ده
غسان ساب أيدها وقال: ولا حاجه
حور مسكت غسان من دراعه وقالت: لا انا عايزه أفهم اللى قولتوا
_مهم يعنى
حور هزت رأسها وقالت: ايوه مهم
_اثبتيلى أن الكلام ده مهم عندك
حور بارتباك: اثبتلك ازاى مش فاهمه
_معرفش عن اذنك
غسان كان رايح يركب العربيه الا ان صوت حور أوقفه
_انا بحبك ⁦♥️

 

 

 

 

 

غسان وقف مكانه وحور قالت وهي بتمشي إتجاه: ايوه بحبك ومستحمله إهاناتك ليا عشان بحبك مش عارفه ازاى حبيتك بس حبيتك وخلاص. (قالت الكلام ده بكل جراءه)
غسان قعد يضحك وقال: ويا تري مين اللى محفظك الكلمتين دول
ثم كمل بصوت يشبه صوت الافاعى: الاستاذ سامر صح
حور ضمت حواجبها وقالت: سامر
غسان هز رأسه وقال: مشاعرك اتحركت ولا اي
_انت مجنون صح انا لسه قياله انى بحبك ازاى تقول مشاعرك اتحركت
غسان شدها ليا وقال: بلاش تلعبي في عداد عمرك يا حلوه مش انا اللى يضحك عليا
_وانا مش بضحك عليك انا فعلا حبيتك ومعرفش انت ليه واخد عنى فكره وحشه
_عايزه تعرفي ليه ثم كمل: اي رايك انى شوفتك مع سامر في العربيه وكنتوا ****
حور بصدمه: اي الكلام اللى بتقوله ده
_مالك بس
حور هزت رأسها وقالت: الكلام ده محصلش واكيدا حضرتك غلطان
غسان أبتسم وقال: اكون غلطان لو سمعت من حد مع الأسف شوفت بعينى
_انا عمري ما قربت من سامر ولا كان عندي مشاعر اتجاه
تلك الكلام فرح المغرور اوى ولم يظهر فرحته ليها ابدا
_اممم
_بس هو ده اللى عندي
غسان فتح باب العربيه وقال: اركبي
حور بصتله بنظرات غير مفهومة وقالت: انت لسه مصدق اللى شوفته بردو
_عايزك تفهمى انى مستحيل احب واحده زيك وحبك ليا ولا فارق معايا
دموع حور نزلت وحست انها ارتكبت خطأ كبير لما اعترفت بحبها لتلك المغرور فهى مقدرتش تسيطر على مشاعرها اكتر من كده
غسان قعد يزمر وحور مسحت دموعها وركبت
قد اي كانت مكسوفه منه وقد اي كانت حاسه نفسها غبيه ومكنش ينفع تعترف بحبها أبدا خصوصا ان الحب اللى بيكون من طرف واحد للأسف مش بينجح
بس يا تري تفكيرها صح ولا غسان بيحبها فعلا خصوصا أنه لمح ليها بالكلام

 

 

 

 

 

في فيلا مراد الألفي
نغم نزلت من العربيه ومراد فضل في العربيه
_انت مش هتنزل ولا اي
_ربع ساعه كده مش هتاخر
نغم بعصبية: انت مجنون ولا أي الوقت أتأخر اوى هتروح فين وتسبنى
_متخافيش محدش هيبصلك اصلا
نغم بصت على نفسها وعدلت شعرها وقالت: ليه إن شاء الله هو انا وحشه
_اوى وحشه اوى
نغم بتصديق: بجد
مراد شغل العربيه وقال: ممنوع تطلعى مش هتاخر
نغم بعصبية: انا بكلمك ولما اكلمك ترد عليا
مراد مشي ونغم بانتهاد: مراد استنى
اتعصبت اوى وقالت: هو انا في نظره وحشه
نغم هزت رأسها وقالت: وانا مهتميه ليه وبعدين الكل بيقول عليا حلوه هو اللى نظره ضعيف مش اكتر
نغم عملت فنجان قهوه وقعدت على الكنبه اللى في الجنينه
فضلت مستنيه مراد اللى أتأخر اوى لتذهب إلى أحلامها
نامت على الكنبه وحلمت بمراد تيجى ندخل معاها في الحلم
في مكان جميل جدا الورد يزين أرضه والفروع تزين أشجاره
نغم كانت واقفه وحاسه بتوهان وقالت: انا فين
لقت مرايه في وشها لتظهر وهي لابسه فستان زفاف
نغم بصت على نفسها وقالت: اي ده هو فرحى النهارده بس مين العريس
_احم
التفت لمصدر الصوت لتري مراد وقتها فرحت أوى ان مراد عريسها
عدل اللياجه وقال: اي رايك
نغم خدت نفس عميق وقالت: رأيي في اي
مراد بعد شويه وقال: فيا

 

 

 

 

_وحش
(قالتها بدون مقدمات )
مراد رفع حاجب وقال: في وشي كده
_ما حضرتك قولت عليا وحشه
مراد شدها من خصرها وقال: ومين قال انك وحشه ده نظري اللى ضعيف مش اكتر
نغم بسعاده: بجد
هز رأسه وقال: عارفه عيونك شبه البحر ووشك شبه الثلج وشعرك زي الحرير
نغم دفنت وشها في رقبه مراد وقالت بكسوف: شكرا
مراد قعد يضحك وقال: شكرا هي ده اللى قدرتى تقوليها
نغم بصت في عيون مراد وقالت: امال عايزنى اقول اي
مراد رجع شعرها لوراء وقال بحب: تعالى نرقص وهقولك واحنا بنرقص
نغم ابتسمت وقالت: ماشي
مراد مسك أيدها ليحطها على كتافه ويحط ايدو على خصرها
اشتغلت اغنيه اجنبيه هاديه جدا
مراد فضل بصص لنغم ونغم قالت: هتفضل كده كتير
مراد بعدم فهم: تقصدي اي
بصت لتحت وقالت: مقصدش حاجه
مراد رفع رأسها لفوق وقال: نغم انا عايز اقولك على حاجه
نغم بصت في عيونه وقالت: اي
_كنت مفكر ان قلبي مات بعد مريم بس كنت غلطان
_اممم
_نغم انا بحبك
عينها اتسعت اوى وقالت بارتباك: ب بجد
هز رأسه وقال: بجد
نغم حضنت مراد وقالت: وانا بحبك اوى
حين قالت نغم كده ورد احمر نزل عليهم وكانت لحظه جميله اوى اقصد كان حلم جميل أوى
نرجع للواقع
_نغم نغم

 

 

 

 

 

نغم بعدم استيعاب: انا بحبك اوى اوي اوي
مراد ضم حواجبه وقال: نغم
نغم مسكت ايد مراد وقالت: خليك جنبي
مراد بصوت جهوري: نغم
قامت عالطول وبصت على مراد ثم بصت على نفسها وقالت: فين البدله وانا مش كنت لابسه فستان
مراد حينها أدرك أنها كانت بتحلم
_ده كابوس
نغم انعدلت وقالت: وانت عرفت منين أنه كابوس ثم حطت أيدها على خدها وقالت: ده حلم حلو أوى
مراد قعد جنبها وقال: ممكن أعرف الحلم كان عن أي
نغم بلامبالاه: عنك وعنى
مراد بجمود عكس اللى بداخله: عنى وعنك
نغم هزت رأسها وقالت: اتاخرت كده ليه انا انتظرتك كتير اوى (نغم بتحاول تغير الموضوع)
مراد مسك ايد نغم وقال: مش هرد على اي سؤال الا لما اعرف حلمتى بأي
نغم بارتباك: ده مش حلم ده كابوس انسي انسي
_لا انتى قولتى انه حلم جميل أوى
نغم قامت وقالت: تصدق انى عايزه انام تصبح على خير
مراد مسك أيدها وشدها ليا لتقعد على رجله
نغم بدقات قلب عاليه جدآ: مراد لو سمحت
حط ايدو على فمها وقال: مش هسيبك إلا لما اعرف حلمتى بأي
نغم:_________
مراد بأس نغم من خدها وقال: هتفضلى ساكته هروح على٠٠
بص على شفايفها وهى قامت عالطول وقالت بارتباك: تصبح تصبح على خير
طلعت تجري وهو قام وقال بفضول: يا تري حلمت بأي
نغم طلعت فوق عالطول وقفلت الباب وكانت دقات قلبها عاليه جدآ وقالت: شاب قليل الادب وعايز التربيه
في قصر السيوفي خصوصاً في غرفه غسان
حور كانت واقفه وبصه لغسان اللى كان فاتح الدولاب وبيطلع هدوم
حور في سرها: غبيه مكنش ينفع تعترفي بحبك ليا

 

 

 

 

 

حور قعدت تلوم نفسها ومكنتش عارفه ليه ضعفت قدام تلك المغرور وقالت كل اللى في قلبها
_العشا
حور: ________
غسان راح عندها وقال: الحلو شاغل بالك أوى كده
حور بعدم تركيز: انت اللى شاغل بالي
الابتسامه اترسمت على وجهه غسان لتبان الغمازتين
حور هزت رأسها وقالت: كنت بتقول اي
غسان رجع شعر حور لوراء وقال: مش عايزك كده عايزك اقوي من كده
_مقدرش اكون قويه قدامك
غسان حط ايدو على خصر حور وقال: ممكن أعرف السبب
_مش مهم تعرف
شدها ليا اكتر وقال: لا مهم
حور زقت غسان فهى عايزه تسيطر على أعصابها اللى بتخدعها لما غسان يقرب منها
حور بارتباك: عشر دقائق والعشا هيكون جاهز
حور طلعت عالطول وغسان قال: معقول بتحبينى ولا ده لعبه عشان تنتقم منى ولا متفقه مع الحلو عشان تخدعنى
حور نزلت تحت وقالت: لا يا حور انتى أقوي من كده متخليش مشاعرك تتحكم فيكى
دخلت المطبخ وبدأت تجهز الأكل وكانت مضايقه اوى إنها اعترفت بحبها ليا
بعد شويه حور جهزت السفره ومنتظره تلك المغرور ينزل
مر ربع ساعه وغسان منزلش
حور طلعت فوق وقالت: غسان بيه غسان بيه
حور مالقتش غسان خالص وقالت: راح فين
كانت طالعه الا أنها سمعت صوت صادر من البلكونه
حور اتبعت تلك الصوت لحد ما وصلت عند الستاره بتاعت البلكونه ووقفت
كان قاعد على الكرسي وبيرسم على لوحه كبيره اوى
حور ابتسمت وحاولت تشوف غسان بيرسم اي معرفتش
غسان حاس بيها وقال: العشاء جاهز
حور هزت رأسها وقالت: من بدري
غسان خد اللوحه وحطها في كيس كبير اوى وشالها
حور بفضول: انت بتعرف ترسم
_مش اوى

 

 

 

 

_اممم كنت بترسم مين
_وشاغله بالك ليه
حور هزت رأسها وقالت: مش شاغله بالى على العموم العشاء جاهز تصبح على خير
_اي ده مش هتاكلى
حور اتفاجت اوى وقالت: مش فاهمه
_هو اي اللى مش فاهمه
_يعنى انا وانت على سفره واحده
غسان استغرب كلامها اوى وقال: ومالك متفاجا كده ليه
_مش متفاجا ولا حاجه على العموم انا أكلت
_وانا مالى
_تقصد اي
_ورايا
غسان طلع وحور قالت بعدم فهم: ورايا
_بلاش ترغي كتير (قالها بصوت عالى)
حور نزلت فعلا وغسان قعد على الكرسي وبص على الأكل وقال: اي ده
حور بصت ليا وقالت: أكل
بصلها وقال: ما انا عارف انه أكل محدش قالك انى مبكلش الاكل ده
حور ببرود: لا محدش قالى
غسان قبض ايدو وقال: انتى عارفه انى بكره اللى بيرد عليا
حور كملت بتريقه: وبكره التجاهل امال بتحب اي
غسان لم يرد عليها وقال: تعالى هنا
_اجى ليه
غسان بنفاذ صبر: اخلصي
حور بلعت ريقها ومشت اتجاه غسان اللى قعدها على رجله وقال: واكلينى
حور حاولت تقوم لكن غسان مسك ايدها جامد اوى وقال: اخلصي
_مش انت مش بتحب الأكل ده
_ما انا غيرت رايي
_غيرت رايك ليه
ضغط على أيدها وهي اتالمت اوى
_اخلصي
حور بالأيد اللى مش مسكها غسان مسكت بيها المعلقه وكانت مكسوفه اوى من تلك المغرور
_هنفضل كده كتير

 

 

 

 

 

حور بلعت ريقها وقالت: ممكن اقوم والنبي
_اكل الأول
حور رفعت المعلقه ليأكل غسان
سرح فيها وقد اي بتبقا حلوه وهي خايفه
كانت الاخري واقفه مصدومه من اللى بيحصل
_اكيدا ده حلم اكيدا
عفاف هزت راسها وقالت: ازاى رجعت ازاى
غسان مسك أيدها وقال: كفايه كده
حور كانت رايحه تقوم لكن غسان قعدها تانى
_غسان بيه
_عايز اشرب
حور بدأت تتعصب وقالت: اعتقد ايدك لسه موجوده
_نظريه بردو
حور قامت وقالت بارتباك: تصبح على خير
غسان ببرود اعصاب: بوجودك معتقدش
حور اتعصبت اوى وطلعت على فوق عالطول
كانت داخله اوضتها لقت اللى مسك أيدها
حور بخضه: مين
عفاف: اخبارك اي
حور بصت ليها بنظرات تحمل العتاب واللوم
_مالك بس
_انتى مش مكسوفه من نفسك وانتى في العمر ده وبتكدبي
_انتى اللى غبيه ازاى تواثقي فيا
حور بتوعد: اخر واول مره يا مدام عفاف
عفاف قعدت تضحك ثم قالت بغضب: رجعتى ازاى
حور ابتسمت وقالت: موضوع خاص عن اذنك

 

 

 

 

 

حور دخلت وقفلت الباب وقتها عفاف اتعصبت اوى وقالت: حلو اوى اللعبه احلوت كده
في صباح اليوم التالى خصوصاً في فيلا مراد الألفي
نغم فاقت من النوم ومالقتش مراد
_الواد ده بيروح فين
_يعنى حضرتك على الطريق تمام اوى هكون في انتظارك يا ريت متتاخرش
مراد دخل وقال: كويس انك صاحيه
نغم قامت وقالت: في اي
مراد قعد على الكنبه وقال: الاستاذ هيكون عندك هنا في اي وقت واي حاجه مش فاهمها هيشرحهالك
نغم فرحت اوى وقالت: فطرت
_لو هنفطر سوا مفيش مشكله
نغم قامت عالطول وقالت بارتباك: عشر دقائق والاكل هيكون جاهز يا قمر
مراد ضم حواجبه وقال: تعالى هنا
نغم وقفت مكانها وقالت:في اي
مراد قام وقال: قولتى اي من شويه
نغم بخوف: قولت عشر دقائق والأكل هيكون جاهز
_يا اي بقا
نغم بلعت ريقها وقالت:بهزر معاك والله متخدش كلامى على محمل الجد كده
_انتى مجنونه فعلا
نغم بابتسامه صفره: شكرا
بعد ما قالت كده نزلت عالطول
مراد ابتسم وقال: البت ده طلعت مجنونه فعلا
بعد شويه
نغم جهزت الاكل ومراد قعد على الكرسي وقال: بدر هيكون هنا في اي وقت
_بدر مين

 

 

 

 

 

_الاستاذ بتاعك
_يا تري شكله حلو زي اسمه
مراد بغيره: انا قولت انه استاذك مش عريس جاي يتقدملك
نغم حطت وشها في الطبق وقالت: بهزر
وفجاه صدر صوت صندل كعبه عالى جدآ
نغم ومراد التفتوا لمصدر الصوت
مريم بابتسامه: مالكم مصدومين كده ليه
مراد قام وراح عندها وقال: بتعملى اي هنا
حضنت مراد وقالت: وحشتنى يا حبيبي
نغم غارت اوى ومراد قال: واحشتك وحبيبك
مريم بعدت عنه وقالت: ايوه انت حبيبي
نغم زقت الكرسي برجلها وشدت مراد من دراعه وقالت بغيره: حبيبك في عينك
مراد بص لنغم وحس بغيرتها
_مالك يا نغم
_اطلعى برا
مريم بصت لمراد وقالت: ما تشوف الحلوه اللى بتطردنى
_عايزه اي يا مريم
_مراد انت متغير اوى عن امبارح
وقتها نغم قالت باستغراب: امبارح
مريم راحت عند نغم وقالت: مراد جالى امبارح وقعد معايا ومش عايزه ادخل في التفاصيل عشان عيب
نغم بصدمه: اي

يتبع…

لقراءة الفصل التالي : اضغط هنا

الرواية  كاملة اضغط على : (رواية غرور وكبرياء عاشق)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى