رواية فتى القطار الفصل الثالث 3 بقلم آيات محمد

رواية فتى القطار الفصل الثالث 3 بقلم آيات محمد

رواية فتى القطار الجزء الثالث

رواية فتى القطار البارت الثالث

رواية فتى القطار الحلقة الثالثة

طول الليل قاعده على السرير وماسكه الورقه في ايدي سجلت الرقم وفتحت الشات بتاعه بس مش عارفه ابعتله اقوله ايه ! هو قالي اما تحتاجي حاجه كلميني بس انا مش محتاجه حاجه بس قررت ابعت
– هاي يا نديم ازيك ؟ انا نور لو فاكرني
سيبت الموبايل من ايدي بسرعه وقومت اشغل نفسي في اي حاجه وقررت اعمل شاي بالنعناع واخد الكوكيز بتاعتي واطلع اقعد في البلكونه وشغلت اكتر كوبليه بحبه للست
” الليل وسماه ونجومه وقمره .. قمره وسهره وانت وانا يا حبيبي انا يا حياتي اناا .. كلنا كلنا في الحب سوا ….. ”
جالي نوتيفكيشن على الموبايل جريت عليه لاقيته هو ضربات قلبي زادت وبقيت سمعاها ياريته هو كمان يبقى سامعها جايز يبقى عنده تفسير للي انا فيه دا .
فتحت الماسدج وقريتها
– اهلا يا نور انا الحمد لله تمام انتِ ايه اخبارك ؟ ♥️
– انا تمام الحمد لله والله
عملها سين وماردش حسيت قد ايه انا مغفله قفلت الموبايل خالص وكملت قعدتي في البلكونه لحد مانمت
………
تاني يوم الصبح لاقيته سايبلي ماسدج
– صباح الخير ♥️ اسف اني ماردتش من امبارح بس ماكنتش عارف ارد بإيه اكيد انتِ زعلتي فابترجاجي ماتزعليش . عارف ان النهارده هيبقى اول يوم دراسه فاتمنى ان اليوم يبقى لذيذ معاكِ
حسيت قد ايه هو لطيف ومهتم اني ماكنش زعلانه

– صباح النور
اكيد ولا يهمك خد راحتك يعني انا متفهمه ♥️
سيبت الموبايل وبدأت اجهز فطاري والشاي بالنعناع بتاعي اللي ماقدرش افوت يوم من غير ماشربه وبعدين جهزت ونزلت الكليه .
اليوم كان خفيف بما انه اول يوم وقابلت اسماء وحكيتلها اللي حصل
– واضح اوي يا نور انه معجب بيكِ هو كمان
– قلقانه اكون فاهمه دا غلط ماهو مش كل من قال صباح الخير وجنبها قلب يبقى معجب بيا
– يعني انتِ سيبتي كل حاجه ومسكتي في دي ياشيخه حسبي الله ونعم الوكيل .
– ايه يا اسماء بس انا عملت ايه
– ماهو المشكله انتِ ماعملتيش . بقولك ايه ماتيجي نروح نقعد في الكافيه بتاعه
– لا لا طبعا استحاله اعمل كدا بصي انا هروح وخلاص
– هتروحي من دلوقتي تعملي ايه ؟
– مش عارفه ممكن اطلع على البحر شويه بس لوحدي يعني
– ماشي يا نور على راحتك بس اتمنى ترجعي زي ماكنتِ الاول يعني
– اذا كان كدا اعملي حسابك بكره نروح الملاهي هه
– يااه بس كدا دا احنا عنينا
سيبتها وروحت قعدت على البحر في جليم صورت صوره لجليم باي مع البحر ونزلتها ستوري واتساب وقفلت الداتا وحطيت الهاند فري في ودني وفكيت شعري يلاعبه الهوا واندمجت مع الاغنيه
” وانا كالطفلة في يده كالريشة تحملها النسمات ..
اه اه يده كالريشة تحملها النسمااات .. يهديني شمسا يهديني صيفا وقطيع سنونوات .. يخبرني اني تحفته واساوي الالاف النجمات …. ”
خلصت الاغنيه وبلتفت جنبي لاقيته !! حسيت اني ممكن اكون بحلم او بدأت اهلوس بصيت حواليا وبصيتله تاني دا هو بجد الغريب انه قاعد باصص للبحر ومش بيتكلم شككني في نفسي
– نديم !!
– ماحبتش افصلك بس
– انت هنا من امتى ؟
– من نص الاغنيه تقريبا للعلم بس صوتك جميل
– شكرا انا مش عارفه اقولك ايه انت جيت هنا ازاي ؟
– شوفت الستوري بتاعتك على الواتساب وكنت قريب منك فقولت اجي اقعد معاكِ شويه ولا تحبي امشي ؟
– لا لا طبعا خليك
– شكلك حلو النهارده او عموما شكلك حلو من وقت ماشوفتك

كلامه دخل قلبي مباشرة وحلف مايطلع قلقانه وخايفه يارب ساعدني يارب انا كنت مجرد معجبه بيه عادي بطريقته دي انا هحبه
– شكرا جدا لزوقك
– انتِ فاضيه النهارده بليل ؟
– ايوه ليه ؟
– عايز اعزمك على العشا النهارده بليل الساعه ٨ كلام كتير محتاجين نتكلم فيه احنا الاتنين
قام من جنبي وهو بيكمل كلامه
– هبعتلك اللوكيشن متتاخريش بس حتى لو اتاخرتي هفضل مستنيكي العمر كله
مشى ومستناش اني ارد عليه حتى مشى وانا قلبي عايز يسيبني ويروحله اتوترت جدا انا عمري ماتحطيت في موقف زي دا طلعت الموبايل بسرعه كلمت اسماء وحكيتلها واتفقنا هنتقابل قدام باب السكن اللي انا فين
رايحه جايه في الاوضه بكلم نفسي واسماء قاعده على طرف السرير بتتفرج عليا فجأه زعقتلي
– ممكن تهدي وترتيني حرام عليكِ في ايه يعني عازمك على العشا عادي
– لازم اتوتر عمري ماتحطيت في الموقف دا وبعدين هلبس ايه انا هلبس ايه
– اولا عمرك ماتحطيتي في موقف زي دا واديكي بقيتي فيه ثانيا انا جبتلك معايا دريس واثقه انه هيبقى حلو عليكِ مع الهيلز و ميكب والدنيا بقت تمام اهدي بقا ممكن
– حاضر حاضر ههدى اهو
طلعتلي الدريس احمر طويل مقفول ساده بديل طويل شويه شكله يجنن معاه كوليه سيلفر بسيط اوي وتوكه سيلفر لشعري والميكب .
الساعه جات ٦ بدأت اني اجهز واسماء مساعدتي الاولى والاخيره رفعت شعري لفوق ونزلت منه خصلتين على وشي
– شوفتي يا نور الموضوع سهل ازاي ؟ اهدي ماتتوتريش هتروحي تقابليه يقول اللي عايز يقوله وهتردي عليه بكل احترام و ادب واليوم هيخلص ماتتوتريش
حضنتها وانا بقولها
– شكرا اوي يا اسماء بجد انا مش عارفه اقولك ايه على كل اللي انتِ بتعمليه معايا دا
– يبنتي احنا اخوات عشرة 5 سنين مش قليل وعموما هستناكي لحد ماترجعي

طلبت اوبر ونزلت وصلت اللوكيشن اللي بعتهولي وصلت على المعاد بالظبط بس هو ماكنش موجود …
الساعه بقت ٨:٣٠ وهو ماجاش رنيت عليه مردش قلقي زاد بقينا الساعه ٩ وهو لسه مجاش رنيت عليه للمره الاخيره قبل مامشي بردو ماردش طلبت اوبر وفضلت ماسكه دموعي لحد ماروحت
دخلت من باب الشقه ودموعي نزلت شلال ماعرفتش امسك نفسي اكتر من كدا جرت عليا اسماء وهي بتحضني
– اهدي بس اهدي ايه حصل ؟
– مجاش يا اسماء مجاش يارتني ماقابلته من البدايه

يتبع…

لقراءة الفصل التالي : اضغط هنا

الرواية كاملة اضغط على : (رواية فتى القطار)