رواية قدر قلبي الفصل السادس 6 بقلم ندى أحمد
رواية قدر قلبي الجزء السادس
رواية قدر قلبي البارت السادس
رواية قدر قلبي الحلقة السادسة
-مروان انا اسفه بجد بس حاولت والله اني احبك ومقدرتش ..
وخلعت الدبله وسبتهاله عالترابيزه ومشيت
اما هو فكان لسا مصدوم ومش مصدق الي اتقاله
بعدها بدأ يضحك بهستيريه ويتكلم بصوت عالي
~ بتقولي مش عارفه تحبني هههههه و كمان سبتلي الدبله هههههه
و الناس كلها كانت بتبص عليه و بيتهامسو
بعدها بدأ يعيط بصوت عالي زي الطفل و يكسر فكل حاجه فالمطعم … يمسك المفرش يشده عالارض بالاكل الي عليه و يمسك الترابيزه يرميها و كل الناس خافت ومشيت
وكان فحالته العصبيه دي بيردد كلمه واحده بس
~ سابتني !!
الويترز حاولو يهدوه بس معرفوش و كمان هو سبب خساره كبيره للمكان ولحسن الحظ صاحب المكان عارف مروان كويس لانه بيجي المطعم دا كتير وعارف باباه ف اتصل ب باباه و قاله يجي ياخده
وفخلال ربع ساعه الاب و دوروك وصلو المطعم و الاب دفع تمن الخساير الي سببها ابنه
وكمان كانو جايبين معاهم ممرض اداله حقنه مهدئه وبعدها اخدوه البيت وهو شبه نايم
الاب كان زعلان جدا علي حالته ومكنش حتي عارف ايه سببها
وهما بينيموه عالسرير كان بيهلوس
~ ندي سبتني بعد كل الحب الي حبتهولها
وقتها عرفو سبب الحاله الي هو فيها و دوروك فرح الي حد ما لان معني كدا ان هي مش بتحب مروان اصلا وفعلا وافقت عليه بضغط من باباها
بس مروان حالته متحسنتش ابدا لما فاق … اسبوع كامل وهما بيقنعوه ياكل وهو مش راضي ياكل اي حاجه لدرجه انه خس و وشه بقا شاحب جدا و بقا علطول قاعد عالارض ف اوضته وهو ضامم ركبته لصدره
وقتها حاله دوروك اتحولت من الفرح للحزن علي حاله اخوه الي بيموت قدامه بالبطئ
اما ندي ف مقالتش لباباها انها سابت مروان لانها مقدرتش تجمع شجاعتها عشان تعمل دا و الاب اصلا ملاحظش
و بعد الاسبوع دا بيومين دخلو عليه الاوضه عشان يقنعوه كالعاده انه ياكل بس كان مغمي عليه و شفايفه زرقه و وشه ازرق
وقتها كانو هيموتو من الخوف عليه و خصوصا دوروك الي حس انه الي حد ما السبب ف الي بيحصل لاخوه
وفالمستشفي طمنوهم انه نجا المرادي بس لو فضل عالحاله دي و مأكلش ليوم تاني زياده يبقا هيضطرو يحجزوه فالمستشفي و يعيش عالمحاليل وكمان نصحوهم يشوفوله دكتور نفسي
الاب وقتها انهار و كان هيفقد توازنه بس دوروك سنده
= متزعلش يا بابا … انا هحل الموضوع و مروان هيرجع احسن من الاول
وخرج من المستشفي و راح للشركه
كانت لسا ندي ممشيتش
= عايز اتكلم معاكي فحاجه مهمه
-اتفضل
=عندك خبر عن الحاله الي مروان فيها من سعت مسبتيه ؟
-هي ساره قالت انه تعبان ف اخد اجازه ف مش عارفه و بصراحه ميهمنيش اوي .. احنا خلاص فسخنا الخطوبه لو مش عارف
= عارف انكم فسختو الخطوبه .. اخويا بقاله اسبوع مأكلش حاجه و دلوقتي فالمستشفي وعايزين يشوفوله دكتور نفسي غير انه هيعيش عالمحاليل لو مأكلش
– اتمني يخف
= انا مكلمتكيش عشان تدعيله بالشفا مثلا … انتي لازم ترجعي لمروان تاني
-اكيد بتهزر يا دوروك … بقولك مش بحبه و عشان كدا سبته
= لا انا متأكد انك سبتيه عشان بتحبيني
-المهم ان النتيجه واحده وهي اني مش بحبه
= عموما انا جيت بردو عشان اعزمك علي خطوبتي علي ساره
-نعم !!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدر قلبي)
تعليق واحد