رواية نور القلب الفصل الأول 1 بقلم إيمان السيد
رواية نور القلب الجزء الأول
رواية نور القلب البارت الأول
رواية نور القلب الحلقة الأولي
-نور بصدمه وعياط : يعني ايه العريس مجاش متهزروش يا جماعة وبطلوا بقاا اكيد احمد جاي صدقوني
-مامتها الحاجة كوثر : اهدي بس يا نور يا بنتي عقبال ما نفهم ايه الكلام اللي انت بتقوله ده يا بني
-مصطفي (صاحب احمد العريس) : والله يا حجة معرف أنا لما لقيته اتأخر قلت ارن عليه اشوفه لقيته بيقولى اقولكوا انو هو اسف ومش هيقدر ييجي
-الحاج صلاح ( والد نور ) : ايه الكلام الفارغ ده هو لعب عيال ولا ايه متفهمينا في ايه يا حاجة هادية ( دي مامت أحمد العريس ) : والله العظيم يا حاج صلاح معرف حاجه عن الكلام ده انا مصدومة اكتر منكوا
-كوثر : الحاجة هادية اكيد متعرفش حاجه دى يا حبة عيني من كتر حبها في نور جاية من بدري هي وتقي ( تقي صاحبة نور الانتيم واخت احمد ) من بدري وحتي مستنوش ييجوا مع احمد
-في وسط الكلام والمشادة دى كلها: نور بتجري على اوضتها وبتقفل الباب بالمفتاح وكلهم بيجروا وراها وعمالين يخبطوا على الباب عشان تفتح
-كوثر : نور افتحي يا بنتي متوجعيش قلبي عليكي يا حبيبتي
-تقي وهي بتعيط على صاحبة عمرها وعلى اللي اخوها عملو في نفس الوقت: نور افتحي يا حبيبتي عشان خاطري والله كل حاجه هتتحل إن شاء الله
-الحاجة هادية: نور يا حبيبتي افتحي يا بنتي متقلقيناش اكتر من كده
-الحاج صلاح : وسعوا كده يا جماعة انا معايا نسخة من مفتاح الاوضة بتاعة نور
-وفتح الحاج صلاح الاوضة وجريت كوثر على بنتها نور تاخدها في حضنها حرام عليكي يا بنتي ليه عاملة في نفسك كده
-نور بدموع وصوت مبحوح من كتر العياط : انا اتفضحت يا ماما اتفضحت خلاص مش عارفه اعمل ايه الناس هيقولوا عليا ايه
-الحاج صلاح: قطع لسان اللي يقول عليكي نص كلمة انتي بنت الحاج صلاح هاشم يعنى الكل عارف انتي علي ايه
-الحاجة هادية: حقك عليا يا بنتي حقك عليا راسي والله معرف عمل كده ليه ولا أعرف اى حاجه بس وغلاوتك عندي لجبلك حقك مش هو ابني بس انتي والله اغلي منو حقك عليا وعلى قلبي
-نور وهي لسه في حضن مامتها عملت نفسها نامت من كتر العياط أو نقدر نقول عملت نفسها نامت
-كوثر وهي بتعيط : يلا يا جماعة نسيبها تنام شوية
-خرجوا كلهم براا وكوثر عمالة تعيط وهادية بتحاول تهدي فيها وتقولها كفاية يا كوثر حرام عليكي نفسك
-كوثر : صعبتنة عليا اووي مقهورة على بنتي اوي
-هادية : اهدي بالله بس وإن شاء الله كل حاجه هتتحل وكفاية عشان ضغطك ميعلاش بقاا
-تليفون هادية بيرن : بتلاقيه عادل جوزها بترد عليه ايه يا عادل انت فين انت سايبني هنا واحنا في كارثة
-عادل بصوت مخنوق : خير يا هادية فيه ايه
-هادية : مالك يا عادل في ايه
-عادل : انا في مصيبة يا هادية
-هادية : كافالله الشر مصيبة ايه
-عادل: الصفقة اللي كنت داخلها بنص ثروتي خسرناها حد سرب المعلومات بتاعتنا والشركة المنافسة لينا كسبتها
-هادية : لا حول ولا قوه الا بالله العلي العظيم اللهم اني لا اسالك رد القضاء ولكني أسألك اللطف فيه
-عادل : كنتي بترني ليه لو عشان أنا اتأخرت فوالله غصب عني اعتزري لكل اللي عندك وأحمد انا عارف انو اكيد زعلان بس غصب عني والله
-هادية : لا ما خلاص بح
-عادل : يعني ايه
-هادية : ابنك مجاش وكتب الكتاب اتلغي منا كنت برن عليك عشان كده انا رنيت على أحمد لحد دلوقتي ولا مية مرة وكان مغلق وبعدين اتقفل
-عادل بعصبية شديدة: ايه الكلام الفارغ ده هو لعب عيال ولا ايه بالظبط
-هادية: انت لازم تيجي حالا عشان نور منهارة وكوثر هي كمان وانا في نص هدومي نفسي الارض تنشق وتبلعني من اللي ابنك عملو
-عادل : اقفلي اقفلي انا جاي حالا وبإذن الله هشوف حل
-نرجع لنور تاني بعد ما الكل خرج وهي باصة للسقف: وبتفكر في ألف حاجه وحاجة وكل اللي مستحوذ عليها هو ليه ايه اللي حصل لده كله ازاي ميجيش احمد اللي كان بيعشق التراب اللي بمشي عليه ويتمني يعمل اي حاجه في سبيل سعادتي وضحكتي يعنى ايه ده كلو كان وهم بس ازاي انا كنت بشوف لمعة عينه وهو بيكلمني
-دلوقتي جه الوقت اللى اعرفكوا بنفسي
-انا نور ٢١ سنة كلية آداب قسم علم نفس انا وحيدة بابا وماما ، واللي شفتوها فوق ايوه دى صاحبتي وانتمتي تقي هي معايا في نفي الكلية ونفس القسم واتعرفنا في أول سنة جامعة ولسة مستمرين ، وده اخوها احمد أو المفروض انو العريس احمد اكبر مني بتلت سنين بيشتغل مهندس في شركة أبوه هما اللهم بارك عيلة ميسورة الحال وكدة ، طبعا هحكيلكوا اتعرفنا ازاي بس وللحكاية بقية…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نور القلب)
2 تعليقات