رواية قدر قلبي الفصل الثامن 8 بقلم ندى أحمد
رواية قدر قلبي الجزء الثامن
رواية قدر قلبي البارت الثامن
رواية قدر قلبي الحلقة الثامنة
رفع الكم لغايه الكوع و شاف كدمات كتيير تانيه
=ايه كل دا !! خبطه بردو ؟!
فلتت ايدها من ايده
-ملكش دعوه بيا يا دوروك … خليك ف خطيبتك .. مش انا الي مفكرتش فيا تاني بعد لما بابا رفضك ؟! مش دا كلامك ؟ ليه تقلق علي واحده مش بتحبها .. الي ليه الحق يقلق هو مروان مش انت خالص
دوروك مسك نفسه بالعافيه و قرر فعلا يلتزم بقراره و يحترم انها هتبقا مرات اخوه
= عندك حق .. عموما هقول لمروان وهو يشوف الموضوع
اما ندي فكانت متوقعه رد تاني .. كانت متوقعه انه هيقولها الحقيقه وانه لسا بيفكر فيها و هيقولها ليه قالها انه مش بيحبها وهو كل افعاله ونظراته تبين انه بيحبها
-خلصت كلامك كدا ؟!
= اها .. كنتي متوقعه اقول حاجه تاني ولا ايه ؟
-لا عن اذنك
خرجت برا الحمام بس مرجعتش لمروان … خرجت من القاعه خالص و حاولت تبعد علي اد متقدر و سابت العنان لدموعها الي مكنتش قادره تمسكها اكتر من كدا
راحت للبحر و قعدت عالكرسي الي هناك
-شايف يا بحر ازاي انا وانت مساكين زي بعض … انت الناس بترمي فيك الزباله و انا بابا بيعذبني و محدش مهتم … انا كنت فاكره ان لو حد عرف الحقيقه دي فيوم من الايام هيقف جمبي .. صدقني كنت فاكره كدا و مقتنعه كمان بس اهو دوروك شاف ايدي و خمن انه بابا ومع ذلك قالي مروان هو الي يتصرف مش انا .. هو انا متحبش للدرجادي يا بحر ؟
اتفاجأت ب دوروك بيقعد جمبها
= انتي تتحبي وجدا كمان بس انا اخو خطيبك و بتعامل علي اساس دا … مقدرش اجبر نفسي اني انسي ساره الي حبيتها واحبك انتي لمجرد انك بتحبيني … بس صدقيني مش هسيب الموضوع كدا .. هقول لمروان و ابقي شوفي هيتصرف ازاي مع باباكي
قامت من مكانها وهي بتمسح دموعها
-بس انا مكنتش عايزه مروان هو الي يتصرف يا دوروك !! كنت عيزاك انت .. بس عموما فكك اصلا انا كدا طول حياتي .. عمري م عوزت حاجه و اتحققت
ومشيت
دوروك كان عايز ينادي عليها و يقولها الحقيقه بس مسك نفسه ف اخر لحظه
وهي رجعت القاعه
~ كنتي فين يا ندي !! اتأخرتي جامد
-معلش يا مروان ..
~ باين عليكي كنتي بتعيطي !!
-لا عيني بس دخل فيها حاجه
و دوروك وقتها دخل القاعه تاني و قعد جمب ساره
و عدي اليوم و الكل راح بيته
*ف قصر حسام السيوفي*
= مروان انا عايز احكيلك حاجه
~ اتفضل يا اخويا
= انا شاكك ان ابو ندي بيعذبها ويضربها جامد .. انت معاها فالشركه من زمان .. مشفتش حاجه تلفت النظر ؟؟
~ هي دايما بتيجي بلبس كم حتي لو صيف و دايما بتحط ميكب تقيل وتقريبا عمري م شفتها من غير ميكب
= طيب مش برأيك دا بيأكد احتماليه ان يبقا ابوها بيعذبها ويضربها جامد ؟!
مروان قام من مكانه
~ معقول !!
ومستناش حتي لغايه الصبح و خرج من البيت و راح لبيت ندي
¥ ايوا عايزه ايه فالوقت دا بتخبط جامد ليه
مروان اداله شيك
= دا شيك ب ٢ مليون ونص تمن المهر … بس عايز اخدها دلوقتي و بكرا هنكتب الكتاب ونتجوز و لو شايف ان مينفعش تنزل معايا دلوقتي ومش هينفع غير لما نكتب الكتاب ف ..
كان لسا هيكمل كلامه بس الاب قاطعه
¥ لا خدها من دلوقتي اهو مش هقول حاجه .. و ياريت تقولها متزورنيش تاني
و صحاها من النوم و قالها تلبس بسرعه عشان رايحه مع جوزها لبيته و بكرا هيتجوزو
هي خمنت ان دي خطه مثلا دوروك عملها مع مروان عشان يخلصوها من باباها ف لبست بسرعه وحطت ميكب و اخدت هدومها و نزلت مع مروان
-احنا هنتجوز بكرا بجد ؟
~ لا انتي قولتيلي مش جاهزه للخطوه دي ف القصر كدا كدا كبير انا قولتلهم يجهزولك اوضه فيه و هتفضلي فيها لغايه لما تقرري اننا نتجوز
-هينفع لو اجرت شقه وحدي مثلا؟
~ لا مش هينفع لان كدا هخاف عليكي وانتي وحدك
-يعني بتخاف عليا ؟!
~ايوا يبنتي مالك مستغربه كدا ليه … لو تعرفي الدم كان بيغلي ازاي فعروقي لما عرفت انه بيعذبك .. وحتي مستنتش للصبح
ندي كانت بتقارن بين رده فعل دوروك و مروان .. مروان مهانش يسيبها ساعه واحده بعد م عرف
ندي مسكت ايده و بدأت تدمع
-شكرا بجد اني خلتني اجرب احساس اني مهمه اوي عند شخص كدا
ومروان اتكسف
~ اهو وصلناا
نزلو من عربيته و دخلو القصر
نادي علي دوروك و باباه بصوت عالي
~ من النهارده ندي هتعيش معانا و انت يا دوروك هتعتبرها اختك وانت يا بابا هتعتبرها بنتك .. تعالي اوريكي اوضتك
راحت معاه يشوفو الاوضه وكانت اوضه واسعه جداا
-بس دي كبيره اوي يا مروان .. خليني ف اوضه صغيره احسن انا كدا كدا مش محتاجه المساحه دي كلها
~ لا انا اخترتهالك بنفسي و شايف انك هتبقي مبسوطه فيها
-معلش تعبتك
~ لا مفيش تعب ..
و راح اوضته و الكل نامو
*الصبح*
خرجت من اوضتها ب بيجامه نص كم و من غير ميكب .. هي قامت من النوم وهي فاكره نفسها فبيتها .. يعني لسا متعودتش علي الوضع الجديد ف خرجت من الاوضه وهي مش مستوعبه انها المفروض ف بيت الناس
و راحت للسفره بتاعت الفطار
والكل بصلها بصدمه
كان دراعها كله كدمات وكمان وشها فيه كدمات و كان منظر صعب
دوروك اتعصب جامد من الاب بس مسك نفسه وحط لسانه ف بوقه كالعاده
مروان قام من الكرسي بتاعه و راح ناحيتها
~ معقول باباكي بالقسوه دي !!
ندي استوعبت انها خرجت من اوضتها كدا و جريت علي اوضتها بسرعه و قفلت الباب
مروان راح ناحيه اوضتها و قعد قدام الباب
~ انا مش هسيبه يفلت ب فعلته دي صدقيني .. و المهر الي اديتهوله دا انا هاخده منه تاني و كمان هيجرب احساس انه يتضرب .. صحيح انه باباكي ولازم احترمه بس بعد المنظر الي شوفته دا انا مش هسيبه ابدااا يستمتع بالفلوس الي اديتهاله .. اخرجي من الاوضه مش انتي الي المفروض تتكسفي .. هو الي المفروض يتكسف من عملته دي
خرجت من الاوضه وهي لابسه بيجامه كم وحاطه ميكب
مسكها من ايدها و راحو للحمام و غسلها وشها
~ من النهارده مفيش ميكب تاني .. مش هتداري الي ف وشك بميكب … من النهارده خليكي علي طبيعتك و انا هاخدك عند دكتور عشان يدينا كريمات للكدمات دي و فظرف شهر هتخف متقلقيش
-بس مينفعش اخرج فالشارع كدا …
~ لا هتخرجي و انتي واثقه من نفسك كمان … الناس ميستاهلوش انك كل يوم تداري وشك بس عشان ميقولوش ايه الي ف وشها دا
ندي دمعت عينها
-يعني شكلي مش وحش بالكدمات دي ؟
مروان مقدرتش يمسك نفسه وحضنها
~ انا شايفك احلي من شكلك بالميكب والله …
و اخدها و راحو للسفره تاني
~ انا هروح النهارده اربي ابوها دا و اخد كمان منه الشيك
> بس يبني دا اتفاق و خلاص سيبه ياخد الفلوس المهم منشوفش وشه تاني
~ لا يا بابا الفلوس دي يستحقها لو كان بيعامل مراتي كويس انما هو كان بيعذبها!!!
اما دوروك ف انفصل عن العالم بعد لما سمع كلمه مراتي
ومكنش قادر يسمع كلام اكتر من كدا
= عن اذنكم هروح اوضتي
و راح اوضته وهو بيخبط كف ايده فالحيطه
= اهي بقت تعجب بمروان و شهامته معاها و انا الي معبرتهاش حتي لما شفت الكدمات .. اهي بدأت تكرهك يا دوروك زي م انت عايز
و قعد عالسرير وهو بيعيط
= بس انا لسا بحبها .. لسا قلبي بيدق بسرعه اول لما اشوفها و لسا بتبسط لما اتكلم معاها … يارب ثبتني يارب عالطريق الصح ومتخلنيش اكسر فرحه اخويا ولا اخونه
واتصل بساره
= ساره .. بابا قال اننا هنصيف مع بعض كلنا انا وانتي و مروان وخطيبته و بابا ف ايه رأيك فالموضوع ؟ السفر بعد يومين
€ موافقه طبعاا
و خرج من اوضته وقالهم عالفكره دي ومروان والاب وافقو عليها
=كدا عايزين نأجر ٢ شاليه .. واحد للرجاله وواحد للبنات
> اعتبر الموضوع تم يبني
وبالليل لما الكل نامو دخل اوضه ندي و مكنتش مقفوله بالمفتاح
قامت بسرعه من عالسرير
-ايه يا دوروك مش تخبط حتي ؟! بعدين انا نسيت اصلا اقفل الباب بالمفتاح
= لازم نتكلم
-لو سمحت اخرج من اوضتي .. الوقت متأخر وكمان انا مش عايزه اتكلم معاك
= انا عايز بس افهمك اني متصرفتش ولا عملت اي حاجه لما شفت الكدمات امبارح وكمان النهارده بس عشان مينفعش اتصرف .. خطيبك هو الي ليه الحق يتصرف مش انا … انا مسكت نفسي بالعافيه اساسا
-اخرج لو سمحت من اوضتي .. انا مبقتش طايقاك يا دوروك .. انت حسستني اد ايه انا مليش قيمه و اد ايه انا مستاهلش انك تتحدي الدنيا كلها عشاني .. اخرج برا بدل م اعلي صوتي و الكل يجو و وقتها هتكون فموقف صعب
= استني بس انا هفهمك الموضوع كله بس عشان تبقي فاهمه و اوعدك مش هقرب منك تاني ولا اكلمك حتي بس اسمعيني المره دي و انا هفسرلك كل حاجه
-مش هتمشي يعني ؟ طب ماشيي
بصوت عالي جدا -يا مروان الحقنييي يا مرواااااان
مروان بسرعه دخل الاوضه واتصدم لما شاف دوروك
بعياط -قلتلك مش هينفع ابات معاكم فنفس القصر يا مروان … اهو دوروك جالي الاوضه وكان عايز ..
و عيطت اكتر
تفتكرو ايه هيحصل و حبيتو مروان ولا دوروك ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدر قلبي)
2 تعليقات