رواية اداة انتقامي اصبحت عشقي الفصل الثاني 2 بقلم نشوة عادل
رواية اداة انتقامي اصبحت عشقي الجزء الثاني
رواية اداة انتقامي اصبحت عشقي البارت الثاني
رواية اداة انتقامي اصبحت عشقي الحلقة الثانية
-وانا موافقة ع كلام فارس انا مأمناه عليكى وواثقة انه راجل وجدع ومش هيإذيكى
كانت عهد مصدومة من كلام امها فسألتها: طب طب ازاى ده هيحصل وبابا منعنى من الخروج برة البيت
كريمان: هتقوليله انك موافقة ع العريس وانك عاوزة تخرجى عشان تجيبى لبس جديد تقابليه بيه وقتها هو هيوافق وانا هاجى معاكى طبعا ونكتب الكتاب ونحطه ادام المدفع
عهد بخوف: بس انا خايفة يا ماما
كريمان: متخافيش يا قلب امك فارس هيحميكى
عهد: انا خايفة عليكى انتى يا ماما انا عارفة كويس ان فارس هيحمينى
كريمان: هيعمل فيا ايه ابوكى اكتر من اللى عمله يالا ربنا يهديله نفسه المهم تسمعى الكلام وتنفذيه
بالفعل وافقت عهد واقنعت ابوها بالموافقة وسمح لها بالخروج وفى الوقت ده كان فارس بانتظارها هى وامها
فارس: يالا يا جماعة المأذون مستنى من بدرى
كريمان: طب فين الشهود؟!
فارس: على ورامى اصحابى فوق وشاهدين متقلقيش يا ست الكل
وبالفعل تم الزواج واعلن المأذون عهد وفارس زوجين … عهد: طب هنعمل ايه دلوقتى؟
فارس: ولا اى حاجة انتى كده دورك انتهى هترجعوا ع البيت والباقى عليا انا
عهد بخوف: هتعمل ايه!!
قرب فارس منها وحضنها: متخافيش يا روحى انا معاكى
نزلت عهد وامها ولف فارس لاصحابه اللى سألوه: هو انت فعلا حبيتها يا فارس ؟!
ابتسم فارس بخبث: حب ايه ما انت عارف انا هنا ليه
يعدى الاسبوع وفارس مجاش لماجد عشان يقوله ع موضوع الجواز ووصل العريس الاردنى واحضر ماجد المأذون وكانت عهد وكريمان واقعين من الخوف ولما طلب المأذون بطاقة العروسة دخل فارس
فارس: الجواز ده باطل يا حضرت المأذون
ماجد بغضب: ايه اللى جابك هنا ياض انت اطلع برة
فارس: مش هطلع من هنا غير ومعايا مراتى
ماجد:، نعم ! مراتك ! مراتك مين ؟!
فارس: عهد تبقى مراتى ع سنة الله ورسوله جرى ايه يا حضرت المأذون هما اخترعوا دين جديد ولا ايه ؟! هتجوزوا البنت وهى متجوزة
ماجد بغضب بص لعهد: الكلام اللى بيقولوا الواد ده حقيقى؟!
عهد وطت راسها بخوف وقالت: ايوة يا بابا
هجم ماجد عليها وبدأ يضربها وسط دهشة كريمان من تصرف فارس اللى محاولش يحميها ويبعده عنها بالرغم من استغاثتها بيه اكتر من مرة وبعد وقت راح فارس وبعده عنها
فارس ببرود: تؤ تؤ تؤ اهدى كده يا حاج لا يجيلك جلطة ولا حاجة دى الضربة التانية بعد ما خسرتك شغلك ولسه الجاى احلى
ماجد بغضب: هقت..لك يا ابن ثناء انت فاهم هقت..لك
فارس بتهكم: العضمة اللى بتكبر بيكون كلامها هو تمامها زمان انت افتريت واحنا كنا ضعاف لكن دلوقتى احنا القوة وجه دورك تقعد تتفرج علينا وانت ساكت
كانت كريمان مذهولة وملبوخة مع عهد اللى اغمى عليها اتكلم فارس : بنتك عندك اهى ابعتهالى لما تفوق بدل ما انت عارف انا ممكن اخدها ازاى سلام
مشى فارس ووقع ماجد مصدوم ع الكرسى وهو حاطط راسه بين ايده ….كريمان بصدمة: مين ده يا ماجد وايه اللى بينك وبينه؟!
لكن مفيش رد من ماجد فصرخت بأعلى صوتها: بقولك مين ده يا ماجد؟!
ماجد رفع وشه: ده فارس ابن ثناء مراتى الاولى
كريمان بصدمة: مش ده اللى اخدت منهم فلوس امهم لما ماتت وطردتهم فى الشارع جايين عشان ينتقموا منك فى بنتى طب طب ليه مقولتليش كده من الاول ليه؟!
ماجد: عشان انا نفسى معرفتش الا من اسبوعين ومردتش اقولك عشان عارف المرشح اللى هتفتحيه تانى
كريمان: منك لله يا ماجد انا يا اما اتذللت عليك ترجع الحق لاصحابه يا اما قولتلك المال الحرام مش بيدوم يا اما قولتلك ان الدنيا دوارة وهيقعدلك مكنتش بتسمعلى طمعك وانانيتك طغوا ع قلبك وخلوه مبيفكرش الا فى الفلوس وبس طب بنتى ذنبها ايه فى ده كله ؟
ماجد بحزن: ذنبها انها بنتى اللى من صلبى والواد ادهالى فى مقتل
كريمان بتهكم: اللى يسمعك يقول انك بتحبها وتهمك ده انت عمرك ما حضنتها ولا حسستها بالابوة عمرك ما افتخرت بيها فى دراسه او شغل كنت دايما بتعاملها ع انها عدوتك
ماجد لاحظ ان عهد فاقت وسمعت كلامهم وطى راسه ومبصلهاش اما عهد فأخدت نفسها ودخلت ع اوضتها وقفلت ع نفسها
تانى يوم جه فارس وقال: انا عاوز مراتى
ماجد: اسمع يالا متقولش مراتك انت هطلقها ورجلك فوق رقبتك
فارس: مفيش الكلام ده قسيمة الجواز سليمة وبنتك ع ذمتى فخليها تيجى معايا بالذوق احسن ما اجيبها بالعافية
ماجد: هى مش عايزاك هى خلاص عرفت حقيقتك وصعب تأمنلك وتيجى معاك لانها خلاص بقت عارفة اللى فيها وعرفت انك شر ليها مش خير
فارس: مش مهم تيجى بمزاجها تيجى عصب عنها
ماجد: تاخد كام وتطلقها يا فارس
فارس: مش عاوز فلوس عاوزها هى
ماجد كان هيتكلم لكن اتفاجئ بعهد خرجت من وراه: وانا موافقة اروح مع جوزى ووووو……………..
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية اداة انتقامي اصبحت عشقي)
