رواية فرحة قلب صعيدي الفصل السابع 7 بقلم إسراء ابراهيم

رواية فرحة قلب صعيدي الجزء السابع

رواية فرحة قلب صعيدي البارت السابع

رواية فرحة قلب صعيدي الحلقة السابعة

في منزل عزت والد حورية كان يجلس شاردا في امر ما حتي دخلت عليه عزيزة وجلست بجانبه وهي تلوي فمها وتسأله:
مالك يا راچلي جاعد اكده ليه وسرحان بتفكر في ايه
تمتم عزت بحديث غير مفهوم:
يا تري ممكن يجي اليوم ويعرف ولا السر هيفضل مدفون بس ولحد ميتي ما اكيد هيجي اليوم اللي يعرف فيه بس سعتها هيجتلني مش هيهملني لحالي لازمن محدش يعرف بالحديت ده وتنهد بحيرة وهو يقول يا تري ايه اللي رچعك بس يا عبد الجادر ويعني يوم ما البت تتچوز ما تلاجيش غير العيلة دي يا مرك يا عزت بس يعني كنت هعمل ايه ماكنش جدامي حل غير اني اوافج
نظرت له عزيزة بشك وتحدثت بفضول وهي تقترب منه:
وه حديت ايه ده عاد يا عزت اللي بتجوله وسر ايه اللي لازم يفضل مدفون وايه علاقة البت حورية بالموضوع ما تتحدت يا راچل
انتبه عزت لما تفوه به واعتدل في جلسته وقال بتهتهة:
هه مافيش حاچة يا عزيزة انتي ايه اللي چابك السعادي اصلا همليني لحالي الله يرضي عنك
وه طيب ما تجولي يمكن افيدك صدجني واقتربت منه بمكر وهمست في اذنيه:
بجي هتخبي علي عزيزة حبيبتك ها جولي الحكاية من اولها لاخرها وانا اوعدك هيفضل سر بيناتنا ومحدش هيعرفه واصل
نظر لها عزت بقلق منها ولكن ما باليد حيلة فاستجاب لها سريعا وقص عليها كل شئ حدث في الماضي
شهقت عزيزة بصدمة بعدما قص لها عزت كل شئ وتحدثت بغيظ:
والله كنت خابرة ان الموضوع ده في ان وخصوصا ان معاملتك مع البت كانت مش ولابد وبعدين انا مش عارفة انت ازاي كنت ساكت طول السنين دي يا راچل ده احنا كان زمانا بناكل الشهد من وراها وشردت وهي تتحدث بخبث: بس ملحوجة انا بجي مش هضيع فرصة زي دي من يدي واهو بالمرة نضر*ب عصفورين بحجر وضحكت بصوت عالي جعلت عزت ينظر لها بقلق وخوف من ان تكشف السر الذي اذا انكشف سوف يفتح عليه ابواب جهنم
………………… سبحان الله العظيم
بعد اسبوع من الاحداث السابقة كانت فيه فرحة تتعامل من فهد بقس*وة وهيا كالعادة صامدة بوجهه ولم تريه ضعفها ابدا او تجعله يشعر انه انتصر عليها، اما حورية فكان مراد يتجاهلها تماما وان بدأت هي طرف الحديث رد باقتضاب مما جعلها تكر*ه نفسها لانها السبب في حزنه هكذا ولكن تظل تقنع نفسها ان هذا هو الافضل لكليهما، ويسرا التي يعاملها حمزة بطريقة جعلتها تتعلق به كثيرا برغم انها دائماً تذكر نفسها ان لا تنجرف وراء مشاعرها ولكن رغما عنها تسلل عشقه لقلبها جعلته متيما به ولكنها تأبي الاعتراف بذلك خوفاً من العواقب
في غرفة مراد كانت حورية ترتدي الحجاب اما المرآه فسألها مراد باقتضاب:
انتي رايحة فين
التفت حورية ونظرت له بحزن علي تعامله معها هكذا وتحدثت:
انا نازلة تحت اساعد اما عبلة في البيت والوكل انا بجالي اسبوع جاعدة اهنه ولا اكني عروسة بحج وحجيجي اعتقد كلياتهم عارفين سبب چوازنا فملوش عازة جعدتي وكفاية اكده بجي وانزل اشوف شغلي واعمل بلجمتي
عندما سمع مراد حديثها لم يستطع ان يتحمل اكثر من ذلك فاقترب منها وامسك معصمها بقوة وهو يتحدث بغضب:
انتي ليه مصممة تعملي كدة ليييه، عايزة توصلي لايه بكلامك ده فهميني مفكرة نفسك مين عشان ترفضيني هه انتي ولا حاجة وانا فعلا اتجوزتك بس عشان صعبتي عليا اكمن مرات ابوكي بتعذ*بك وهعمل بنصيحتك فعلا هشوف حياتي وانتي مش هتكوني اكتر من مجرد خدامة ليا وليها ودلوقتي يلا انزلي حضريلي الفطار عشان خارج
ابتسمت حورية بو*جع فهي من فعلت بنفسها ذاك فلتتحمل اذا عواقب غباءها، حركت رأسها بايجاب ولم تنطق بحرف وتركته وخرجت من الغرفة بهدوء
اما مراد فاغمض عينيه بعن*ف وهو يشعر بدقات قلبه تتزايد كأنها تكذبه وتلومه علي حديثه القا*سي معها ولكن مهلا فبرغم كل ما قاله له الا ان النار التي بداخله ما زالت مش*تعلة اثر اهانتها له فلم تفعل ذلك وهو مستعد ان يفعل المستحيل لأجلها
………………
في الاسفل كان الجميع مجتمع علي سفرة الطعام وكل من فهد ومراد وحمزة يجلس وبجانبه زوجته وعلي رأسهم عرفان وبجانبه زوجته عبلة وعبد القادر فتحدث عرفان بهدوء:
اعملو حسابكم وفضو نفسكم عشان هتسافرو مصر كمان يومين عشان فرح بنت ابن زين الجناوي
وقف فهد بعصبية وتحدث:
بعد اذنك يا عمي انا شايف ان مرواحنا ملوش عاذة
تحدث عبد القادر بهدوء :
اجعد يا فهد يا ولدي واسمع الاول عمك وبالفعل جلس فهد وهو يتنهد بضيق فهو لا يريد ان يري ابنه ذلك الرجل المنافس لهم في العمل فهي حقا لا تعرف عن الحياء شئ وبحكم دراستها في الخارج وتربية ابيها المدللة لها جعلتها لا تفرق بين الخطأ والصواب وكثيرا ما كانت تتودد له ولكنه كان يتجاهلها تماما واثناء تفكيره انتبه لحديث عمه:
فهد حصلني عالمكتب وتركهم وغادر فقام فهد هو الاخر وذهب وراءه، وقام مراد وقبل يد امه بحب وهو يتحدث:
عايزة حاجة يا امي هروح انا اشوف شغلي
ابتسمت عبلة وهي تربت علي يده:
عايزاك طيب يا ولدي وبعدما ذهب نظرت عبلة لحورية وتحدثت لها :
جومي وصلي چوزك للباب يا بتي
حركت حورية رأسها بإيجاب وقامت وذهب وراءه
وقبل ان يخرج مراد نادت عليه حورية بلهفة :
مراد استني اجولك
اغمض مراد عينيه باستمتاع فور ان نطقت اسمه ولكن تمالك نفسه والتف لها وهو يتحدث بجمود:
تحدثت بخفوت وهي تنظر له بحزن:
عايزاك طيب ممكن ناخد بالك من نفسك لو ليا خاطر عنديك
نظر لها مراد بحيرة شديدة:
وهتفرق معاكي اني ابقي كويس معتقدش اني اهمك يا حورية عشان تقؤلي كدة وولم يكمل حديثه حينما فجأة احتتضنته حورية بحزن وتشبثت به وهي تبكي ، اتصدم مراد من فعلتها تلك ولم يعد يعلم ما تريده وما الذي تفعله فتنهد بضيق ثم تحدث لها بهدوء وهو يرتب علي ظهرها بحنان:
بتعيطي ليه دلوقتي انا قولتلك اني مش هغصبك علي حاجة ولو عايزة اننا ننفصل حاضر هعملك اللي انتي عايزاه ومش هجبرك تعيشي معايا وبرضه لو عايزة تفضلي عايشة هنا وانتي مراتي انا موافق متخافيش
توقع بعد حديثه ذلك انها ستهدأ ولكن علي العكس حديثه قد جعلها تبكي اكثر فرفع وجهها بحيث تقابلت اعينهما وتحدث بحيرة:
بتعيطي ليه تاني مش طمنتك؟
ظلت تنظر له وكأنها تعتذر منه علي ما فعلته به وبنفسها وتحدثت بصوت مبحوح:
انا اسفة مش عايزاك تكر*هني وصدجني هتلاقي الانسانة اللي تستاهلك
يا الله لماذا تفعل به ذلك في كل مرة اغمض عينيه بع*نف وابعدها عنه بهدوء وتحدث بجمود قبل ان يخرج:
ادخلي جوة يا حورية ولو احتجتي حاجة كلميني من تلفون امي لحد ما اجبلك تلفون وتركها وغادر وهي ظلت تنظر في اثره بحزن وهي تعلم انه لا يستحق منها ان تفعل به ذلك
……………………. الحمد لله
علي السفرة بعدما ذهب مراد وحورية اقترب حمزة من اذن يسرا وتحدث بهمس:
مش عايزة حاجة مني يا يسرا؟
ابتسمت يسرا وتحدثت بخفوت:
عايزاك طيب و خد بالك من نفسك
نظر لها حمزة مطولاً وتحدث:
هبجي طيب طول ما انتي چاري
احمرت وجنتاها خجلا وابتعدت بنظرها بعيداً عنه بخجل فجاءت عيناها في اعين فرحة التي كانت تتابعهم بحزن الي ان استمعت لحديث والدتها الحاد:
فرحة جومي شوفي چوزك خلص ولا لا ووصليه للباب وشوفيه لو عايز حاچة جومي
حركت فرحة رأسها بإيجاب وقامت من امامهم اما عبلة فدعت لابنتها بهديان السر ونظرت لفرحة التي ما ان رأت نظرات اختها لها حتي قامت بجمود وتركت حمزه وذهبت للمطبخ وهي توبخ نفسها لانجرافها لمشاعرها تجاه حمزة
……………….
في المكتب كان يتحدث عرفان بهدوء وهو يوجه حديثه لفهد:
اسمع حديتي زين يا ولدي الجناوي ده مش بس منافس لينا في السوج لا ده صاحب العمر وعلي قد ما هو بينافسنا بس هو انسان محترم واخلاج وانا ميصحش انه يعزمني علي فرح ولده ومروحش دي تبجي عيبة في حجنا يا ولدي واحنا سيد من يفهم في الاصول ولا ايه يا فهد وبعدين ده هيا ليلة هنبيتها ونرچع
حركت فهد رأسه بإيجاب:
اللي تشوفه يا عمي بعد اذنك هروح انا الشغل وما ان خرج حتي وجد فرحة تنتظره امام باب البيت وكانت شاردة فيما رأته وتسأل نفسها هل فعلا اختها احبت حمزة وماذا ستفعل لو هذا حدث فطريقة تعاملهم سويا تؤكد ذلك وقطع افكارها فهد الذي جذبها من يدها بغضب ويدخلها البيت واوقفها امامه وهي تنهره بشدة:
بعد يدك عني يا فهد انت بتو*چعني في ايه
نظر لها فهد بغضب وتحدث بصوت حاد:
اتخبلتي اياك واجفة جدام الدار ومخلية اللي رايح واللي چاي يشوفك ايه كانك ملكيش راچل يحكمك
نفضت يدها منه بعن*ف وتحدثت بغضب:
انا معملتش حاچة غلط انا لابسة الچلبية والطرحة يعني مش بشعري ولا حاچة عشان تعمل اللي بتعمله ده ولا هو تلكيكة وخلاص عشان تزعج فيا كل شوية بس اعمل حسابك انا مش هفضل اكده تحت رحمتك كتير انا هتحدت مع ابوي يشوفلي صرفة وياك وبعدما انتهت من حديثها وجدته يقترب منها وعينيه لا تبشر بالخير فخافت ورجعت للخلف اما فهد فامسك يدها وجذبها له فاصطدمت في صدره مما جعلها تشهق بخجل وحاصرها بيديه كي لا تبتعد عنه وتحدث بهدوء:
انا اللي اجوله يتنفذ بعد اكده ملمحش طيفك برة البيت يا فرحة والا قسما بالله هعاقبك بطريجتي وسعتها هتندمي بجد انك مسمعتيش حديتي قال الاخيرة وهو ينظر لشفتيها فتحذير
كانت فرحة تنظر في عينيه بخجل ومتوترة من قربه لها هكذا وفهمت مقصده من الحديث فحركت رأسها عدة مرات متتالية بسرعة بالايجاب
ابتسم فهد بسخرية علي رؤيتها تائهة به هكذا فتحدث بتسلية:
دلوجتي هسيبك وتطلعي علي اوضتك علطول ومتنزليش منها وابجي اعرف انك خرچتي يلااا وفعلا فور ان تركها حتي ذهبت من امامه بسرعة الي الاعلي اما فهد فابتسم بسخرية وقد لمعت في رأسه فكرة بعدما علم انها تخشي قربه هكذا
……………………… استغفر الله العظيم
في المساء كانت عبلة وابنتيها وزوجة ولدها وبعض الخدم يحضرون الطعام بسرعة قبل مجئ الضيوف الذي اخبرهم مراد بمجيئهم فتحدثت عبلة باستعجال:
همو شوية يا بنات الصيوف زمانهم علي وصول
فسألتها يسرا بفضول:
هو مين الضيوف دول ياما وازاي چايين فجأة اكده
اجابت عبلة وهيا تقلب الطعام:
مخبرش يا بتي مراد. حدتني وجالي اعمل وكل عشان في ضيوف چايين ليه من بلاد برة وجالوله انهم في الطريج يلا همو بجي عشان نلحج نخلص جبل ما يوصلو
كانت حورية شاردة في حديثهم فهي قلبها منقبض لهؤلاء الضيوق من قبل مجيئهم وقطع شرودها اصوات سيارات في الخارج وصوت عبلة تهتف بهم:
اهم باينهم وصلو وتركتهم وخرچت اما حورية فوجدت نفسها تتبعها وقفت امام باب المطبخ الموارب لتقع عينيها علي مراد فنظرت له بصدمة…… يتبع
اولا بعتذر عن التأخير اتمني انكم تراعو ان ممكن يحصلي ظرف طارئ يخليني ااخر تنزيل البارت وخصوصا اني في العادة مش اخر خالص وبنزل في مواعيدي اتمني تراعو ده وبشكر كل اللي دخل كلمني وسأل عليا