رواية الحربايه والثعبان الفصل الخامس والخمسون 55 بقلم منة محمد

رواية الحربايه والثعبان الجزء الخامس والخمسون

رواية الحربايه والثعبان البارت الخامس والخمسون

رواية الحربايه والثعبان الحلقة الخامسة والخمسون

رياض: قولت لك ياناني احنا ارتكبنا غلط جسيم في تربيه بنتنا, حبنا الدائم , دلعنا الزايد خلاها متغطرسه وانانيه , مش بتميز بين الصح والغلط , هي سعت بكل قوتها تدمر حياه اخوها , انا كمان مش قادر اصدق انها تدعي ع دعاء بأنها منحله , وليها علاقات
ناني بندم: وانا صدقتها ازاي كنت اعرف هي ليه بتقول كده ع دعاء؟؟!!
رياض: وانا الي ظنيت ان جمال استغل رحاب ,وعشان كدا عملت كل ده , لكن طلعت بنتك وقاعه خداعه’ ازاي بنتي بالشكل المقرف ده
ناني بحزن كبير : انا مش قادره ابص في عين دعاء , رياض الحل ايه آمير متعصب ع اخره , ومن ساعه ماخرج مرجعش البيت
رياض: من حقه بعد الي سمعه ع مراته , وطلع كله كذب
ناني: يارتني ما كنت اتصلت بيه وطلبت منه يرجع البيت , اهو كشف الحقيقه المخزيه
رياض بنرفزه عليها: انتي مكنتيش عايزه يعرف كمان الحقيقه , كنتي عايزه يفضل عنده لو ذره شك من ناحيه مراته, النهارده بنتك اعترفت بكل جرايمها, واثبتت ان دعاء صادقه , ع الاقل البنت دي هتعيش مرتاحه من الظلم الي وقع عليها , وفي المستقبل مفيش قوه تقدر تخلق جدار في علاقتهم
ناني: اتحل كل شئ بين آمير ودعاء ‘وانت عارف مدي ثقه آمير فيها
رياض بحده: الفضل كله يرجع لدعاء, لان مفيش مخلوق يجبر حد ع ثقته , ودعاء اكتسبتها بأخلاقها الرفيعه , وثقتها القويه في نفسها , وانها ع حق
ناني: رحاب هتعيش هنا مقدرش اسيبها تعيش لوحدها , وخوفي ان آمير يصمم يسيب البيت بسببها
رياض: آمير مش بالغباء الفاحش ده ‘هو بيحب اخته
ناني: ارجوك اتصل بيه , الوقت اتأخر ‘ومرجعش لحد دلوقت, انا قلقانه عليه
رياض: متقلقيش ابننا هيرجع لبيته ولمراته
ناني بصوت مهزوز : ان شاء الله
…………….قصص منه محمد كاتب……………
دعاء في الجنينه ماسكه الموبيل ورايحه جايه
ناني: المسامحه كلمه قليله لكن الي اقدر اعمله اطلب منك السماح عن رحاب, كانت قاسيه عليكي وانا مكسوفه ابص في عيونك
دعاء بدون ما تبصلها: انتي ملكيش ذنب في الي حصل
ناني: العيب ع الاسلوب الي ربيتها بيه , ومش عارفه ليه مقدرتش اتعرف ع حقيقتها وصدقتها وقسيت عليكي من خلال كلامها هي
دعاء: انسي الي حصل لان انا كمان محتاجه انسي كل الي حصل
ناني: جايز تنسي لان ربنا بيصبرك , عندك قلب كريم بيسامح كل الناس ع افعالهم المشينه معاكي, وآمير انتي عارفه مدي حبه لرحاب وللسبب ده مقدرش يتحمل كل افعالها , ومش عارفه هو فينه دلوقت اتصلتي بيه خليه يرجع البيت هو رافض يرد عليا , ولا ع ابوه
دعاء بحزن: كلمته وقالي شويه وراجع ع البيت اطمني
ناني بدموع: لو تقدري تفهمي عجزي, انتي عارفه الضغط النفسي الي مرت بيه رحاب كل ما كنت احاول اقولها حاجه كانت بتحاول تمـ وت نفسها, لكن مقدرش اعيش من غير آمير, انا بحب ولادي اوي اطلبي منه ميسبناش بسبب غضبه من اخته , مقدرش اعيش لحظه واحده من غيره
دعاء لفت وبصتلها: محدش هيسيب حد كلنا هنعيش في نفس البيت
ناني بتحايل: اتصلي بيه قوليله يرجع
دعاء اتصلت بيه: آمير انت كل ده فين؟؟!!
آمير: انا قاعد بره فيه حاجه عندك
دعاء: ارجع الوقت اتأخر الكل هنا قلقان عليك جدا
آمير: مفيش داعي للقلق انا مش عيل صغير حابب اكون لوحدي وهرجع بعد شويه
دعاء: يعني مش مهتم بيا ازاي تسبني لوحدي وانا في الحاله دي انت عارف اني حزينه اكتر منك
آمير: دعاء بلاش تنفعلي
دعاء: يبقي ترجع , انا مش بخير من فضلك ارجع دلوقت انا بجد قلقانه , لو سمحت
آمير: اوكيه متقلقيش راجع حالا
ناني بلهفه: جاي
دعاء: ايوه
ناني: ربنا يباركلك يابنتي
…………قصص منه محمد كاتب……………
جيسي: كيف حال جيمي وحالته الان؟؟!!
سولا: انه ليس في حاله جيده اخبرني الاطباء , انه يعاني من كسور متفرقه
جيسي: عمتي اريد ان اقابله
سولا: الاطباء لايسمحون لاحد بمقابلته, انه في وحده العنايه المركزه , لايسمحون ان اراه انا ايضا تعالي معي غدا
جيسي بحزن: عمتي لماذا حدث هذا فجأه؟؟!!
سولا: لا استطيع معرفه كيف حدث هذا فجأه ايضا , فقط ادعو الله ان يديم حياته ويجعله في حفظه
جيسي : آمين ! عمتي لا تقلقي كل شئ سوف يتحسن
سولا: ربما عاقبه الله ع جرايمه اعلم انه اخطئ, لكنني ام لا استطيع رؤيته يذبل من الالم
جيسي: لا تبكي عمتي ارجوكي
سولا رفعت ايدها بدعاء: يارب اغفرله وساعده يرجع يقف ع رجليه مره تانيه, وهاخده لحد دعاء ورحاب يطلب الغفران, يارب اشفيه واديلو الحياه لفرصه تانيه, يكفر عن ذنوبه
……………قصص منه محمد كاتب…………..
آمير داخل بسرعه من القلق والخوف : دعاء
دعاء: رجعت اخيرا انا بستناك بقالي ساعات
آمير: حرام عليكي وقعتي قلبي , لما قولتي انك مش كويسه , عارفه انا سوقت بالعربيه ازاي لحد هنا افرضي عملت حادثه
دعاء: بعيد الشر يحصلك حاجه ربنا يسلمك من كل شر
آمير: لو حاسه بتعب يله اخدك ع المستشفي
دعاء بهدوء: لاء ياحبيبي انا زي الفل , امك كانت قلقانه , وانت رافض ترد عليها
آمير: مكنتش عايز اتكلم مع حد
دعاء: آمير كفايه بلاش تعاقب والدتك بذنب رحاب
آمير بصوت كله الم وقهر: انا مش زعلان من امي, لكن مقدرش اسامح رحاب ابدا
دعاء: الكل بيغلط
آمير نبره مشحونه بالغضب: ارجوكي كفايه , وقفي دفاع عن اخطاء رحاب, لانها اتجاوزت كل الحدود ,وهي بتحاول تشككني فيكي , وبعد الي عرفته حرفيا مش طايق ابص في وشها , ولا بقي عندي ذره حب في قلبي ليها , انا خجلان من وصفها اختي
دعاء: حبيبي ممكن تهدء وتسمعني
آمير بحده: دعاء من فضلك قفلي ع سيرتها, لاني بجد مش عايز اتكلم تاني عنها
دعاء بنرفزه خفيفه: مالك يا آمير , معقول هتفضل زعلان منها العمر كله , هي عرفت غلاطها انسي يا آمير هتفضل كدا باقيه حياتك
آمير: انسي قوليلي انسي ايه بالظبط , انسي لما فرقت بينا بدعائها انك كل يوم في علاقه شكل , ولا انسي وانا كل يوم ببكي قدامها وقلبي بيوجعني لما بفتكر غيابك , انسي اني هنت عليها تشوفني مقهور , جايز انتي تنسي انا لاء مقدرش , رحاب مكنتش بس اختي كانت صاحبتي المقربه جدا , حققت كل واحده من رغباتها من طفولتنا, اتجاهلت رغباتي وحققتلها رغباتها بدالي, لكن شوفي عملت فيا ايه, انا لما بفكر في افعالها بلاقي صعوبه ابص في عينها, شوفي انتي مهمه بالنسبه لي وهي كذالك لكن من الافضل لو بعدتي عنها هيكون احسن لك عشان تتعزز علاقتنا
دعاء: طيب غير عشان تنزل تطمنهم تحت
آمير بصلها بغيظ وسابها ودخل غرفه اللبس!!!
✿ قصص منه محمد كاتب ✿
عمال يفتح في العلب والاكياس ويرجع يتأملهم بسعاده كبيره راحت عليه تلمهم منه
آمير شدهم منها: في ايه مالك واخداهم ع فين
دعاء: هشيلهم يا آمير
آمير مبتسم: ممكن تاخديهم كمان شويه
دعاء: انت جرالك ايه, من اول مارجعنا من الشوبنج, اتفرجت ع الحاجات البيبي ستين مره
آمير ابتسم لها ابتسامه جميله : شوفتي الفستان ده روعه جدا, حتي لونه تحفه
دعاء: عارفه منا الي اخترته , وعارفه انك فرحان ببنوتك, بس جبتلها حاجات كتير
آمير: انتي بتتريقي ع ذوقي مش كدا , شوفتك وانتي بتضحكي في المحل وانا بشتري الهدوم
دعاء ضحكت: والله ما بتريق انا بس مستغربه بسعادتك الاوفر
آمير: ياعصفوره قلبي انتي لانك مش مدركه مدي سعادتي, لما هشيل بنوتي بين ايديا
دعاء: قادره احس بمشاعرك , وعارفه كمان انك منستش الاجهاض , الي حصل
آمير: انا آسف مكنش قصدي افكرك حياتي
دعاء: ليه بتقول كده انا عارفه معندكش حتي النيه تزعلني , والحياة والموت بأيد الله, الانسان ملوش دخل ابدا في امره
آمير مسك كف ايدها : روحي انتي عارفه القوه الي عطتهالي بكلامك صدقت رحاب مفيش حد يصبر زيك وبدعي ربنا تكون بنتنا شخصيتها من شخصيتك
دعاء ميلت عليه وقالت: ويكون ليها قلب زي قلبك, ممكن بقي اشيل الحاجات دي
آمير بيلف نفسه في اللحاف: اوكيه بس شويه وهاتيهم يله حبي تصبحي ع خير
دعاء شدت الغطاء من ايده بعصبيه : اصبح ع خير ايه , قوم اسهر معايا
آمير: انا عندي شغل الصبح
دعاء بنظرات تهديد : عارف لو نمت دلوقتي , مش هيحصلك طيب قوم, وقولي كلام محن
آمير عقد حواجبه وبصلها بستغراب: كلام محن , اوكيه هقول كلام محن الي انا مش عارفه, وهسهر معاكي ومش رايح المكتب بكره
دعاء حركت ايدها علي خده : انت احن راجل في الدنيا دي كلها
آمير : وانا مبسوط انك في محور حياتي , وربنا يقدرني اخليكي مبسوطه كمان وكمان
دعاء دخلت في حضنه: بحبك اوي اوي
آمير ابتسم واخدها في حضنه وباس راسها وضمها لصدره بقوة: وانا مستعد افرش الدنيا تحت رجليكي
…………..قصص منه محمد كاتب……………..
بعد خروجه من المشفي بكام يوم قاعد ع السرير كأنه في كابوس مخيف بعد ما اصبح عاجز مشلول كل الي عمله في كل الي حواليه وفكر نفسه بيه انه حويط بيتردله , ولو بعد عمر وسنين, كل اذي كان سبب فيه هيعود عليه ولو بعد حين , عشان ببساطه كل الحاجات بثبت بس انك ,داين تدان , ولو بعد حين
جيسي دخلت: جود مورنينج جيمي
جيمي رد بصوت ضعيف: جود مورنينج؟
جيسي: يبدوا انك لم تنم ع الاطلاق الليله الماضيه
جيمي: انا فقط لا استطيع النوم
جيسي بتسحب الكرس العجل: هيا دعنا نتناول الافطار
جيمي نزلت دمعة قهر من عيونه : لاجيسي انا لست جائع
جيسي فرت منها دمعه: هيا جيمي اخرج نفسك من هذا الحادث , اعترف ان كل هذا صعب للغايه , ولكن يمكنك المحاوله ان لم يكن من اجل نفسك , فمن اجل والدتك
جيمي: نعم سأحاول لمام ‘اعلم ان حياتها اصبحت مضطربه للغايه بسببي
جيسي: والدتك تحبك كثيرا مرضت الليله الماضيه لحالتك الصحيه
جيمي: لماذا لم تخبريني
جيسي: عمتي طلبت مني عدم ازعاجك
جيمي بصلها بغصه وندم : جيسي لا استطيع رؤيه الوجع والدموع في عين امي كيف حدث هذا لماذا لم استمع الي مام كانت تطلب مني مرار وتكرار ان اسير ع الطريق الصحيح ظلت تحاول ان تجعلني افهم لكن لم استمع اليها مره واحده كنت زوجا سيئا والان ابن سيئ ايضا
جيسي:من فضلك لا تبكي بهذا الشكل ان شاء الله كل شئ سيتحسن ‘عمتي تحتاج اليك الان ‘سيطر ع نفسك
جيمي: لكني الان اصبحت عبئ عليها, العبئ الذي ستتحمله مام طوال حياتها
كيف ستتمكن من قضاء حياتها مع اعاقتي, لو كنت مت لماذا لن امـ وت في ذلك الحادث
جيسي ضمته ليها وشاركته المه ووجعه العقاب الرادع لكل جريمه!!!
…………..قصص منه محمد كاتب…………
في المستشفي بعد ولاده دعاء قاعده تبصله وهو شايل البيبي وهو في قمه السعاده
آمير بيمسح ع شعرها بحنان بالغ: هي هتفتح امتي عايز العب معاها
دعاء ببتسامه: لسه مولوده ‘هتفتح كتير بعدين وهتشبع لعب معاها
آمير حط البنت في سريرها: ايوه نفسي نلعب سوي ونعمل قلبان
دعاء: ميرو ع فكره انا زعلانه اوي منك
آمير قرب جنبها وبعشق ضمها لحضنه : ياخبر ليه يا ام بنتي
دعاء: انك منعت رحاب تيجي تشوف بنتك
آمير: ايوه هي لازم تدفع تمن الي عملته , وتجني الي حصدته ‘وبصراحه كدا مش عايزها تقرب من بنتي ‘يمكن تحاول تأذيها
دعاء: مكنتش ينفع تعمل كدا يا آمير ‘رحاب اتغيرت واتكسرت كتير’ هي مش نفسها رحاب الاولي
آمير: لاء يادعاء لايمكن اثق فيها تاني
دعاء: ياقلبي الانسان خطاء ولازم تاخد فرصه تانيه واظن فات شهرين وانت رافض تكلمها انسي الي حصل كله وبلاش تقاطع اختك
آمير: انا رايح اشتري حلويات عشان عايلتك جايه يله باي
دعاء حست مفيش فايده وان آمير مش هيسامح بسهوله … شويه دخل الكل عليها بهيصه وفرحه عارمه
معمر اخد البيبي: مشاء الله لطيفه اوي
داغر بيداعب خدها برفق: نسخه مصغره مني وانا صغير
ميسر اخدتها ع ايدها: لاء دي كلها ملامح امها بالملي حبيبتنا كلنا
دعاء: لو كانت ماما معانا اليوم, كانت فرحت بينا اوي
معمر: امنا سعيده في الجنه وهي شيفانا كلنا سوي, انا متأكد بس اسمها ايه الحلوه
دعاء: كنزي
داغر: الله اسمها حلو اوي كنزنا كلنا
معمر: فين آمير
دعاء: زمانه ع وصول نزل تحت يشتري حلويات
معمر : بقولك يادودي عايزك تنصحي اخوكي كمان , لحد امتي هيفضل عايش عازب
داغر: نفس الموضوع انا مش لوحدي ياخويا انتم كلكم معايا
دعاء: ايوه لكن يادغور احنا كلنا بنحتاج شريك لحياتنا , يشاركنا فرحنا ,حزننا, افكارنا
ميسر: دعاء عندها حق ياداغر انت لازم تتجوز , انا بحس الحرج لما بشوفك لوحدك كده وآسفه انا المسؤله عن حالتك دي
داغر ابتسم لها: ايه الكلام ده ياميسر نسيت كل حاجه, ارجوكي متلوميش نفسك
ميسر بحماس: يبقي اتجوز تاني ده حقك , ونتقدم لرحاب لو لسه عايزها
آمير: مساء الخير ع كل الموجودين
الكل سلم وباركوله وداغر اخدوه بالحضن
آمير فتح العلبه: جبت حلويات ليكم كلكم , عامل ايه يا بيبو
معمر: مباركه كبيره بقدوم الملكه كنزي
آمير بسعاده كبيره: الله يبارك فيك
ميسر: ربنا يديم عليكم السعاده دايما
آمير ببتسامه : امين
ميسر: بيبو كل حلويات
آمير فرك شعر بيبو بشقاوه: ايوه يا بيبو كل