روايات

رواية قسوة الرعد الجزء الثاني الفصل الخامس 5 بقلم زوزا

رواية قسوة الرعد الجزء الثاني الفصل الخامس 5 بقلم زوزا

رواية قسوة الرعد الجزء الثاني الجزء الخامس

رواية قسوة الرعد الجزء الثاني البارت الخامس

رواية قسوة الرعد الجزء الثاني
رواية قسوة الرعد الجزء الثاني

رواية قسوة الرعد الجزء الثاني الحلقة الخامسة

فجأة حصل ضر”ب نار علي ازاز عربية رعد وكله اتكسر..

رعد:وطي رأسك..

نبض نزلت قعدت تحت الكرسي وحاطة ايديها علي رأسها..

رعد طلع مسد”سه و بدأ يض”رب نا”ر علي الناس اللي وراه و هو بيسوق…

✨بعد فترة رعد وقف في مكان شبه مهجور..✨

رعد:انزلي بسرعة…

رعد فتح باب عربيته ونزل ومسك ايد نبض وطلع يجري ناحية مكان تاني..

نبض:هما مين دول؟!!!

رعد:لسة معرفش اجري وانتي ساكتة..

رعد دخل جوا غابة ونبض كانت خايفة وماسكة في دراع رعد..

نبض:حرام عليك هو ا..

رعد:هششششش اسكتي خالص..

 استخبوا ورا شجرة وكانوا سامعين اصوات تانية قريبة منهم..

نبض خبت وشها في رعد ورعد حط ايده علي رأسها..

رعد(بهمس):اسكتي مطلعيش صوت…

راجل:شكله مش هنا..

راجل2:عندك حق..

راجل:بس لو مرجعناش بيه ال Boss هيقت”لنا احنا..

راجل3:لقيتوه؟!

راجل2:لا..

راجل3:يلا بينا الجايات كتيرة…

الرجالة دي مشيت ونبض رفعت رأسها بعيد عن رعد..

نبض(بخوف ودموع):هو انا هفضل في الرعب ده كتير؟!هكون مهددة بالق”تل في كل وقت وفي كل مكان..

هكون قاعدة وتلاقي خبر مو”تك..🥺💔

رعد اخد نبض في حضنه وحاوطها بايديه..

نبض مسكت في التيشيرت بتاعه جامد…

رعد:تعالي نخرج من هنا الاول..

رعد مسك ايد نبض وبدأ يمشي في الغابة ويبص يمينه و شماله.

✨بعد فترة كبيرة..✨

نبض:انا تعبت..

رعد:معلش استحملي شوية..

نبض:الغابة كبيرة اوي لو ممو”تناش من الرصا”ص الصبح هنم”وت من الحيوانات البرية اللي هنا..

رعد:التفاؤل عندك level zero (مستوي صفر)

نبض:قولي حاجة واحدة تخليني اتفاؤل وتحسسني اننا هنخرج من هنا..

رعد(بلامبالاة):يعني ممكن انا

نبض:مغر”ور اوي انت

رعد(برفعة حاجب):وانتي من غيري هتقدري تخرجي من هنا؟!🤨

نبض:والله..

نبض شهقت بصدمة لما رعد شالها وقعدها علي حرف بئر و ميل جسمها ناحية البئر…

نبض(بخوف):لا لا رعد متسبنيش..

رعد(بتسلية):ايه المقابل!!

نبض(بخوف):اي حاجة..

رعد(بتسلية):امممممم هفكر..

نبض(بخوف):طب نزلني عقبال ما تفكر..

رعد(بتسلية):لا…خلاص فكرت..

نبض:ها ايه؟!

رعد:هتمسحي كل جذ”مي لما نروح..😂

نبض:لا..🤨

رعد:والله طيب..

رعد كان هيسيب نبض بس نبض مسكت في التي شيرت جامد..

نبض(بخوف):خلاص موافقة موافقة..

رعد:استني بقي…

رعد طلع تليفونه ونبض ماسكة فيه جامد..

رعد:يلا قولي..

نبض(بخوف):اقول ايه بقي حرام عليك…

رعد:قولي انا نبض السيوفي هغسل جذ”م رعد السيوفي علي ايدي لما نروح..

نبض(بغيظ وخوف):انا نبض السيوفي هغسل جذ”م رعد السيوفي علي ايدي لو روحنا…

رعد كان بيسجل صوت نبض😂 وشالها ونزلها في الارض..

نبض(بصريخ):يا حيو”ان!!استغليت اني كنت هقع..

نبض بدأت تضر”ب رعد علي جسمه لغاية ما هي ورعد وقعوا في الارض..

نبض:عاااااااااااااا هدومي اتوس”خت..انت السبب انت السبب..

رعد:انا برضو ولا غبائك..

رعد ونبض قاموا من علي الارض..

رعد قلع الجاكت بتاعه ونبض هي كمان قلعت الجاكت بتاعها..

نبض:حرام عليك..

رعد:انتي اللي زحلقتيني..

نبض:ما انت لو مكنتش كنت هتر”ميني في البئر مكنش ده كله حصل..

رعد:وانتي لو مكنتيش شككتي في قدراتي مكنش ده حصل..

نبض:طيب اسكت شوية..

رعد:انتي بتتأمري عليا..

رعد راح ناحية نبض ونبض جريت بعيد عنه..

نبض:ميصحش نجري كدة احنا مش في البيت احنا في غابة..فاهم يعني ايه في غابة؟!😂

رعد:طب قدامي يا ام غابة..

(اللهم ربع الروقان اللي انتو فيه 😂😂)

نبض ورعد بدأوا يمشوا تاني لغاية ما الليل بدأ يدخل عليهم و نبض ماسكة في رعد اوي

نبض(بخوف و دموع):هنم”وت كدة خلاص؟!.

 وهي ماشيه غصن جرح دراعها..

رعد:لو سكتي شوية هنلاقي مكان نبات فيه اهدي بقي..

✨بعد فترة بسيطة ✨

رعد لقي بيت خشب راح ناحيته بسرعة وحاول يفتحه..

نبض:اكسره بسرعة..

رعد:ده خشب لو اتكسر هنكون كأننا في الغابة..

رعد:معاكي بنسة شعر او اي حاجة حديد..

نبض:اه خد..

نبض شدت بنسة الشعر من شعرها وادتها ل رعد و رعد بدأ يفتح القفل اللي علي الباب لغاية ما فتحه..

رعد: ادخلي..

نبض جريت علي جوا البيت ورعد وراها وقفل الباب..

نبض:انا خايفة من البيت اكتر من الغابة..

رعد:احمدي ربك لقينا حاجة تسترنا..

نبض:دا محتاجة نضافة..😒

رعد بدأ يتجول في البيت كله وبيشوف فيه ايه وبيفتش في كل حاجة علشان يطمن..

نبض:هنبقي كويسين ان شاء الله..

رعد:في جوا اداوات نظافة ادخلي استعمليها ومتقوليش مبعرفش…

نبض:بس..

رعد:ايه؟!

نبض:حاضر..

نبض حطت الجاكت والشنطة بتاعتها ودخلت جابت اداوات التنظيف وبدأت تنفض التراب وتمسح الارض ورعد دخل المطبخ شاف في اكل ملقاش خرج ل نبض..

رعد:هحاول اجيب اكل وارجع..متفتحيش لحد

نبض جريت ومسكت ايده..

نبض:لا انت تعبان وكمان هخاف اقعد لوحدي..

رعد:خليكي هنا يا نبض ده انا خايف علي الغابة منك..وسعي يا بنتي..😂

رعد:متفتحيش لاي مخلوق الا ليا..

نبض:هعرف منين انه انت؟!

رعد:هقولك كلمة سر..

نبض:ايه..

رعد:السيوفي..

نبض:طيب..

رعد خرج وقفل الباب ونبض كملت تنظيف وخلت البيت نضيف اوي..

“البيت كان صغير جدا جدا عبارة عن كنبة كبيرة ومطبخ صغير اوي وحمام صغير برضو وطرابيزة وكرسين قدام الطرابيزة بس”..

نبض قعدت علي كرسي من الكراسي وحطت رأسها علي الطرابيزة….

الباب خبط نبض اتفزعت وقامت بسرعة..

نبض:رعد يا رعد..

نبض:مين؟!

نبض فتحت الباب ببطء لقت رعد قدامها..

رعد:انا كنت عارف انك مش هتسمعي الكلام…

رعد:لو سم..

رعد سكت لما نبض حضنته جامد رعد حاوط خصر نبض بايده و باس رأسها..

رعد:حصلت حاجة؟!

نبض:لا بس كنت خايفة..

رعد نزل نبض وبص في عيونها..لف قفل الباب..

رعد:لقيت فاكهة اتصرفت في حاجات بسيطة يعني…

نبض:اه فاهمة..مش مهم عقبال ما نخرج..

رعد:بكرة هخرج واشوف مكان فيه شبكه..

نبض:تمام..

رعد حط الفاكهة اللي لاقاها علي الطرابيزة وبدأ يقلع جذمته وحطها علي جمب وقلع الجاكت والتيشيرت بتاعه..

نبض:هو احنا هنام بالبناطيل الوس”خة دي؟!

رعد:عايزة تقلعيها اقلعيها..

نبض(بخجل):يا سا”فل..😒

رعد:زيدي في غلطاتك زيدي..

رعد راح فرد جسمه علي الكنبة وكان في مكان ل نبض..

رعد:عايزة تنامي علي الارض نامي مش هجبرك تنامي جمبي…

نبض(برفعة حاجب):والله اشمعنا دلوقتي بقي؟!

رعد:الكنبة حلوة اوي..تصبحي علي خير..

رعد حط ايده علي عينه ونام..

نبض فضلت واقفة شوية تفكر لغاية ما راحت جمبه..

رعد:افندم؟!

نبض(بخجل):خد البس التيشيرت بتاعك علشان اعرف انام جمبك..

رعد:طيب سيبيه..

رعد(بضيق مصطنع):هتنامي جمبي..

نبض(بحدة):ايوه هنام جمبك مش عاجبك بقي قوم نام في حتة تانية..

رعد(بضيق مصطنع):طيب..

نبض:البس التيشيرت يلا…

رعد:لا..

نبض(بخجل):طب علشان خاطر الظروف اللي احنا فيها دي البس التيشيرت بقي مستحيل انام جمبك وانت كدة…

رعد:لا..

رعد غمض عيونه وبدأ ينام ونبض غصب عنها نامت جمبه و علشان متقعش حضنت خصره..

************************************

✨في مكان تاني…في الصعيد..✨

هدي:حمدلله بالسلامة يا ولاد..

ادم و ادهم:الله يسلمك يا تيتة..

عمر:كيفكم؟!

ادم:كويسين يا حاج..

عمر:وخيكم رعد ومرته؟!

ادهم:كلنا بخير يا بابا متقلقش..

هدي:تعالوا يا حبايبي تعالوا..

ادم:هطلع اريح الاول يا تيتة…عن اذنك..

ادم كان طالع علي السلم بس عادل نده عليه..

عادل:كأن ملكش جد يا ولد عمر

ادم:ازاي يا جدي؟!

ادم راح وباس ايد عادل ووقف قدامه..

عادل:رعد كيفه

ادم:بخير يا جدي..

عادل:ومرته؟!

ادم:كويسين ومبسوطين الحمدلله..

جلال:الحمدلله..

ادم:عن اذنكوا..

ادم طلع علي اوضته وغير هدومه ونام

✨تحت✨

ورد:تعالي يا زهرة..

زهرة:نعم يا اما

ورد اخدت زهرة و طلعت اوضتها…

ورد:مش ناوية تروحي للحكيمة يا بتي

زهرة:يا اما مش عايزة اروح انا مش تعبانة يا اما

ورد:علشان تتأكدي يا بتي الرجالة ملهمش امان هيتجوز عليكي..

زهرة(بعصبية):ميجدرش يا اما ميجدرش

ورد:ليه ماسكة عليه ذ”لة مثلا و لا ايه؟!

زهرة:لا يا اما بس مسعد بيحبني..

ورد:خدنا ايه من الحب اسكتي..

زهرة:لا يا اما مسعد مش هيجدر يفكر اكدي ابدا..

ورد:خدي بالك يا زهرة الرجالة ملهمش امان يا بتي

زهرة سابت ورد وخرجت من الاوضة وراحت اوضتها..

ورد:ربنا يهديكي يا بت بطني

✨الباب خبط..✨

ورد:ادخل..

علا:خدي يا خيتي

ورد:إيه ده يا علا؟!

علا:لجيت اعصابك تعبانة جولت اعملك حاجة دافية

ورد:تسلمي يا غالية..

علا:ولا يهمك..

✨عند ملك✨

ملك كانت بتتمرجح وهي سرحانة لقت اللي بيمرجحها من ورا..

ملك:بتعمل ايه دلوجت؟!

يوسف شاور ليها بمعني”مفيش”

يوسف قعد يمرجح ملك كتير لغاية ما ملك زهقت

ملك:شكرا يا خوي

ملك سابت يوسف وطلعت لاوضتها غيرت هدومها وقعدت علي السرير وطلعت صورة رعد وبدأت تتأمل في الصورة

ملك:اتوحشتك جوي يا حبيبي

✨عند شربات✨

شربات:ما تأخد رأيها الاول يا بلال؟!

بلال:لا و ابعدي بجي

شربات:البت هتزعل يا بلال بلاش..

بلال:جولتلك اخر”سي مش عايز اسمع حسك واصل

شربات:وه كيف عاد

بلال مسك دقن شربات بعصبية وزقها علي السرير..

بلال:جولتلك اكتمي

بلال ساب شربات ونزل…

شربات قعدت تعيط كتير وحست بوجع في بطنها..

شربات(بدموع):معلش يا ولدي

✨عند عادل✨

جلال:مش هتأخد رأيها الاول يا بابا؟!

بلال:من ميته واحنا عندينا بنات تمشي كلامها؟!

جلال:بس ده ظلم يا بلال..

بلال:لما جوزت بنتك خدت رأيها..

جلال:كانت صغيرة وكمان كان لحمايتها و حماية العائلة..

بلال:طيب و دي بتي و انا حر فيها..واديت الراجل كلمة..

عادل:هنجعد معاهم الاول يا بلال

بلال:طب يا ابوي

عادل:ايه رأيك يا عمر؟!

عمر:لما نشوفهم الاول يا ابوي

عادل:تومام

**********************************

✨في مكان تاني…في تركيا..✨

(حووووار مترجم بالتركيه 👇👇)

فتون(بهمس):قولي عايزة ايه؟!

ميران بهمس:تعالي اقعدي..

فتون قعدت جمب ميران..ميران قربت من ودن فتون و اتكلمت بصوت واطي..

ميران:نبض فعلا طلعت متجوزة..

فتون شهقت بسبب الصدمة..

فتون :كملي..

ميران :ومش مجبورة وهو ابن عمها..

فتون :دي مقالتش لينا..طب عامل ازاي؟!

ميران :ملحقتش اسألها..

ميران :الاهم دلوقتي محمد ميعرفش..

فتون :لو عرف هيتصدم فعلا..

ميران :نسيب نبض لما تحكيله..

فتون :تمام..

✨الباب اتفتح..✨

ميران :ايه يا جول؟!

جول :حالة مستعجلة..

ميران :جايين..

ميران وفتون قاموا وراحوا للاسعاف..

فتون :ايه الحالة؟!

ازاد :رصا”صة في الرجل اليمني ورصا”صة جمب القلب..و ضر”بة علي الرأس واحتمال يبقي في نزيف داخلي..

فتون :جول جهزي اوضة الاشاعة بسرعة..

جول :حاضر..

ميران :و انتي يا اشين اتصلي بدكتور العظام وجهزي اوضة العمليات..

اشين :حاضر يا دكتورة..

فتون :ميران تعالي كدة..

ميران :المريض بيدخل في صدمة هاتوا الجهاز بسرعة

ميران رجعت حالة المريض للاستقرار تاني

اشين :اوضة العمليات رقم 5 جاهزة و دكتور العظام مستني حضراتكم..

فتون :تمام..

ميران :قدامي يلا..

بدأوا يدخلوا الحالة دي لاوضة الاشاعة الاول وبعدها نقلوها العمليات..

بدأوا يعالجوها ويشيلوا الرص”اص…

********************************

✨في الصباح الباكر…عند نبض و رعد✨

نبض نايمة في حضن رعد ورعد ماسكها جامد..

نبض بدأت تتحرك في نومها وكانت هتقع بس رعد شدها ليه اكتر..

رعد(بنوم):اسكتي شوية..

نبض(شبه نايمة):كنت هقع..

رعد رفع نبض وحضنها وكمل نوم

✨بعد فترة بسيطة✨

بدأ رعد يفتح عينه ببطء ويبص ل نبض شالها شعرها من علي وشها..

رعد:نبض نبض..

رعد:يلا قومي نبض

نبض:اممممم

رعد:قومي يلا

نبض:لا انا سقعانة اوي

نبض قعدت نص قاعدة ولبست التيشيرت بتاع رعد وكملت نوم في حضنه..

رعد:ده اللي هو ايه؟!

نبض:سيبني انام بقي..

رعد:هو احنا في البيت قومي يا بنتي..

نبض فتحت نص عين بكسل ل رعد..

نبض:يا رعد عايزة انام…

رعد:قولتي ايه؟!

نبض:يا رعد عايزة انام..

رعد غمض عيونه وحضن نبض..نبض كملت نوم او بمعني اصح كانت صاحية بس مغمضة عينيها ورعد برضو كان صاحي بس مغمض عيونه

رعد:يلا قومي كفاية كدة

نبض قعدت علي الكنبة ورعد قام اتعدل

رعد:هاتي التيشيرت..

نبض:ليه؟!.

رعد:يعني اخرج ادور علي شبكة كدة ازاي؟!

نبض:اسفة..

نبض بدأت تقلع تيشيرت رعد وادته ليه..رعد لبس التيشيرت بتاعه ولبس الجاكت بتاعه..

نبض:خد موبايلي ممكن يلقط شبكة..

رعد:هاتي..

نبض:اتفضل..

نبض:ما تأخدني معاك..

رعد:طيب..

نبض قامت وكانت بتعدل هدومها ونفسها وخرجت هي و رعد بره البيت..

رعد:حاولي تحفظي الطريق يلا..

رعد ونبض بدأوا يتمشوا تاني ورعد ونبض يجربوا الشبكة

نبض:اوف هنعمل ايه؟!

رعد:مش عارف..

نبض:يا رب..

رعد مشي و نبض وراه..

نبض(بصريخ و وجع):آآآآه..

رعد لف بسرعة لقي نبض رجليها ملفوفة في حاجة حديد

رعد:هششش اهدي هرفعها متحركيش رجلك

نبض(بوجع وعياط):بتوجع اوي

رعد حاول يشيل البتاعة دي من علي رجل نبض لغاية ما فكها

نبض كانت هتقع بس رعد لحقها وشالها علطول بين ايديه

نبض(بتوهان):رجلي بتنزل د”م..

رعد:اهدي اهدي هنرجع البيت اهو

نبض(بعياط):وجعاني اوي اوي

بعد فترة وصلوا للبيت تاني ورعد نزل نبض علي الكنبة وقعد علي ركبه مسك رجل نبض..

نبض(بصريخ و عياط):ابعد ايدك..

رعد:هشششش اهدي اهدي متشدهاش هتوجعك اكتر

نبض(بعياط):بتوجع اوي

رعد:طيب اهدي وانا هحل الموضوع

نبض(بعياط):لا مش قادرة

رعد(بحدة):نبض اهدي

رعد حاوط وش نبض بين ايديه وبص في عيونها

رعد:اهدي حاجة بسيطة وانا هتصرف..هدي نفسك خالص

رعد:خدي نفس عميق اهدي خالص

رعد:سيبيلي نفسك

رعد مسك رجل نبض بين ايديه وبدأ يفحصها..

نبض كانت بتعيط و بتبص علي رجليها

رعد ساب نبض وقام يدور علي اي حاجة يضمد بيها رجليها

رعد رجع ل نبض وقعد قدامها ومسك رجل نبض بدأ يطهرهها بقماش ومطهر

رعد:لقيت شاش قديم

رعد لف رجل نبض بالشاش وخلي نبض تفرد جسمها علي الكنبة

رعد: ارتاحي

رعد طلع رجل نبض علي الكنبة وريح جسمها

رعد:دي الفاكهة اهي جمبك لو جوعتي علشان متقوميش خالص

رعد:هطلع احاول الاقي شبكة

رعد:باسورد تليفونك ايه؟!

نبض:هات التليفون

نبض مسكت التليفون وشالت الباسورد كله

نبض:هتسبني لوحدي تاني؟!

رعد:لازم علشان رجلك وعلشان نعيش

رعد باس رأس نبض وبعد عنها

رعد:همشي بقي

رعد اخد الموبايلات وخرج بره البيت

✨بعد فترة✨

نبض كانت مغمضة عينيها وفجأة ………

يتبع…

لقراءة الفصل التالي : اضغط هنا

الرواية كاملة اضغط على : (رواية قسوة الرعد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى