رواية قمر الفصل الخامس 5 بقلم فاطمة عبدالعزيز

حازم:هتقعد جنبي ..

مازن: اااااا…..انتا لسه مفقتش من البنج صح

حازم:لا…بقولك سلام هكلمك بعدين .

قفل معاه و فضل باصص للشخص الا لحد ما اتكلم :انتا فعلا عايز تمشي

حازم:معلش لازم ف واحد صحبي هرتاح عنده

……:لي يعني انتا مش مرتاح هنا انا والله هخدمك بعنيا يبني

حازم:انا اسف ي ماما صفيه بس لازم امشي حاسس اني غريب هنا

صفيه:دا بيتك يبني طيب مين دا اعرفه

حازم:لا بس اعرفهولك

صفيه:ازاي

حازم:عادي اخليه يجي هنا

صفيه بصوت واطي بس حازم سمعه:ياريت نفسي ابقي قد المسؤوليه الا امك عطهالي

حازم:امي مين انتي تعرفيها طيب كلميني عنها كان شكلها عامل ازاي و كمان و كانت بتحبيني قبل ما تموت طب ماتت و نا عندي كام سنه

صفيه قاطعته:اقصد …

حازم:علشان خاطري قوليلي اي حاجه عنها يمكن ارتاح

صفيه:هيا كانت بتحبك اووي ي حازم كان نفسها تربيك هيا بنفسها لكن الله يسمحه الا كان السبب

حازم:مين السبب انا مش فاهم حاجه ممكن تفهميني بالله عليكي علشان خاطري انا تعبت

صفيه:يبني اقولك اي بص انا هقولك حاجه واحده و مش هقولك تاني

حازم:قولي

صفيه:امك دي كانت تبقي…

قاطعهم صوت ليلي العالي بتنادي ع صفيه

صفيه قامت:هشوف الست عايزه اي

حازم:طيب قولي اي حاجه

صفيه:لا لا

خرجت صفيه و حازم تايه كان خلاص هيعرف حاجه عن مامته يسأل مصطفي خايف لما سمعهم بيتكلمو مع بعض هو و ليلي اتوتر للحظه و أصر أنه يعرف….

مسك تلفونه و ضرب شويه ارقام

حازم:عليكم السلام

قمر:الحمدلله ع سلامتك

حازم:الله يسلمك شكرا لانك كنتي بتيجي عندي ف المستشفى و اتبرعتيلي

قمر:عادي انتا اخ ليا

حازم:اه بصي انا عايز اعرف كل حاجه عن امي ف اقرب وقت…

ممكن كمان اجبلك معلمومات

قمر:ازاي

حازم:هجبلك معلومات و خلاص

قمر:ماشي سلام

حازم:سلام

……………………………………………

ف شقه سيد..

عزه هيا و امها قاعدين ف الصاله الجرس رن

نعمه:قومي ي عزه افتحي

عزه:حاضر

عزه فتحت الباب لقت مازن

مازن:ممكن ادخل اتكلم معاكي شويه

عزه:ممم اتفضل

مازن قعد:ازايك ي طنط

نعمه:عامل اي ي حبيبي ثواني اعملك قهوه

مازن:ملوش لزوم

نعمه:لا طبعا ثواني

عزه عرفت أن مازن جاي يعتذر لها علشان غلط فيها:خير ي مازن

مازن:خير اقعدي

عزه قعدت بتكبر و رأسها مرفوعه لفوق و فرحانه جواها:قعدت

مازن:بصي عايزك تسيبي الشغل علشان

عزه:علشان اي

مازن:منا هقول علشان حازم هيجي يقعد هنا عندي ف انا عايزك تقعدي تمرضيه و هيديكي ضعف مرتبك الا كنتي بتاخديه ف المستشفى

عزه بصدمه:انتا جاي علشان كدا

مازن:امال حاجي علشان اي

عزه:ولا حاجه طيب لما حازم يخف انا هروح فين

مازن:حازم ليه وضعه ف البلد ف اكيد هيكلم حد يرجعك تاني

عزه:و مرتبي هيبقا كام

مازن:ضعف مرتبك

عزه:اااه ماشي موافقه

مازن:ماشي الاسبوع الجاي هيبقي هنا سلام

نعمه طلعه بالقهوة:و القهوة

مازن:مره تانيه سلام

نعمه:سلام …كان جاي لي

عزه:جايبلي شغل هقولك بعدين

نعمه:شغل بجد كويس

عزه:كويس فعلا

نعمه:تبقي قولي التفاصيل بعدين..

……………………………………………

مازن جهز اوضه ف شقته لحازم

وصلوا لشقه مازن بيصعوبه جدا

حازم:كميه الم ف جسمي رهيبه

مصطفي:هو حد جابرك ع كده ما انتا كنت مرتاح ف الڤيلا

حازم:انا هرتاح هنا اكتر

مصطفي:طيب امشي انا بقي

مازن:حضرتك استنى شويه تشرب حاجه

مصطفي:شكرا لازم امشي

حازم:خلاص ي مازن سيبه براحته سلام

مصطفي:سلام

حازم:هيا مامتك فين

مازن:عند عزه

حازم:عزه مين

مازن:الممرضه

حازم:اها بنسي اسمها

مازن:ماشي بقولك انا هروح انادي عزه

حازم:ماشي

مازن راح نادي عزه و عزه جابت كل الحاجات اللازمه

عزه:اهلا ي حازم

حازم:مين

مازن:عااااازه

حازم:بنسي والله

عزه:ف اي

مازن:مافيش

عزه:اووف ماشي

حازم:ف اي مالكوا زاي ما تكونو عايزين تقتلوا بعض

مازن:مافيش

عزه:لا ف قوله يلا ولا علشان انتا غلطان

مازن:عزه اسكتي لو سمحتي

عزه:اسكت لي علشان من عايز البت بتاعتك تتكشف

حازم:استنو لحد هنا انتا بتحب

عزه:ايوا الست المنتقبه الا اتبرعتلك بالدم

حازم بإستغراب:قمر

مازن:عزه اطلعي بره

حازم بإستغراب:رد عليا قمر

مازن:ايوا قمر

حازم بزعل:يعني انتا بتحب قمر

مازن:ايوا بحبها و هتجوزها

حازم بصدمه:و هيا

مازن:معرفش بس انا هتجوزها بقولك انتا تعرفها هيا و اهلها صح

حازم بصدمه:ايوا

عزه:انتا تعرفها

حازم:ايوا ايوا اعرفها

عزه: يعيني عليك انتا تعرفها دي بارده جدا

حازم:الله اي بارده دي انتي معشرتهاش علشان تقولي كده

عزه:دا انتو الاتنين شكلكو مدلقين عليها انا همشي

حازم بتأكيد:انتا بجد بتحبها

مازن:ايوا معرفش حصل امتا معرفش بس انا حبيت هدءوها رقتها ادبها ناجحها تفهمها فيها صفات كفيله اني احبها

حازم سرح:فعلا

مازن:المهم انا اسف هيسبك مع المجنونه دي

حازم:رايح فين

مازن:ورايا شويه مشوير كده هخلصها بسرعه

حازم:هيا فين مامتك

مازن:هتيجي شويه و هتيجي سلام

مازن مشي حازم فضل يفكر و اتصل بصفيه

حازم:الوو

صفيه:ازايك ارجع القيك مشيت

حازم:معلش هيا جات فجاه كده

صفيه:المهم انتا كويس

حازم:لا مش كويس و انتي عارفه

صفيه:لي بس كده

حازم:عايز اعرف كنتي عايزه تقولي اي بالله عليكي انا بدور عليها

صفيه:هقولك حاجه واحده

حازم:ماشي

صفيه:امك تبقي اختي ي حازم

حازم بصدمه: ااختك

صفيه:انا اسمي صفيه محمد درويش

حازم:طيب اسمها اي هيا

صفيه:……

حازم:لو سمحتي هيا اسمها اي

صفيه:اااااا

حازم:ف اي هيا اسمها اي

صفيه:اسمها اااااااا رقيه اه اسمها رقيه

حازم:ماشي شكرا جدا سلام

صفيه:سسلام

قفلت و فضلت باصه ل ليلي لحد ما اتكلمت

ليلي:بتكلمي حازم و تقوليله ع اسم اختك و عايزه تعرفيه أمه

صفيه بخوف:متكلمتش يعني هيا اسمها رقيه منا كدبت عليه

ليلي: قوليلو اي تاني قبل ماجي قولتي اي

صفيه:مقولتش حاجه انا كنت لسه هقوله اسمها انتي جبتي

ليلي:يعني كنتي هتقولي اسمها اي

صفيه:هو اصر عليا اني اقول حاجه عن أمه و انا كدبت عليه والله

ليلي:ماشي والله لو حازم عرف انتي حره

صفيه:مش هيعرف صدقيني

ليلي:ماشي امشي

صفيه:حاضر حاضر

ليلي:بقي عايز تعرف امك تبقي مين مش مكفيك اني حولت اربيك بس والله لوريك لو كانت (ضحكت) رقيه قال لو كانت عايشه هقتلها

بس حلو اسم رقيه …ضحكت ..

صفيه راحت اوضتها بخوف:اه ي ختي قولتلك بلاش تعملي ف نفسك كده الله يخربيت الحب كان زمانك عايشه جنب زوج محترم وسط عيالك و مش بعيده عني يااا اما نفسي اعرف انتي فين و ارضيكي فين لو اعرف يارب دمها بخير يارب و بارك فيها

(فاطمه… قمر)

حازم مصدوم مش عارف يترجم الا سمعه يتصل بقمر تيجي يفهمها الا سمعه ولا يعمل اي

حنان: السلام عليكم

حازم بتوهان:عليكم السلام مين

حنان:أنا ام مازن

حازم:اهلا بحضرتك

حنان:اهلا بيك يبني الف سلامه عليك ي حبيبي

حازم:الله يسلمك

حنان:مالك يبني تايه كدا لي

حازم:مافيش

حنان:ماشي ع العموم لو مخنوق أو عايز تتكلم انا موجوده ماشي انا هقوم بقي اسيبك براحتك

حازم رجع تاني يفكر ف كل كلمه سمعها احداث سريعه حوليه ف لحظه بتعدي شكل واحده بتسيبه و هو بيعيط مش عارف يحدد شكل الست دي بس شايفها قدامه

اخد تلفونه و اتصل بقمر

قمر: السلام عليكم

حازم:انا عرفت حاجه مهمه

قمر:اي

حازم:لقيت خالتي

قمر:بجد طيب خالتك اسمها اي

حازم:صفيه محمد درويش

قمر:ثواني هكتب الاسم (كملت)في اقرب وقت هتلاقي فيه مامتك سلام

………………………………………………..

ف شقه سيد..

نعمه بتطبخ عزه جت جنبها و عينيها فيها دموع

نعمه:مالك فارده بوزك كده لي

عزه:ماما بعد اذنك انا اصلا مش قادره اتكلم ف لو سمحتي ..انا ماشيه

نعمه:اي بت انتي

عزه:مش عايزه اتكلم مع حد

نعمه:و انا حد ي موكوسه .امشي ي عزه ….اي البت دي من يوم ما اتعلقت بالواد الا اسمه مازن دا و هيا اي كلمه يقولها تعيط و تبقا مش طايقه نفسها .اقولها مازن ملوش ف شغل الحب و الحوارات دي لا برضوا رأسها و الف سيف انهو بيحبها يقولها اي تاني بعد ما قالها أنه هيخطب

عزه:انتي عايزه يخطب انتي عايزه تكسري قلبي

نعمه:انا مش عايزه اكسر قلبك انتي الا كسرتيه من زمان و عشمتي نفسك بحبال دايبه

عزه:ماما انا بحبه و هفضل احبه

نعمه:يبقي متلوميش غير نفسك الحب الا ربنا مش راضي عنه عمره ما ينجح ابدا ابدا

…………………………………………..

ف ڤيلا المكاوي..

ليلي بتتكلم مع بنتها مروه ف الاب توب..

ليلي:حببتي بقالك قد اي بيعيدها عني

مروه:مامي انا خلاص قربت امتحن و اجي بس انتي وعديني انك هتيجي امريكا بعد ما اخلص

ليلي:حاضر حببتي المهم انتي عامله اي

مروه:كويسه جدا

ليلي:بقولك هقفل دلوقتي ف حد جيه عايزني

ليلي قفلت مع مروه

نهي:حازم فين

ليلي:الله انتي داخله سخنه كده لي

نهي:ف اي انا بسأل ع حازم خطيبي

ليلي:لا يراجل اومال هيكون حازم مين يعني ع العموم هو مش هنا

نهي:امال فين

ليلي:لا معرفش العنوان ممكن تسالي مصطفى

نهي: طيب انكل مصطفى فين

ليلي:ف الشغل ف الشغل ي روحي

نهي:ماشي انا همشي

ليلي:امشي …..اووف ياا مانفسي اقتلك انتي و حازم بس يعيني اول مره أشفق ع حازم دا هيتجوز دي( ضحكت) احسن انا مالي

……………………………………………

ف شقه محسن.

محسن قاعد بيفكر ف الا قمر كان قايله عليه

بسنت:الجميل زعلان لي

محسن ضحك:جميل

بسنت:صح دا عسل انتا بابا حبيبي

محسن:و انتي حببتي

بسنت ضحكت:المهم انتا عامل اي

محسن:يعني انتي…… الحمدلله ي حببتي

بسنت:ماشي ي قلبي

محسن:قلبك

بسنت:خلاص بقي ي بابا

فتحيه:سيبك من ابوكي و تعالي ظبطي الاوض

بسنت:اوض اي انا عاوزه انزل

محسن:تروحي فين

بسنت:انا كنت جايه علشان كده صحابي خارجين انهارده و انا عايزه أخرج معاهم ٩ هكون هنا

محسن:و حدديتي الميعاد كمان

بسنت:مش قصدي بس يعني

محسن:يعني اي ي بسنت

بسنت:والله اسفه ي بابا

محسن:ماشي هتنزلي مع صحابك بس تعملي الا توحه قالت عليه و تيجي هنا ٩

بسنت:الله يخليك ليا هروح اعمل الحاجات الا ماما عايزها و هاجي الساعه٩حاضر

محسن:ماشي يلا روحي

قمر جات مرهقه جدا متعرفش اي السبب كل يوم بتعمل الا عملته انهارده اي السبب حاولت تنام شويه ترتاح

ف شركه المكاوي:

مصطفي كان ف اجتماع مهم

نهي راحت للسكرتيره بس قالتلها أن هو ف اجتماع مهم و أنها لازم تستنا حوالي نص ساعه لحد ما يخلص الاجتماع اتضايقت شويه بس أصرت انها تعرف عنوان حازم

ساعه عدت دخلتله

نهي: اونكل فين حازم

مصطفي:اهلا اهلا ي حببتي عامله اي

نهي:تمام بس قولي حازم فين

مصطفي:ما هو ف البيت ي حببتي

نهي:لا ي اونكل مش ف البيت

مصطفي:ايوا صح عند صحبه

نهي:عند صحبه ازاي يعني و هو ف الحاله دي

مصطفي:لا ما هو راح علشان مش بيرتاح ف بيته

نهي:مش فاهمه

مصطفي:هفهمك بعدين بس تشربي اي

نهي:نا مش عايزه اشرب حاجه بس انا عايزه اعرف عنوان حازم

مصطفي:ع فكره انتي ممكن تتصلي بيه و تسأليه عن عنوانه

نهي:الموب بتاعه مقفول

مصطفي:طيب انا اعمل اي يعني

نهي: اونكل لو سمحت

مصطفي:اوووف حاضر عايزه اي انتي

نهي:انكل انتا عارف اني بحب حازم

مصطفى:ايوا و بعدين

نهي:اووف اونكل لو سمحت

مصطفي:ماشي ثواني هكتبلك العنوان بس مش عارف هتعرفي توصلي ولا لا

نهي:هو فين العنوان

مصطفي عطاها ورقه:اهو

نهي بصت ف الورقه و قفلتها تاني:تمام باي

مصطفي:باي

نهي لما بصت ف العنوان استغربت و مكنتش عارفه هتروح ازاي

فضلت تفكر كتير هتروح ازاي طيب وصلت الشارع هتعرف هو ف انهو عماره

نهي:يعني ي ربي ي حازم اسيبك الڤيلا و تقعد ف حتي معرفش هيا اي اصلا اووف عليك بجد بس لازم اوصلك و لازم اخلي الحربايه الا اسمها ليلي دي تتضايق مني و تعرف اني بخطف عقلك ماشي ي ليلي الزفت اووف هسال و هوصلك يعني هوصلك هاا

وصلت الشارع بعد معاناه و كل شويه توقف عربيتها و تسال حد كل شويه ..

وصلت الشارع و لاقت ناس بطريقه غريب

نهي:ي خبر ابيض كل دي ناس لقت واحد ماشي :لو سمحت

….:افندم ي قمر

نهي بقرف:انا عايزه اروح العنوان دا و عططه الورقه

….:اوديكي ف اي حد تعالي معايا اركبي الميكروباص

نهي:ميكروباص اي ي معفن انتا امشي مش عايزه منك حاجه

مشت شويه و فكرت أنها تنزل بس كان الشارع زحمه معرفتش تنزل أو تركن عربيتها لقت ست ماشيه

نهي:معلش ي فندم ممكن لو سمحتي تقولي العنوان دا فين

الست:عايزه اي

نهي:عايزه اعرف بس العنوان دا

الست:انتي يبتكلمي كدا لي

واحد جيه:ف اي حاجه ي انسه

نهي عططه الورقه:انا عايزه اروح العنوان دا

الراجل:ي بنتي اي الا جابك الشارع دا تعالي العنوان جنبنا هنا

نهي:اركن عربيتي فين

الراجل:لا عربيتك اي تعالي ورايا بالعربيه

نهي:اوك

الراجل مشا و هيا مشت وراه بالعربيه لحد ما وصلها عماره كان شكلها جميل من برا و كان الشارع هادي نوعا ما عن الشارع الا كانت فيه

نهي نزلت:شكرا ي اونكل

الراجل:العفو ي بنتي ع اي

نهي طلعت ميت جنيه و عططها للراجل الراجل بصلها و بص للفلوس :هو انتي مفكره اني ساعدتك اكون عايز منك فلوس شيلي فلوس ي بنتي ربنا يسهلك الحال

نهي:تمام بس اي ٦ دي الا مكتوبه ف العنوان

الراجل استغرب ازاي واحده معاها عربيه و شكلها بنت ناس كدا و مش فاهمه حاجه:بصي ي بنتي ال٦ دي معناها رقم العماره شاور ع العماره اهي دي رقم ٦

نهي:تمام شكرا جدا

الراجل:العفو

نهي طلعت بس السؤال الاصعب ف انهي دور أو صحبه اسمه اي ي ربي ع اليوم

قاعده بتفكر لقت واحده جايه من وراها:بعد اذنك لو سمحتي عايزه استعمل الاسانسير

نهي:اها اتفضلي اي دا انتي

عزه:انسه نهي هو انتي جايه علشان حازم

نهي:ايوا ياريت تقوليلي هو فين

عزه:ايوا اكيد هقول لحضرتك اتفضلي انا طلعه له اصلا

طلعت معاها و شكرتها أنها نقزتها مش حيرتها الا كانت فيها

حازم كانت قاعد لوحده بيفكر ف حاله و ف نفسه و ف أمه الا مش راضيه تروح عن باله نفسه الصور تقف و يضقق ف الملامح بس قطع أفكاره فتحت الباب بسرعه و دخول نهي استغرب هيا جات امتا و ازاي عرفت عنواني اصلا انا جاي هنا علشان متعرفش انا فين

نهي:الف سلامه عليك ي قلبي

حازم مش مستوعب اي حاجه:اي

نهي:اي الا اي وحشتني جامد جدا

حازم:انتي اي الا عرفك اني هنا

نهي:من مصادري الخاص

حازم:مصادرك الخاصه مممم

نهي:المهم انتا عامل اي

حازم:كويس

نهي:مالك

حازم:مليش بدلع واحد مكسور و مش عارف يتحرك هيبقي عامل ازاي

نهي:اي ي حبيبي الله

حازم:اي ي نهي عايزه اي

نهي:هو اي الا عايزه اي ي حازم مالك

حازم:ماليش انا عايز اعرف جايه لي

حنان و عزه سمعو صوتهم لان كان صوت حازم عالي و كان متعصب جدا

عزه:لو سمحت ي حازم بلاش تزعق كدا العصبيه و الزعيق مش كويسين علشانم

حازم:و انتي مالك انتي

عزه قدرت أنه متعصب مزعلتش:صح ماشي عن اذنك

حازم بيحاول ميتعصبش كتير:امشي ي نهي مش عايز اشوف وشك امشي

نهي فضلت مش عارفه تترجم كلامه واقفه و بس

حازم بصلها و زعق:امشي

نهي اتفجعت:ماشي ي حازم همشي بس لينا كلام تاني

حازم بص قدام كأنه صنم

نهي طلعت برا و بصت ليهم

فضلت تجري لتحت عايزه تتطلع من العماره دي حتي موقفتش الاسانسير دي نزلت ع السلم

حازم زاي ما هو باصص قدامه دمعه نزلت منه مسحها و استغرب نفسه من امتا بيعيط من زمان جدا مفيش دمعه نزلت منه

حنان قعدت جنبه و بصتله و مسحت دموعه:ريح نفسك بلاش تهلك ف نفسك حتي علشان اهلك الا بيحبوك

حازم بصلها و رجع بص قدامه: انا معنديش حد بيحبني اصلا

حنان:لا ي حبيبي كلنا عندنا أهل بيحبونا أم اب اخ اخت

حازم:أنا معنديش أهل

حنان:امال فين مامتك و باباك

حازم حس بحساس غريب من زمان محسهوش هو إحساس الراحه و هو بيكلم حد و مرتاح معاه

حنان: بص ي حبيبي انا هسيبك لوحدك ارتاح ي حبيبي

قامت و كانت هتمشي بس حازم مسك ايديها:لو سمحتي عايز اتكلم معاكي شويه

حنان:انا تحت امرك يبني

حازم:انا مشوفتش امي خالص

حنان:توفت و انتا صغير

حازم:مش عارف هما قالولي كدا

حنان:اي قالولك اي

حازم:قالولي أن أمي متوفيه بس سمعت ابويا و مراته بيتكلمو

فلاش باك …..

ليلي: انا خايفه الا تكون عايشه و تقول لحازم

مصطفي:لا انا مهددها أنها لو عرفت حازم أنها أمه هقتل عيل من عيالها

ليلي:يعني انتا متاكد من دا

مصطفي:ايوا هتخاف ع عيالها اكيد

باك …..

حازم:سمعتهم بيقول كدا زاي ما انا قولتلك …. سكتت

حنان دموعها نزلت و قلبها محروق:و بعدين

حازم:سمعتهم روحت لمازن و قولتله ع الا سمعته و قولتله اني لازم اعرف امي عايشه ولا ميته و لو عايشه لي سبتني من الاول

حنان بدموع:السبب اكيد كبير يبني انتا بتقول أنه هيقتل عيالها

حازم:يعني ي دا ي دا طيب هو عايز ينتقم منها مثلا انا ذنبي اي انا ذنبي اي اتحرم من حنان الأم لي

حنان بدموع:اكيد ربنا هيبعتها ليك زاي ما انتا نفسك ف حنانها هيا كمان نفسها تشوفك هيا اكيد جنبك أو هتبقي جنبك ربنا يارب و كمان زمان قلبها محروق اووي

مشت من قدامه بسرعه و راحت ع اوضتها تعيط:ي يبني بقي انتا جنبي و مش عارفه اقولك انك ابني منك لله ي مصطفي انتا و ليلي منكم لله يارب بس مازن لو عرف اي حاجه عن أمه هيعرف أن انا ع طول يارب استر يارب انا نفسي اخده ف حضني و اقوله اني انا امك بس مقابل كدا هخصر مازن ابني مازن يارب مليش غيرك خليلي عيالي الاتنين يارب و تشوفهم فرحنين يارب

………………………………………………….

حازم و حنان طول الوقت قاعدين مع بعض يهزروا مازن جيه و انضم ليهم و فضلت يهزرو و خرجو حازم من الحاله الا كان فيها و حنان بتحاول تملي عينيها منه قبل ما يمشي

(فاطمه ….قمر )

نهي لما روحت مقلتش لحد لأنها عارفه انها لو قالت لمامتها أو ابوها هيلغو الخطوبه دي

اتصرفت ع طبيعتها نوعا ما و قررت انها تكلمه

رنت عليه كذا مره بس مش بيرد

نزلت تحت علشان تفطر

ناديه:اي ي نهي مالك

نهي:لا مليش ي مامي هيكون مالي يعني

ناديه:اصلك ساكته و مش عويدك و نازله تفطري معانا و برضوا مش عوايدك بقالك كام يوم كدا مش بتتكلمي و تنزلي تفطري هنا كنتي لازم تفطري ف اوضتك

نهي وقفت:اووكي ي مامي هروح افطر ف اوضتي

ناديه:خلاص اقعد

نهي قعدت و بدأت تفطر ..

……………………………………………….

صفيه اتصلت بحازم و عرفت منه العنوان و راحتله علشان تطمن عليه

حنان قاعده هيا و حازم

الباب خبط و حنان فتحت لقت صفيه فضلوا باصين لبعض حنان مش عارفه تتحرك علشان حازم ميلاحظش كانت نفسها تاخد اختها بالحضن بس حازم و كمان صفيه شافت حازم قررت انها تتعامل طبيعي

صفيه:هو دا بيت الاستاذ مازن

حنان:مين حضرتك

صفيه:انا عاوزه حازم لو سمحتي

حنان:اتفضلي

صفيه دخلت و سلمت ع حازم

حازم:تعالي ي طنط دي بقي زاي امي بالظبط و كمان تبقي خالتي اخت امي بس هيا متعرفش عنها حاجه اه صح انا نسيت اقول لحضرتك امي اسمها رقيه

حنان بتبصله و بتبص لصفيه:اااه تشربي اي

صفيه:شكرا

حنان:اعملك قهوه ي حبيبي

صفيه:اقعدي ي مدام

حنان:ما انتو أهل ف بعض انا اي الا دخلني

صفيه بصتلها:اقعدي

حنان:حاضر

صفيه:مين دي ي حازم

حنان:انا ام صحبه مازن

صفيه:اااه

حازم:والله حضرتك طيبه اووي و انا حبيتك جدا و اعتبرتك زاي والدتي بالضبط

صفيه:المهم انتا عامل اي

حازم:الحمدلله البيت عامل ازاي

صفيه:البيت دا بقي زاي الخرابه ليلي ترجع وش الفجر و ابوك يرجع الصبح و الاتنين يرجعو سكرنين

حازم:ما هو دا كان الطبيعي

صفيه:يلا

حنان:عن اذنكم اسبكم مع بعض شويه و مشت من غير ما تسمع رد من حد

صفيه فضلت تتكلم مع حازم بس اختها وحشتها اووي عايزه تاخدها ف حضنها عملت اي حجه علشان تتخل لحنان اوضتها

حنان ف اوضتها عايزه تاخد اختها بالحضن بس حازم قاطع تفكيرها خبطت الباب فتحت الباب لقت صفيه

دخلت حضنو بعض كتير اووي

صفيه بدموع:وحشتيني اووي يختي

حنان بدموع:عامله اي و عيالك عاملين اي وحشاني اوووي

صفيه:حسبي الله ونعم الوكيل فيك ي مصطفي لو مكنش عمل الا عمله كان زمانك جنبي و ميعتيش كل دا

حنان:اعدي يختي كل شي قسمه و نصيب و دا نصيبي ربنا يعوضني

صفيه:هو معرفش حاجه صح

حنان:بصي ربنا جابلي ابني جنبي انا من اول ما شوفته قلبي حس كدا أنه هو بس ولا اخدت و لا عطيت بيحكيلي امبارح ع أمه و كدا عرفت أنه هو

صفيه:و هتقوليلو

حنان:هيقتل مازن دا قادر و يعملها

صفيه:و علشان مازن تتحرمي من حازم

حنان:اعمل اي طيب انا زهقت حازم هيبقي جنبي

صفيه:ف حد بيدور عليكي حازم بيدور عليكي و انتي جنبه مخلي واحده تدور عليكي

حنان:عايز يعرف امه باي طريقة للدرجه دي هو نفسه يحس بحنان الام

صفيه:عمره ما حسه ي حنان

حنان:بس مين رقيه دي

صفيه:هقولك كنت بكلمه و قولتله أن امك تبقي اختي و أصر أنه يعرف لسه هقوله اسم أمه اي لقيت ليلي ف وشي

حنان:كدا احلي علشان ميعرفش يوصلي

صفيه:هيوصلك

حنان:لي

صفيه:الا مخليها تعرف انتي فين بيقولو شاطره اووي هيا شغاله مع محامي شاطر اسمه مازن تقريبا

حنان:ابني

صفيه:ابنك مين

حنان:مازن ابني ي صفيه بنت مين الا ماسكه قضيته قولي اي حاجه اعرفها بيها

صفيه:والله معرف

حنان:انا هسال مازن

صفيه:هو جاي

حنان:اه جاي

صفيه:طيب يلا علشان امشي

حنان:تمشي فين لازم تتغدي معانا شويه و مازن زمانه جاي

حازم:خالتي انتي سبتيني و مشيتي لي

صفيه سمعت حازم:يلا نخرج علشان ميشكش