رواية قدر قلبي الفصل السادس عشر 16 بقلم ندى أحمد

رواية قدر قلبي الفصل السادس عشر 16 بقلم ندى أحمد

رواية قدر قلبي الجزء السادس عشر

رواية قدر قلبي البارت السادس عشر

رواية قدر قلبي الحلقة السادسة عشر

^ ياريت المدام متتعرضش لاي ضغط الفتره الجايه عشان الحمل يثبت
=حمل ؟!
^ ايوا المدام حامل
بفرحه = بجد ؟!
^ ايوه .. عن اذنكم
و سابهم لوحدهم
دوروك بص ل ندي بفرحه
= هبقا اب
بصدمه وعدم تصديق -معقول جوايا طفل ؟!
= ايوا انتي دلوقتي مسئوله عن نفسك وابننا .. تعرفي انا اسعد واحد فالدنيا النهارده
بدموع -هتعامله كويس ؟
دوروك حضنها
= حبيبتي عارف انك متعقده من ابوكي و يمكن عشان كدا مفرحتيش اوي لما عرفتي انك حامل .. لانك خايفه ابننا يمر ب الي مريتي بيه بس لا انا مش ابوكي يا ندي ..
بدموع -لو موت هتتجوز عليا و مراتك تعامله وحش اوي و هو يقولك وانت متصدقهوش وتصدق مراتك ؟
= يبنتي ايه جو الروايات الي عايشه فيه دا لا طبعا دا مش هيحصل و بعدين تموتي ايه بس .. انا وانتي ان شاء الله نموت فنفس السنه كمان
-افرض اتغيرت بعد لما ولدته و بقيت تكرهه
دوروك حضنها تاني
= خليكي بس فحضني و هو هيجاوبك علي كل اسئلتك .. حبيبتي انتي اختارتيله اب كويس و انا بأكدلك اني هحبه اوي .. ناسيه انتي بردو اني مكنش عندي اب و كنت بتمني احس بشعور العيله ولو ليوم ف اكيد مش هخلي ابني يعاني من الي عانيته .. ويمكن انا خايف اكتر منك اننا منقدرش نمنحه شعور العيله الي يخليه مبسوط
وقتها الاب دخل عليهم اوضه المستشفي
بفرحه > انتي بجد حامل ؟!
=ايوه يا بابا ندي حامل

الاب حضن ابنه
> يااه اخيرا هبقا جد
= ايه يا بابا مش كنت عايزني اطلقها او نعيش ف بيت منفصل ؟ خلاص يا بابا لما ندي تخرج من المستشفي هاخدها و نشوف بيت بعيد عنكم
> لا يا ابني ايه الكلام دا بس … الكلام دا طلع مني فوقت غضب بس و بعدين انت هتكون دايما فالشغل و اكيد مش هتسبها وحدها .. خليكم عايشين معانا لغايه لما تولد حتي
= والله القرار يرجع لمراتي حبيبتي .. ها يا ندي هنرجع للقصر تاني ولا نعيش ف بيت منفصل ؟
-هنرجع للقصر
> ايوا كدا يا بنتي وانا هشيلك فوق راسي ان شاء الله المهم بس تبعدي عن اوضه مروان خالص
-اوعدك يا عمي مش هقرب من اوضته خالص
و بعدها بساعه اخدوها و رجعو القصر
*وهما بيتعشو عالسفره*
> هو عشا متأخر اوي بس المهم ناكل فكل وجبه مع بعض .. احلي حاجه فالدنيا لمه العيله
~ عندك حق يا بابا
= صحيح يا مروان محدش فينا قالك .. مبرووك هتبقا عم
~ ايه ؟!
= ندي حامل و كام شهر كدا وهيكون فيه طفل صغير بيلعب فالبيت
مروان اتصدم جداا
~ الف مبروك
= بص يا مروان ياريت تفضل بعيد عن ندي لغايه لما تولد يعني متكلمهاش اصلا و اعتبر اصلا انها مش فالبيت
~ اه طبعا دا اكيد ..
خلصو العشا و كل واحد راح اوضته
و ندي نامت عالسرير اما دوروك فكان واقف جمب السرير و خايف
بضحك -مالك خايف ليه
= خايف اخبط بطنك وانا مش قاصد وانا نايم
-تعالا بس مفيش الكلام دا
= لا بتكلم بجد .. بصي انا هفرش عالارض وانام
بضحك – دوروك انا حاسه انك طفل بجد
وكانت هتقوم عشان تفرشله الي هينام عليه عالارض

= لا لا استني انتي قايمه ليه ؟! خليكي مرتاحه مكانك وانا الي هفرشه .. بصي لو ينفع متقوميش من عالسرير خالص لغايه متولدي
ندي ضحكت
-خايف عليا للدرجادي ؟!
= لا خايف عالطفل
ضربته علي دراعه
= اه طبعا يا بنتي خايف عليكم انتو الاتنين
-ايوا كدا اتعدل
= فيه واحده تقول لجوزها حبيبها اتعدل ؟!
-دوروك نام بس دلوقتي و بطل غلاسه
= اه منا متجوز كوابس
ضربته تاني علي دراعه
= ايدك بقت تقيله الاه !
-نام
طفي النور
بعدها بدقيقتين
-دوروك عايزه اكل بيتزا
= ايه دا ندي اتجننت وبتتكلم وهي نايمه
ندي شغلت النور
-بقولك عايزه اكل بيتزا
= بيتزا ؟! بيتزا ايه يا روحي الساعه ٣ ؟! وبعدين مش لسا متعشيه ؟!
-اموت انا يعني من الجوع !
= جوع ايه بس دا انتي عالحال دا هيكون عندك كرش من اول اسبوع
-عندك مشكله مع الكرش ولا ايه
= لا خالص دا انا حتي كنت بفكر اربي كرش لنفسي 😂
-يخربيت غلاستك بجد .. قوم يلا شوف هتجبلي بيتزا منين
دوروك قام واتصل بكل المطاعم و ولا مطعم بيرد .. كلهم قافلين ماعدا مطعم واحد رد بس قاله يجي ياخد البيتزا بنفسه لان مفيش ديلفري فالوقت دا
= هنزل الفجر اهو اجيب بيتزا لمراتي حبيبتي
-يلا ربنا معاك

= طب مفيش بوسه قبل لما انزل ولا حاجه
-محسسني رايح تحارب
= ايوا طبعا مش شايفه الجو عامل ازاي ؟؟ دا انا بتجمد وانا ف بيتي
-دوروك يلا انا جعانه يرضيك ابنك و مراتك حبيبتك يجوعو ؟
= لا خاالص طبعا .. اهو نازل
و نزل
اما ندي ف كانت قاعده مع نفسها و بتفكر ان اد ايه هي محظوظه ب دوروك … زوج حنين وكمان اب مثالي .. اتنين اتحرمو من شعور العيله علي وشك انهم يكون عندهم طفل ف اكيد هيمنحو الطفل دا كل حاجه اتحرمو منها
وهي شارده ف تفكيرها سمعت صوت خبط علي الباب
فتحت الباب و شافت بيتزا قدام الباب ومعاها نوت و وورده حمرا
اخدت البيتزا و النوت والورده
-ايه يا دوروك الرومانسيه الي نزلت عليك دي
مسكت النوت عشان تقرأها
‘ احلي بيتزا لاحلي حبيبه فالدنيا ‘
ابتسمت و بدأت تاكل البيتزا
بعدها وقفت اكل وقالت تستني دوروك وياكلو مع بعض بس كان طعمها حلو لدرجه مقدرتش تستني
بعد لما خلصتها حست بدوخه ونامت فجأه
*الصبح*
صحيت وكان دوروك قاعد عالارض وهو مكشر
-صباح الخير يا حبيبي .. مالك مكشر ليه ؟! اه اكيد عشان اكلت البيتزا من غيرك صح
= بيتزا ايه بس .. انا جيت امبارح من المطعم بعد لما الراجل لطعني هناك ساعه لغايه لما يعملها و فالاخر الاقيكي نايمه ف سابع نومه وصحيتك كتير مرضيتيش تقومي
-نعم ؟! بطل هزار يا دوروك انت سبتهالي قدام الباب ومعاها ورده حمرا و نوت و انا اكلتها
= لا انتي شكلك اكلتيها مع الملايكه يا حبيبتي .. بقولك جيت ولقيتك نايمه و البيتزا فالتلاجه اصلا
-طب استني انا هوريك الورده والنوت و العلبه الي كان فيها البيتزا
بصت عالكومدينو الي سابت عليه الورده والنوت و العلبه بتاعت البيتزا بس مكنش فيه حاجه موجوده
-ايه دا راحو فين ؟!
= يا ندي بقا حرام عليكي بقا كفايه تخيلات

-استني بس المرادي انا متأكده اني مكنتش بتخيل
حطت ايدها عند انفها عشان اكيد لسا ريحه البيتزا موجوده ف ايدها بما انها نامت فجأه ومغسلتش ايدها
بس مكنش فيه اي ريحه ف ايدها
-ايه دا راحت فين ريحه البيتزا ؟!
= ندي انا مش هسمع المهزله دي اكتر من كدا .. انا رايح الشغل سلام
و لبس وراح الشغل وهي لسا مستغربه ومش مصدقه الي بيحصل
حست ان مروان ليه علاقه بالموضوع بس هي وعدت العم انها مش هتدخل اوضه مروان تاني ابدا ف قعدت ف اوضتها و حاولت تقنع نفسها انها يمكن كانت بتحلم
بعدها بكام ساعه جه وقت الغدا ومكنش لسا دوروك جه من الشغل ف قعدت عالسفره هي و الاب و مروان
> ايه دا انا نسيت اجيب الملح .. استنو هجيبه من المطبخ وجاي
كانو مروان و ندي لوحدهم عالسفره
~ عجبتك البيتزا الي جبتهالك امبارح ؟ والورده والنوت ؟
بصدمه -ايه ؟!
وقتها الاب جه
> اهو الملح وبكدا نقدر نبدأ اكل
-مروان انت اتجننت صح ؟! عرفت منين اني عايزه بيتزا و ازاي حطتها قدام اوضتي و انت مش بتعرف تمشي ؟! كدا انا متخيلتش اي حاجه من كل الي حصل قبل كدا يا مروان .. ايه هدفك من انك تطلعني مجنونه ؟!
> يوووه بدأنا الجنون تاني
-جنون ؟!
~ بابا انا بجد مش عارف هي بتتكلم عن ايه و زهقت من انها دايما تزعقلي كل يوم وتتهمني بحاجه جديده
-انا قايمه اكل ف اوضتي .. ولما يجي دوروك هقوله ننقل ف بيت وحدنا احسن
وقامت و راحت اوضتها و طلبت اكل ديلفري
بس وهي قاعده وحدها فالاوضه حست بالدوخه مره تانيه وصداع رهيب وبدأت تتعرق بشده و تاخد نفسها بالعافيه
مرضيتش تاخد اي برشامه صداع احسن تكون غلط عالبيبي
وحطت راسها عالمخده و نامت
اما دوروك ف لما رجع من شغله الاب حكاله الي حصل

> يبني انا مش عايزكم تعيشو ف بيت تاني .. انا نفسي حفيدي و ابني يكونو معايا فنفس البيت .. متسمعش كلام مراتك
= حاضر يا بابا هشوفها و احاول اقنعها نفضل هنا
دخل الاوضه و اتصدم بالمنظر الي شافه
دم كتيير عالسرير تحت بطن ندي و كمان ندي شكلها غريب .. عيونها تحتها هالات كتير و وشها باهت و بتعرق بشده

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية قدر قلبي)