رواية قدري الفصل الثالث 3 بقلم رحمة سامي
رواية قدري الجزء الثالث
رواية قدري البارت الثالث
رواية قدري الحلقة الثالثة
#تعديل… اسم صقر هيبقي كريم يا جماعة نظراً لكتر الاسم في معظم الروايات يلا نبداء بقي…. 😊❤
رزان بعصبيه: انتي اي اللي جابك هنا مش قولتلك انسي ان ليكي بنت من هنا ورايح
صحي كريم علي صوتها : رزان عيب كدا دي امك ازاي تتكلمي معاها بالشكل دا
رزان بتريقه: ااه امي…. امي اللي وافقت ترميني ليك بعد اغتص*بتني يا استاذ كريم
الام: يا بنتي انا جايه اطمن عليكي اول ما عرفت اللي حصلك مقدرتش امنع نفسي
رزان: اطمني انا لسه عايشه اهو عشان الباشا يتفنن في عذابي براحته
كريم وهو لسه هيضربها امها مسكته: بس كفايه اللي هي فيه الحمدالله اني اطمنت عليكي يا بنتي
ولسه هتمشي وقفها صوت رزان: متسبنيش يا ماما انا محتاجكي اوي خليكي جانبي
الام بدموع: اهدي يا قلب امك انا معاكي مقدرش اسيبك اهدي كل حاجه هتبقي كويسه
كريم سابهم وخرج بره يدفع حساب المستشفي وبعدين رجع اخدهم وهما في الطريق قال: لو ينفع يعني تقعدي معانا اليومين دوال لحد كت رزان تبقي كويسه
روان بسرعه: اه يا ماما وافقي عشان خاطري
الام: حاضر يا حبيبتي حاضر
*وصل كريم البيت ونزلهم واتحرك هو علي الشركة بتاعتها فرغم انه معيد في الجامعه فهو عنده شركته الخاصة بيه وصل ودخل بكل هيبه تحت نظرات الاعجاب والحقد من البعض دخل مكتبه وطلب من السكرتيرة تطلب من ندي تيجي مكتبه حالا بعد شوية دخلت ندي…
ندي: اهلا بالباشا اللي مختفي اي يا ابني الغيبة دي هو انت مش خايف علي فلوسك ولا اي
كريم: اخاف وانتي موجوده برضو يا شبر ونص انا غايب وعارف انك تسدي ونص
ندي بضحك: كول بعقلي حلاوة يا واد قولي كنت مختفي فين لسه الحلوة مطلعة عينيك
كريم بحزن: انا اتجوزتها خلاص يا ندي
ندي بص*دمه: ات اي… اتجوزتها… دا ازاي يا كريم اي اللي حصل انطق بسرعه
كريم حكي ليها اللي حصل: مكنش قدامي حل تاني مكنتش قادر ابعد عنها ولا اشوفها بتروح لغيري وانا بتفرج
ندي: الحب مش بالعافية يا كريم افهم مش بالعافية واصلا بطريقتك دي اكيد هي كرهتك ومستحيل تسامحك في يوم من الايام انت جرحتها لا وفي اعز حاجه في حياة البنت
كريم بتعب: افهمي بقولك مكنتش قادر مكنش قدامي حل تاني اهي دلوقتي مراتي مش مهم تحبني المهم انها مش هتفارقني
ندي بشك: كريم انت مين اللي عرض عليك الفكرة دي من الاساس دا مش تفكيرك قولي مين قالك الحل دا
كريم: هيكون مين يعني هو في غيره يوسف صحبي اينعم هو مشيوه كله شمال بس الحل بتاعه جه بنتيجه اهو
ندي بغض*ب: انت متخلف دا دم*رك وريني بقي هتخليها تسامحك ازاي انا معرفش انت ازاي لسه مصاحب الزفت دا انت خيبت ظني فيك يا كريم بجد
كريم: طب اعمل اي يا ندي ساعديني انا مش قادر اشوفها كدا ومش هستحمل تعمل حاجه في نفسها تاني
ندي: معرفش بجد معرفش انا راحه مكتبي يا كريم عن اذنك
خرجت ندي وكريم مسك صورة رزان: انا هعمل المستحيل عشان تسامحيني احنا لازم نتكلم واوعدك اول ما يجي اليوم اللي هتسامحيني فيه هعترفلك بكل حاجه يا حبيبتي
………………..
*في مكان مجهول…..
~انت بتقول اي يعني اي اتجوز كريم مستحيل يعمل كدا مين دي اللي قدرت تخليه ياخد الخطوة دي
سيد: وانا هكدب ليه يعني دا اللي حصل واول ما عرفت جيت قولتلك اهو عشان تتصرفي
~بقولك اي عايزاك تعرفلي دا حصل ازاي وتطلع مين دي واي حكايتها بالظبط واوع يغيبوا عن عينيك لحظه
سيد: حاضر بس ايدك علي فلوس يا حلوة
~امسك زفت اهو وانجز ولو حصل اي غلط انت حر
اول ما سيد مشي نزل البنت لبدروم في البيت فتحت الباب وضحكت بخبث: مش كريم اتجوز حبيت بس انقل الخبر بس للاسف مش انا العروسة بس قريب كل دا هيتغير انا بوعدك
رجعت قفلت الباب وهي بتضحك بشر….
…………………
في بيت كريم كانت ام رزان بتحاول تاكلها علي دخول كريم الاوضة..
كريم: سبيها انا هاكلها متقلقيش
الام باحراج: ماشي انا تحت لو احتاجتي حاجه
خرجت الام ورزان بصتله بقرف: انا مش عايزة اكل وبالذات من ايدك انت
كريم: بلاش عناد انتي تعبانه يلا افتحي بؤقك
رزان: قولت مش عايزة اكل اتفضل اطلع بره عايزة انام
كريم: رزان انتي السبب في اللي احنا فيه دا علي فكرة لو كنتي ادتيني فرصة مكنش حصل كل دا
رزان ببكاء: هو بالعافية قولتلك مش عايزاك واصلا مش بفكر في الجواز انت كنت بالنسبة ليا المعيد بتاعي وبس لكن ازاي هو ينفع حد يقول لكريم الصعيدي لا هو دا كلام برضو
كريم بحزن: كريم الصعيدي عشقك مش بي ايده انتي ليه مش حاسه بيا ليه قوليلي ناقصني اي انتي متعرفيش انا شايفك ازاي ولا بحلم اعيشك ازاي
رزان: انت قولتها بنفسك اهت مش بي ايدك وبرضو مش بي ايدي انت اناني فضلت تسعد نفسك حته لو هد*مرني
كريم بغضب: برضو مش هسيبك يا رزان وهفضل وراءكي لحد ما تحبيني واوعدك مش هقرب منك ولا هلمسك غير برضاكي انتي لازم تقبلي بدا لان هو دا الواقع خلاص
رزان ببكاء: مهما عملت مش هتوصل لقلبي يا كريم صعب صدقني انت استخدمت الطريقة الغلط ومستحيل اسامحك عارف يعني اي مش مسامحك يا كريم اطلع بره بره
كريم خرج وقلبه وجعه اوي كانت ام رزان سامعه كل حاجه: تعال يا ابني عايز اتكلم معاك
كريم: خير يا امي محتاجه حاجه
الام: واخرتها يا كريم هتفضلوا في العذاب دا لحد امتا رزان عنيدة انا لو مكنتش متاكده من حبك ليها مكنتش ساعدتك
كريم: مش هينفع اسيبها رزان لازم تبداء العلاج في اسرع وقت او حياتها هتبقي في خطر
: علاج اي
الاتنين بصوا لمصدر الصوت وكانت الصدمه…..
*ياتري مين سيد ومين اللي كان بيكلمها ومين الشخص اللي في البدروم واي علاقته بكريم…. كريم ناوي علي اي واي الحقيقه اللي مخبيها…. علاج اي اللي بيتكلم ومين اللي سمعهم تفتكروا تكون رزان…. قولوا توقعتكم بقي… 😉❤
يتبع…
لقراءة الفصل التالي : اضغط هنا
الرواية كاملة اضغط على : (رواية قدري)
تعليق واحد