رواية دموع سيليا الفصل الثانى 2 بقلم منة سامح

اكمل بغضب:هو انتي فاكرة أنها هتسامحك انتي دمرتيها وهي لسة بتقول ياهادي علي طفولتها انتي سبيتيها ومشيتي وللاسف خدتيني معاكي سببتها مدمرة مكسورة محدش جنبها ..وبدأت عنيه تدمع:انتي دمرتينا كلنا انا انا لي مسبتنيش معاها كنت حتي ابقي سندها لي عملتي كدة 

زينب بعياط:كنت غبية كنت زهقانة من ابوك ..بس والله ندمت ندمت صدقني يا مراد ندمت …انا مش عايزاه تسامحني انا بس عايزة اشوفها المحها 

مراد بحزن:ندمتي بعد اي بعد اما بقيتي .ومقدرش يكلم 

اكملت زينب بحزن:مشلولة قولها يابني سكت ليه 

مراد بصلها بحزن ووجع وخرج 

وزينب قعدت تعيط بحزن 

(مراد الحاوي اخو سيليا 25 سنة بيحب أخته جدا بس القدر بعدهم عن بعض عنده شركات بس متجيش حاجة جمب سيليا )

★★★★

عند سيليا وصلت بيت كبير منعزل عن الناس وهو اكتر مكان سيليا بتحب تروحوا محدش يعرف عنه حاجة غير واحدة بس وهنعرفها

دخلت سيليا وفتحت التليفون واتصلت بحد 

سيليا بحب:وحشتيني اوي 

سارة بحب وفرحة :سيليا اخيرا زهرتي وحشتيني اوي بقي كل المدة مبتسأليش عني ياكلبة 

سيليا اتنهدت بحزن:معلش بقي ياصحبي بقولك متيجي تقعدي معايا 

سارة بقلق:مال صوتك ..طب هو انتي في البيت الي احنا عرفينه 

سيليا:اه هتيجي 

سارة :اه جاية يلا مسافة السكة هتلاقيني عندك وقفلت

(سارة محمد صاحبة سيليا الوحيدة الاتنين بيموتوا في بعض بنت جميلة أهلها ميتين معندهاش غير سيليا 23 سنة شريكة سيليا في بعض الشركات بتاعتها )

★★★★

عند مراد في الشركة قاعد بحزن وبيفكر في أخته الي بيسمع عنها في التليفزيون بس ونفسه يوصلها بس مش عارف قط سرحانه دخول سيف صحبه 

سيف بمرح:اي ياسطا مالك شايل طاجن ستك لي كدة 

مراد اتنهد بحزن :وحشتني اوي اوي ياسيف بجد مش عارف لي حصل كدة لي كان نفسي ابقي جنبها وابقي ليها السند بس انا سبتها سبتها زيهم ياسيف 

سيف بحزن :طب نتفكر تروحلها أو تتصل بيها حتي اسمع صوتها 

مراد بسخرية:ههه وتفتكر هتسامح طب تفتكر هتعرفيني حتي ..كنا بنلعب مع بعض  دايما كنا بنلعب مع بعض ومش بنفارق بعض كنا بنعمل مقالب كانوا يقولولنا انتو اكتر اخوات متفاهمين ربنا يخليكم لبعض .وحط رأسه بين أيده بحزن والدموع ممتلئة عينه:وامي امي الي هي السبب في كل ده بقت مشلولة لا والمشكلة أنها ندمت ..هههه ندمت ندمت بعد اي 

سيف بحزن وهو بيقرب علي مراد :يااااه ياصحبي كل ده شايلوا ….معلش ياصحبي والله كل حاجة هتتصلح وترجع احسن من اول متقلقش 

مراد بصلوا وحضنوا جامد 

★★★★★★ 

وصلت سارة عند سيليا 

سارة وهي بتطبل علي الباب بمرح وبتغني:حبيبتي افتحي بابك انا جيت انا واقف قدام الباب وحشتيني 

سيليا وهي بتفتح الباب وهي بتضحك :ادخلي يافضيحة ….استني عندك جبتي الي قولتلك عليه 

سارة وهي بتوريها الشنط الماك بثقة:عيب عليكي ..ودخلوا وقعدوا يهزروا مع بعض ويضحكوا .. بس رن تليفون سيليا 

سيليا مسكت التليفون واتبدلت ملامحها للغضب 

سارة بقلق:مالك ياسيليا مين ده 

سيليا بغضب:ده بابا …وردت 

احمد بقلق مصطنع:سيليا انتي فين قلقان عليكي اوي يابنتي 

سيليا بغضب:بلاش تمثل عليا وتعالي معايا دهري كدة من الاخر انا مش هقابل حد تمام 

احمد بغضب:والفلوس الي صرفتها اه مماانتي علي قلبك قد كدة بقي 

سيليا بكره وصوت عالي:تصدق بالله انا كنت هديك اضعافهم بس بعد الي انت قولته ده انا مش هديك حاجة وااتصرف انت بقي ولو قربتلي تاني ياباب..يااحمد والله والله ماهرحمك سيليا القديمة ماتت واتدفنت وانت عارف سيليا الجديدة عاملة ازاي دلوقتي …وقفلت في وشه 

احمد خاف جدا من كلام سيليا ليه وقعد يأنب نفسه علي الكلام الي قاله