رواية قدر قلبي الفصل الرابع عشر 14 بقلم ندى أحمد

رواية قدر قلبي الجزء الرابع عشر

رواية قدر قلبي البارت الرابع عشر

رواية قدر قلبي الحلقة الرابعة عشر

~ تقبلي نتجوز لما تتطلقي من دوروك ؟
بزعيق -انت بتقول ايه يا مروان ؟! بقولك بعتبرك اخويا تقولي نتجوز لما اتطلق !! وبعدين انت حتي معملتش حساب اخوك و زعله وقتها !!
ومستنتش رده وخرجت من اوضته و راحت اوضتها هي و دوروك
وبدأت تفهم كل حاجه صح و تعرف انها وقعت ف فخ مروان لما يهتم بيها بدل من دوروك ف هي تتطلق من دوروك الي مش معبرها و تتجوز الي بيحبها و يهتم بيها وهي اصلا كانت بتقضي وقت كبير مع مروان عشان بتعتبره زي اخوها وعشان صعبان عليها انه قاعد وحده
و قررت انها هتدي ل دوروك فرصه و هيصلحو كل حاجه بينهم و انها كانت قاسيه معاه لما جابلها الهديه لمجرد بس انه كان بيفكر زي مروان و استغلت ان ابوه هيبات برا النهارده عشان وراه شغل برا المدينه و حضرت مفاجأه
بس دوروك رجع البيت متأخر علي ٢ بالليل كدا
و اول لما دخل الصاله اول حاجه وقعت عليها عينه هي السفره
النور كان مطفي و مولعه شموع كتير و حاطه ورد احمر عالسفره و كمان فيه اكل و هي كانت قاعده عالكرسي بتاع السفره ولابسه الفستان الاحمر الي جابهولها

ب ابتسامه -كنت مستنياك
اما هو فكان لسا مصدوم من التحول الرهيب دا من ناحيتها
هي قربت منه و بدأت تعدل الكرفته بتاعته بدلع
-مراتك حبيبتك وحشتك صح
= انا بحلم صح
طبعت بوسه علي خده
-اهو طلعت مش بتحلم
وهو حط ايده علي خده ومش مصدق اما هي فمسكته من ايده و قعدته علي كرسي السفره
-الاكل دا كله انا الي عملتهولك
= بجد ! كدا اخاف علي نفسي بقا
و هما الاتنين ضحكو
-تعرف ان بقالي كتير مشفتكش بتضحك ..
= تعرفي ان دي احلي مفاجأه فحياتي
-انا اسفه بجد علي كل الي عملته .. بس انا بجد كنت بقضي وقت كتير مع مروان بس عشان بعتبره زي اخويا وكمان .. عشان اخليك تغير
= شششش مش عايز اسمع حاجه من الي فات .. انا اصلا واثق فيكي و عارف ان كان تعاملك مع مروان بداعي الشفقه مثلا عشان وضعه وكدا
-بص هو بردو طبعا لو مكنش مشلول مكنتش هقضي معاه وقت طويل كدا ف ممكن اه عشان صعب عليا وانه بيقضي اليوم وحده و اه بص كمان فيه حاجه تاني .. انا مكنتش بقعد معاه من الفجر كنت بقعد فالصاله استني لما الصبح يطلع و اروحله وكنت بقولك بقعد معاه من الفجر عشان تتغاظ وكدا و كمان كنت بقعد معاه وانت فالبيت لكن بمجرد م بتروح الشغل بسيبه بس كنا انا وهو مفهمينك اننا بنقضي كل اليوم سوا عشان تغير و تبطل معاملتك دي معايا و انا عارفه ان الي عملته غلط
كل دا و مروان سامع كلامهم و هتعرفو سمعه ازاي ف اخر البارت
= فكك بقا من مروان الليله دي و تعالي بس نبقا الليله دي كأننا اخر ناس عالكوكب
ب ابتسامه -عندك حق
و دي فعلا كانت ليله مميزه ليهم وكانت اول ليله وهما متجوزين .. قررو يبدأو بدايه جديده ويسامحو بعض علي كل حاجه عدت

*الصبح*
=صباح الخير يا حبيبتي
-صباح النوور
= نمتي كويس ؟
-ايوه متتخيلش حضنك دافي اد ايه
دوروك ضحك
= يلا تعالي بقا نقوم وانا الي هحضرلك الفطار ب ايدي النهارده
-يلا
و قامت وقعدت عالسفره وهي مستنياه
كان الاب مش موجود فالبيت اليوم دا بردو و مروان قافلين اوضته ف كانو قاعدين براحتهم كأنهم ف شقتهم
هي كانت قاعده عالسفره فالصاله و دوروك فالمطبخ بيحضر الاكل
كانت بتسمع اغاني فالهاند فري و فجأه كدا شافت مروان قدامها وواقف علي رجله
من صدمتها معرفتش تنطق وكانت بس بصاله بصدمه
~ مصدومه صح ؟! انا هوريكي ازاي تشفقي عليا ! هوريكي ايام سوده
اما هي ف اغمي عليها من الصدمه
دوروك خلص الاكل و اتخض لما شافها واقعه عالارض و صحاها