رواية قدر قلبي الفصل الخامس عشر 15 بقلم ندى أحمد

رواية قدر قلبي الجزء الخامس عشر

رواية قدر قلبي البارت الخامس عشر

رواية قدر قلبي الحلقة الخامسة عشر

بعياط -بقولك مروان كان بيمشي علي رجله ! انت مش مصدقني ليه
دوروك حضنها
= انتي بس كنتي بتتخيلي اصل هيمشي ازاي
زقته بعيد عنها
-انت شايفني مجنونه قدامك !
= لا طبعا بس بقولك ان اكيد سرحتي بخيالك شويه مثلا ف افتكرتي الخيال حقيقه
-دوروك سبني لوحدي ينفع !!
= تمام هسيبك تهدي
و خرج من الاوضه
اما ندي فبدأت تشك فنفسها ويمكن فعلا كانت بتتخيل
المهم انها عدت الموضوع بعد لما قعدت مع نفسها وفكرت و شافت ان دوروك عنده حق و بردو اكيد مروان مش بيمثل انه مشلول بقاله شهر .. الدور دا صعب حتي علي الممثلين بس هي بقت تخاف منه و بطلت تروحله و بقت تشوفه وقت الاكل بس لما يقعدو كلهم عالسفره
*ف مره وهما بيتعشو كلهم*
~ ليه يا مرات اخويا مبقتيش تيجي تقعدي معايا ولو شويه

كانت هترد بس دوروك رد بدالها
= هي مشغوله الفتره دي انت عارف انها رجعت للشغل
~ اه صحيح انا قولت لبابا يحطلك هديه رجوعك للشغل ف اوضتكم
-مفيش داعي للهديه يا مروان ليه تعبت نفسك
~ لا طبعا تعب ازاي هو انا عندي كام مرات اخ
دوروك ضحك علي كلامه
بهمس -شايف الكلام مضحك ليه ؟ ناوي تتجوز عليا مثلا ؟
= لا طبعا هو انا اقدر
وخلصو اكل و هي راحت اوضتها هي و دوروك و شافت البوكس الي مروان جابهولها بس حطته عالكرسي و نامت عشان كانت تعبانه
صحيت الصبح بس متأخر وقامت بسرعه عشان اتأخرت عالشغل و رنت علي دوروك عشان تأنبه انه مصحهاش بس مردش
وهي بتجري فالاوضه زي المجنونه عشان تشوف اللبس الي هتلبسه وتكويه خبطت فالبوكس الي عالكرسي ف البوكس اتفتح و وقع الي جواه
استغربت اوي لما شافت الي جواه .. كانت ورقه بس
بوكس كبير مفهوش غير ورقه
علي الرغم انها متأخره بس مسكت الورقه عشان تشوف ايه الي فيها
والصدمه الاكبر انها فاضيه مفهاش ولا حرف
نسيت الشغل خالص وقعدت عالكرسي تفكر .. هو اكيد مكلفش نفسه وجاب بوكس عشان يحط جواه ورقه فاضيه .. اكيد فيه تفسير
جه فبالها ان فيه حبر سري و بحثت عالنت شافت ان الكلام الي مكتوب بالحبر السري ينفع تشوفه لو قربته من شمعه او نار
جابت شمعه و حطت الورقه جمبها و فعلا فيه كلام ظهر
‘ تقريبا انتي عديتي الموضوع و افتكرتي نفسك بتتوهمي مع اني كنت فاكرك اذكي من كدا .. حبيت اعرفك اني بدأت خطه انتقامي النهارده ‘
رمت الورقه من ايدها وهي مش مصدقه الي قرأته .. معني دا انها مكنتش بتتوهم فعلا ..

بس وقتها الجرس بتاع القصر رن وهي بصت من شباك اوضتها و كان دوروك الي بيرن .. سابت الورقه علي السرير و نزلت بسرعه تفتحله الباب
-دوروك كويس جيت دلوقتي
= اهدي بس خدي نفسك .. وحشتك ولا ايه 😉 ليه انتي الي فتحتيلي الباب و بعدين ليه مرحتيش شغلك
-دوروك انا مكنتش بتوهم او بتخيل
= طب مش تسأليني حتي جيت ليه بدري اوي كدا
-دوروك تعالا بس وانا هثبتلك كلامي
اخدته من دراعه و راحت اوضتهم بس بتبص عالسرير ومكنتش الورقه موجوده
= ها فين الاثبات
-دوروك كان فيه ورقه هنا .. مروان كان حاطط ورقه فالبوكس الي اداهوني و الورقه كانت مكتوبه بحبر سري
= يبنتي اهدي بس اصلا مروان هيكتب ازاي وهو مشلول
-يا دوروك صدقني كان فيه ورقه هنا
= العصفوره اخدتها مثلا ؟!
-يعني مش مصدقني ؟!
= هصدقك ازاي وانتي الي بتقوليه دا مستحيل اصلا
و راح ناحيه البوكس الي كان واقع عالارض
= شايفه اهو البوكس جواه بليزر مش فاضي مثلا وجواه ورقه بس زي مبتقولي
-ايه البليزر دا !! مكنش موجود والله يا دوروك
= حبيبتي بصي انتي اعصابك تعبانه الفتره دي وبدأتي تتخيلي حاجات غريبه وانا وافقت علي نزولك الشغل تاني عشان ممكن يكون احسن ليكي وتبعدي عن التخيلات دي بس انا شايف انها زادت بعد الشغل وكمان بتقوليلي ورقه و مفيش ورقه اصلا .. عالاقل المره الاولي اتخيلتيه قدامك بس

بعياط -علي فكره الي بيحب حد بيصدقه
= ماشي يصدقه لما يقوله علي حاجه معينه لكن مش لما يقوله اخوك بيمشي وكمان بيخدعني ويحاول يبيني مجنونه
-انا مجنونه يا دوروك ؟!
= لا مش قصدي كدا
-لا انت قولت اني مجنونه يا دوروك
دوروك رمي البليزر عالارض
= يوووه انا زهقت بقاا من ام النكد دا .. سلام هرجع شغلي .. وانا الي كنت سايب الشغل عشان عاملك مفاجأه بمناسبه رجوعك للشغل
-دوروك استني !
بس هو مشي و سابها
اما هي ف راحت اوضه مروان وهي متعصبه
-قول من الاخر عايز ايه
~ تقصدي ايه يا ندي
-لا بقولك ايه انت كمان هتعاملني اني مجنونه !!
~ لا بس مش فاهم قصدك
-مروان متعملش فيها برئ .. ايه الورقه الي بعتهالي دي و ايه الكلام الي كان فيها دا
~ ورقه ايه وكلام ايه ! هو انا بعرف اكتب يا مرات اخويا ؟! انا حتي مش بعرف اروح الحمام وحدي عشان اعرف اكتب
-مروان متستهبلش احنا لوحدنا فالاوضه ف اتكلم وقول الحقيقه
~ حقيقه ايه بس ..
مسكته من رقبته جامد
-يا تقول الحقيقه دلوقتي يا هموتك
بصوت مخنوق ~ يا ندي استهدي بالله بس
-قول الحقيقه !!
بصوت مخنوق ~ حقيقه ايه ؟!
بصوت عالي و زعيق -قول الحقيقه بقولك !! هموتك لو مقولتهاش !!
الاب دخل الاوضه علي صوتها و زقها بسرعه بعيد عن مروان
> بتعملي ايه !!
بعياط – يا عمي مروان عايز يطلعني مجنونه .. خليه يقول الحقيقه بالله عليك

>انت كويس يا مروان
~ اه يا بابا كويس
وش مروان كان احمر جدا
> كنتي هتموتيه !!
-لا كنت بخوفه بس والله
> افرضي مات ؟! مش شايفه وشه احمر ازاي !
اخدها من ايدها و دخلها اوضتها هي و دوروك وقفل الاوضه بالمفتاح
وهي بتخبط عالباب
-يا عمي اسمعني بس انا مكنش قصدي ائذيه !!
و رجع لمروان
> انا اسف يبني علي الي حصل دا انا مش عارف ايه الي حصلها
~ انا بقيت خايف وانا ف بيتي يا بابا .. خايف انام ومصحاش بسبب انها هتكون موتتني من الخنقه وانا نايم
> لا يبني متقولش كدا .. يجي بس دوروك ونشوف حل
~ مفيش حل يا بابا .. لازم يمشو هما الاتنين من البيت لغايه لما يعالج مراته ويشوف مالها
> حاضر يبني هقوله لما يجي المهم انت نام دلوقتي و استريح .. متقلقش انا قفلت عليها الاوضه
~ حاضر يا بابا هحاول انام
اما ندي فكانت بتخبط عالباب
-افتحو بقولكم !!!
فضلت تخبط و تزعق لغايه بالليل لما دوروك روح البيت
= ايه الصوت دا !!
طلع اوضته و لقيها مقفوله بالمفتاح
-دوروك دا انت !! دوروك افتحلي الباب

راح لابوه
= ازاي يا بابا قافلين عليها !!
> مراتك كانت بتحاول تخنق اخوك
= ايه ؟!
> زي مقولتلك كدا و انا لحقته ف اخر لحظه و مروان بقا خايف تخنقه تاني ومحدش يلحقه و بصراحه عنده حق
= يا بابا لا ندي اكيد مش قصدها تأذيه
> اه طبعا تخنقه وتقولي مش قصدها تأذيه .. بص بصراحه يا تطلقها يا تروح تعيش معاها ف مكان تاني
= خلاص انا هاخدها و نروح نعيش فمكان تاني وشكرا انك بتطردنا بالشكل دا
ومستناش يسمع رده و راح يفتح لندي الاوضه
اول لما شافته حضنته
-دوروك حبسوني فالاوضه يا دوروك
بعدها عنه
= انتي بجد حاولتي تخنقي مروان ؟!
-مكنش قصدي اؤذيه .. انا بس كنت بضغط عليه عشان يقول الحقيقه
= و يا تري قالهالك ؟!
-مرضيش يقول حاجه
= ندي بذمتك لو فيه حقيقه اصلا هل هيكون بيقاوم عشان ميقولهاش وهو شايف نفسه بيتخنق ؟! كان هيقولها عشان تسيبيه ومتخنقهوش
-انا متأكده انه بيحاول ييبيني مجنونه يا دوروك
= ندي افرضي مات وانتي بتخنقيه؟! هتبقي قاتله عشان اتوهمتي انه بيحاول يبينك مجنونه ؟!
كان مستني منها رد بس هي كانت بتبص عليه وهي بتعيط ومش عارفه تقول ايه وفجأه اغمي عليها
وكانت درجه حرارتها عاليه ف قلق عليها و اخدها بسرعه للمستشفي
^ ياريت المدام متتعرضش لاي ضغط الفتره الجايه عشان الحمل يثبت
= حمل ؟!
^ ايوه المدام حامل
بفرحه= بجد !!